لندن: بکھنگم پیلس میں برطانیہ کی ملکہ ایلزبتھ کے ملبوسات کی نمائش ہوئی، جسے شہریوں کی بڑی تعداد کی جانب سراہا گیا۔
تفصیلات کے مطابق لندن میں ملکہ برطانیہ کے وارڈروب سے نوے سالہ اسٹائل کے نام سے اس نمائش میں ملکہ برطانیہ کے بچپن سے اب تک کی ملبوسات پیش کیے گئے۔
ان ملبوسات میں بہترین نفاست والے ایمبرائیڈری کے کام سے مزین وہ لباس بھی رکھا گیا ہے جسے ملکہ نے انیس سو تریپن میں اپنی تاجپوشی کے موقع پر زیب تن کیا تھا۔
نمائش کے منتظم کا کہنا تھا کہ اس نمائش کی تیاری میں ایک سال سے زائد کا عرصہ لگ گیا، نمائش میں بیرونی دوروں،سرکاری اورخاندانی تقریبات میں ملکہ کے زیر استعمال رہنے والے لباس بھی شامل ہیں۔
اس نمائش میں ملکہ برطانیہ کے80 کے قریب فیشن ایبل شاہی جوڑے رکھے گئے ہیں، شاہی ملبوسات کے علاوہ ملکہ برطانیہ کے زیر استعمال رہنے والے 62 ہیٹس بھی نمائش کیلئے پیش کیے گئے ہیں۔
بکنھنگم پیلس میں جاری یہ نمائش دو اکتوبر دو ہزار سولہ تک جاری رہے گی۔
