Tag: ملتان

ملتان: وزیراعلیٰ پنجاب عثمان بزدار کا کہنا ہے کہ جنوبی پنجاب کے رہنے والوں کو کام کے سلسلے میں لاہور نہیں آنا پڑے گا۔

تفصیلات کے مطابق وزیراعلیٰ پنجاب عثمان بزدار نے ملتان میں متی تل روڈ پر جنوبی پنجاب سیکرٹریٹ بنانے کا اعلان کیا ہے جو 500 کنال اراضی پر محیط ہوگا۔

انہوں نے کہا کہ جنوبی پنجاب کے رہنے والوں کو کام کے سلسلے میں لاہور نہیں آنا پڑےگا،جنوبی پنجاب کے رہائشیوں کے مسائل مقامی سطح پر حل ہوں گے۔عثمان بزدار نے ملتان جم خانہ بنانے کی بھی منظوری دے دی۔

وزیراعلیٰ پنجاب نے کہا کہ نشتر اسپتال 2 کے پہلے فیز کو جلد آپریشنل کیا جائے،پہلا مرحلہ 500 بستروں کے اسپتال کا ہے، لاگت5ارب ہے۔عثمان بزدار نے نشتر اسپتال ٹو کے منصوبے پر پیش رفت کا جائزہ لیا۔

بعدازاں وزیراعلیٰ پنجاب نے سرکٹ ہاؤس ملتان میں پارلیمنٹرینز اور دیگر سے ملاقات کی اور منتخب نمائندوں کے حلقوں کے مسائل سنے۔

سردار عثمان بزدار کا کہنا تھا کہ سابق دور میں جنوبی پنجاب کے عوام غربت کی چکی میں پستے رہے،سابق حکمرانوں نے جنوبی پنجاب کے عوام کو ترقی کے نام پر دھوکادیا۔انہوں نے مزید کہا کہ جنوبی پنجاب کو اس کی ترقی کا حق واپس دے رہے ہیں۔

ملتان: وزیراعلیٰ پنجاب عثمان بزدار نے ویسٹ مینجمنٹ کمپنی کے ڈپٹی منیجر اور انچارج اسٹریٹ لائٹس کو معطل کر دیا۔

تفصیلات کے مطابق وزیر اعلیٰ پنجاب نے رات گئے بغیر پروٹوکول ملتان کے مختلف علاقوں کا دورہ کیا۔عثمان بزدار نے کمپنی کے ڈپٹی منیجر اور انچارج اسٹریٹ لائٹس کو مقرر کر کے ویسٹ مینجمنٹ کمپنی کے سی ای او سے 2 دن میں وضاحت طلب کر لی۔

وزیراعلیٰ پنجاب نے کہا کہ صفائی کی ذمے دار ایم ڈبلیو ایم سی ہے،کوتاہی برداشت نہیں کروں گا،شہر میں صفائی کی صورتحال کا خود جائزہ لیا ہے۔

عثمان بزدار کا کہنا تھا کہ وارننگ کے باوجود بہتری نہ ہونا افسوسناک ہے،اسٹریٹ لائٹس کو ترجیحی بنیادوں پر فوری درست کیا جائے، اسٹریٹ لائٹس روشن نہ ہونے سے عوام کودشواری کا سامنا کرنا پڑتا ہے۔

فرائض میں غفلت برتنے والے افسر کو عہدے پر رہنے کا حق نہیں، عثمان بزدار

اس سے قبل 13 ستمبر کو وزیراعلیٰ پنجاب عثمان بزدار نے رات گئے بغیر پروٹوکول لاہور کے مختلف علاقوں کا اچانک دورہ کیا تھا اور شہری سہولتوں کا جائزہ لیا تھا۔

عثمان بزدار کا کہنا تھا کہ سرکاری فرائض میں کوتاہی برداشت نہیں،فرائض میں غفلت برتنے والے افسر کو عہدے پر رہنے کا حق نہیں ہے۔

لاہور: وزیراعلیٰ پنجاب سردار عثمان بزدار کا کہنا ہے کہ جنوبی پنجاب کے سیکرٹریٹ کے منصوبوں کا سنگ بنیاد جلد رکھا جائےگا۔

تفصیلات کے مطابق وزیراعلیٰ پنجاب عثمان بزدار نے بہاولپور اور ملتان میں سول سیکرٹریٹ کے ماڈل کی منظوری دے دی۔دونوں شہروں میں سیکرٹریٹ کے منصوبوں کا سنگ بنیاد جلد رکھا جائےگا۔

عثمان بزدار نے کہا کہ پنجاب انفرا اسٹرکچر ڈویلپمنٹ اتھارٹی نے سیکرٹریٹ کے ماڈل تیار کیے، دونوں سول سیکرٹریٹ کو جدید ترین طرز پر تعمیر کیا جائے گا۔

وزیراعلیٰ پنجاب کا کہنا تھا کہ جنوبی پنجاب کے عوام سے کیا گیا ہر وعدہ پورا کریں گے،حکومت کھوکھلے نعروں پر نہیں عملی اقدام پر یقین رکھتی ہے۔

انہوں نے کہا کہ سابق حکومتیں وعدوں پر جنوبی پنجاب کے عوام کو بہلاتی رہیں،سابق دور میں جنوبی پنجاب کو بری طرح نظر انداز کیا گیا،جنوبی پنجاب کے فنڈز من پسند ضلعوں پر خرچ کیے گئے،جنوبی پنجاب کے لیے مخصوص فنڈ صرف وہاں ہی خرچ ہوں گے۔

فرائض میں غفلت برتنے والے افسر کو عہدے پر رہنے کا حق نہیں، عثمان بزدار

یاد رہے کہ دو روز قبل وزیراعلیٰ پنجاب عثمان بزدار کا کہنا تھا کہ سرکاری فرائض میں کوتاہی برداشت نہیں،فرائض میں غفلت برتنے والے افسر کو عہدے پر رہنے کا حق نہیں ہے۔

ملتان: کرونا وائرس کے کیسز میں اضافے کے بعد صوبہ پنجاب کے شہر ملتان میں ایمرجنسی نافذ کر دی گئی۔

تفصیلات کے مطابق ڈپٹی کمشنر ملتان عامر خٹک نے کرونا وائرس کے کیسز میں اضافے کے پیش نظر ملتان میں ایمرجنسی نافذ کرتے ہوئے نشتر اسپتال میں وینٹی لیٹرز کی تعداد دگنی کرنے کی ہدایت کر دی۔

عامر خٹک کا کہنا تھا کہ پرائیویٹ اسپتال دستیاب وینٹی لیٹرز کا نصف کرونا مریضوں کے لیے مختص کریں،ابتدائی طور پر ہر اسپتال 2 وینٹی لیٹر بیڈز مختص کرےگا،ضرورت پڑنے پر وینٹی لیٹرز بیڈز میں اضافہ کیا جائےگا۔

ڈپٹی کمشنر ملتان نے کہا کہ سرکاری اسپتال میں وینٹی لیٹر نہ ہونے پر مریض پرائیویٹ اسپتال ریفر کیا جائے گا، پرائیوٹ اسپتالوں کو ریفر کیےگئےمریضوں کا علاج مفت ہوگا۔انہوں نے مزید کہا کہ پرائیویٹ اسپتال کو کرونا مریضوں کے علاج کاخرچہ حکومت ادا کرے گی۔

ملک میں کرونا کے 11 لاکھ ٹیسٹ، 1 لاکھ 81 ہزار مثبت، 3590 افراد جاں بحق

واضح رہے کہ گزشتہ چوبیس گھنٹوں کے دوران ملک میں 4,471 نئے کیسز سامنے آئے، نیشنل کمانڈ اینڈ آپریشن سینٹر کی جانب سے جاری اَپ ڈیٹ کے مطابق نئے اور مہلک وائرس کو وِڈ نائنٹین سے پاکستان بھر میں 181,088 افراد متاثر ہو چکے ہیں، جبکہ اموات کی تعداد 3,590 ہو گئی ہے۔

ملک کے مختلف شہروں میں اس وقت کرونا کے زیر علاج مریضوں کی تعداد 1 لاکھ 6 ہزار 40 ہے، جبکہ اب تک 71,458 مریض وائرس سے لاحق ہونے والی بیماری سے صحت یاب ہو چکے ہیں۔

ملتان: کرونا ریلیف ٹائیگر فورس کو یونین کونسل سطح پر متحرک کرنے کے فیصلے کے بعد وزیر خارجہ شاہ محمود قریشی اپنے حلقے کی یو سیز میں ٹائیگر فورس میدان میں اتارنے میں کامیاب ہو گئے۔

اے آر وائی نیوز کے مطابق ملتان میں شاہ محمود قریشی کے حلقے کی گلی محلوں میں ٹائیگر فورس عوام کی مدد کے لیے تیار ہو گئی، شاہ محمود نے اس سلسلے میں 30 یونین کونسلز میں ٹائیگر فورس کے 6 ہزار ممبرز کو تربیت دی۔

شاہ محمود قریشی کی طرف سے ٹائیگر فورس کو گروپس میں تربیت دی گئی، انھوں نے ٹائیگر فورس سے کہیں ویڈیو لنک تو کہیں براہ راست خطاب کیا، فورس کے جوانوں کو یوٹیلیٹی اسٹورز، احساس مراکز، مارکیٹس، اسپتالوں، مساجد سمیت ہجوم والی ہر جگہ پر ڈیوٹی کی تربیت دی گئی۔

ٹائیگر فورس کو اس بات کی تربیت دی گئی کہ کرونا سے خود کیسے بچیں اور لوگوں کو کیسے بچائیں، شاہ محمود قریشی کا کہنا تھا کہ ٹائیگر فورس اسمارٹ لاک ڈاؤن میں ضرورت مندوں کی مدد کریں گے۔

کرونا چیلنج: وزارت خارجہ میں جدید ٹیکنالوجی کے استعمال کو فروغ دینے کا فیصلہ

وزیر خارجہ نے ٹائیگر فورس سے آن لائن خطاب میں قومی خدمت کو شعار بنانے کی ہدایت کی اور کہا وزیر اعظم کے وژن کے مطابق ٹائیگر فورس انسانیت کی خدمت میں لگ جائیں، آپ کا انتخاب انسانیت کی خدمت کے لیے ہے، میں آپ کے ساتھ ہوں۔

شاہ محمود نے کہا ٹائیگر فورس کی رہنمائی اور احتیاطی تدابیر کے ذریعے کرونا کو شکست دیں، مشکل کی گھڑی میں قوم کو ٹائیگر فورس کی مدد کی ضرورت ہے، زین قریشی نے بھی حلقے میں 5 ہزار ٹائیگر فورس کی تربیت کی، میرے اور زین قریشی کے حلقے میں 11 ہزار لوگوں کی خدمت پر مامور ہیں۔