ARYNews.tv | Urdu – Har Lamha Bakhabar

Tag: ملتان ٹیسٹ

  • ملتان ٹیسٹ دوسرے دن کا کھیل ختم: پاکستان کو جیت کیلیے 178 رنز، ویسٹ انڈیز کو 6 وکٹیں درکار

    ملتان ٹیسٹ دوسرے دن کا کھیل ختم: پاکستان کو جیت کیلیے 178 رنز، ویسٹ انڈیز کو 6 وکٹیں درکار

    ملتان ٹیسٹ کے دوسرے روز کا کھیل ختم ہوگیا پاکستان کو جیت کے لیے 178 رنز جب کہ ویسٹ انڈیز کو صرف دو وکٹیں درکار ہیں۔

    پاکستان اور ویسٹ انڈیز کے درمیان دو ٹیسٹ میچوں کی سیریز کے ملتان میں جاری دوسرے اور آخری ٹیسٹ میچ کے دوسرے روز کھیل ختم ہونے تک پاکستان نے ویسٹ انڈیز کی جانب سے دیے گئے 254 رنز کے ہدف کے تعاقب میں 76 رنز پر 4 وکٹیں گنوا دیں۔

    دوسری اننگ کی ابتدا میں ہی دونوں اوپنرز اوپر تلے آؤٹ ہوکر پویلین لوٹ گئے۔ کپتان شان مسعود اور محمد ہریرا نے دو، دو رنز بنائے۔ 5 رنز پر دو وکٹیں گرنے کے بعد بابر اعظم کے ساتھ کامران غلام نے 43 رنز کی پارٹنر شپ قائم کی تاہم اس موقع پر کامران غلام 19 رنز پر وکٹ گنوا بیٹھے۔

    بابر اعظم ایک بار پھر بڑی اننگ کھیلنے میں ناکام رہے اور کھیل کے اختتامی لمحات میں 31 رنز کے انفرادی اسکور پر آؤٹ ہوگئے۔ کریز پر نائب کپتان سعود شکیل 13 اور نائٹ واچ مین کاشف علی ایک رن کے ساتھ موجود ہیں۔

    ویسٹ انڈیز کی جانب سے کیون سنکلیئر نے دو جب کہ جومل اور گوڈاکیش نے ایک، ایک وکٹ حاصل کی ہے۔

    اس سے قبل ویسٹ انڈیز آج دوسری اننگ میں 244 رنز پر آؤٹ ہوگئی تھی۔ کپتان کریگ بریتھ نصف 52 رنز بنا کر ٹاپ اسکور رہے۔ ان کے علاوہ ٹیون املیچ (35) اور امیر جنگو (30) رنز کے ساتھ نمایاں رہے۔

     

    View this post on Instagram

     

    A post shared by Pakistan Cricket (@therealpcb)

    پاکستان کی جانب سے نعمان علی اور ساجد خان نے چار، چار جب کہ ابرار احمد اور کاشف علی نے ایک، ایک وکٹ حاصل کی۔ نعمان علی نے میچ میں 10 وکٹیں حاصل کرنے کا سنگ میل بھی عبور کیا۔

     

    View this post on Instagram

     

    A post shared by Pakistan Cricket (@therealpcb)

    اس سے قبل ٹیسٹ میچ کے پہلے روز دونوں ٹیموں نے اپنی اپنی پہلی اننگ کھیلی اور مجموعی طور پر 20 وکٹیں گریں تھیں۔

    ویسٹ انڈیز نے ٹاس جیت کر پہلے بیٹنگ کا فیصلہ کیا تھا اور پوری ٹیم 163 رنز پر آؤٹ ہوگئی تھی۔ نعمان علی نے 6 وکٹیں حاصل کرنے کے ساتھ میچ میں ہیٹ ٹرک بھی کی تھی۔

    مہمان ٹیم کی 95 رنز پر 9 وکٹیں گر چکی تھیں تاہم پاکستان کے لیے آخری وکٹ کا حصول ٹیل اینڈرز نے مشکل بناتے ہوئے دسویں وکٹ کے لیے 68 رنز جوڑے تھے۔

    گوڈاکیش موتی نے نویں نمبر پر آکر نصف سنچری اسکور کی اور ٹاپ اسکورر ہے۔ گیارھویں نمبر کے بلے باز جومل 36 رنز کے ساتھ ناقابل شکست رہے تھے۔

    پاکستانی بلے باز بھی پہلی اننگ میں ناکام رہے اور پوری ٹیم 154 رنز پر آؤٹ ہوگئی تھی۔ کوئی بلے باز نصف سنچری نہ بنا سکا۔ محمد رضوان 49 رنز کے ساتھ ٹاپ اسکورر رہے تھے۔ ویسٹ انڈیز کی جانب سے جومل نے 4 جب کہ گوڈاکیش موتی نے 3 اور کیماروچ نے 2 وکٹیں حاصل کیں۔

    پاکستان سیریز کا پہلا ٹیسٹ میچ جیت کر ایک صفر کی ناقابل شکست برتری حاصل کر چکا ہے۔ قومی ٹیم کی جیت کی صورت میں ویسٹ انڈیز کو وائٹ واش کی ہزیمت اٹھانا پڑے جب کہ تاہم مہمان ٹیم جیتی تو سیریز ایک، ایک سے برابر ہو جائے گی۔

  • نوبیاہتا جوڑا ملتان ٹیسٹ دیکھنے اسٹیڈیم پہنچ گیا

    نوبیاہتا جوڑا ملتان ٹیسٹ دیکھنے اسٹیڈیم پہنچ گیا

    ملتان: پاکستان اور ویسٹ انڈیز کے درمیان ہونے والے دوسرے ٹیسٹ میں نوبیاہتا جوڑا بھی اسٹیڈیم میں میچ دیکھنے کے لئے پہنچ گیا۔

    ذرائع کے مطابق ملتان میں نوبیاہتا جوڑا دُلہا اور دُلہن میچ دیکھنے کے لیے تیار ہوکر پہنچے اور دُلہن کی خواہش پر دُلہا اسے ولیمے کے لباس میں ہی اسٹیڈیم لے کر پہنچ گیا۔

    اسٹیڈیم میں میڈیا سے بات کرتے ہوئے لڑکی کا کہنا تھا کہ میں نے کبھی لائیو میچ نہیں دیکھا، اس لیے شوہر سے لائیو میچ دیکھنے کی فرمائش کی تھی جسے اُنہوں نے پورا کردیا۔

    دولہا نے بتایا کہ آج ہمارا ولیمہ ہے، ہماری دعائیں ہیں کہ اللہ تعالیٰ پاکستان کو کامیاب کرے۔

    واضح رہے کہ ملتان میں کھیلے جانے والے سیریز کے دوسرے اور آخری ٹیسٹ میچ میں ویسٹ انڈیز کی پوری ٹیم پاکستان کے خلاف پہلی اننگ میں 163 رنز بنا کر پویلین لوٹ گئی۔

    ویسٹ انڈیز نے ملتان میں ٹاس جیتنے کے بعد پہلے بیٹنگ کرنے کا فیصلہ کیا ہے تاہم پاکستانی بولرز نے شاندار بولنگ سے ویسٹ انڈیز کے بلے بازوں کو وکٹ پر ٹکنے نہ دیا اور جلد ہی دو وکٹیں گرا دیں۔

    ٹیسٹ ڈیبیو کرنے والے دائیں ہاتھ کے فاسٹ بولر کاشف علی نے اپنے پہلے ہی اوور میں ایک کھلاڑی کو آؤٹ کردیا، انہوں نے مکائل لوئیس کو 4 رنز پر آؤٹ کیا۔

    ساجد خان نے ویسٹ انڈیز کی دوسری وکٹ 9 رنز پر حاصل کی، ساجد اور نعمان کی جوڑی نے مل کر اگلی 5 وکٹیں 12 اوورز کے اندر ہی حاصل کرلیں۔

    پاکستانی بولرز کو آخری وکٹ کے لیے سخت محنت کرنا پڑی، مہمان ٹیم کے بلے بازوں نے پارٹنرشپ قائم کر کے اسکور 163 رنز تک پہنچایا جس کے بعد نعمان علی نے آخری وکٹ حاصل کی۔

    ویسٹ انڈیز کی ٹیم نے پہلی اننگ میں مجموعی طور پر41.1 اوورز بیٹنگ کی۔ پاکستان کی جانب سے نعمان علی 6، ساجد خان 2 جبکہ کاشف علی اور ابرار احمد نے ایک ایک کھلاڑی کو پویلین کی راہ دکھائی۔

    آئی سی سی ٹی ٹوئنٹی ٹیم آف دی ایئر کا اعلان، کونسا پاکستانی کھلاڑی شامل؟

    جبکہ پہلی اننگ میں پاکستان کی ٹیم ویسٹ انڈیز کیخلاف 154رنزبناکرآؤٹ ہوگئی، ملتان ٹیسٹ کے پہلے ہی روز20 وکٹیں گرگئیں۔

  • ملتان ٹیسٹ: پاکستانی ٹیم 154 رنز پر ڈھیر، ویسٹ انڈیز کو 9 رنز کی برتری

    ملتان ٹیسٹ: پاکستانی ٹیم 154 رنز پر ڈھیر، ویسٹ انڈیز کو 9 رنز کی برتری

    ملتان: دوسرے اور آخری ٹیسٹ میں ویسٹ انڈیز کے بعد پاکستانی ٹیم بھی پہلی اننگز میں بولرز کے سامنے نہ ٹک سکی، ٹیم 154 رنز پر ڈھیر ہوگئی۔

    ملتان کے انٹرنیشنل کرکٹ اسٹیڈیم میں کھیلے جا رہے، ملتان ٹیسٹ کے پہلے ہی روز 20 وکٹیں گر گئیں، قومی ٹیم نے 154 رنز بنائے، ویسٹ انڈیز نے پہلی اننگز میں 9 رنز کی برتری بھی حاصل کرلی۔

    میچ میں پاکستان کی پہلی وکٹ 22 رنز پر گری، محمد ہریرہ 9 رنز بنا کر کیمر روچ کا شکار بنے جبکہ بابر اعظم صرف ایک رنر بنا کر بولڈ ہو گئے تھے، پہلی اننگز میں محمد رضوان 49 رنز بنا کر ٹاپ اسکورر رہے۔

    اس کے علاوہ ملتان ٹیسٹ میں سعود شکیل 32، کامران غلام 16، کپتان شان مسعود نے 15 رنز بنائے اس کے علاوہ سلمان آغا نے 9 رنز بنائے، مہمان ٹیم کی جانب سے جومیل واریکن 4 وکٹیں لیکر ویسٹ انڈیز کے نمایا ں بولر رہے۔

    ویسٹ انڈیز کی پہلی اننگز

    ویسٹ انڈیز نے ملتان میں ٹاس جیتنے کے بعد پہلے بیٹنگ کرنے کا فیصلہ کیا ہے تاہم پاکستانی بولرز نے شاندار بولنگ سے ویسٹ انڈیز کے بلے بازوں کو وکٹ پر ٹکنے نہ دیا اور جلد ہی دو وکٹیں گرا دیں۔

    ٹیسٹ ڈیبیو کرنے والے دائیں ہاتھ کے فاسٹ بولر کاشف علی نے اپنے پہلے ہی اوور میں ایک کھلاڑی کو آؤٹ کردیا، انہوں نے مکائل لوئیس کو 4 رنز پر آؤٹ کیا۔

    ساجد خان نے ویسٹ انڈیز کی دوسری وکٹ 9 رنز پر حاصل کی، ساجد اور نعمان کی جوڑی نے مل کر اگلی 5 وکٹیں 12 اوورز کے اندر ہی حاصل کرلیں۔

    بعدازاں ویسٹ انڈیز نے اچھی پارٹنرشپ قائم کر کے اسکور 95 رنز تک پہنچایا جس کے بعد نعمان علی نے ایک مرتبہ پھر 27.4 اوورز میں ایک اور وکٹ حاصل کی اور میچ میں اپنی پانچویں وکٹ حاصل کرلی۔

    پاکستانی بولرز کو آخری وکٹ کے لیے سخت محنت کرنا پڑی، مہمان ٹیم کے بلے بازوں نے پارٹنرشپ قائم کر کے اسکور 163 رنز تک پہنچایا جس کے بعد نعمان علی نے آخری وکٹ حاصل کی۔

    ویسٹ انڈیز کی ٹیم نے پہلی اننگ میں مجموعی طور پر41.1 اوورز بیٹنگ کی۔ پاکستان کی جانب سے نعمان علی 6، ساجد خان 2 جبکہ کاشف علی اور ابرار احمد نے ایک ایک کھلاڑی کو پویلین کی راہ دکھائی۔

    واضح رہے کہ گزشتہ روز پاکستان نے ویسٹ انڈیز کے خلاف دوسرے ٹیسٹ کے لیے پلیئنگ الیون کا اعلان کیا۔

    قومی ٹیم میں ایک تبدیلی کی گئی ہے فاسٹ بولر کاشف علی پاکستان کی جانب سے ٹیسٹ کرکٹ میں ڈیبیو کریں گے، انہیں خرم شہزاد کی جگہ ٹیم میں شامل کیا گیا ہے۔

    پاکستان ٹیم کی قیادت شان مسعود کررہے ہیں، دیگر کھلاڑیوں میں بابر اعظم، سعود شکیل، محمد رضوان، کامران غلام، محمد حریرا، سلمان علی آغا، ساجد خان، ابرار احمد، نعمان علی اور کاشف علی شامل ہیں۔

    بابر اعظم ’کنگ‘ نہیں، شاداب خان

    قومی ٹیم کے ہیڈ کوچ عاقب جاوید کا کہنا ہے کہ پاکستان میں بھی ایسی پچز بننی چاہئیں جیسے دیگر ممالک اپنے فائدے کیلئے بناتے ہیں۔

  • ملتان ٹیسٹ: ویسٹ انڈیز کے 3 کھلاڑیوں نے کرکٹ کی 148 سالہ تاریخ کا دلچسپ ریکارڈ بنا لیا!

    ملتان ٹیسٹ: ویسٹ انڈیز کے 3 کھلاڑیوں نے کرکٹ کی 148 سالہ تاریخ کا دلچسپ ریکارڈ بنا لیا!

    ویسٹ انڈیز پاکستان کے خلاف پہلا ٹیسٹ میچ ہار گئے لیکن ان کے تین بولرز نے ٹیسٹ کرکٹ کی 148 سالہ تاریخ کا منفرد اور دلچسپ ریکارڈ بنا لیا۔

    پاکستان اور ویسٹ انڈیز کے درمیان دو ٹیسٹ میچوں کی سیریز کے ملتان میں کھیلے گئے پہلے میچ میں میزبان ٹیم نے 128 رنز سے مہمان ٹیم کو ہرایا۔ تاہم ویسٹ انڈیز کے تین بولرز نے اس میچ میں ایسا ریکارڈ بنایا جو 148 سالہ تاریخ میں اب تک کوئی نہ بنا سکا۔

    یہ تاریخ رقم کرنے والے کیربیئن بولرز گوداکیش موتی، جومیل واریکن اور جیڈن سیلز ہیں۔

    ٹیسٹ میچ کی پہلی اننگ میں پاکستان نے ویسٹ انڈیز کے 8 کھلاڑی صرف 66 رنز پر آؤٹ کر دیے تھے اور یہ یقینی لگ رہا تھا کہ مہمان ٹیم سنچری بھی نہیں کر سکے گی لیکن بولرز ڈٹ گئے اور اسکور 137 رنز تک لے گئے۔

    نویں نمبر پر آنے والے گوداکیش موتی نے 19 رنز بنائے۔ دسویں نمبر پر آنے والے وارکین نے 31 رنز کی اننگ کھیلی اور پہلی اننگ کے اپنی ٹیم کی جانب سے ٹاپ اسکورر رہے جب کہ گیارھویں نمبر پر آنے والے سیلز نے 22 رنز بنائے۔

    ان سے قبل آؤٹ ہونے والے 8 بلے بازوں میں سے کوئی بھی بیٹر 11 رنز سے زیادہ انفرادی اسکور نہ بنا سکا اور یوں ٹیسٹ کرکٹ کی لگ بھگ ڈیڑھ صدی کی تاریخ میں پہلی بار ایسا ہوا کہ آخری نمبروں پر آنے والے بیٹرز نے سب سے زیادہ انفرادی اسکور کیا۔

    تاہم اس کا دوسرا دلچسپ پہلو یہ بھی ہے کہ مذکورہ تینوں بیٹر دوسری اننگ میں بغیر کوئی رن بنائے ڈک پر آؤٹ ہوئے۔

    https://urdu.arynews.tv/ravi-shastri-talk-about-pakistan-team/

  • ’بھائی قبرستان میں آجاؤ‘ محمد رضوان کی ویڈیو سوشل میڈیا پر وائرل

    ’بھائی قبرستان میں آجاؤ‘ محمد رضوان کی ویڈیو سوشل میڈیا پر وائرل

    قومی ٹیم کے وکٹ کیپر محمد رضوان کی ویسٹ انڈین بیٹر کیون سنکلیئر پر جملے کسنے کی ویڈیو سوشل میڈیا پر وائرل ہوگئی۔

    ملتان ٹیسٹ میں پاکستان  نے ویسٹ انڈیز کو 127 رنز سے شکست دیکر  دو میچوں کی سیزیز میں ایک صفر کی سبقت حاصل کر لی۔

    ملتان کرکٹ اسٹیڈیم میں کھیلے گئے میچ میں 251 رنز کے ہدف کے تعاقب میں ویسٹ انڈیز کی پوری ٹیم دوسری اننگز میں 123 رنز پر ڈھیر ہو گئی۔

    پاکستان کی جانب سے تمام 20 وکٹیں اسپنرز نے حاصل کیں، دوسری اننگز میں ساجد خان نے 5 کھلاڑیوں کو آؤٹ کیا جبکہ 4 وکٹیں ابرار احمد کے حصے میں آئیں اور ایک وکٹ نعمان علی نے حاصل کی۔

    ساجد خان کو میچ میں 9 وکٹیں حاصل کرنے پر بہترین کھلاڑی قرار دے دیا۔

    تاہم جب دوسری اننگز میں ویسٹ انڈیز کے 42 رنز پر 6 کھلاڑی آؤٹ تھے اور کیون سنکلیئر بیٹنگ کے لیے آئے تو محمد رضوان نے ان پر جملے کسے جو اسٹمپ مک میں ریکارڈ ہوگئے۔

    ’محمد رضوان نے سنکلیئر سے کہا کہ ہاں بھائی قبرستان میں آجاؤ‘ بھائی آپ بولنگ انجوائے کررہے ہو۔‘

  • ملتان ٹیسٹ: ساجد خان کی شاندار بولنگ، پاکستان نے ویسٹ انڈیز کو پہلے ٹیسٹ میں 127 رنز سے شکست دیدی

    ملتان ٹیسٹ: ساجد خان کی شاندار بولنگ، پاکستان نے ویسٹ انڈیز کو پہلے ٹیسٹ میں 127 رنز سے شکست دیدی

    ملتان ٹیسٹ میں پاکستان  نے ویسٹ انڈیز کو 127 رنز سے شکست دیکر  دو میچوں کی سیزیز میں ایک صفر کی سبقت حاصل کر لی۔

    ملتان کرکٹ اسٹیڈیم میں کھیلے جانے والے میچ میں پاکستان  نے ویسٹ انڈیز کو پہلے ٹیسٹ میں 127 رنز سے شکست دیدی، 251 رنز کے جواب میں ویسٹ انڈیز ٹیم کی پوری ٹیم 123رنز ڈھگیر ہوگئی، پاکستانی اسپنر ساجد خان نے شاندار بولنگ کراتے ہوئے میچ میں 9 وکٹیں حاصل کیں۔

    اس کے علاوہ ابرار احمد نے 4، نعمان علی نے ایک وکٹ حاصل کی، ویسٹ انڈیز کے ایلک اتھانز 55 رنز بنا کر ٹاپ اسکورر رہے، دوسری اننگز میں کپتان شان مسعود 52 رنز بنا کر نمایاں رہے تھے، پہلی اننگز میں سعود شکیل نے 84، محمد رضوان نے 71 رنز کی اننگز کھیلی تھی۔

    اس سے قبل پاکستانی ٹیم دوسری اننگز میں 157 رنز پر آؤٹ ہوگئی تھی، پاکستان نے ملتان ٹیسٹ کے تیسرے روز اپنی دوسری اننگز کا آغاز 3 وکٹ کے نقصان پر 109 رنز سے کیا تھا، پہلی اننگز میں پاکستان کو 93 رنز کی برتری ملی تھی۔

    اس سے قبل ویسٹ انڈیز کی ٹیم پہلی اننگز میں 137 رنز بنا کر آؤٹ ہوئی تھی، پاکستان کی جانب سے اسپنر نعمان علی نے پانچ کھلاڑیوں کو پویلین کی راہ دکھائی تھی، ساجد خان نے چار اور ابرار احمد نے ایک کھلاڑی کو  آؤٹ کیا تھا۔

  • ’ایسی پچ پر پلان ہے رنز نہیں دینے وکٹیں لینی ہیں‘

    ’ایسی پچ پر پلان ہے رنز نہیں دینے وکٹیں لینی ہیں‘

    قومی ٹیم کے اسپنر ساجد خان کا کہنا ہے کہ ایسی پچ پر پلان ہے کہ رنز نہیں دینے وکٹیں لینی ہیں۔

    ملتان ٹیسٹ کے دوسرے روز کھیل کے اختتام پر میڈیا سے گفتگو کرتے ہوئے آف اسپنر ساجد خان نے کہا کہ خواہش ہوتی ہے ملک کے لیے اچھا کھیلیں، سلیکٹ کرنا نہ کرنا سلیکٹرز کا کام ہے۔

    انہوں نے کہا کہ ویسٹ انڈیز جس مائنڈ سیٹ سے کھیلے گی ہم ویسے ہی پلان بنائیں گے۔

    آف اسپنر نے کہا کہ کل کھیل جلدی شروع ہوتا ہے تو 350 رنز تک بنائیں گے، ایسی پچ پر پلان ہے رنز نہیں دینے وکٹیں لینی ہیں۔

     

    View this post on Instagram

     

    A post shared by Pakistan Cricket (@therealpcb)

    ساجد خان نے کہا کہ ہر کسی کی خواہش ہوتی ہے پاکستان سے تینوں فارمیٹ کھیلے۔

    واضح رہے کہ ملتان میں کھیلے جارہے پہلے ٹیسٹ میچ کے دوسرے روز پاکستان نے دوسری اننگز میں ویسٹ انڈیز کے خلاف 3 وکٹوں کے نقصان پر 109 رنز بنالیے اور 202 رنز کی مجموعی برتری حاصل کرلی ہے۔

    یہ پڑھیں: ملتان ٹیسٹ: پاکستان نے دوسری اننگز میں 3 وکٹوں پر 109 رنز بنالیے

    کامران غلام 9 اور سعود شکیل 2 رنز بنا کر ناٹ آؤٹ ہیں۔

    کپتان شان مسعود 52 رنز بنا کر رن آؤٹ ہوئے، محمد ہریرہ 29 اور بابر اعظم 5 رنز بنا کر پویلین لوٹ گئے۔

    ویسٹ انڈیز کی جانب سے جومیل ووریکین نے دو وکٹیں حاصل کیں۔

    اس سے قبل ویسٹ انڈیز کی ٹیم پہلی اننگز میں 137 رنز بنا کر آؤٹ ہوئی تھی جس کے بعد پاکستان نے پہلی اننگز میں 93 رنز کی برتری حاصل کی تھی۔

  • ملتان ٹیسٹ: ویسٹ انڈیز کی پوری ٹیم 137 رنز پر ڈھیر

    ملتان ٹیسٹ: ویسٹ انڈیز کی پوری ٹیم 137 رنز پر ڈھیر

    ملتان ٹیسٹ کے دوسرے روز ویسٹ انڈیز کے خلاف پہلی اننگز میں پاکستان کی پوری ٹیم 230 رنز پر پویلین لوٹ گئی، جس کے بعد پاکستان کے نعمان علی اور ساجد خان نے شاندار بالنگ کا مظاہرہ کرتے ہوئے مہمان ٹیم کو صرف 137 رنز پر پویلین روانہ کردیا۔

    ملتان ٹیسٹ کے دوسرے روز پہلے سیشن میں پاکستان کے آؤٹ ہونے کے بعد ویسٹ انڈیز نے بیٹنگ شروع کی تو پاکستانی بالرز شروع سے چھائے رہے اور مہمان ٹیم کو دباؤ میں رکھا۔

    ساجد خان نے مہمان ٹیم کے 4 کھلاڑیوں کو شروع میں ہی آؤٹ کردیا، انہوں نے میکائیل لوئس کو ایک، کیاسی کارٹی کو صفر،کریک براتھویٹ کو 11 اور کیون ہوج کو 4 رنز پر آؤٹ کیا۔

    ساجد خان کے بعد نعمان علی نے ویسٹ انڈیز بیٹرز کی درگت بنائی اور 5 وکٹیں حاصل کرنے میں کامیاب ہوگئے۔

    ویسٹ انڈیز کی پانچویں وکٹ 34 رنز کے مجموعے پر گری اور نعمان علی نے جسٹن گریویس کو 4 رنز پر چلتا کیا جس کے بعد نعمان علی نے ٹریون املیچ اور ایلک ایتھنیز کو 6،6 جب کہ کلیون سنکلر کو 11 رنز پر پویلن بھیجا۔

    نعمان علی نے گداکیش موتی کو 19 رنز پر آؤٹ کرکے پانچویں وکٹ لی۔

    137 کے مجموعے پر آخری وکٹ ابرار احمد نے لی جنہوں نے جیڈن سیلز کو 22 رنز پر آؤٹ کیا۔پاکستان نے ملتان ٹیسٹ میں پہلی اننگزمیں 93 رنزکی برتری حاصل کرلی۔

    واضح رہے کہ پاکستان کو ویسٹ انڈیز سے ٹیسٹ سیریز جیتے تقریباً 8 سال گزر گئے ہیں۔ دونوں ٹیموں کے درمیان آخری ٹیسٹ سیریز ایک ایک سے برابر رہی تھی۔

    تاہم پاکستان کی سر زمین پر ویسٹ انڈیز کا ریکارڈ خراب ہے۔ دنوں ٹیموں کے درمیان سات ٹیسٹ سیریز ہوئیں جس میں صرف ایک بار 1980 میں کامیابی ملی۔

    ویسٹ انڈیز نے پاکستان کی سر زمین پر 21 میچز کھیل رکھے ہیں۔ ان میں سے صرف چار میں فتح حاصل ہوئی اور 9 میں ہار کو گلے لگایا۔ 8 میچز ڈرا رہے۔

  • جیت بڑے ناموں سے نہیں بڑی پرفارمنس سے ملتی ہے!

    جیت بڑے ناموں سے نہیں بڑی پرفارمنس سے ملتی ہے!

    پاکستانی کرکٹ ٹیم میں کھلاڑیوں کی تبدیلی کے بعد کھیل کے میدان میں نتیجہ بھی تبدیل ہوگیا اور انگلینڈ کے خلاف ملتان ٹیسٹ میں ٹیم نے کام یابی حاصل کر لی۔ پاکستانی ٹیم کو یہ کام یابی بابر اعظم، شاہین آفریدی، نسیم شاہ کے بغیر ملی ہے۔

    کہتے ہیں کہ کسی بھی شعبے کام یاب ہونے اور ترقی حاصل کرنے کے لیے رسک لینا ہی پڑتا ہے۔ اگر آپ ہارنے کے ڈر سے ٹیم میں تبدیلیاں نہیں کریں گے تو ہارتے ہی چلے جائیں گے۔ یہی کچھ گزشتہ ساڑھے تین سال سے پاکستانی ٹیم کے ساتھ ہو رہا ہے۔ تبھی تو ہوم گراؤنڈ پر بھی کامیابی نصیب نہیں ہورہی تھی۔ تمام مصلحتوں کو بالائے طاق رکھ کر، کسی بھی قسم کے دباؤ اور خوف سے آزاد ہو کر اگر پہلے ہی فیصلے کرلیے جاتے تو کرکٹ کا یہ حال نہیں ہوتا جو آج ہے۔

    خیر، اب سلیکٹرز کے فیصلے کا مثبت نتیجہ سامنے آگیا ہے، ہوم گراؤنڈر پر شکست کا تسلسل ٹوٹ گیا ہے، انگلینڈ سیریز میں عاقب جاوید اور اظہر علی نے سلیکٹرز کی ذمہ داری سنبھالی اور آتے ہی مشکل فیصلہ کیا اور اسٹار کھلاڑیوں کو باہر کردیا۔ بابر اعظم، نسیم شاہ، شاہین آفریدی سب اسکواڈ سے باہر ہوئے تو اپنی باری کے منتظر کامران غلام کو بابر کی جگہ چانس ملا اور انہوں نے اس کا پورا فائدہ اٹھایا اور ڈیبیو پر سنچری جڑ دی۔

    بیٹنگ کے بجائے اسپن ٹریک بنانے کا خطرہ موہ لیا۔ 14 ماہ بعد نعمان علی کو کھلایا، وہ گیارہ وکٹیں لے گئے۔ ادھر ساجد خان نے بھی سلیکٹرز کو مایوس نہیں کیا اور خوب جم کر کھیلے۔ پاکستان نے ثابت کیا کہ جیت بڑے ناموں سے نہیں بڑی پرفارمنس سے ملتی ہے۔
    اب سلیکٹرز کو چاہیے کہ پنڈی ٹیسٹ میں بھی وننگ کمبی نیشن برقرار رکھیں اور قومی کھلاڑی شاندار کارکردگی کا مظاہرہ کرتے ہوئے انگلینڈ کے خلاف ہوم گراؤنڈ پر سیریز 2-1 سے اپنے نام کریں۔

    بابر اعظم، شاہین آفریدی، نسیم شاہ کو یہ کہنا چاہیے کہ وہ جا کر ڈومیسٹک میں پرفارم کریں جس طرح دیگر کھلاڑیوں نے ڈومیسٹک میں پرفارم کرکے کم بیک کیا ہے۔ اب یہ نہیں ہونا چاہیے کہ آسٹریلیا کا دورہ ہے تو وہاں بابر اعظم کی ضرورت پڑے گی، جنوبی افریقہ کی پچز پر نسیم شاہ اور شاہین آفریدی کی ضرورت ہو گی۔

    جنوبی افریقہ کی باؤنسی وکٹوں پر کوئی نوجوان فاسٹ بولر بھی اچھی بولنگ کرسکتا ہے۔ اس لیے نسیم اور شاہین کے نام کی مالا نہ جپیں‌۔ جن پچز پر بابر بیٹنگ کرسکتا ہے وہاں دوسرے بیٹر بھی اسکور کرسکتے ہیں لہٰذا ٹیم اب ٹریک پر آرہی ہے تو کھلاڑیوں کو پرفارمنس کی بنیاد پر ٹیم میں شامل کیا جائے۔ قومی ٹیم کو اس طرح تیار کیا جائے کہ وہ قوم کی امنگوں پر پورا اتریں۔ تعلقات، سفارش اور دوستی یاری کی بنیاد پر کھلاڑیوں کو ٹیم میں‌ جگہ دینے کا سلسلہ بند ہونا چاہیے۔ اس بنیاد پر ٹیم کی سلیکشن کا نتیجہ تو ہمارے سامنے ہی ہے۔ ٹی 20 ورلڈ کپ میں بدترین شکست، ہوم گراؤنڈر پر بنگلا دیش سے پہلی بار وائٹ واش کی ہزیمت ہمیں اٹھانا پڑی۔ سلیکشن کا معیار یہ ہونا چاہیے کہ جو کھلاڑی پرفارم نہ کرے اسے ٹیم سے ڈراپ کرکے ڈومیسٹک کرکٹ کھیلنے بھیجا جائے نہ کہ خراب یا ناقص کارکردگی کے باوجود اگلی 18 اننگز بھی کھیلنے کا موقع دیا جائے۔

    امید ہے کہ یہی ٹیم انگلینڈ کے خلاف تیسرے اور آخری ٹیسٹ میں اپنی شاندار کارکردگی کے سلسلے کو برقرار کھتے ہوئے سیریز اپنے نام کرے گی۔

  • دوسرا ٹیسٹ، ڈیبیو پر کامران غلام کی شاندار سنچری، پاکستان نے 259 رنز بنالیے

    دوسرا ٹیسٹ، ڈیبیو پر کامران غلام کی شاندار سنچری، پاکستان نے 259 رنز بنالیے

    ملتان: پاکستان اور انگلینڈ کے درمیان دوسرے ٹیسٹ کے پہلےدن کھیل کے اختتام پر قومی ٹیم نے 5 وکٹوں کے نقصان پر 259 رنز بنالیے۔

    سابق کپتان بابر اعظم کی جگہ ڈیبیو کرنے والے کامران غلام نے اپنی سلیکشن کو صحیح ثابت کرتے ہوئے ڈیبیو پر شاندار سنچری اسکور کی، وہ 118 رنز کی ذمہ دارانہ اننگز کھیل کر آؤٹ ہوئے،

    اوپنر عبداللہ شفیق ایک بار پھر سیدھا شاٹ کھیلے ہوئے کلین بولڈ ہوگئے، انھوں نے صرف 7 رنز بنائے جبکہ اوپنر صائم ایوب نے بھی بہتر کھیل پیش کرتے ہوئے 77 رنز اسکور کیے۔

    کھیل کے اختتام پر محمد رضوان 37 اور سلمان علی آغا 5 رنز بناکر کریز پر موجود ہیں، انگلینڈ کی جانب سے اسپنر جیک لیش نے 2 کھلاڑیوں کو آؤٹ کیا۔