Tag: ملاقات

اسلام آباد: وزیراعظم عمران خان سے سعودی وزیر خارجہ فیصل بن فرحان السعود نے ملاقات کی، ملاقات میں دو طرفہ تعلقات اور خطے کی مجموعی صورت حال پر تبادلہ خیال کیا گیا۔

تفصیلات کے مطابق وفاقی دارالحکومت اسلام آباد میں وزیراعظم عمران خان سے سعودی وزیر خارجہ فیصل بن فرحان السعود کی ملاقات ہوئی۔ ملاقات میں وزیر خارجہ شاہ محمود قریشی، ڈی جی آئی ایس آئی لیفٹیننٹ جنرل فیض حمید اور سیکرٹری خارجہ بھی موجود تھے۔

ملاقات میں مقبوضہ کشمیر سمیت دو طرفہ تعلقات اور خطےکی مجموعی صورت حال پر تبادلہ خیال کیا گیا۔ سعودی وزیر خارجہ فیصل بن فرحان کا وزیرخارجہ بننے کے بعد یہ پاکستان کا پہلا دورہ ہے۔

سعودی وزیر خارجہ اور شاہ محمود قریشی کی ملاقات

اس سے قبل سعودی وزیر خارجہ فیصل بن فرحان السعود اور شاہ محمود قریشی کے درمیان ملاقات ہوئی، دونوں وزرائے خارجہ نے کشمیر سمیت اہم علاقائی امور پر مشاورت جاری رکھنے پر اتفاق کیا۔ وزیر خارجہ نے مقبوضہ کشمیر پر پاکستانی مؤقف کی حمایت پر سعودی قیادت کا شکریہ بھی ادا کیا۔

وزیر خارجہ شاہ محمود قریشی کا کہنا تھا کہ پاکستان اور سعودی عرب میں دیرینہ برادرانہ تعلقات ہیں۔ انہوں نے کہا کہ کثیر الجہتی شعبہ جات میں دو طرفہ تعاون کو مستحکم کرنے کے لیے پرعزم ہیں۔

جنیوا: وزیراعظم عمران خان کا کہنا ہے کہ حکومت پاکستان صحت کے شعبے میں بہتری کے لیے پرعزم ہے، حکومت غذائیت کے معاملات پر بھی خصوصی توجہ دے رہی ہے۔

تفصیلات کے مطابق ڈی جی عالمی ادارہ صحت نے وزیراعظم عمران خان سے ملاقات کے دوران پولیو کے خاتمے کے لیے پاکستان کی کاوشوں کو سراہتے ہوئے کہا کہ عالمی ادارہ صحت پاکستان کے ساتھ تعاون جاری رکھے گا۔

وزیراعظم عمران خان نے کہا کہ حکومت پاکستان صحت کے شعبے میں بہتری کے لیے پرعزم ہے، حکومت غذائیت کے معاملات پر بھی خصوصی توجہ دے رہی ہے۔

وزیراعظم نے غربت کے خاتمے کے لیے حکومت کے احساس پروگرام سے آگاہ کیا، ڈی جی عالمی ادارہ صحت نے وزیراعظم عمران خان کو مکمل تعاون کا یقین دلاتے ہوئے کہا کہ اگلے سال پاکستان کا دوبارہ دورہ کروں گا۔

پولیو ویکسین کے قطرے صحت مند پاکستان کی ضمانت ہیں: فردوس عاشق اعوان

یاد رہے کہ تین روز قبل وزیر اعظم عمران خان کی معاون خصوصی برائے اطلاعات و نشریات فردوس عاشق اعوان کا کہنا تھا کہ پولیو ویکسین کے قطرے صحت مند پاکستان کی ضمانت ہیں۔ حکومت ملک کو پولیو سے نجات دلانے کے لیے ہر ممکن اقدام اٹھا رہی ہے۔

اسلام آباد: وزیراعظم عمران خان ایک روزہ دورے پر کل سعودی روانہ ہوں گے، وزیراعظم دورے کے دوران سعودی فرمانروا اور ولی عہد سے ملاقات کریں گے۔

تفصیلات کے مطابق وزیر اعظم عمران خان کل ایک روزہ دورے پرسعودی عرب جائیں گے، وزیراعظم دورے کے دوران سعودی فرمانروا اور ولی عہد سے ملاقات کریں گے۔

خیال رہے کہ رواں سال اکتوبر میں وزیراعظم عمران خان سعودی عرب کے ایک روزہ دورے پر ریاض پہنچے تھے، شاہ خالد ایئر پورٹ کے رائل ٹرمینل پر گورنر ریاض نے ان کا استقبال کیا تھا۔

وزیراعظم عمران خان نے سعودی فرماں روا شاہ سلمان بن عبدالعزیز اور سعودی ولی عہد محمد بن سلمان سے ملاقاتیں کی تھیں۔

اس سے قبل 14 اکتوبر کو وزیر اعظم نے خلیج میں امن اور استحکام کے فروغ کے لیے ایران کا دورہ بھی کیا تھا، جہاں انہوں نے ایرانی سپریم لیڈر آیت اللہ خامنہ ای اور صدر حسن روحانی کے ساتھ ملاقات کی تھی۔

وزیر اعظم کا کہنا تھا کہ دونوں ممالک کے تنازع کی وجہ سے خطے اور دنیا کو نقصان ہوگا کیوں کہ تیل کی قیمتیں بڑھیں گی، خلیج کی موجودہ صورت حال پر تنازعات سے بچنے کی ضرورت ہے، دونوں ممالک میں کشیدگی کم کرنے کے لیے سہولت کاری کر سکتے ہیں۔