راولپنڈی : سربراہ پاک فضائیہ ایئر چیف مارشل سہیل امان نے کہا ہے کہ پاکستان اور اردن کے درمیان دوستانہ اور برادرانہ تعلقات ہیں جسے مزید وسعت دی جائے گی.

ان خیالات کا اظہار انہوں نے نے رائل اردن فضائیہ کے کمانڈر سے ملاقات کے دوران کیا جو ایئر ہیڈ کوارٹرز اسلام آباد کے دورے پر پہنچے تھے جہاں ایئر چیف مارشل سہیل امان نے مہمان کا استقبال کیا اور پاک فضائیہ کے چاق وچوبند دستے نے اردن فضائی کمانڈر کو سلامی پیش کی.

کمانڈررائل اردن فضائیہ کو ائیر ہیڈ کوارٹرز میں ایک بریفنگ بھی دی گئی جس میں انہیں پاک فضائیہ کے تنظیمی ڈھانچہ اور پیشہ ورانہ کردار سے آگاہ کیا گیا۔

سربراہ پاک فضائیہ سے کمانڈر رائل اردن فضائیہ کی ملاقات میں پیشہ ورانہ دلچسپی کے امور پر تبادلہ خیال کیا گیا اور باہمی دلچسپی کے امور سمیت خطے میں مستحکم امن و امان میں فضائیہ کے کردار پر بات چیت بھی کی گئی جب کہ پیشہ ورانہ تعاون کے لیے معلومات اور ٹیکنالوجی کے تبادلے پر اتفاق کیا گیا.

دوران ملاقات کمانڈررائل اردن فضائیہ نے پاک فضائیہ کی پیشہ ورانہ مہارت کی تعریف کرتے ہوئے دہشت گردی کے خلاف جنگ میں پاک فضائیہ کے کردار کو سراہا اور پاک فضائیہ کے جوانوں کی قربانیوں پر خراج تحسین پیش کیا اور دہشت گردی کے خلاف جنگ میں پاک فضائیہ کے تجربات سے سیکھنے کی خواہش کا اظہار بھی کیا.

اس موقع پر پاک ایئرچیف سہیل امان نے رائل اردن فضائیہ کے کمانڈر کی پاکستان آمد پر مسرت کا اظہار کرتے ہوئے پاک فضائیہ سے متعلق اُن کے جذبات و احساسات پر شکریہ ادا کیا اور رائل اردن فضائیہ کی درخواست پر ایوی ایشن کے شعبے اور فوجی تربیت میں ہر ممکن تعاون کی پیشکش بھی کی.

خیال رہے کہ رائل اردن فضائیہ کا وفد پاک فضائیہ کی دعوت پر پاکستان کے چار روزہ دورے پر آیا ہوا ہے اس دوران اردن فضائیہ کے وفد کو پاک فضائیہ کے مختلف ائیر بیسز اور تنصیبات کا معائنہ کرایا جائے گا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

ریاض: آرمی چیف جنرل قمر جاوید باجوہ سے سعودی ولی عہد شہزادہ محمد بن سلمان سے ملاقات کی جس میں باہمی دلچسپی کے امور پر تبادلہ خیال کیا گیا۔

سعودی خبرایجنسی کے مطابق آرمی چیف جنرل قمر جاوید باجوہ سے سعودی ولی عہد شہزادہ محمد بن سلمان نے سعودی عرب کے دارالحکومت ریاض میں ملاقات کی۔

دونوں رہنماؤں نے ملاقات میں سعودی عرب اور پاکستان کے باہمی تعلقات پرتبادلہ خیال کیا، ملاقات میں دیگر اعلیٰ حکام نے بھی شرکت کی اور باہمی دلچسپی کے امور پر تبادلہ خیال کیا۔

حرمین شریفین کا دفاع‘پاکستان غیر مشروط تعاون کرتا رہے گا، آرمی چیف

خیال رہے کہ 9 اگست کو آرمی چیف سے سعودی نائب وزیردفاع کی محمد بن عبداللہ سے ملاقات ہوئی تھی جس میں دوطرفہ تعاون اور باہمی دلچسپی کے امور پر تفصیلی تبادلہ خیال کیا گیا تھا۔

آرمی چیف جنرل قمر جاوید باجودہ کا کہنا تھا کہ پاکستان حرمین شریفین کے دفاع کے لیے غیر مشروط تعاون کرتا رہے گا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

لاہور: وزیراعلیٰ پنجاب شہبازشریف کا کہنا ہے کہ ملکی ترقی وخوشحالی پہلے بھی مقدم ہے اور رہے گی لیکن بعض سیاسی عناصر افراتفری پھیلانے کی کوشش کررہے ہیں۔

تفصیلات کے مطابق وزیراعلیٰ پنجاب شہبازشریف سے مسلم لیگ ن کے رہنما حنیف عباسی نے ملاقات کی جس میں شہبازشریف نے کہا کہ دھرنا گروپ نے ہمیشہ ترقی کے سفر میں رکاوٹیں کھڑی کیں۔

شہبازشریف نے کہا کہ پی ٹی آئی عوام کی ترقی چاہتی ہے نہ ملک کی خوشحالی، انہوں نے کہا کہ عوام کی ترقی کے مخالفین کو ہرمحاذ پر ناکامی کا سامنا کرنا پڑا ہے۔

وزیراعلیٰ پنجاب نے کہا کہ عوام اپنے مسائل کا حل اورخوشحالی چاہتے ہیں انہوں نے کہا کہ رکاوٹیں ڈالنےوالوں کا محاسبہ عوام 2018 کے انتخابات میں کریں گے۔

دوسری جانب مسلم لیگ ن کے رہنما حنیف عباسی نے کہا کہ حکومت کے خلاف سازش کی جارہی ہے جبکہ عمران خان اور شیخ رشید قوم کو گمراہ کررہے ہیں۔

حنیف عباسی کا کہنا تھا کہ نوازشریف کا قصور یہ تھا کہ سی پیک بنایا اور پنجاب میں سڑکوں کے جال بجھا دیے۔

بلاخوف کہہ سکتاہوں شفافیت نے نوازشریف کے گزشتہ ادوار کو مات کیا،شہبازشریف

واضح رہے کہ دو روز قبل وزیراعلیٰ پنجاب شہباز شریف نےمسلم لیگ ن کے جنرل کونسل اجلاس سے خطاب کرتے ہوئے کہا تھا کہ کیا احتساب صرف ن لیگ کے لیے ہے، بلا خوف کہہ سکتا ہوں شفافیت نے نوازشریف کے گزشتہ ادوار کو مات دیا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

لاہور: وزیراعلیٰ پنجاب شہبازشریف کا کہنا ہے کہ پاکستان اور انڈونیشیا میں مذہبی، ثقافتی اور تجارتی تعلقات ہیں۔

تفصیلات کے مطابق وزیراعلیٰ ہاؤس میں انڈونیشیا کے سیفر نے وزیراعلیٰ پنجاب شہبازشریف سے ملاقات کی جس میں باہمی دلچسپی کے امور سمیت دو طرفہ تعاون کے فروغ پر تبادلہ خیال کیا گیا۔

اس موقع پر وزیراعلیٰ پنجاب کا کہنا تھا کہ پاکستان اور انڈونیشیا میں تجارتی ومعاشی روابط کو بڑھانے کی ضرورت ہے۔ انہوں نے کہا کہ زرعٰی شعبے میں بھی انڈونیشیا کے ساتھ درآمد بڑھائی جاسکتی ہے۔

وزیراعلیٰ پنجاب شہبازشریف کا کہنا تھا کہ دونوں ملکوں میں تجارتی وفود کے تبادلوں سے معاشی تعلقات کو فروغ ملے گا۔

دوسری جانب انڈونیشین سفیرآئیوان ایس آمری کا کہنا تھا کہ پاکستان کے ساتھ حلال فوڈ سمیت دیگر شعبوب میں مزید تعاون کے خوائش مند ہیں۔

اپنے آپ کوعوام کا خادم کہلوانے پرفخرمحسوس کرتا ہوں‘ شہبازشریف

واضح رہے کہ گزشتہ ہفتے شہبازشریف نے ڈیرہ غازی خان میں جلسے سے خطاب کرتے ہوئے کہا تھا کہ ہم عوام کی خدمت کا کوئی موقع ہاتھ سے جانے نہیں دیتے اگرہم نے9 سال میں عوام کا ایک دھیلا بھی کھایا ہو توعوام کا ہاتھ اورمیرا گریبان ہوگا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

لاہور: چیئرمین بحریہ ٹاؤن ملک ریاض کا کہنا ہے کہ بیگم کلثوم نواز کی خیریت دریافت کرنے کے لیے نوازشریف سے ملاقات کی۔

تفصیلات کے مطابق چیئرمین بحریہ ٹاؤن ملک ریاض نے سماجی رابطے کی ویب سائٹ ٹویٹر پر اپنے پیغام میں کہا کہ نوازشریف سے ملاقات سے متعلق قیاس آرائیوں میں کوئی صداقت نہیں ہے۔

All speculations on meeting NS are incorrect.I don’t carry pol. baggage of anyone&don’t ve any pol.motivations,agenda or role whatsoever.1/3

— Malik Riaz Hussain (@MalikRiaz_) September 29, 2017

ملک ریاض نے کہا کہ بیگم کلثوم نواز کی خیریت دریافت کرنے کے لیے نوازشریف سے ملاقات کی۔

I visited to enquire about health of Begum Kalsoom Nawaz. Following Sunnah of Prophet PBUH shouldn’t be questioned for ulterior motive.2/3

— Malik Riaz Hussain (@MalikRiaz_) September 29, 2017

چیئرمین بحریہ ٹاؤن ملک ریاض نے کہا کہ میرا کوئی سیاسی ایجنڈا ہے نہ کوئی سیاسی کردار ہے، کسی سیاسی رسہ کشی کا حصہ ہوں نہ ہی سیاسی مسیحا۔

I reiterate, I am not part of any political discussion or tussle at all & certainly not a saviour to anyone either. Thank you. 3/3

— Malik Riaz Hussain (@MalikRiaz_) September 29, 2017

 ملک ریاض کی جاتی امرا میں نواز شریف سے ملاقات

واضح رہے کہ گزشتہ روز چیئرمین بحریہ ٹاؤن ملک ریاض کی جاتی امرا میں نواز شریف سے ملاقات نواز شریف سےبیگم کلثوم نواز کی خیریت دریافت کی اور جلد صحت یابی کےلیے دعا اور نیک خواہشات کا اظہار کیا تھا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔