لندن : پولیس نے کارڈف فٹبال کلب کے کھلاڑی ایمیلیانو صلا کی لاش حادثے کا شکار ہونے والے جہاز کے ملبے سے برآمد کرلی۔
تفصیلات کے مطابق 21 جنوری کو فٹبالر ایمیلیانو صلاح کے نجی طیارے نے فرانس سے اڑان بھری تو کچھ دیر کے بعد وہ جزیرے کے قریب لاپتہ ہوگیا تھا۔ میڈیا رپورٹس کے مطابق صلا کارڈف سٹی کلب پریمیئر لیگ کے تھے۔
برطانوی خبر رساں ادارے کا کہنا ہے کہ ارجنٹینا سے تعلق رکھنے فٹبالر کی لاش بدھ کے روز برآمد ہوئی تھی جبکہ پولیس نے لاش برآمد ہونے کی تصدیق جمعرات کو کی۔
پولیس ترجمان نے جاری بیان میں کہا کہ طیارہ حادثے میں ہلاک ہونے والے فٹبالر اور پائلٹ کے اہل خانہ کو تحقیقات کی پیش رفت سے آگاہ کردیا ہے۔
پولیس نے بتایا کہ تفتیش کاروں نے پیر کے روز جہاز کے ملبے میں فٹبالر کی لاش کو دیکھا تھا لیکن اسے دو دن بعد برآمد کیا گیا پولیس کا کہنا تھا کہ یہ ایک مشکل مرحلہ تھا۔
مزید پڑھیں : ریسکیو حکام نے لاپتہ برطانوی فٹبالر کی تلاش دوبارہ شروع کردی
یاد رہے کہ برطانوی شہر کارڈف سٹی کے ارجنٹائن فٹبال کھلاڑی ایمیلیانو صلا اور پائلٹ ڈیوڈ کا نجی طیارے میں پرواز کرتے ہوئے سوموار کے روز ریڈار سے اچانک غائب ہوگئے تھے۔
غیر ملکی میڈیا کے مطابق فٹبالر کا جب کسی سے کوئی رابطہ نہیں ہوا تو برٹش ایئر انویسٹی گیشن برانچ نے اس کی تلاش کا عمل شروع کیا تھا، اسی دوران حکام نے اس بات کی تصدیق کی کہ فٹبالر اور پائلٹ جاں بحق ہوچکے کیونکہ اُن کا کوئی سراغ نہیں ملا تھا۔
غیر ملکی خبر رساں ادارے کا کہنا ہے کہ ایمیلیانو صلا کا سنگل انجن والا طیاری سوموار کے روز شام 7 بج کر 15 منٹ پر شمال مغرب فرانس ے اڑا تھا اور جس وقت طیارہ ریڈار سے لاپتہ ہوا اس وقت طیارہ چینل آئی لینڈ پر 5 ہزار فٹ کی بلندی پر پرواز کررہا تھا۔
