Tag: ملتان

  • ملتان جیل کےقیدی کیخلاف اقدام خودکشی سمیت تین مقدمات درج

    ملتان جیل کےقیدی کیخلاف اقدام خودکشی سمیت تین مقدمات درج

    ملتان: جیل کےقیدی کےخلاف اقدام خودکشی سمیت تین مقدمات درج کرلئےگئے، جیل انتظا میہ نے فرائض سے غفلت پر سات اہلکار معطل کر دئیے۔

    ڈسٹرکٹ جیل ملتان کے قیدی غلام محمد نے محبوبہ کی ایک جھلک کے لئے جیل انتظامیہ کی دوڑیں لگوادیں اورمحبوبہ کوجیل ملاقات کے لئے لائے جانے پرخود ہی اس سارے ڈرامے کا ڈراپ سین کردیا۔

    غلام محمد پرتین دفعات دائرہوچکی ہیں جوکہ اقدامِ خودکشی،سرکاری کام میں مداخلت اورپولیس اہلکاروں کوقتل کی دھکمیاں دینے کی دفعہ ہیں، پولیس اہلکاروں کو دھکمیاں دینے پردفعہ پانچ سوچھ،سرکاری کام میں مداخلت پردفعہ ایک سوچھیاسی اوردفعہ تین سوترپن جبکہ اقدامِ خودکشی پردفعہ تین سوپچیس کے تحت مقدمہ درج کیا گیا ہے، قیدی غلام محمد اس وقت ڈسٹرکٹ جیل کے اسپتال میں زیرِعلاج ہے اوراس کی حالت بہتربتائی جارہی ہے، ملزم کوسخت سیکورٹی میں رکھا گیا ہے تاکہ وہ آئندہ ایسا کوئی اقدام نہ کرے۔

  • دوسری جماعت کا طالبعلم کرنٹ لگنےسےجاں بحق

    دوسری جماعت کا طالبعلم کرنٹ لگنےسےجاں بحق

    ملتان : اسکول میں دوسری جماعت کاطالب علم بجلی کا تار چھو جانے سےزندگی سے ہاتھ دھو بیٹھا۔

    ملتان کے نواحی علاقہ لاڑ میں گورنمنٹ ہائر سیکنڈری اسکول میں کھلیتے ہوئے دوسری جماعت کا طالبعلم دس سال کے حسنین کا ہاتھ بجلی کے کھمبے کی سپورٹنگ وائر سے ٹکرا گیا، جس میں کرنٹ دوڑ رہا تھا، کرنٹ لگنے سے حسنین انتقال کر گیا ۔ اسکول انتظامیہ کا کہنا ہے کہ اس نے میپکو کو سپورٹنگ وائر میں کرنٹ آنے کی کئ بار شکایت کی گئی تھی لیکن کوئی اقدام نہ کیا گیا، افسوس ناک واقعہ پر بچے کے لواحقین اہل علاقہ اورا سکول طلبا نے انتظامیہ کے خلاف احتجاجی مظاہرہ کیا۔

  • ملتان: محبوبہ کی محبت قیدی کو 150 فٹ اونچی ٹنکی پر لے گئی

    ملتان: محبوبہ کی محبت قیدی کو 150 فٹ اونچی ٹنکی پر لے گئی

    ملتان:  ڈسٹر کٹ جیل کا قیدی غلام رسول اپنی محبوبہ سے ملاقات کا مطالبے لئے پانی کی ٹنکی پر چڑھ گیا ہے۔

    یوں تو محبت اندھی ہوتی ہے اور ایسے ہی اندھے پن کے کچھ مناظر آج ملتان ڈسٹرکٹ جیل میں نظر آئے، جب تین سو دو کا قیدی غلام محمد جیل انتظامیہ سے نظر بچا کر ڈیرھ سو فٹ اونچی پانی کی ٹنکی پر چڑ ھ گیا۔

    قیدی نے گلے میں پھندا ڈال کر انتظامیہ سے مطالبہ کیا ہے کہ ویمن جیل میں قید اس کی محبوبہ سے ملوایا جائے ورنہ خودکشی کرلے گا۔

    دوسری جانب ڈپٹی سپرٹنڈنٹ جیل کا کہنا ہے قیدی کی ذہنی حالت ٹھیک نہیں ہے ہماری کوشش ہے کہ اس کو باحفاظت اتار لیا جائے۔

  • ملتان کی اہم شاہراہ پر داعش کی وال چاکنگ

    ملتان کی اہم شاہراہ پر داعش کی وال چاکنگ

    ملتان: داعش نے پاکستان میں بھی قدم جمانا شروع کردیئے،ملتان کی اہم شاہراہ پر نامعلوم افراد نے داعش کی وال چاکنگ کر دی۔

    ملتان کی اہم اور مصروف شاہراہ پرداعش کے نعرے لکھ دیے گئے،ملتان میں داعش کے حق میں وال چاکنگ خطرے کی گھنٹی سے کم نہیں، پاکستانی کے قبائلی علاقوں اور بلوچستان کے سرحدی علاقوں میں داعش کا نام پہلے ہی سنا جارہا ہے، سوشل میڈیا پر گردش کرنے والی نئی اطلاعات کے مطابق تحریک طالبان پاکستان سے وابستہ گروپ اب داعش میں شامل ہورہے ہیں۔

    کالعدم تحریک طالبان پاکستان کے سابق ترجمان شاہد اللہ شاہد سمیت ہنگو، اورکزئی، کرم اور خیبر ایجنسی کے رہنما بھی داعش میں بھی شامل ہوئے ہیں،اس کے ساتھ ہی بلوچستان کےسرحدی علاقوں میں داعش کی سرگرمیوں کی اطلاعات منظر عام پر آئی ہیں۔ حال ہی میں بلوچستان میں ذکریوں کی عبادت گاہوں پر حملے ہوئے ۔کہا جارہا تھا کہ ان حملوں میں بھی داعش ملوث ہے۔

     داعش کے لیئے کہا جاتا ہے کہ اس کے مالی وسائل بے پناہ ہیں۔ اس کے ساتھ ہی ان کے پاس جدید ترین اسلحہ موجود ہے، داعش کے پاکستان میں متحرک ہونے سے دہشتگردی کے خلاف جنگ نیا رخ اختیار کرے گی۔

  • ملتان: چارسالہ بچی سے زیادتی کا ملزم گرفتار

    ملتان: چارسالہ بچی سے زیادتی کا ملزم گرفتار

    ملتان: میلسی کی رہائشی 4 سالہ بچی کو رشتہ دار نے بہلا پھسلا کر زیادتی کا نشانہ بنا ڈالا بعد ازاں ملزم بےہوشی کی حالت میں بچی کو گھر کے دروازے پر پھینک کر فرار ہو گیا۔

    تفصیالت کے مطابق ملتان نشتر ہسپتال میں زخمی حالت میں  منتقل کی جانے والی 4 سالہ انجم گھر سے باہر نکلی تو اوباش نوجوان 18 سالہ نادر بچی کو بہلا پھسلا کر اپنے گھر لے گیا جہاں بچی کو زبردستی زیادتی کا نشانہ بنایا۔

      بچی کی حالت خراب ہونے پر ملزم 4 سالہ نادیہ کو بےہوشی کی حالت میں گھر کے دروازہ پر پھینک کر فرار ہو گیا متاثرہ بچی کے والدین کے مطابق پولیس نے گرفتاری کے باوجود ملزم کے خلاف کوئی قانونی کارروائی نہیں کی وزیراعلیٰ پنجاب میاں شہباز شریف انصاف فراہم کریں۔

  • ملتان میں سوئی گیس ملازم اہل علاقہ کے ہتھے چڑھ گیا

    ملتان میں سوئی گیس ملازم اہل علاقہ کے ہتھے چڑھ گیا

    ملتان: سوئی گیس کمپنی کا ملازم ملتان کے مکینوں کے ہتھے چڑھ گیا جس کو اہل علا قہ نے گیس کی فراہمی منقطع کرنے پر زدو کوب کیا اور پنجر ے میں بند کردیا پولیس نے موقع پر پہنچ کر اہلکار کی جان علا قہ مکینوں سے چڑوائی۔

    تفصیلات کے مطابق ملتان کے علا قے میں شاہ رکن عالم ٹی چوک پر سوئی گیس کمپنی کا ملازم اظہر حسین اپنے روز مرہ کے کام میں مشغول تھا کہ اہل علا قہ نے اس کو موقع پر پہنچ کر زد وکوب کیا اور پھر ایک پنجرے میں بند کردیا۔

    اہل علاقہ کے مطابق موصوف گھریلو صارفین کی لائن بند کر کے سی این جی اسٹیشن کی لائن کھو ل رہے تھے۔ جس پر علاقہ مکینوں کی نظر پڑی تو دھر لیا۔ سوئی گیس کا ملازم کنورٹرکے پنجرے کے اندر بند کردیئے گئے اور باہر عوام کا ہجوم اس کو زد وکوب کرتا رہا۔

    اظہر حسین کو رہائی دلانے کے لئے تھانہ شاہ رکن عالم پولیس کو اہل علاقہ سے مزاکرات کرنی پڑی اور اس کے بعد کہیں جاکر اظہر حسین کو رہائی نصیب ہو ئی۔

    اہل علا قہ کا کہنا تھا کہ ان کے علاقے میں کئی روز سے صبح سویرے سے ہی گیس بند ہو جاتی ہے جو رات گئے بحال کی جاتی ہے جس کی وجہ سے خواتین کو کھانا بنانے کے لئے گیس ہی دسیتاب نہیں ہو تی ہے اور علاقہ مکنیوں کو شدید مشکلات کا سامان کرنا پڑرہا تھا۔ علا قہ مکینوں کا کہنا تھا کہ آج صبح ان کو اظہر حسین گیس بند کرتا ہوا نظر آیا تو اس کو پکڑ لیا اور بند کردیا۔

  • ملتان ضمنی الیکشن کے سرکاری نتائج کااعلان ،عامرڈوگرکامیاب

    ملتان ضمنی الیکشن کے سرکاری نتائج کااعلان ،عامرڈوگرکامیاب

    اسلام آباد: حلقہ این اے ایک سو اننچاس میں گزشتہ روز ہونےوالے ضمنی انتخابات کے سرکاری نتائج کا اعلان کردیا گیاہےجس کےمطابق ملک عامر ڈوگرباون ہزار تین سو اکیس ووٹ لےکر کامیاب قرار پائے۔

    الیکشن کمیشن آف پاکستان نےگزشتہ روز ملتان میں ہونےوالے ضمنی انتخابات کے سرکاری نتائج کا اعلان کردیا، نتائج کے مطابق پی ٹی آئی کے حمایت یافتہ آزاد امیدوار ملک عامر ڈوگر باون ہزار تین سو اکیس ووٹ لے کر کامیاب قرار پائے۔

    مسلم لیگ ن کے حمایت یافتہ آزاد امیدوارجاوید ہاشمی اڑتیس ہزار تین سو اکیانوے ووٹ حاصل کرکے دوسرے نمبر پر رہےجبکہ پیپلزپارٹی کے امیدوار جاوید صدیقی تیسرے نمبر پر رہے۔

    الیکشن کمیشن کے مطابق حلقے میں کل نناوے ہزار چھ سو نو ووٹ کاسٹ کئے گئے۔ملتان کی یہ نشست جاوید ہاشمی کے استعفے کے بعد خالی ہوئی تھی۔

    حلقےمیں ضمنی انتخابات کےلئے دوسو چھیاسی پولنگ اسٹیشن قائم کئے گئے تھےجن میں سے ایک سو چھ کو حساس اور سولہ کوانتہائی حساسقرار دیاگیا تھا۔

    ،۔واضح رہے کہ گزشتہ روزملتان این اے 149 کے انتخابی دنگل میں عامر ڈوگر نے جاوید ہاشمی کو پچھاڑ دیا۔ غیر سرکاری نتائج کے مطابق عامر ڈوگر 11 ہزار سے زائد ووٹ سے کامیاب ہوئے تھے۔ عامر ڈوگر نے 58142 اور جاوید ہاشمی نے 47222 حاصل کیے تھے۔

                        دوسری جانب این اےایک سواننچاس کےضمنی الیکشن میں کل ہی جاوید ہاشمی نےشکست تسلیم کر کے عامرڈوگرکومبارکباد بھی دی

  • ملتانیوں نے سیاست پرلگا داغ دھو دیا،شاہ محمود قریشی

    ملتانیوں نے سیاست پرلگا داغ دھو دیا،شاہ محمود قریشی

    ملتان: پی ٹی آئی کے سینئر وائس چیئرمین شاہ محمود قریشی نے کہا ہے کہ ملتان نے پاکستان کی سیا ست بدل دی ہے ۔ملتان پر جو داغ لگا تھا ملتانیوں نے اُسے دھو دیا ہے ۔

    پی ٹی آئی کے حمایت یا فتہ آزاد اُمیدوار عامرڈوگر کی کامیابی کے بعد پی ٹی آئی کے سینئر وائس چیئرمین شاہ محمود قریشی نے کہا ہے کہ ملتا ن نے پاکستان کی سیاست کو تبدیل کردیا ہے ۔

    ملتان کے حلقہ ایک سو اُنچاس میں ضمنی الیکشن کے ابتدائی غیر سرکاری نتائج کے بعد میڈیا سے گفتگو کرتے ہوئے  شاہ محمود قریشی نے کہا کہ  یہاں کے لوگوں نے ایک گیند سے سے دو وکٹیں گرائیں ہیں ۔

    اُن کا کہنا تھا کہ تحریک انصاف نے شفاف الیکشن کیلئے باقاعدہ منصوبہ بندی کی تھی، جس کے نتیجہ سامنے آیا۔

    جاوید ہاشمی کی شکست پر تبصرہ کرتے ہوئے اُن کا کہنا تھا کہ ضمنی انتخاب میں خرگوش شیر کو کھا گیا اور پیپلز پارٹی کی ضمانت ضبط ہوگئی ہے ۔ شاہ محمود قریشی نےکا کہنا تھا کہ اہمیت کُرسی کی نہیں عمران خان کی سیاست کی ہے۔

  • خواجہ سعد رفیق کا دعویٰ غلط ثابت ہوگیا

    خواجہ سعد رفیق کا دعویٰ غلط ثابت ہوگیا

    ملتان :وفاقی وزیر ریلوے خواجہ سعد رفیق نے جمعرات کی صبح دعویٰ کیا تھاکہ آج ملتان کے باشعور عوام یہ فیصلہ کرینگے کہ وہ جمہوریت کے ساتھ ہیں یا جھوٹ کے۔خواجہ سعد رفیق ن لیگ کے اُن رہنماؤں میں سے ہیں جن کا شمار سب سے زیادہ بولنے والوں میں ہوتا ہے۔ .

    عمران خان شروع ہی سے جن چار حلقوں میں دھاندلی اوران حلقوں میں شفاف تحقیقات کامطالبہ کرتے رہے ہیں اُن میں سے ایک حلقہ سعد رفیق کا بھی ہے ۔ سعد رفیق نے ملتان میں جمعرات کی صبح ایک پریس کانفرنس کی اور دعویٰ کیاکہ آج جمہوریت اور جھوٹ کامقابلہ ہے۔

    جھوٹ سے مراد ن لیگ یہ مؤقف یہ ہے کہ دھاندلی سے متعلق عمران خان کے تمام الزامات غلط ہیں، اب جب کہ ملتان کے عوام نے فیصلہ دے دیا ہے جوجاوید ہاشمی کیخلاف ہے توکیا سعد رفیق اعتراف کرینگے کہ ملتان نے عمران خان کے دھاندلی کے الزامات کے حق میں فیصلہ دے دیا ، اور کیان لیگ  اس عوامی فیصلے کے بعددھاندلی کی شفاف تحقیقات کے مطالبے کو پذیرائی بخشے گی ؟

  • نتائج کو کھلے دل سے تسلیم کروں گا،جاوید ہاشمی

    نتائج کو کھلے دل سے تسلیم کروں گا،جاوید ہاشمی

    ملتان: ضمنی الیکشن کے امیدوار مخدوم جاوید ہاشمی نے کہا ہے کہ میں نتائج کو کھلے دل سے تسلیم کروں گا اور حتمی نتائج آنے پر جیتنے والے امیدوار کومبارکباد دونگا۔

    ان خیالات کااظہار انہوں نے ملتان میں میڈیا سے گفتگو کرتے ہوئے کیا،جاوید ہاشمی نے کا کہنا تھا کہ میں طبیعت کی خرابی کے باعث اپنی انتخابی مہم نہیں چلا سکا ، البتہ جن لوگون نے مجھے ووٹ دیئےان کا شکرگزار ہوں۔

    انہوں نے کہا کہ اپنے علاج کے سلسلے میں چین جلد چین جاؤں گا، ان کا کہنا تھا کہ الیکشن سے یہ بات واضح ہوگئی کہ تبدیلی صرف ووٹ کے ذریعے ہی آئے گی کنٹینرز اور دھرنوں سے تبدیلی کا کوئی امکان نہیں۔ انہوں نے کہا کہ ہاربھی گیا تو کسی سے کوئی شکوہ نہیں ہے۔