Tag: ملاقات

  • جان کیری دو روزہ دورے پر پاکستان پہنچ گئے

    جان کیری دو روزہ دورے پر پاکستان پہنچ گئے

    اسلام آباد :امریکی وزیر خارجہ جان کیری بھارت کے دورے کے بعد پاکستان پہنچ گئےہیں، وہ سب سے پہلے وزیراعظم نوازشریف سے ملاقات کریں گے۔

    تفصیلات کے مطابق امریکی وزیر خارجہ جان کیری دلی یاترا کے بعد اسلام آباد پہنچ گئے ہیں۔ دورہ بھارت میں جان کیری نے نہ صر ف درخشاں گجرات نامی سرمایہ کاری کانفرنس میں شرکت کی بلکہ وزیراعظم مودی کے میک ان انڈیا نعرے کی بھی خوب پذیرائی کی۔

    جان کیری کا بھارت آنے کا مقصد دوطرفہ معاشی تعلقات میں بہتری لانااور رواں ماہ امریکی صدر کے دورہ بھارت کیلئے راہ ہموار کرناتھا۔

    امریکی وزیرخارجہ نے بھارتی وزیراعظم نریندر مودی سے ملاقات بھی کی،اب جان کیری پاکستان پہنچ چکے ہیں اور وہ وزیراعظم نوازشریف سے ملاقات کریں گے۔

    جان کیری مودی کے نعرے کی توتعریف کرآئے لیکن دیکھناہے کہ وہ دہشت گردی کیخلاف اتحادی ملک کیلئےکیالے کرآئے ہیں اور کیا دے کرجائیں گے۔

  • وزیراعظم نواز شریف کی بحرین کے وزیر اعظم سے ون ٹو ون ملاقات

    وزیراعظم نواز شریف کی بحرین کے وزیر اعظم سے ون ٹو ون ملاقات

    مناما: وزیراعظم نواز شریف نے بحرین کے وزیراعظم شیخ خلیفہ بن سلمان الخلیفہ سے ملاقات کی۔

    وزیر اعظم نواز شریف نے قضیبیہ پیلس میں بحرین کے وزیراعظم شیخ خلیفہ بن سلمان الخلیفہ کے ساتھ ون ٹو ون ملاقات کی، جس میں نواز شریف کا کہنا تھا کہ پاکستان بحرین کے ساتھ اقتصادی تعلقات مزید بہتر بنانے کاخواہاں ہے اور پاکستان بالخصوص توانائی کے شعبے میں بحرین کی سرمایہ کاری کا خیر مقدم کرتا ہے۔

    وزیراعظم نے کہا کہ پاکستان اور بحرین متعدد علاقائی اور بین الاقوامی امور پر یکساں موقف رکھتے ہیں،اس موقع پر بحرین کے وزیراعظم نے بحرین کے استحکام اور سماجی و اقتصادی بہتری کے حوالے سے پاکستانی برادری کی خدمات کو سراہا۔

  • وزیرِاعظم نواز شریف کی امریکی سفیر رچرڈ اولسن سے ملاقات

    وزیرِاعظم نواز شریف کی امریکی سفیر رچرڈ اولسن سے ملاقات

    اسلام آباد: وزیرِاعظم نواز شریف کی امریکی سفیر رچرڈ اولسن سے ملاقات ہوئی۔

    وزیرِاعظم نواز شریف نےامریکی سفیر رچرڈ اولسن نے اہم ملاقات کی ہے، اسلام آباد میں ہونے والی ملاقات میں پاک امریکا تعلقات پر تبادلہ خیال کیا گیا۔

    ملاقات میں امریکی وزیرِخارجہ جان کیری کے دورۂ پاکستان پر بھی بات چیت کی گئی۔

  • صدرممنون حسین سے کے الیکٹرک کے وفد کی ملاقات

    صدرممنون حسین سے کے الیکٹرک کے وفد کی ملاقات

    اسلام آباد :صدر ممنون حسین نے کےالیکٹرک کے وفد کی ملاقات کی ۔ ملاقات میں صدر مملکت نے کے الیکٹرک کی جانب سے کراچی میں ساٹھ فیصدلائن لاسز پر قابو پانے کے عمل کو قابل تعریف قراردیا۔

    تفصیلات کے مطابق اسلام آباد میں صدر ممنون حسین نے کےالیکٹرک کے وفد کی ملاقات کی ۔ملاقات میں صدر مملکت نے کہا کہ کےالیکٹرک جدیدٹیکنالوجی کو بروئے کار لاکر عوام کو سہولتیں فراہم کرے۔

    صدر مملکت نے کے الیکٹرک کی کارکردگی کو سراہتے ہوئے کہا کہ کراچی میں لائن لاسز پر قابو پانا قابل تعریف بات ہے۔۔

    انھوں نے مزید کہا کہ حکومت بجلی کی کمی پورا کرنے کیلئے مختلف منصوبوں پر کام کررہی ہے۔اقتصادی اور سماجی ترقی کے لئے بلا تعطل بجلی کی فراہمی ضروری ہے۔

  • وزیرِاعظم نواز شریف سے باکسرعامر خان کی ملاقات

    وزیرِاعظم نواز شریف سے باکسرعامر خان کی ملاقات

    اسلام آباد: وزیرِاعظم نواز شریف سے پاکستانی نژاد برطانوی باکسر عامر خان نے ملاقات کی اور سانحۂ پشاور کی شدید الفاظ میں مذمت کی۔

    وزیرِاعظم ہاؤس میں ہونے والی اس ملاقات کے دوران ہیوی ویٹ باکسر عامر خان نے سانحۂ پشاور پر گہرے دکھ کا اظہار کرتے ہوئے انسدادِ دہشتگردی کے لئے حکومتی اقدامات کی حمایت کی اور ملک سے دہشتگردی کے مکمل خاتمے کے لئے اپنے تعاون کی پیش کش کی۔

    عامر خان نے وزیرِاعظم سے پاکستان میں باکسنگ اکیڈمی کے حوالے سے بھی بات چیت کی۔

    گزشتہ روز باکسر عامر خان نے آرمی چیف جنرل راحیل شریف سے جی ایچ کیو میں ملاقات کی تھی، جس کے بعد انہوں نے پشاور کے متاثرہ آرمی پبلک اسکول اور بنوں میں آئی ڈی پیز کے خیموں کا دورہ بھی کیا تھا۔

  • وزیراعظم نےداخلی سلامتی پراہم اجلاس منگل کوطلب کرلیا

    وزیراعظم نےداخلی سلامتی پراہم اجلاس منگل کوطلب کرلیا

    اسلام آباد: وزیراعظم نواز شریف نےانسداددہشت گردی پلان پراعلیٰ سطح اجلاس منگل کوطلب کرلیا۔

    وزیراعظم میاں محمد نواز شریف کی جانب سے طلب کئے گئے اجلاس میں آرمی چیف جنرل راحیل شریف ،وزیر داخلہ چوہدری نثار احمد،ڈی جی آئی ایس آئی رضوان اختر بھی شریک ہوں گےاجلاس میں نیشنل ایکشن پلان پرتبادلہ خیال اور پیشرفت سےآگاکیاجائیگا اس سے پہلے وزیراعظم محمد نواز شریف سےوزیراعلی پنجاب شہباز شریف نےملاقات کی جس میں انسداد دہشت گردی حکمت عملی اورپنجاب میں اس پر عمل درآمد کا جائزہ لیا گیا۔

  • آخری دہشتگرد تک آپریشن جاری رہے گا، وزیراعظم نواز شریف

    آخری دہشتگرد تک آپریشن جاری رہے گا، وزیراعظم نواز شریف

    اسلام آباد: دہشت گردی کے خاتمے کیلئے متحد ہوکر سیاسی اورعسکری قیادت نے دہشت گردوں کانیٹ ورک ختم کرنے کافیصلہ کرلیا، وزیراعظم نے کہا ہے کہ دہشت گردوں کے نظریے کوہرصورت شکست دیں گے۔

    وزیراعظم کی زیرصدارت اجلاس میں آخری دہشت گرد کے خاتمے تک آپریشن جاری رکھنے اورشدت پسندوں کانیٹ ورک ختم کرنے کافیصلہ کیاگیا، ایکشن پلان پر مؤثر اور فوری عمل یقینی بنانے کابھی عزم کیاگیا۔

    اجلا س میں وفاقی وزرا آرمی چیف جنرل راحیل شریف ،ڈی جی آئی ایس آئی ،ڈی جی ایم آئی اور ڈی جی ایم او شریک ہوئے، وزیراعظم نوازشریف کاکہناتھا دہشت گردی کیخلاف فوج اورقوم کی قربانیاں لازوال ہیں ،شہیدوں کاخون رائیگاں نہیں جائےگا،دہشت گردی کے نظریے کو ہر صورت شکست دیں گے۔

    وزیراعظم نے انسداد دہشت گردی کیلئےقانونی امورکاجائزہ لینے کیلئے قانونی ماہرین سے بھی مشاورت کی،دہشت گردی کےخلاف متفقہ حکمت عملی مرتب کرنے کیلئے وزیراعظم نےپارلیمانی جماعتوں کی اے پی سی بھی طلب کرلی ہے۔وزیراعظم میاں نوازشریف نے قومی سلامتی کے امور کاجائزہ لینے کیلئے تمام مصروفیات ترک کیں۔

  • اسلام آباد :صدر ممنون حسین سے وزیرِاعظم نواز شریف کی ملاقات

    اسلام آباد :صدر ممنون حسین سے وزیرِاعظم نواز شریف کی ملاقات

    اسلام آباد: صدر ممنون حسین سے وزیرِاعظم نواز شریف کی ملاقات ہوئی ، ملاقات میں صدر ممنون حسین اور وزیرِاعظم نواز شریف نے سزائے موت کے قیدیوں کی رحم کی اپیل سے متعلق تبادلہ خیال کیا ہے جبکہ وزیرِ داخلہ چوہدری نثار نے بھی وزیرِاعظم سے ملاقات ہوئی، ملاقات کے دوران پھانسی کی سزا پر عملدرآمد سے متعلق وزارتِ داخلہ کے آئندہ کے لائحہ عمل پر تفصیلی غور کیا گیا۔

    اسلام آباد ایوانِ صدر میں ہونے والی اس ملاقات میں ملک کی موجودہ صورتحال سمیت اہم امور زیر غور آئے، ملاقات میں وزیراعظم نے صدر مملکت کو پشاور میں ہونے والی پارلیمانی جماعتوں کے رہنماؤں کی کانفرنس کے فیصلوں سے متعلق بھی اگاہ کیا۔

    ملاقات میں دہشت گردی کے مقدمات میں سزائے موت پانے والے مجرموں کی رحم کی اپیلوں سے متعلق امور بھی تبادلہ خیال کیا گیا۔

    دوسری جانب وفاقی وزیرِداخلہ چوہدری نثار نے وزیر اعظم نواز شریف سے ملاقات کی، جس میں ملک کی امن و امان کی صورت حال اور پھانسی کی سزا پر عملدرآمد سے متعلق وزارت داخلہ کے آئندہ کے لائحہ عمل پرتفصیلی غور کیا گیا۔

    ملاقات میں گزشتہ روز پارلیمانی سیاسی جماعتوں کے اجلاس میں بنائی گئی کمیٹی کے امور، کمیٹی میں پارلیمانی جماعتوں کی نمائندگی سے متعلق رابطوں اور اس کمیٹی کو تمام جماعتوں کی جانب سے دیئے گئے مینڈیٹ سے متعلق مشاورت کی گئی۔

  • وزیراعظم نواز شریف سےوزیراعلیٰ شہباز شریف کی ملاقات

    وزیراعظم نواز شریف سےوزیراعلیٰ شہباز شریف کی ملاقات

    لاہور: وزیراعظم نواز شریف سے وزیراعلیٰ پنجاب شہباز شریف نے ملاقات کی اورانہیں لاہور احتجاج سے متعلق انتظامات پربریفنگ دی،شہباز شریف نے کہا کہ مظاہرین کو روکنے کے لیےطاقت کو آخری آپشن کے طور پر استعمال کیا جائے گا۔

    وزیر اعلی پنجاب شہباز شریف نے وزیر اعظم نواز شریف سےملاقات کی دونوں رہنماؤں کےدرمیان پی ٹی آئی کےلاہور احتجاج سے متعلق بات چیت ہوئی ۔وزیر اعلی پنجاب نے وزیر اعظم کو حکمت عملی کے حوالے سے آگاہ کیا اور بتایا کہ ہڑتالیوں اور مظاہرین کو روکنے کے لیےطاقت کا استعمال آخری آپشن ہوگا،سانحہ فیصل آباد پر قائم تین رکنی حکومتی کمیشن کی رپورٹ سے بھی وزیر اعظم کو آگاہ کیا گیا۔

  • لوگوں نے جمہوریت سے مایوس ہو کر ڈنڈے اور بندوقیں اٹھالی ہیں، سراج الحق

    لوگوں نے جمہوریت سے مایوس ہو کر ڈنڈے اور بندوقیں اٹھالی ہیں، سراج الحق

    لاہور: جماعت اسلامی پاکستان کے امیر سراج الحق نے کہا ہے کہ سیاسی بحران کے حل کی کوششیں جاری ہیں، عمران خان کو وزیراعظم کے استعفے سے پیچھے ہٹنے پر راضی کر لیا لیکن افسوس حکومت نے مذاکرات کی دعوت پر مثبت انداز میں جواب نہیں دیا۔

    منصورہ لاہور میں اجتماع کے انتظامات کرنے والی کمیٹیوں کے اعزاز میں استقبالیے کے بعد میڈیا سے گفتگو کرتے ہوئے امیر جماعت اسلامی سراج الحق کا کہنا تھا کہ لوگوں نے جمہوریت سے مایوس ہو کر ڈنڈے اور بندوقیں اٹھا لی ہیں، موجودہ حالات میں کچھ لوگ مسلسل پانی میں زہر ملا رہے ہیں، فساد پسند لوگوں کو پرامن ماحول کے بجائے لاشوں کا انتظار ہے۔

     انہوں نے کہا کہ سیاستدانوں نے ماضی سے سبق نہیں سیکھا تو انجام بھی ماضی جیسا ہو گا، جماعت اسلامی ملک میں مارشل لاء نہیں چاہتی۔ سراج الحق کا کہنا تھا کہ وقت کافی بیت گیا لیکن اب بھی حکومت اور پی ٹی آئی کے پاس کچھ لمحات باقی ہیں۔ انہوں نے کہا کہ انتخابات میں ووٹ کا تقدس پامال ہوا اور ریاستی مشینری نے بیلٹ باکسوں کا تحفظ نہیں کیا، سراج الحق نے کہا کہ جماعت اسلامی خوشحال پاکستان کے روڈ میپ کا اعلان 25 دسمبر کو مزار قائد پر کرے گی۔