Tag: ملاقات

راولپنڈی : پاک فوج کے سربراہ جنرل قمر جاوید باجوہ اور سربراہ ایران فضائیہ کے درمیان ملاقات میں دو طرفہ باہمی دلچسپی کے امور اور پیشہ ورانہ امور پر تبادلہ خیال کیا گیا.

تفصیلات کے مطابق ایران فضائیہ کے چیف حسن شاہ صفی پاکستان کے مختصر دورے پر پہنچے ہیں اور آج آرمی چیف قمر جاوید سے جنرل ہیڈ کوارٹر راولپنڈی میں ملاقات کی جہاں دونوں عسکری رہنماؤں کے درمیان پیشہ ورانہ امور پر تبادلہ خیال ہوا اور خطے کی سیکیورٹی سے متعلق امور پر گفت وشنید بھی کی گئی.

پاک فوج کے تعلقات عامہ کے ادارے (آئی ایس پی آر) کی جانب سے جاری کیے گئے اعلامیہ کے مطابق اسلامی جمہوریہ ایران کی فضائیہ کے سربراہ بریگیڈیئرجنرل حسن شاہ صفی نے چیف آف آرمی اسٹاف جنرل قمر جاوید باجوہ سے آج جنرل ہیڈ کوارٹر راولپنڈی میں ملاقات کی، دونوں عسکری رہنماؤں کے درمیان پیشہ ورانہ دلچسپی کے امور پر تبادلہ خیال کیا گیا.

واضح رہے کہ قبل ازیں ایرانی سفیر مہدی ہنر دوست نے 19 فروری کو پاک فوج کے سپہ سالار جنرل قمر جاوید باجوہ سے ملاقات کی تھی، ایرانی سفیر نے دہشت گردی کے خلاف جنگ میں پاک فوج کی قربانیوں کوخراج تحسین پیش کیا تھا اور ملاقات میں علاقائی سیکیورٹی اور پاک ایران بارڈرمنیجمنٹ پر تبادلہ خیال کیا گیا تھا.

---

خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

اسلام آباد : وزیراعظم شاہد خاقان عباسی نے کہا ہے کہ پاکستان خطے میں امن وسلامتی اور استحکام کے فروغ کے لیے پُرعزم ہیں اور جاپان کے ساتھ اپنے خوشگوار تعلقات کو مزید فروغ دینے کے عزم کا اعادہ کرتا ہے.

ان خیالات کا اظہار انہوں نے جاپانی وزیر خارجہ تارو کونو سے ہونے والی ملاقات میں کیا، وزیراعظم پاکستان نے جاپانی وزیر خارجہ کی پاکستان آمد پر شکریہ ادا کرتے ہوئے کہا کہ پاکستان کی عوام اور حکومت جاپان سے گہرا لگاؤ رکھتے ہیں اور جاپان کے ساتھ تمام شعبوں میں تعاون بڑھانے کے خواہاں ہیں.

وزیراعظم شاہد خاقان عباسی نے کہا ہے کہ پاکستان جاپان کے ساتھ معاشی اور سماجی تعلقات کو انتہائی اہمیت دیتا ہے، پاکستان کی سماجی اور اقتصادی ترقی میں جاپان کا کردار قابل تعریف رہا ہے اس لیے امید کرتے ہیں کہ جاپانی سرمایہ کار پاکستان میں معاشی مواقعوں سے مزید فائدہ اٹھائیں گے.

وزیرا عظم پاکستان کا کہنا تھا کہ دہشت گردی کے خاتمے کے لیے پاکستانی فوج اور قوم نے بے مثال قربانیاں دی ہیں اور بھاری جانی و مالی نقصان اٹھانے کے باوجود قوم اپنی بہادر فوج کے ساتھ مل کر دہشت گردی کوجڑسے اکھاڑ پھینکنے کی کوششوں کو جاری رکھے ہوئے ہے.

وزیراعظم شاہد خاقان نے کہا کہ بھارت مذاکرات سے راہ فرار کے حربے اختیار کر رہا ہے، مقبوضہ کشمیرمیں انسانی حقوق کی خلاف وزریاں کرنے والا تشدد کا راستہ اختیارکر کے جنوبی ایشیا میں جنگی صورت حال پیدا کرنا چاہتا ہے جس سے امن کے قیام میں مدد نہیں ملے گی.

---

آرمی چیف سے جاپانی وزیرخارجہ کی اہم ملاقات، امن واستحکام کیلئے پاکستان کی کاوشوں کی تعریف

---

اس موقع پر جاپانی وزیر خارجہ کا کہنا تھا کہ دہشت گردی کے خلاف پاکستان کا کردار قابل تعریف ہے جسے جاپان نہ صرف یہ کہ تسلیم کرتا ہے بلکہ معترف بھی ہے.

جاپانی وزیر خارجہ تاروکونو نے پاکستان کے ساتھ تعاون جاری رکھنے کے عزم کا اعادہ کرتے ہوئے کہا کہ دہشت گردی کے خاتمے کے لیے پاکستان کا کردار نہایت اہمیت کا حامل ہے جسے جاپانی حکومت اور جاپانی عوام قدر کی نگاہ سے دیکھتے ہیں.

اسلام آباد : ترجمان دفتر خارجہ ڈاکٹر فیصل نے کہا ہے کہ بھارتی دہشت گرد کلبھوشن معمولی آدمی نہیں بلکہ مجرم ہیں جس سے اہل خانہ کی ملاقات محض انسانی ہمدردی کی بنیاد پر کرائی.

ان کا خیالات اظہار انہوں نے پریس کانفرنس کرتے ہوئے کیا، ترجمان دفترخارجہ کا کہنا تھا کہ بھارتی پروپیگنڈوں کے باوجود کلبھوشن کی اہل خانہ سے ملاقات کرائی کس کا دورانیہ 30 منٹ طے کیا گیا تھا لیکن اہل خانہ کی درخواست دس منٹ اور دے دیئے گئے.

انہوں نے کہا کہ پاکستان کے مثبت اور مخلصانہ رویے کو بھی بھارتی میڈیا نے منفی کوریج دی جب کہ بھارتی حکومت کی جانب سے بھی اہل خانہ کی ملاقات کے احسن قدم کوغلط رنگ دینے کی کوشش کی گی جو کہ قابل مذمت ہے.

ترجمان دفتر خارجہ نے کہا کہ پاکستان نے مہمانوں کی عزت و احترام میں کوئی کمی نہیں چھوڑی گی لیکن اگر بھارت سراہتا نہیں تو کم ازکم پاکستان کے اچھے فعل کو تسلیم کرے.

---

 کلبھوشن کا والدہ اوراہلیہ کے سامنے پاکستان میں جاسوسی اور دہشتگردکارروائیوں میں ملوث ہونے کا اعتراف

---

ایک سوال کے جواب میں ڈاکٹر فیصل نے بتایا کہ کلبھوشن یادیو کی اہلیہ اور والدہ کے لباس تبدیل کرانے کا مقصد سیکیورٹی کو چیک کرنا تھا اور اسی تناظر میں کلبھوشن سے مراٹھی میں بات کی اجازت نہیں دی تھی تاہم انہوں نے 40 منٹ تک انگریزی میں بات کی.

ترجمان دفتر خارجہ نے مزید بتایا کہ بھارتی ہائی کمیشن نے 24 دسمبر کو میڈیا کے انتظامات کا جائزہ لیا تھا اور ان کی جانب سے میڈیا سے متعلق انتظامات پراعتراض نہیں کیا گیا تھا اور اگر کوئی اعتراض ہوتا بھی تو موقع پر ہی بتادینا چاہیے تھا.

انہوں نے کہا کہ کامیاب ملاقات اور انتظامات پر خوشی کا اظہار کلبھوشن کی والدہ کے شکریہ ادا کرنے سے پتہ چل جاتا ہے، پاکستان نے کسی سے کچھ بھی نہیں چھپایا لیکن بھارتی رویے پر کہا جا سکتا ہے کہ نیکی کر دریا میں ڈال.

---

 بھارتی دہشت گردکلبھوشن کی اہلیہ اوروالدہ سےملاقات

---

ترجمان دفتر خارجہ نے ایک سوال کے جوام میں کہا کہ سشما سوراج کی پارلیمنٹ میں کی گئی تقریر میں حقائق کو توڑ مروڑ کر اپنی خواہش کا لبادہ کا اوڑھا کر پیش کیے گئے ہیں جس کا جواب وفاقی وزیر خارجہ کی جانب سے دیا جائے گا.

علاوہ ازیں ترجمان دفتر خارجہ نے بتایا کہ رواں برس بھارت نے ایل او سی کی 1300 سے زائد خلاف ورزیاں کیں اور آج بھی بھارتی قائم مقام ڈپٹی ہائی کمشنر کو بلاجواز فائرنگ پر طلب کیا گیا تھا.

ترجمان دفتر خارجہ نے کہا کہ بینرز مہم سے متعلق پاکستانی مشن سے معلومات لے رہے ہیں پاکستان میں پہلی اسپیکرز کانفرنس کا انعقاد کیا گیا پہلے چین، پاکستان، افغانستان کے وزراء خارجہ کے مذاکرات ہوئے جب کہ جاپان کے وزیرخارجہ 3 جنوری کو پاکستان کے دورے پر آئیں گے.

خیال رہے کہ بھارتی وزیر خارجہ سشما سوراج نے اپنی ناکامی کو چھپانے کے لیے پارلیمنٹ میں تقریر کرتے ہوئے کلبھوشن یادیو کی اہلیہ اور والدہ سے ملاقات سے متعلق غلط معلومات فراہم کیں.

سشما سوراج نے کلبھوشن یادیو کی اہلیہ کے جوتے واپس نہ کرنے، میراٹھی زبان میں بات نہ کرنے دینے اور لباس تبدیل کرانے کے سیکیورٹی معاملات کو سیاسی رنگ دینے کی کوشش کی تھی.