Tag: ملاقات

وزیراعظم نواز شریف سے آرمی چیف جنرل راحیل شریف کی ملاقات

راولپنڈی: آرمی چیف جنرل راحیل شریف نے وزیراعظم نواز شریف سے ملاقات کی جس میں ملکی سلامتی کے امور پر تبادلہ خیال کیا گیا۔

وزیراعظم ہاؤس اسلام آباد میں ہونے والی ملاقات میں وزیراعظم اور آرمی چیف کے درمیان ملکی سلامتی کے امور پر بات چیت کی گئی۔

ذرائع کا کہنا ہے کہ ملاقات میں ملک میں امن وامان کی موجودہ صورتحال، دہشت گردی کے واقعات، بھارتی وزیردفاع کے حالیہ جارحانہ بیانات اور ملک میں دہشت گردی کے واقعات میں را کے ملوث ہونے کے شواہد پر تفصیلی تبادلہ خیال کیا گیا۔ اس کے علاوہ آپریشن ضرب میں ہونے والی پیش رفت بھی زیرغور آئی۔

مئی 25, 2015
کورکمانڈر کراچی کی گورنر اور وزیراعلیٰ سندھ سے ملاقات

کراچی : کور کمانڈر کراچی لیفٹیننٹ جنرل نوید مختار نے گورنر اور وزیر اعلیٰ سندھ سے ملاقات کی ہے، جس میں امن و امان کے حوالے سے تبادلہ خیال کیا گیا۔

تفصیلات کے مطابق کورکمانڈر کراچی لیفٹیننٹ جنرل نوید مختار نے گور نر ہاؤس میں گورنر سندھ ڈاکٹر عشرت العباد سے ملاقات کی ۔

انہوں نے وزیر اعلیٰ سندھ قائم علی شاہ سے بھی ملاقات کی۔ان ملاقاتوں میں ایپکس کمیٹی کے فیصلوں پر عملدر آمد کا جائزہ لیا گیا جبکہ ایپکس کمیٹی کے فیصلوں پر تیزی سے عملدر آمد کیلئے مختلف تجاویز پر بھی غور کیا گیا۔

مئی 22, 2015
آرمی چیف جنرل راحیل شریف کی وزیر اعظم سے ملاقات

اسلام آباد : پاک فوج کے سربراہ جنرل راحیل شریف نے وزیراعظم نوازشریف سے ملاقات کی۔ ملاقات میں آپریشن ضرب عضب سمیت دیگراہم امورپرتبادلہ خیال کیا گیا۔

تفصیلات کے مطابق پاک فوج کے سربراہ جنرل راحیل شریف نے وزیراعظم نوازشریف سے ملاقات کی۔

وزیراعظم ہاؤس اسلام آباد میں ہونے والی اس ملاقات میں دہشت گردی کے خلاف جنگ، آپریشن ضرب عضب، قومی سلامتی کے امور، دہشت گردی میں را کے ملوث ہونے کے شواہد اورکراچی کی صورتحال سمیت دہشت گردی کے واقعات کی روک تھام کے حوالے سے تفصیلی تبادلہ خیال کیاگیا۔

مئی 19, 2015
چینی سفیر کی خیبر پختونخوا کے وزیراعلیٰ پرویز خٹک سے ملاقات

اسلام آباد : چین کے سفیر نے خیبر پختون خوا کے وزیراعلی پرویز خٹک سے ملاقات کی جس میں پاک چین اقتصادی راہداری سمیت باہمی دلچسپی کے امور پر تبادلہ خیال کیا گیا۔

خیبر پختون خوا ہاؤس اسلام آباد میں ہونے والی اس ملاقات میں وزیراعلی پرویز خٹک نے چینی سفیر کو صوبے کے مختلف علاقوں میں ہونے والی اصلاحات اور قانون سازی کے عمل سے آگاہ کیا جو صوبائی حکومت کے نظام میں بہتری کے لیے عمل میں لائی گئی ہیں تاکہ عوام کو معیاری سہولیات آسانی سے فراہم ہوسکیں۔

اس کے علاوہ ان اصلاحات کا مقصد مقامی اور غیرملکی سرمایہ کاروں کو توانائی، گیس اور معدنیات کے شعبوں میں سرمایہ کاری کے سہولیات فراہم کرنا ہیں۔

ملاقات میں پاک چائنا اکنامک کوریڈورمنصوبے پر بھی بات چیت کی گئی ۔ وزیراعلی پرویز خٹک نے کوریڈور کے راستے میں آنے والے تمام پسماندہ علاقوں کو وسائل کی برابر تقسیم کی ضروت پر زور دیا۔

انہوں نے پاکستان کی سماجی اور معاشی ترقی میں چین کی کوششوں کو سراہا۔

مئی 17, 2015
اسماعیلی کمیونٹی کے وفد کی ڈاکٹر عشرت العباد خان سے ملاقات

کراچی : اسماعیلی کمیونٹی کے ایک وفد نے سلطان علی الانہ کی قیادت میں آج شام گورنر ہاؤس میں گورنر سندھ ڈاکٹر عشرت العباد خان سے ملاقات کی۔

اس موقع پر گورنر سندھ نے سانحہ صفوراچورنگی پر افسوس کا اظہار کرتے ہوئے اسے ایک شرمناک واقعہ قرار دیا، انہوں نے کہا کہ آج پوری قوم اشکبار ہے اور پوری قوم نے اس اندوہناک سانحہ کی مذمت کی ہے۔

انہوں نے یقین دلایا کہ جو عناصر بھی اس میں ملوث ہیں انہیں بہت جلد گرفتار کرکے کیفرکردار تک پہنچایا جائے گا انہو ں نے کہا کہ اسماعیلی کمیونٹی پاکستان میں بسنے والی پُرامن کمیونٹی ہے جس کا اعتراف برملا کیا جاتا ہے۔

انہو ں نے کہا کہ اس کمیونٹی کے ساتھ کسی کی دشمنی بعید از خیال ہے، لہذا اس کمیونٹی کے اوپر اس ظلم کی کوئی وجہ نظر نہیں آتی۔

انہو ں نے کہا کہ وفاقی و صوبائی حکومت اس بات کا تہیہ کرچکی ہے کہ اس شہر اور ملک بھر سے دہشت گردی کو یکسر ختم کرکے دم لیں گے۔

انہوں نے کہا کہ دہشت گرد پسپائی اختیار کررہے ہیں لہٰذا وہ اپنی شکست کا بدلہ لینے کیلئے معصوم لوگوں کی جان لے کر خوف کی فضا قائم کرنا چاہتے ہیں۔

گورنر سندھ نے وفد کو یقین دلایا کہ وفاقی و صوبائی حکومتیں اسماعیلی برادری کو تحفظ فراہم کرنے کے لئے ہر سطح پر اقدامات اٹھائیں گی تاکہ آئندہ اس قسم کے واقعات کا اعادہ نہ ہو ۔

دریں اثناء گورنر سندھ ڈاکٹر عشرت العباد خان نے پرنس کریم آغا خان سے ٹیلیفونک رابطہ کیا اور ان سے سانحہ پر افسوس کا اظہار کرتے ہوئے کہا کہ پوری قوم غمزدہ خاندانوں کے ساتھ ہے اور سانحہ میں ملوث عناصر کو کیفر کردار تک پہنچایا جائے گا ۔

مئی 13, 2015
صولت مرزا کی پھانسی کی تیاریاں مکمل،جلاد بھی پہنچ گیا

مچھ : انیس مارچ سے پھانسی کی سزا کے منتظر صولت مرزا کی موت کا پروانہ بالآخر مل گیا، مچھ جیل حکام نے ڈیتھ وارنٹ ملنے کے بعد پھانسی کی تیاریاں مکمل کرلیں ہیں۔

جے آئی ٹی کے مطابق پھانسی کے قیدی صولت مرزا سے مزید پوچھ گچھ کی ضرورت نہیں رہی۔ اہل خانہ بھی آخری ملاقات کر کے چلے گئے، اورجلاد بھی مچھ جیل پہنچ گیا ،کل تختہ دار پر چڑھا دیا جائےگا۔

ذرائع کے مطابق صولت مرزا کے تہلکہ خیز بیان کے بعد جے آئی ٹی نے جیل میں صولت مرزاسےپوچھ گچھ کی ۔جس کی رپورٹ وزارت داخلہ کو موصول ہوچکی ہے۔

رپورٹ میں کہا گیاکہ مزید پوچھ گچھ یا یا تفتیش کی ضرورت نہیں۔صولت مرزا کو پھانسی دے دی جائے ۔ صولت مرزا کو مچھ جیل میں کل صبح ساڑھے پانچ بجے پھانسی پر لٹکا دیا جائے گا۔جس کے تمام انتظامات مکمل ہوچکے ہیں۔

صولت مرزا کی پھانسی دو بار پہلے بھی مؤخر ہوئی تھی اور گزشتہ ہفتےتیسری بار بلیک وارنٹ جاری کئے گئے۔

مئی 11, 2015
ایم کیو ایم کے اعلیٰ سطحی وفد کی ایم ڈی کے الیکٹرک سے ملاقات

کراچی : متحدہ قومی موومنٹ کے اعلیٰ سطحی وفد نے ڈاکٹرمحمد فاروق ستارکی سربراہی میں کے الیکٹرک کے ایم ڈی سے ملاقات کی۔ وفد میں رابطہ کمیٹی کے قمرمنصور، سندھ اسمبلی میں قائدحزب اختلاف خواجہ اظہارالحسن اورڈاکٹرصغیرشامل تھے، جبکہ کے الیکٹرک کی جانب سے ایم ڈی سمیت مختلف شعبوں کے افسران شامل تھے۔

دوگھنٹے سے زیادہ جاری رہنے والی میٹنگ میں ایم کیوایم کے وفدنے کراچی کے شہریوںکو کے الیکٹرک کے حوالے سے درپیش مختلف مسائل اور بالخصوص غیر اعلانیہ لوڈشیڈنگ اورطویل دورانیئے کی لوڈشیڈنگ کے عذاب سے آگاہ کیااورانہیں فی الفور حل کرنے پرزوردیا۔

ایم ڈی کے الیکٹرک نے صارفین کی شکایات اورمصائب کوحل کرنے اورایم کیوایم کے منتخب نمائندوںسے زیادہ سے زیادہ رابطہ وتعاون رکھنے کی بھرپوریقین دہانی کرائی۔ایم کیوایم نےکے الیکٹرک کی انتظامیہ کے سامنے بجلی کے چیدہ چیدہ جن مسائل پراپنی تشویش کااظہارکیا۔

ان میںطویل دورانیئے کی اعلانیہ اورغیراعلانیہ لوڈشیڈنگ، متوسط اورنچلے طبقے کے مبالغہ آمیزبلنگ کی شکایت،بجلی کے نظام تقسیم میںنہ ہونے والی سرمایہ کاری،مرمت اورتوسیع کے کاموں میںشکایت ،بجلی اوربلنگ کی شکایت کے ازالے میںہونے والی غیرضروری تاخیراورایک ہی گھرمیںرہائش پذیرایک سے زادہ فیملیزکوایک سے زیادہ انفرادی میٹرزکی فراہمی پر بندش اورنیوکنکشن کے اجراء کی ناقص اورتاخیرپرمبنی پالیسیوںسے آگاہ کیا۔

ایم کیوایم کے وفدنے کے الیکٹرککوغریب اورمتوسطہ طبقے کی بستیوںمیں رہائش پذیرعوام پراعلانیہ سات،سات گھنٹے اوراس پرمزیدغیراعلانیہ تین،تین گھنٹے کی لوڈشیڈنگ کے عذاب سے آگاہ کیاپھرستم بالائے ستم پھرانہی علاقوں میںسروس اورمرمت کے نام پرہرماہ دوبارکم ازکم12،12گھنٹے کی مزیدبجلی کے ذریعے ہزاروںصارفین کوخودساختہ مبالغہ آمیزبلوںسے ان کی اذیتوں میں مزیداضافے کی شکایت سے بھی آگاہ کیا۔

ایم کیوایم کے وفدنے کے الیکٹرککی انتظامیہ سے مطالبہ کیاکہ دہندہ صارفین اورباقاعدگی سے بل دینے والی بستیوںاورنادہندہ صارفین کوایک ہی لکڑی سے ہانکنے اوردونوںکی مشترکہ پی ایم ٹی یافراہمی کوبنیادبنانے کی بجائےکے ذریعے بجلی کی فراہمی کے نظام کوالگ الگ کیاجائے۔

وفدنے ایم ڈی کے الیکٹرککوباورکرایاکہ کے الیکٹرکایک پبلک سروس کاادارہ ہے اسے خالصتاً تجارتی مقصدکے استعمال کے بجائے غریب اورپسماندہ علاقوںکے صارفین کے لئے مختلف ریلیف پیکیجز دیئے جائیں۔

خرابپی ایم ٹیزکی درستگی اورمعطل بجلی کی بحالی اورغلط بلوںکی درستگی میںغیرضروری تاخیرکوہرحال میںختم کیاجائے اورہرشکایت کے ازالے کاایک وقت مقررکیاجائے۔وفدنے بجلی کی تقسیم کے نظام کوبہتربنانے کے لئے فی الفورنئے گرڈاسٹیشنز،نئے فیڈزاورنئیپی ایم ٹیزکے لئے خطیرسرمایہ کاری کی جائے تاکہ غیرضروری لوڈشیڈنگ اوربجلی کے تعطل کی اذیت سے لوگوں کوبچایاجائے۔

کے ڈبلیو ایس بی کے بڑے پمپنگ اسٹیشنزپرلوڈشیڈنگ اوربجلی کی معطلی سے ہرحال گریزکیاجائے اورکے الیکٹرک اور کے ڈبلیو ایس بی کے مابین تنازعات بات چیت سے حل کئے جائیں اوران کے سبب عوام کوپانی کی فراہمی میںخلل کی اذیت سے دوچارنہ کیاجائے۔

مئی 7, 2015
حلقہ این اے 122: عمران خان کےدعوے درست نہیں، چیئرمین نادرا

اسلام آباد : وزیر د اخلہ چوہدری نثار احمد نے چیئرمین نادرا عثمان مبین نے ملاقات کی اوراین اے 122میں انگھوٹوں کی تصدیق کے حوالے سے آگاہ کیا۔

تفصیلات کے مطابق وزیرد اخلہ چوہدری نثار احمد سے چیئرمین نادرا عثمان مبین نے ملاقات کی ہے ذرائع کا کہنا ہے کہ ملاقات میں حلقہ این اے 122 میں انگھوٹوں کی تصدیق پر بات چیت کی گئی ۔

اس موقع پرچیئرمین نادرا نے عمران خان کی میڈیا سے کی گئی گفتگو کے حوالے سے وزیر داخلہ کو آگاہ کیا۔

ذرائع کے مطابق چیئرمین نادرا نے وزیر داخلہ چوہدری نثار کو بتایا کہ عمران خان نے میڈیا سے گفتگو میں نادرا رپورٹ کے حوالے سے جو دعوے کئے ہیں وہ درست نہیں ، انہوں نے بتایا کہ عمران خان کو کوئی رپورٹ فراہم نہیں کی گئی۔

نادرا ہیڈ کوارٹر اسلام آباد میں وزیرداخلہ چوہدری نثار علی خان سے ملاقات کے بعد پریس کانفرنس کرتے ہوئےچیئرمین نادرا عثما ن مبین نے کہا ہے کہ تحریک انصاف کے سربراہ عمران خان کو این اے ایک سو بائیس کے حوالے سے کسی قسم کی کوئی رپورٹ نہیں دی گئی۔

نادرا پر حکومت نے دباؤ نہیں ڈالا تو کوئی اور بھی دباؤ ڈالنے کی کوشش نہ کرے۔ چیرمین نادرا کا کہنا تھا کہ عمران خان سے ملاقات میں رپورٹ کی تیاری کے معاملے پر بات ہوئی۔

ان کو آگاہ کیا ہے کہ نادرا ایک ہفتے میں اپنی رپورٹ الیکشن ٹربیونل کو جمع کرادے گا۔ نادرا رپورٹ کا کوئی بھی حصہ کسی کو دینے کے پابند نہیں۔

عمران خان کی نادرا ہیڈکوارٹر کے باہر میڈیا سے گفتگو سے یہ تاثر دیا گیا کہ چیئرمین نادرا نے انہیں کوئی رپورٹ دی ہے۔ عثما ن مبین نے کہا کہ نادرا اپنے انداز میں کام کررہا ہے۔

الیکشن ٹریبونل نے چار اپریل کو ہدایت کی تھی کہ این اے ایک سو بائیس کے حوالے سے رپورٹ جمع کرائی جائے ۔ یہ رپورٹ اب ایک ہفتے میں مکمل کرکے الیکشن ٹریبونل میں جمع کرادی جائے گی۔

مئی 6, 2015
کراچی: نبیل گبول کی پرویز مشرف سے ملاقات

کراچی : سابق ایم این اے نبیل گبول نے سابق صدر پرویز مشرف سے ان کی رہائش گاہ پر ملاقات کی۔

سابق صدر پرویز مشرف سے ان کی رہائش گاہ پر سابق ایم این اے نبیل گبول نے ملاقات کی، دونوں رہنماوں نے سیاسی صورتحال پرتبادلہ خیال کیا۔

ملاقات کے بارے میں نبیل گبول کا کہنا ہے کہ یہ سیاسی ملاقات نہیں تھی بلکہ وہ پرویز مشرف سے ان کی طبعیت کا پوچھنے گئے تھے اور وہاں پر سیاسی صورتحال پر بات چیت یقیناً ہوئی ہوگی۔

اپریل 15, 2015
ڈی جی رینجرز کی وزیراعلیٰ سندھ قائم علی شاہ سےملاقات

کراچی : این اے 246 میں ضمنی الیکشن کےحوالےسےڈی جی رینجرز میجر جنرل بلال اکبر نےوزیراعلٰی سندھ سید قائم علی شاہ سےملاقات کی۔

اس موقع پر وزیر اعلیٰ سندھ قائم علی شاہ نے امن وامان برقراررکھنےکےلئےتمام تراقدامات کی ہدایت کردی، علاوہ ازیں رینجرز حکام نےکسی بھی شرپسندی کی صورت میں ہیلپ لائن نمبرجاری کردیا۔

این اے دو سو چھیالیس میں ضمنی انتخابات کے سلسلے میں رینجرز ہیڈ کوا رٹرز میں اجلاس ہوا ،اجلاس میں ایڈیشنل آئی جی، رینجرز سکیٹر کمانڈر ،ڈی آئی جی ویسٹ ،ڈپٹی کمشنر سینٹرل،صوبائی الیکشن کمشنر سندھ ، ڈسٹرکٹ ریٹرنگ آفیسر سینٹرل ،اور این اے دو سو چھیا لیس کے امیدواروں نے شرکت کی ۔

رینجرز ترجمان کے مطا بق سچل رینجرز حلقے کی سیکیورٹی سے متعلق پلان پیش کیا،اور واضح کیا کہ رینجرز ہر قیمت پر ضابطہ اخلاق پر عمل کرائے گی۔

این اے دو سو چھیالیس کے عوام سے سچل رینجرز نے گزارش کی کہ کسی بھی شرانگیزی ،شرپسندی اور دہشت گردی کے خطر ے کی صورت میں سندھ رینجرز کی ہیلپ لائن ڈبل ون زیرو ون پر فوری اطلاع دیں۔

اپریل 14, 2015