Tag: ملاقاتیں

نوازشریف سے ایرانی صدراورکرغزستان کے وزیراعظم کی ملاقاتیں

اسلام آباد : وزیراعظم نوازشریف سے ایران کے صدر اور کرغزستان کے وزیراعظم نے علیحدہ علیحدہ ملاقاتیں کی ہیں، ملاقات میں باہمی دلچسپی کے امور پر تبادلہ خیال کیا گیا۔

تفصیلات کے مطابق ایران کےصدرحسن روحانی نے وزیر اعظم ہاؤس میں نواز شریف سے ملاقات کی، وزیراعظم نے پاکستان آمد پر ایران کے صدر کا خیرمقدم کیا۔

ای سی اوسربراہ اجلاس میں شرکت کرنے پر نواز شریف نے صدرحسن روحانی سے اظہارتشکر کرتے ہوئے کہا کہ بانی رکن کی حیثیت سےتنظیم میں ایران کا کردارقابل تعریف ہے۔

ملاقات میں دونوں رہنماؤں نے باہمی دلچسپی، عالمی اورعلاقائی امور پرتبادلہ بھی خیال کیا اور دو طرفہ تعلقات سے متعلق تفصیلی بات چیت کی گئی۔

علاوہ ازیں وزیراعظم نوازشریف سے کرغزستان کے وزیراعظم نے بھی ملاقات کی۔ ملاقات میں جین بے کوف سرون بائے کی قیادت میں کرغز وفد شریک ہوا، کرغز وزیراعظم نے ای سی او اجلاس کے کامیاب انعقاد پر وزیراعظم نواز شریف کو مبارکباد پیش کی۔

اس موقع پربات چیت کرتے ہوئے وزیراعظم نوازشریف نے کہا کہ مئی 2015 میں بشکک کا دورہ بہت سود مند ثابت ہوا، دونوں رہنماؤں کنے تجارت،معیشت، توانائی اوردفاع میں تعاون بڑھانے پر زور دیا۔

اس کے علاوہ رہنماؤں کنے توانائی، مواصلاتی رابطوں کے منصوبوں پرعملدرآمد کےعزم کا اظہار بھی کیا۔

مارچ 1, 2017
برطانیہ کے وزیر خارجہ دو روزہ دورے پر پاکستان پہنچ گئے

اسلام آباد: برطانوی وزیرخارجہ بورس جانسن دو روزہ دورے پراسلام آباد پہنچ گئے۔وزارت خارجہ کے حکام نے بورس جانسن کا ایئر پورٹ پر استقبال کیا۔

تفصیلات کےمطابق برطانوی وزیر خارجہ دو روزہ دورے پر اسلام آباد پہنچ گئے جہاں وہ مشیر خارجہ سرتاج عزیزکےساتھ باضابطہ مذاکرات بھی کریں گے۔

دونوں رہنماوں کے درمیان ملاقات میں مختلف شعبوں میں تعاون بڑھانے کے علاوہ علاقائی صورتحال اور باہمی دلچسپی کے بین الاقوامی معاملات بھی زیر بحث آئیں گے۔

برطانوی وزیرخارجہ اور مشیرخارجہ سرتاج عزیز کی ملاقات کے بعد مشترکہ نیوز کانفرنس بھی کی جائے گی۔

بورس جانس کے دوروزہ دورے کے دوران صدرپاکستان ممنون حسین اور وزیراعظم نوازشریف سے ملاقات کا بھی امکان ہے۔

یاد رہے کہ رواں ماہ 13نومبر کو وزیرداخلہ 3روزہ دورے پر برطانیہ گئے تھے جہاں انہوں نے برطانوی وزیراعظم اوردیگر حکام سے ملاقاتیں کی تھیں۔

مزید پڑھیں:بانی ایم کیو ایم کا معاملہ پاک برطانیہ تعلقات میں حائل ہے، چوہدری نثار

واضح رہے کہ برطانوی حکام سے ملاقاتوں کے بعد وزیرداخلہ چوہدری نثار علی خان کا کہناتھاکہ چاہتاہوں بانی ایم کیو ایم کا معاملہ روڈ بلاک نہ بنے کیوں کہ بانی ایم کیو ایم کا معاملہ پاک برطانیہ کے درمیان رکاوٹ ہے۔

نومبر 24, 2016
وزیراعظم نوازشریف آذربائیجان سے وطن کےلیےروانہ

کراچی : وزیراعظم پاکستان نواز شریف آذربائیجان کا تین روزہ دورہ مکمل کرنے کے بعد وطن واپس روانہ ہوگئے۔

تفصیلات کےمطابق وزیراعظم نوازشریف آذربائیجان کے صدر کے دعوت نامے پر3روزہ دورے کے لیے جمعرات کو آذربائیجان پہنچے تھے جہاں اعلیٰ حکام نے باکو ایئرپورٹ پر ان کا پرتباک استقبال کیاتھا۔

وزیراعظم نوازشریف نے تین روزہ دورے میں آذربائیجان کے صدر اور وزیراعظم سمیت دیگر حکام سے ملاقاتیں کیں،ان ملاقاتوں میں سرمایہ کاری سمیت دیگر شعبوں میں تعاون کے فروغ پر تبادلہ خیال ہوا۔

یاد رہےکہ گزشتہ روز کے پاکستان کے وزیر اعظم نواز شریف ہمراہ پریس کانفرنس کرتے ہوئےآذربائیجان کے صدر الہام علیوف کا کہناتھاکہ پاکستان ہمارے فوجیوں کی تربیت کرے گا،پاکستان ہمارا قریبی دوست اور اتحادی ہے۔

بعدازاں وزیراعظم پاکستان نے باکو اسٹیٹ یونیورسٹی کادورہ کیا جہاں باکو اسٹیٹ یونیورسٹی کی جانب سے ڈاکٹریٹ کی اعزازی ڈگری بھی دی گئی۔انہوں نے اپنے تین روزہ آذربائیجان دورے کے اختتام پرباکو میں شہداءکی یادگارہ پر حاضری بھی دی۔

نوازشریف اپنے دورہ آذربائیجان کے اختتام پر اب سےکچھ دیر قبل باکو ایئرپورٹ پہچنےجہاں صدرآذربائیجان اوردیگر اعلیٰ حکام نے انہیں رخصت کیا۔ان کے ہمراہ خاتون اول کلثوم نواز بھی موجود تھیں۔

واضح رہےکہ وزیراعظم نوازشریف 13اکتوبرکو اپنے تین روزہ دورے پرآذربائیجان روانہ ہوئے تھےان کے ہمراہ وزیراعظم پاکستان کے ہمراہ ان کے مشیر خارجہ طارق فاطمی تھے۔

اکتوبر 15, 2016
گیس کی قیمتیں بڑھانے کی تجویز منظور نہیں‌ کریں‌ گے، نواز شریف

باکو: وزیراعظم نوازشریف کا کہنا ہے کہ عمران خان وفاقی دارالحکومت کو بند کرنا چاہتے ہیں لیکن اسلام آباد کھلا رہے گا، گیس کی قیمتیں بڑھانے کی تجویز آئی ہے لیکن اسے منظور نہیں کریں گے۔

تفصیلات کےمطابق آذر بائیجان کے دورے پروزیراعظم نوازشریف کاکہنا تھا کہ پاک چین اقتصادی راہداری پر ترقیاتی کام تیزی کے ساتھ جاری ہے لیکن کچھ لوگوں کو یہ ہضم نہیں ہو رہا۔

وزیراعظم نے کہا کہ سی پیک پر ترقی کی رفتار میں سستی کا تاثر درست نہیں ہے،اس منصوبے پر تیزی کے ساتھ کام جاری ہے جس پر چین نے بھی اطمینان کا اظہار کیا ہے۔

مزید پڑھیں:آذربائیجان کا پاکستان کے ساتھ مشترکہ فوجی مشقیں کرنے کااعلان

انہوں نے کہا کہ وفاقی وزیر برائے منصوبہ بندی احسن اقبال کو سی پیک منصوبے پر تحفظات دور کرنے کی ہدایت کی ہے۔

وزیراعظم نےگیس کی قیمتوں میں اضافے پر بات کرتے ہوئے کہاکہ گیس کی قیمتوں میں اضافے کی تجویز آئی تھی جسے منظور نہیں کیا جائےگا۔

مزیدپڑھیں:وزیراعظم3روزہ دورے پر آذربائیجان روانہ

واضح رہے کہ نوازشریف کا کہنا تھا کہ نے کہا کہ پاکستان اور بھارت کے درمیا ن بنیادی مسئلہ کشمیر ہے،اگر نریندر مودی سنجیدہ ہے تو مذاکرات ہو سکتے ہیں۔

اکتوبر 15, 2016
آصف زرداری امریکہ میں اہم عہدیداروں سے ملاقاتیں کریں گے

واشنگٹن : سابق صدر آصف زرداری امریکہ پہنچ گئے۔ واشنگٹن میں بلاول بھٹو اور آصف زرداری اعلی امریکی عہدیداروں سے ملاقاتیں کریں گے۔

تفصیلات کے مطابق سابق صدر آصف علی زرداری جو ان دنوں نیو یارک میں ہیں، وہ آئندہ چند روز میں امریکہ میں اہم عہدیداروں سے ملاقاتیں کریں گے۔

اس سلسلے میں امریکہ میں تیاریاں شروع کر دی گئی ہیں۔ جبکہ بلاول بھٹو زرداری اس وقت اسلام آباد میں ہیں جہاں سے وہ بھی امریکہ جا رہے ہیں۔

بلاول بھٹو کے ساتھ امریکہ میں سابق سفیر شیریں رحمان بھی جائیں گی۔ ذرائع کے مطابق آصف زرداری بلاول بھٹو اور شیریں رحمان کے ہمراہ واشنگٹن جائیں گے۔

زرداری اور بلاول کی امریکہ آمد کسی نئی سیاسی محاذ آرائی کا پیش خیمہ ہے کیونکہ حالیہ دنوں میں حکومتی کارروائیوں سے پیپلز پارٹی کافی ناخوش ہے۔

ذرائع کا کہنا ہے کہ آصف زرداری پاکستانی اسٹیلشمنٹ اور سندھ میں اپنی حکومت کیخلاف سلوک کے حوالے سے شکایات لے کر پہنچے ہیں۔

جنوری 19, 2016
داعش کے خاتمے کے لیے برطانیہ کو مزید سرگرم ہونا پڑے گا، ڈیوڈ کیمرون

نیو یارک: برطانوی وزیر اعظم ڈیوڈ کیمرون کا کہنا ہے کہ داعش کے خاتمے کے لیے برطانیہ کو مزید سرگرم ہونا پڑے گا۔

امریکی نشریاتی ادارے کے پروگرام میں اظہار خیال کرتے ہوئے برطانوی وزیر اعظم کا کہنا تھا کہ دنیا دہشت گردی کی جس لہر کا سامنا کر رہی ہے اسے شکست دینے کے لیے ضروری ہے کہ شام اور عراق سے داعش کا خاتمہ کیا جائے، ان کی حکومت اس بین الاقوامی اتحاد کا حصہ ہے جو دونوں ممالک میں داعش کے ٹھکانوں پر گزشتہ کئی ماہ سے فضائی حملے کر رہا ہے تاہم وہ سمجھتے ہیں کہ داعش کے خلاف برطانیہ کو مزید سرگرمی دکھانا پڑے گی۔

غیر ملکی خبر رساں ایجنسی کے مطابق دوہزار تیرہ میں برطانوی پارلیمنٹ نے قرارداد پاس کی تھی کہ برطانوی فوج شام اور عراق نہیں بھیجی جائیگی، نہ ہی طیارے فضائی حملوں میں حصہ لیں گے،لیکن فریڈم ایکٹ کے تحت لئے گئ دستاویزات سے معلوم ہوا کہ برطانوی پائلٹ اتحادی فوج کےساتھ ملکرشام اورداعش پر حملے کررہے ہیں۔

ڈیوڈ کیمرون نے کہا کہ دہشت گردی کے خاتمے کے لیے ضروری ہے کہ ایسے شدت پسند نظریات کو بھی شکست دی جائے جس کا براہِ راست تشدد سے تعلق نہ ہو۔ انہیں امید ہے کہ ان کی حکومت برطانیہ کے نوجوانوں کو داعش اور اس کے نظریات کا شکار ہونے سے بچانے میں کامیاب رہے گی۔

برطانوی وزیراعظم ڈیوڈ کیمرون نے کہاکہ داعش دنیا کے امن کیلئے خطرہ ہے اور وہ مزید فوج بھیج کر داعش کا خاتمہ چاہتے ہیں،لیکن پارلیمنٹ کوساتھ لے کا چلنا چاہتے ہیں۔

واضح ر ہے کہ ایک محتاط اندازے کے مطابق داعش میں کئی درجن برطانوی بھی شامل ہیں جو انٹرنیٹ پر موجود شدت پسند مواد سے متاثر ہوکر داعش میں بھرتی ہوئے ہیں۔

جولائی 20, 2015
وزیر داخلہ چوہدری نثارعلی آج کراچی کا دورہ کریں گے

اسلام آباد : وزیر داخلہ چوہدری نثار علی خان آج کراچی کا دورہ کر رہے ہیں۔ اپنے دورے کے دوران وہ کراچی میں امن و امان کے جائزہ اجلاس میں شرکت سمیت اہم ملاقاتیں کریں گے۔

ترجمان وزارت داخلہ کے مطابق وزیر داخلہ چوہدری نثار علی خان امن و امان سے متعلق اہم اجلاس کی صدارت کریں گے۔

اجلاس میں سیکیورٹی کی صورتحال، سانحہ صفورا اور رینجرز کی جانب سے جاری آپریشن سے متعلق امور پر تبادلہ خیال کیا جائے گا۔

ترجمان کے مطابق وزیر داخلہ کراچی میں وزیر اعلیٰ سندھ قائم علی شاہ، گورنر ڈاکٹر عشرت العباد سے ملاقاتیں کریں گے۔

وزیرداخلہ رینجرز ہیڈ کوارٹر بھی جائیں گے جہاں وہ اجلاس کی صدارت کریں گے۔ اجلاس کے بعد وزیر داخلہ اسماعیلی برادری سے بھی ملاقات کریں گے۔

مئی 18, 2015
نواز شریف آج ڈیوڈ کیمرون ودیگرحکام سے ملاقاتیں کریں گے

لندن : وزیراعظم نوازشریف دورہ لندن میں آج برطانوی ہم منصب ڈیوڈ کیمرون اوردیگراعلیٰ برطانوی حکام سے ملاقاتیں کریں گے۔

اس موقع پردوطرفہ تعلقات، یمن کی صورتحال سمیت دیگراہم امورپرتبادلہ خیال کیا جائے گا۔ تفصیلات کے مطابق وزیراعظم نوازشریف برطانوی ہم منصب ڈیوڈ کیمرون کی دعوت پربرطانیہ کے دورے پرہیں۔

وزیراعظم آج برطانوی وزیراعظم اوردیگراہم شخصیات سے ملاقاتیں کریں گے جس میں علاقائی اورعالمی اموراوردوطرفہ تعلقات کے فروغ پربات ہوگی۔ وہ گیلی پولی مہم کی صدسالہ قومی تقریب اور اینزک ڈے میں شرکت کریں گے۔

نواز شریف برطانوی سرمایہ کاروں اور تاجروں سے بھی ملاقاتیں کریں گے اور عالمی کانفرنس میں بھی شریک ہوں گے۔

لندن میں میڈیا سے گفتگومیں وزیراعظم نوازشریف کا کہنا تھا برطانیہ، پاکستان کا قریبی دوست ہے اور ہمارے بہترین تعلقات ہیں۔

انہوں نے کہا کہ دورہ سعودی عرب میں سعودی حکومت نے پاکستان سے کوئی خواہش یا مطالبہ نہیں کیا ۔سعودی عرب برادر ملک ہے جس کی حفاظت کیلئے ہر وقت تیار ہیں۔

وزیراعظم کا یہ بھی کہنا تھا کہ چینی صدرکا دورہ دھرنوں کی وجہ سے تاخیرسے ہوا۔

اپریل 25, 2015