Tag: ملزمان

پشاور : ککوہستان کرپشن اسکینڈل کے 9 ملزمان نے پلی بارگین کیلئے درخواستیں دے دیں ، رقم کے تعین کے بعدملزمان کی درخواستیں چیئرمین نیب کو بھیجی جائیں گی۔

تفصیلات کے مطابق کوہستان کرپشن اسکینڈل کے 9 ملزمان نے نیب کو پلی بارگین کیلئےدرخواستیں دیدیں، ذرائع نے بتایا کہ ملزمان کے منقولہ اور غیر منقولہ اثاثوں کی چھان بین بھی جارہی ہے۔

ذرائع نیب کا کہنا تھا کہ ملزمان کے ذمے رقم کا تعین کیا جا رہا ہے، رقم کے تعین کے بعد ملزمان کی درخواستیں چیئرمین نیب کو بھیجی جائیں گی۔

چیئرمین نیب کی پلی بارگین کی منظوری کے بعد احتساب عدالت میں درخواست دائر ہوگی۔

مزید پڑھیں : کوہستان کرپشن کیس میں نئے انکشافات، بڑے نام بے نقاب ہوگئے

یاد رہے کوہستان کرپشن کیس میں گرفتار کنٹریکٹر محمد ایوب نے دوران تفتیش اعظم سواتی سمیت دیگر بااثر افراد سے ڈیلز کا انکشاف کیا تھا۔

بعد ازاں نیب نے کارروائی کرتے ہوئے اربوں روپے کے اثاثے برآمد، گاڑیاں، سونا اور نقدی ضبط کرلی۔

نیب نے کارروائی کے دوران 25 ارب روپے مالیت کے اثاثے برآمد اور منجمد کیے گئے، ایک ارب سے زائد نقد رقم، غیرملکی کرنسی، تین کلو سونا برآمد کرکے ضبط کرلیا گیا تھا جبکہ ؤ 73 بینک اکاؤنٹس منجمد، 5 ارب روپے کی رقم برآمد کی، 77 لگژری گاڑیوں کی کل مالیت 94 کروڑ روپے سے زائد ہے۔

پشاور : خواجہ سرا ڈولفن آیان کیس میں 15 دن گزرنے کے باوجود پولیس ملزمان کو گرفتار نہ کرسکی، مرکزی ملزم عمران اور دیگر روپوش ہیں۔

تفصیلات کے مطابق خواجہ سرا ڈولفن آیان کیس میں پولیس نے مطلوب ملزم کی گرفتاری کیلئے شبقدر کے مختلف مقامات پر چھاپا مارا تاہم 15 دن گزرنے کے باوجود ملزمان پولیس کی گرفتاری میں نہ آسکے۔

پولیس کا کہنا تھا کہ چھاپےمیں پشاوراور چارسدہ پولیس نےحصہ لیا، چارادہ اورشبقدر کےعلاقے میں ملزمان کےڈیروں پرچھاپاماراگیا، اب تک مجموعی طور پر 6 افراد زیرتفتیش ہیں،مرکزی ملزم عمران اوردیگرروپوش ہیں۔

حکام نے کہا کہ ملزم عمران نے خواجہ سرا کی برہنہ ویڈیو سوشل میڈیاپروائرل کی تھی۔

خواجہ سراڈولفن آیان کی نازیبا ویڈیو سوشل میڈیا پر وائرل ہونے کے معاملے پر ‌خیبر پختونخواہ کی تاریخ میں پہلی مرتبہ تھانہ ہشنگری میں پیکا ایکٹ کے تحت مقدمہ درج کرلیا گیا۔

خواجہ سرا کی درخواست پر ملزم عمران سمیت 7 افراد کیخلاف مقدمہ درج کیا گیا۔

مقدمے کے متن میں کہا گیا کہ عمران اور اس کےساتھیوں نے2023میں شبقدرسےاسلحہ کےزورپراٹھایا، ملزمان مجھے اپنے حجرے لے گئے اور میری نازیبا ویڈیو بنائی۔

مقدمے میں کہنا تھا کہ ملزم عمران اور اس کےساتھی بلیک میل کرتے رہے اور ملنے بلاتے تھے۔

خواجہ سرا نے کہا کہ 29 اکتوبر کو سوشل میڈیا پر اپنی ویڈیووائرل ہونے کا پتہ چلا، ویڈیو سے میری اور خاندان کی ساکھ مجروح ہوئی ، ملزمان کو گرفتار کیا جائے۔

کراچی: یونیورسٹی روڈ پر کار سوار شہری کو گاڑی سمیت اغوا کرلیا گیا، رقم موبائل لوٹنے کے بعد ڈاکوؤں نے رہا کریا۔

تفصیلات کے مطابق ڈاکوؤں نے دیدہ دلیری کی انتہا کرتے ہوئے یونیورسٹی روڈ پر کار سوار شہری کو لوٹنے کے لیے اغوا کرلیا۔ کندھ کوٹ سے تعلق رکھنے والے زمیندارآصف اعوان کو ان کی گاڑی سمیت اغوا کیا گیا۔

اغوا کاروں نے مغوی آصف اعوان کو ناردرن بائی پاس حب کے قریب چھوڑ دیا۔ مذکورہ شہری کو کار سوار ملزمان نے اغوا کیا تھا جبکہ ملزمان گاڑی، نقدی اور موبائل فون چھین کر فرار ہوگئے۔

واقعے سے متعلق پولیس کا کہنا ہے کہ چھینی گئی گاڑی کی لوکیشن حاصل کی جارہی ہے، تفتیش کا آغاز کردیا گیا ہے۔

کراچی: انویسٹی گیشن پولیس نے شہر قائد میں جلاؤ گھیراؤ کرنے والے ملزمان کی تصاویر جاری کردیں۔

تفصیلات کے مطابق انویسٹی گیشن پولیس شرقی نے سی سی ٹی وی کی مدد سے ملزمان کی تلاش تیز کردی۔

پولیس نے بتایا کہ 9 مئی کو جلاؤ گھیراؤ کرنے والے شرپسند ملزمان کی شناخت کے لیے نادرا سے بھی مدد لی جائے گی، ملزمان کیخلاف دہشت گردی ایکٹ اور دیگر سنگین مقدمات قائم ہیں۔

کراچی میں بدامنی اور جلاؤ گھیراؤ کرنے والوں کیخلاف کارروائی، 286 افراد گرفتار

پولیس نے بتایا کہ ملزمان ٹیپو سلطان، فیروز آباد اور مبینہ ٹاؤن  انویسٹی گیشن پولیس کو مطلوب ہیں۔ پولیس کا کہنا ہے کہ شرپسندوں نے 9 مئی کو جلاؤ گھیراؤ اور املاک کو نقصان پہنچایا تھا۔

پولیس نے مزید بتایا کہ ملزمان پیپلز ریڈبس، پولیس وین، واٹر بائوزر، رینجرز چوکی کو آگ لگانے میں ملوث ہیں۔

خیال رہے کہ 9مئی کو پاکستان تحریک انصاف کے سربراہ عمران خان کو گرفتار کرلیا گیا تھا جس کے بعد ملک بھر میں احتجاج اور مظاہروں کا سلسلہ شروع ہوگیا تھا۔

کراچی میں عمران خان کی گرفتاری کیخلاف احتجاج کیا گیا ، اس دوران پیپلز بس سروس کی بسوں کو نقصان بھی پہنچایا گیا اور توڑ پھوڑ کی گئی تھی جبکہ ریڈ بس کو بھی آگ لگا دی گئی تھی۔

اسلام آباد : مسلم لیگ ن کے سینئر رہنما شاہد خاقان عباسی کا کہنا ہے کہ سپریم کورٹ کو آسان کام بتانا چاہتا ہوں نیب کو ختم کرے۔

تفصیلات کے مطابق مسلم لیگ ن کے سینئر رہنما شاہد خاقان عباسی نے میڈیا سے گفتگو کرتے ہوئے کہا کہ عمران خان کو عدالت کے احاطے سے گرفتار کرنا غلط کام تھا۔

لیکن ایسی مثال نہیں کہ جو کرپشن الزام میں ریمانڈ پر ہو اور اس کو بلاکر ضمانت دی جائے، صرف ضمانت نہیں بلکہ تین کمرے کا گیسٹ ہاؤس دیا گیا، اعلیٰ ترین عدالت ملزمان کو تحفظ فراہم کررہی ہے‘۔

شاہد خاقان عباسی کا کہنا تھا کہ ن لیگ نے نیب ریمانڈ بھی کاٹا اور جیلیں بھی تب عدالتیں کہاں تھیں؟، عمران خان نے 190 ملین پاؤنڈ کابینہ کے فیصلے کے ذریعے معاملات کو حل کرنے میں دیدیا، پورے معاملے کی کوئی سمری نہیں، ریکارڈ میں کیا ہے کچھ نہیں پتہ۔

سابق وزیر اعظم نے کہا کہ عمران خان کو عدالتی احاطے سے گرفتار کرنا غلط تھا، سپریم کورٹ کو آسان راستہ بتاتے ہیں نیب کو ختم کردیا جائے، ہمارے خلاف بنائے گئے کیسز میں کوئی حقیقت نہیں، میں نے 100 پیشیاں بھگتی ہیں، عمران خان کیخلاف تفتیش نہیں ہونے دیتے۔

شاہدخاقان عباسی نے کہا کہ عمران خان سامنے آئیں اور تفتیش کا سامنا کریں، یہ ممکن نہیں نواز شریف، شہباز شریف یوسف گیلانی کیلئے انصاف الگ ہو اور عمران خان کیلئے اور ہو، ہمیں پتہ ہے آج سپریم کورٹ کیا کرے گی۔

 انہوں نے مزید کہا کہ جب سپریم کورٹ نیب کے ملزموں کو خوش آمدید کرینگے تو کون یقین کرے گا، کیا دوسرے ملزمان عمران خان سے کم پاکستانی ہیں؟، ملزم کو خوش آمدید کہنا عدالت کا کام نہیں ہے۔