Tag: ملتان

  • ملتان : غیرت کے نام پر قتل ہونے والے افراد کا پوسٹ مارٹم، نمازجنازہ ادا کردی گئی

    ملتان : غیرت کے نام پر قتل ہونے والے افراد کا پوسٹ مارٹم، نمازجنازہ ادا کردی گئی

    ملتان : غیرت کے نام پر قتل ہونے والے افراد کی تعداد نو ہوگئی، ایک ہی گھر کے نو افراد کی نمازجنازہ گھنٹہ گھر چوک پر ادا کی گئی، پولیس نے ملزم کو اس کے باپ کیخلاف مقدمہ درج کرلیا۔

    تفصیلات کے مطابق ملتان میں غیرت کے نام پر قتل ہونے والوں کی تعداد نو ہوگئی، چار افراد کو مبینہ طور پر زندہ جلایا گیا، ابتدائی پوسٹ مارٹم رپورٹ میں بتایا گیا ہے کہ ایک بچہ اور بچی کے علاوہ دیگر افراد کے جسم پر گولیوں کے نشانات ملے ہیں۔

    بچے اور بچی کی موت پھیپھڑوں میں دھواں بھرنے سے ہوئی، چار لاشیں مکمل طور پر جھلسی ہوئی تھیں، بظاہر ان چاروں کو جب آگ لگائی گئی تب ان کی سانسیں چل رہی تھیں۔

    ملتان میں ایک ہی گھر کے نو افراد کی نمازجنازہ گھنٹہ گھر چوک پر ادا کی گئی، نماز جنازہ اور تدفین میں بڑی تعداد میں لوگ شریک ہوئے جو غم سےنڈھال تھے، یاد رہے کہ گزشتہ رات حسن آباد کے علاقے میں ملزم نے باپ کی مدد سے بیوی، بچوں، ساس اور سالیوں سمیت نو افراد کو فائرنگ کرکے قتل کیا اور پھرگھر کو بھی آگ لگادی۔

    واقعےمیں بچ جانے والے ملزم کے سالے نے بتایا کہ بہنوئی شکی مزاج تھا اور اکثربہن سے جھگڑے بھی ہوتے تھے، پولیس کے مطابق ابتدائی پوسٹ مارٹم رپورٹ میں بتایا گیا کہ ایک بچہ اور بچی کے علاوہ دیگر افراد کے جسم پر گولیوں کے نشانات پائے گئے ہیں۔

    ملتان، گھریلو جھگڑے کے دوران 9 افراد قتل، شوہر سمیت 2 ملزم گرفتار

    بچے اور بچی کی موت پھیپھڑوں میں دھواں بھرنے سے واقع ہوئی، چار لاشیں مکمل طور پر جھلسی ہوئی تھیں، بظاہر جب آگ لگائی گئی تو ان کی سانسیں چل رہی تھیں، پولیس نے اجمل اور اس کے باپ ظفر کو حراست میں لے لیا ہے، ایف آئی آر میں ملزمان کیخلاف دہشت گردی کی دفعات بھی لگائی گئی ہیں۔

  • ملتان، گھریلو جھگڑے کے دوران 9 افراد قتل، شوہر سمیت 2 ملزم گرفتار

    ملتان، گھریلو جھگڑے کے دوران 9 افراد قتل، شوہر سمیت 2 ملزم گرفتار

    ملتان: صوبہ پنجاب کے شہر ملتان کے علاقے احسن آباد میں گھریلو جھگڑے کے دوران 9 افراد کو قتل کردیا گیا، مقتولین کو گھر کے کمرے میں بند کرکے آگ لگادی گئی۔

    تفصیلات کے مطابق ملتان کے شہر حسن آباد میں شوہر نے گھریلو جھگڑے سے تنگ آکر گھر میں آگ لگادی جس کے نتیجے میں 9 افراد جاں بحق ہوگئے، سی سی پی او عمران محمود نے 9 افراد کی ہلاکت کی تصدیق کردی۔

    سی سی پی او عمران محمود کے مطابق ملزم اجمل سعودی عرب سے کچھ دن پہلے وطن واپس آیا تھا، ملزم اجمل کو اپنی بیوی کے کردار پر شک تھا۔

    عمران محمود نے کہا کہ اجمل، ظفر اور تیسرے ملزم نے مل کر قتل کی واردات کی، ملزم نے ساس، بیوی، ایک اور خاتون کو قتل کرکے گھر کو آگ لگائی۔

    نمائندہ اے آر وائی نیوز رانا فاروق کے مطابق آگ لگنے سے گھر میں موجود دیگر افراد بھی جاں بحق ہوئے، ملزم اجمل اور ظفر کو گرفتار کرلیا گیا جبکہ ایک مفرور ملزم کی گرفتاری کے لیے چھاپے مارے جارہے ہیں۔

    آئی جی پنجاب عارف نواز نے ملتان میں 9 افراد کے قتل کا نوٹس لے لیا، آئی جی پنجاب نے سی سی پی او کو فوری جائے وقوعہ پر پہنچنے کی ہدایت کردی۔

    آئی جی پنجاب عارف نواز نے کہا کہ ملزمان کے خلاف سخت کارروائی عمل میں لائی جائے۔

    وزیراعلیٰ پنجاب عثمان بزدار نے ملتان میں 9 افراد کے قتل کا نوٹس لے کر تحقیقات کا حکم دیتے ہوئے آر پی او پنجاب سے رپورٹ طلب کرلی۔

    وزیر اعلیٰ پنجاب عثمان بزدار نے کہا کہ افسوسناک واقعے کے ذمہ داروں کے خلاف قانونی کے تحت کارروائی عمل میں لائی جائے گی۔

  • ملتان : سی ٹی ڈی سے مقابلہ، کالعدم تنظیم کے دو دہشت گرد ہلاک، اسلحہ اور نقشے برآمد

    ملتان : سی ٹی ڈی سے مقابلہ، کالعدم تنظیم کے دو دہشت گرد ہلاک، اسلحہ اور نقشے برآمد

    ملتان : سی ٹی ڈی پنجاب نے ملتان میں مقابلہ کے دوران کالعدم تنظیم کے دو دہشت گرد ہلاک کردیئے، ہلاک دہشت گردوں سے اسلحہ اور دھماکا خیز مواد برآمد ہوا ہے۔

    تفصیلات کے مطابق سی ٹی ڈی پنجاب نے ملتان میں کارروائی کرتے ہوئے کالعدم تنظیم کے دو مبینہ دہشت گردوں کو ہلاک کردیا۔ خفیہ اطلاع پر اہلکار جب کارروائی کیلئے پہنچے تو دہشت گردوں نے ٹیم پر فائرنگ کردی۔

    سی ٹی ڈی کی جوابی فائرنگ سے دو دہشت گرد مارے گئے جبکہ ان دیگر ساتھی اندھیرے کا فائدہ اٹھاتے ہوئے فرار ہونے میں کامیاب ہوگئے، ہلاک ہونے والوں میں رضوان عرف ڈاکٹر اور عمران عرف ساقی شامل ہیں۔

    اس حوالے سے سی ٹی ڈی حکام کا کہنا ہے کہ دہشت گرد رضوان عرف ڈاکٹر،عمران عرف ساقی کا نام ریڈبک میں شامل تھا، مقابلے میں ہلاک ہونے والے ملزمان کے قبضے سے نقشے اور دہشت گردی کیلئے استعمال ہونیوالی رقم برآمد کرلی گئی۔

    سی ٹی ڈی کے مطابق دہشت گرد حساس اداروں کے افسران کو نشانہ بنانا چاہتے تھے، ملزمان حساس ادارے کے تین اہلکاروں کے قتل میں بھی ملوث تھے۔

    انہوں نے ایک امریکی شہری کو بھی اغوا کیا تھا۔ اس کے علاوہ دہشت گردوں نے سمندری کے علاقے میں سیکیورٹی گارڈز کو قتل کرکے کیش وین بھی لوٹی تھی۔

  • بھارت پوری دنیا میں پاکستان کے خلاف پروپیگنڈا کررہا ہے، شاہ محمود قریشی

    بھارت پوری دنیا میں پاکستان کے خلاف پروپیگنڈا کررہا ہے، شاہ محمود قریشی

    ملتان: وزیر خارجہ شاہ محمود قریشی نے کہا ہے کہ اس وقت بھارت پوری دنیا میں پاکستان کے خلاف پروپیگنڈا کررہا ہے، ہمارا دشمن سازشی ہے وہ کوئی لمحہ سازش سے باز نہیں آتا ہے۔

    تفصیلات کے مطابق وزیر خارجہ شاہ محمود قریشی نے ملتان میں تقریب سے خطاب کرتے ہوئے کہا کہ پاکستان گرے لسٹ میں آگیا تھا بھارت اب ہمیں بلیک لسٹ میں دھکیلنا چاہتا ہے، گرے سے بلیک لسٹ میں آتے ہیں تو آپ پر قدغن لگ جاتی ہے۔

    شاہ محمود قریشی نے کہا کہ ہمارے دشمن نے او آئی سی میں بھی گھسنے کی کوشش کی، ہم نے کہا کہ بھارت ممبر نہیں اگر آیا تو ہم نہیں آئیں گے، او آئی سی میں مقبوضہ کشمیر پر ایک قرارداد پاس کی گئی۔

    وزیر خارجہ نے کہا کہ دنیا جو کشمیر کا ذکر کرتے کتراتی تھی وہی آج ظلم پر رو رہی ہے، آج وہی بھارت مجبور ہورہا ہے اور دنیا کی توجہ کشمیر پر ہے۔

    انہوں نے کہا کہ 70 کی دہائی کے بعد لائن آف کنٹرول کو بھارت نے کراس کیا، بھارت نے لائن آف کنٹرول کی خلاف ورزی کی، طبل جنگ بجایا، ہم نے صبرو تحمل سے کام لیا۔

    مزید پڑھیں: بھارتی حکومت سے کہتا ہوں وہ مسلمانوں کے حقوق کا تحفظ کرے، شاہ محمود قریشی

    شاہ محمود قریشی نے کہا کہ بھارت کی جانب سے عملی قدم اٹھانے پر اسے منہ توڑ جواب دیا گیا، 27 فروری کو پوری قوم نے یکجا ہوکر بھارت کو بھرپور جواب دیا۔

    وزیر خارجہ نے کہا کہ دہشت گردی کے خلاف جنگ میں افواج پاکستان اور شہریوں نے بے پناہ قربانیاں دیں۔

    انہوں نے کہا کہ کوئی شک نہیں حکومت کو آئے 10 ماہ ہوگئے ہیں لیکن ملک میں بیرونی کے علاوہ اندرونی مشکلات بھی ہیں، مسائل بے پناہ ہیں اور اس کے لیے وسائل درکار ہوتے ہیں، مشکل مالی حالات میں بھی کوشش ہوگی آپ کا حصہ پہنچائیں۔

    شاہ محمود قریشی نے کہا کہ مشکل حالات ہیں ہمیں پتا ہے لوگ تکلیف میں ہیں، 5 سال مل گئے تو پاکستان کا ایک نیا چہرہ عوام کے سامنے لے کر آئیں گے۔

  • جلال پورپیروالا کے گھرمیں فائرنگ، 4 افراد جاں بحق، 5 زخمی

    جلال پورپیروالا کے گھرمیں فائرنگ، 4 افراد جاں بحق، 5 زخمی

    ملتان: صوبہ پنجاب کے علاقے جلال پور پیروالہ میں رشتے کے تنازع پر فائرنگ کے نتیجے میں ایک ہی خاندان کے 3 افراد جاں بحق اور5 زخمی ہوگئے جبکہ حملہ آور نے بھی خودکشی کرلی۔

    تفصیلات کے مطابق ملتان کے نواحی علاقے جلال پور پیروالہ میں حملہ آور نے گھر میں گھس کر فائرنگ کردی جس کے نتیجے میں 3 افراد جان کی بازی ہار گئے، فائرنگ کے واقعے کے بعد حملہ آور نے خود کو گولی مار کرخودکشی کرلی۔

    پولیس حکام کے مطابق لاشوں اور زخمیوں کو فوری طور پر اسپتال منتقل کردیا گیا۔ جاں بحق افراد میں باپ، بیٹا، بیٹی شامل ہے۔ ابتدائی تفتیش کے مطابق رشتے کے تنازع پرفائرنگ کا واقعہ پیش آیا۔

    ملتان میں دشمنی پرفائرنگ،10 افراد جاں بحق،متعدد زخمی

    خیال رہے کہ 4 روز قبل جلال پور پیروالا کے علاقے درآب پور میں دیرینہ دشمنی پر دو گروپوں کے درمیان فائرنگ کے نتیجے میں 10 افراد جان کی بازی ہار گئے تھے۔

    آئی پنجاب پولیس نے جلال پورپیر والا میں فائرنگ سے 10 افراد کے جاں بحق ہونے کا نوٹس لیتے ہوئے آر پی او ملتان سے واقعہ کی فوری رپورٹ طلب کی تھی۔

    لاہور : دشمنی کا شاخسانہ، دو سگے بھائی کزن سمیت فائرنگ سے جاں بحق

    یاد رہے کہ رواں سال فروری میں لاہور کے علاقہ داروغہ والا میں فائرنگ سے دو سگے بھائیوں اور ان کے کزن سمیت تین افراد جاں بحق ہو گئے تھے۔

    پولیس کے مطابق فائرنگ کا تبادلہ بٹ اور قصائی گروپوں کے درمیان ہوا تھا جبکہ ملزمان فائرنگ کرنے کے بعد موقع سے باآسانی فرار ہونے میں کامیاب ہو گئے تھے۔

  • آئی ایم ایف کے دباؤ پر دفاعی بجٹ کم نہیں کیا گیا، شاہ محمود قریشی

    آئی ایم ایف کے دباؤ پر دفاعی بجٹ کم نہیں کیا گیا، شاہ محمود قریشی

    ملتان : وزیر خارجہ شاہ محمود قریشی نے کہا ہے کہ آئی ایم ایف کے دباؤ پر دفاعی بجٹ کم نہیں کیا گیا، بلکہ پاک فوج نے خود اضافی بجٹ لینے سے انکار کیا ہے، اپوزیشن کے احتجاج سے مہنگائی کم ہوتی ہے تو شوق پورا کرلے۔

    ان خیالات کا اظہار انہوں نے ملتان میں صحافیوں سے گفتگو کرتے ہوئے کیا، شاہ محمودقریشی نے کہا کہ پاک فوج نےازخود اضافی دفاعی بجٹ نہ لینے کا فیصلہ کیا ہے۔

    انہوں نے عوام پر بوجھ ہلکا کرنے کیلئے حکومت سے تعاون کیا، یہ تاثر غلط ہے کہ یہ کام آئی ایم ایف کے کہنے پر کیا گیا،آئی ایم ایف کے دباؤ پر دفاعی بجٹ کم نہیں کیا گیا۔

    مہنگائی سے متعلق ان کا کہنا تھا کہ اپوزیشن کہہ رہی ہے کہ ہم نے مہنگائی کیخلاف آواز اٹھانی ہے، وہ لوگ پہلے اس بات کا احاطہ کرلیں کہ مہنگائی کا ذمہ دارکون ہے؟ مہنگائی گزشتہ8ماہ کی کوتاہیوں کا نتیجہ ہے یا 10سالوں کا؟

    انہوں نے کہا کہ وزیرستان میں اپنی جانیں کس نے دیں؟ وہاں رونقیں کس نے بحال کیں؟ اوروزیرستان کون سا طبقہ افراتفری پیدا کرنےکی کوشش کررہا ہے، اپوزیشن کو ملک کے مفاد میں اپنی سوچ مثبت رکھنی چاہئے۔

    ایک طرف ہم غیرملکی کمپنیز کو سرمایہ کاری کی دعوت دے رہےہیں تو دوسری طرف اپوزیشن احتجاج کرے گی تو کیا ملک میں سرمایہ کاری آئے گی؟ کیا اپوزیشن کے اقدامات سے ملک میں بہتری آئےگی۔

    شاہ محمود قریشی کا مزید کہنا تھا کہ اپوزیشن جو اعلان کررہی ہے کیا اس سے ملک میں جمہوریت مضبوط ہوگی؟اگر ان کے اقدام سے ملک میں جانی نقصان ہوگا تو ذمہ دارکون ہوگا؟ اپوزیشن کو ایسا قدم اٹھانا نہیں چاہئے جس سے ملک میں انتشار پھیلے، اپوزیشن کے چوک میں اکھٹے ہونے سے مہنگائی کم ہوجائے گی تو شوق سے ہوجائیں۔

    ایک سوال کے جواب میں انہوں نے کہا کہ اگر شہباز شریف وطن واپس آرہے ہیں تو اچھی بات ہے ان کوآنا بھی چاہئے،عدالتیں آزاد ہیں اور شہبازشریف کو اپنی صفائی کا بھرپور موقع ملنا چاہئے۔

  • ملتان میں دشمنی پرفائرنگ،10 افراد جاں بحق،متعدد زخمی

    ملتان میں دشمنی پرفائرنگ،10 افراد جاں بحق،متعدد زخمی

    ملتان: صوبہ پنجاب کے علاقے درآب پور میں دیرینہ دشمنی پر فائرنگ کے نتیجے میں10افراد جاں بحق جبکہ متعدد زخمی ہوگئے۔

    تفصیلات کے مطابق جلال پور پیروالا کے علاقے درآب پور میں دیرینہ دشمنی پر دو گروپوں کے درمیان فائرنگ کے نتیجے میں 10 افراد جان کی بازی ہار گئے۔

    فائرنگ کے واقعے کی اطلاع ملتے ہی پولیس کی بھاری نفری جائے وقوعہ پر پہنچی اور واقعے کی تفتیش شروع کردی۔

    پولیس حکام کے مطابق جاں بحق افراد میں ڈکیت کالا جعفر اور اس کا بیٹا شامل ہیں، لاشوں اور زخمیوں کو ٹی ایچ کیواسپتال منتقل کردیا گیا ہے۔

    آئی پنجاب پولیس نے جلال پورپیر والا میں فائرنگ سے 10 افراد کے جاں بحق ہونے کا نوٹس لیتے ہوئے آر پی او ملتان سے واقعہ کی فوری رپورٹ طلب کرلی۔

    کیپٹن ریٹائرڈ عارف نواز نے ملزمان کے خلاف سخت قانونی کارروائی کی ہدایت کردی۔

    لاہور : دشمنی کا شاخسانہ، دو سگے بھائی کزن سمیت فائرنگ سے جاں بحق

    یاد رہے کہ رواں سال فروری میں لاہور کے علاقہ داروغہ والا میں فائرنگ سے دو سگے بھائیوں اور ان کے کزن سمیت تین افراد جاں بحق ہو گئے تھے۔

    پولیس کے مطابق فائرنگ کا تبادلہ بٹ اور قصائی گروپوں کے درمیان ہوا تھا جبکہ ملزمان فائرنگ کرنے کے بعد موقع سے باآسانی فرار ہونے میں کامیاب ہو گئے تھے۔

  • ملتان : پاکستان بھارت سے مذاکرات کے لئے تیار ہے، شاہ محمود قریشی

    ملتان : پاکستان بھارت سے مذاکرات کے لئے تیار ہے، شاہ محمود قریشی

    ملتان : وزیرخارجہ شاہ محمود قریشی نے کہا ہے کہ بھارت سے مذاکرات کے لئے تیار ہیں، ماضی کی حکومتوں نے نیشنل ایکشن پلان پر عمل نہیں کیا۔

    ان خیالات کا اظہار انہوں نے ملتان میں میڈیا سے گفتگو کرتے ہوئے کیا، شاہ محمود قریشی نے کہا کہ پاکستان کی خارجہ پالیسی مثبت راہ پر گامزن ہے اور امن ہماری اوّلین ترجیح ہے,  پاکستان اور بھارت کے مسائل مذاکرات کی میز پر ہی حل ہوں گے، ہم بھارت سے مذاکرات کے لئے تیار ہیں۔

    وزیر خارجہ کا مزید کہنا تھا کہ افغانستان سے ملحقہ ممالک کا امن افغانستان سے مشروط ہے، پاکستان میں ایک بار پھر دہشت گردی بڑھ رہی ہے جو باعث تشویش ہے، دہشت گردی کی وجوہات جاننا بے حد ضروری ہے۔

    ایک سوال کے جواب میں ان کا کہنا تھا کہ نیشنل ایکشن پلان پر عمل درآمد کرکے دہشت گردی پر قابو پایا جاسکتا ہے، بد قسمتی سے ماضی کی حکومتوں نے نیشنل ایکشن پلان پر عمل درآمد نہیں کیا۔

    وزیرخارجہ نے کہا کہ جنوبی پنجاب صوبے کا بل اسمبلی میں جمع کروا دیا ہے، صوبے کے قیام کیلئے دیگرجماعتوں سے بھی رابطہ کریں گے، صوبے کی مخالفت کرنے والوں کو جنوبی پنجاب میں قدم نہیں رکھنے دیں گے۔

  • ملتان سے سوتیلی ماں جیسا سلوک نہیں ہونے دیں گے: وزیر خارجہ

    ملتان سے سوتیلی ماں جیسا سلوک نہیں ہونے دیں گے: وزیر خارجہ

    ملتان: وزیر خارجہ شاہ محمود قریشی نے کہا ہے کہ ماضی کی طرح ملتان سے سوتیلی ماں جیسا سلوک نہیں ہونے دیں گے، ماضی میں ملتان میں ترقیاتی کام نہیں ہوئے جو افسوس ناک ہے۔

    تفصیلات کے مطابق ملتان میں وزیر خارجہ کی زیر صدارت سرکٹ ہاؤس میں اجلاس منعقد ہوا، جس میں مختلف محکموں کی کارکردگی اور ترقیاتی منصوبوں پر پیش رفت کا جائزہ لیا گیا۔

    اجلاس میں چیف وہپ ملک عامر ڈوگر، پارلیمانی سیکرٹری زین قریشی اور وفاقی و صوبائی اراکین اسمبلی بھی شریک ہوئے۔

    شاہ محمود نے کہا کہ ماضی میں ملتان میں ترقیاتی کام نہیں ہوئے جو افسوس ناک امر ہے، ماضی میں ملتان کے فنڈ لاہور میں لگے جس کی وجہ سے یہاں احساس محرومی بڑھا۔

    یہ بھی پڑھیں:  وزیراعظم عمران خان کی گوادر میں دہشت گرد حملے کی مذمت

    وزیر خارجہ نے کہا کہ حکومت سے ملتان میں انفرا اسٹرکچر کی بہتری کے لیے فنڈز مانگیں گے۔

    دریں اثنا، ڈپٹی کمشنر نے اجلاس میں ویسٹ مینجمنٹ کمپنی، واسا، اور ترقیاتی منصوبوں پر بریفنگ دی، وزیر خارجہ نے کہا کہ ویسٹ مینجمنٹ کمپنی میں ساڑھے 3 ارب کی کرپشن ہوئی، اس کرپشن کی تحقیقات پبلک اکاؤنٹس کمیٹی سے کرائیں گے۔

    شاہ محمود قریشی نے کہا کہ کمپنی میں ساڑھے 3 ارب کی کرپشن میں سابق سیاسی قیادت ملوث رہی۔ انھوں نے ہدایت کی کہ کمپنی انتظامیہ سینیٹری ورکرز اور مشینری کی کمی پوری کرے اور شہر کو صاف کرے۔

  • ملتان کا نشتراسپتال معیاری سہولتیں فراہم کررہا ہے، عثمان بزدار

    ملتان کا نشتراسپتال معیاری سہولتیں فراہم کررہا ہے، عثمان بزدار

    ملتان: وزیراعلیٰ پنجاب سردار عثمان بزدار کا کہنا ہے کہ نشتراسپتال 2 میں 120 بستروں پرمشتمل ایمرجنسی وارڈ بنایا جائے گا۔

    تفصیلات کے مطابق وزیراعلیٰ پنجاب نے نشتراسپتال 2 کا سنگ بنیاد رکھنے کی تقریب سے خطاب کرتے ہوئے کہا کہ ملتان کا نشتراسپتال معیاری سہولتیں فراہم کررہا ہے۔

    وزیراعلیٰ پنجاب نے کہا کہ اوپی ڈی میں روزانہ 6 ہزارمریضوں کوچیک کیا جاتا ہے، اسپتال میں بلوچستان اورکے پی کے افراد بھی علاج کے لیے آتے ہیں۔

    عثمان بزدار نے کہا کہ منصوبہ ملتان کے لوگوں کے لیے ایک تحفہ ہے، نشتراسپتال کے فیز 2 کو بہت پہلے شروع کیا جانا تھا، ماضی کی حکومتوں کی غفلت کی وجہ سے منصوبہ تاخیرکا شکار ہوا۔

    انہوں نے کہا کہ پہلے مرحلے میں 500 بستروں کا اسپتال بنایا جائے گا، نشتراسپتال 2 میں 120 بستروں پرمشتمل ایمرجنسی وارڈ بنایا جائے گا۔

    وزیراعلیٰ پنجاب نے کہا کہ جنوبی پنجاب سیکریٹریٹ کے لیے کام کررہے ہیں، عوام کی خدمت کا سفرجاری رہے گا۔

    ہمارا وژن غریب اورامیر میں فرق کوختم کرنا ہے، عثمان بزدار

    یاد رہے کہ گزشتہ ہفتے وزیراعلیٰ پنجاب سردار عثمان بزدار کا کہنا تھا کہ ہمارا وژن غریب اورامیر میں فرق کوختم کرنا ہے، عوام کا معیارزندگی بلند کرنے کے لیے مثبت حکمت عملی سے کام کیا جا رہا ہے۔