Tag: ملزمان گرفتار

کراچی : پولیس نے رات گئے 3 مقابلوں میں 5 ملزمان کو گرفتار کرکے اسلحہ اور چھینی گئی موٹرسائیکلیں برآمد کرلیں۔

تفصیلات کے مطابق کراچی میں رات گئے اے وی ایل سی اور پولیس کے ڈاکوؤں کے ساتھ 3مقابلے ہوئے، مقابلےمومن آباد، اندرون روڈبروہی چوک اوررزاق آبادٹریننگ سینٹر کے قریب ہوئے۔

ایس ایس پی اے وی ایل سی عرفان سموں نے کہا کہ تینوں مقابلوں میں 5ڈاکوؤں کوزخمی حالت میں گرفتار کیا گیا، مومن آباد سے گرفتار ڈاکوعاشق سے اسلحہ ، چھینی گئی موٹرسائیکل برآمد ہوئی، برآمدموٹرسائیکل تھانہ الفلاح کی حدود سےچھینی گئی تھی۔

عرفان سموں کا کہنا تھا کہ اندرون روڈبروہی چوک مقابلےمیں 2ڈاکو زخمی حالت میں گرفتارہوئے، ڈاکوؤں سے اسلحہ اور اورنگی تھانےکی حدود سے چھینی گئی موٹرسائیکل بر آمد ہوئی۔

ایک اور واقعے میں رزاق آبادٹریننگ سینٹرکےقریب مقابلےکےبعد2 ڈاکو عادل اورحمادگرفتار ہوئے، گرفتارڈاکوؤں سےاسلحہ،تھانہ نبی بخش کی حدود سےچھینی گئی موٹرسائیکل بر آمد ہوئی تاہم گرفتار زخمی ڈاکوؤں کوعباسی شہید اور جناح اسپتال منتقل کیاگیا،ایس ایس پی اےوی ایل س

کراچی: سرجانی ٹاؤن پولیس نے پولیس اہلکار بن کر لوٹنے والے 2 ملزمان کو گرفتار کرلیا۔

تفصیلات کے مطابق سرجانی ٹاؤن پولیس نے کارروائی کرتے ہوئے پولیس اہلکار بن کر لوٹنے والے 2 ملزمان کو گرفتار کرلیا، ملزم نے تحقیقات کے دوران اہم انکشاف کیا ہے۔

ایس ایس پی مہروز علی کے مطابق گرفتار ملزمان کا 6 رکنی گروہ اندھیرے میں وارداتیں کرتا تھا، دوران تفتیش گرفتار ملزمان ارباز ،جنید نے متعدد گھروں کو لوٹنے کا انکشاف کیا ہے۔

ایس ایس پی مہروز کا کہنا ہے کہ ملزمان رات 4 بجے گھروں میں داخل ہوتے تھے، ملزمان اہلخانہ کو باندھ کر لوٹ مار کرتے تھے، اور  ہر واردات میں شناخت چھپاتے تھے۔

ایس ایس پی مہروز علی نے مزید بتایا کہ گرفتار ملزمان سے پستول، موبائل فون، جیولری، کیش، ایل سی ڈی، ڈی وی آر اور دیگر سامان برآمد کیا ہے، گرفتار ملزمان کیخلاف صرف تھانہ سرجانی میں 9 مقدمات درج ہیں۔

کراچی : ایف آئی اے کے عملے نے حوالہ ہنڈی میں ملوث عناصر کیخلاف کریک ڈاؤن کرتے ہوئے دو مختلف کارروائیوں میں 6 ملزمان کو گرفتار کرلیا۔

ایف آئی اے کے کارپوریٹ کرائم سرکل نے شہر قائد میں کارروائی کرتے ہوئے حوالہ ہنڈی میں ملوث 6 ملزمان کو گرفتار کرکے ان کے قبضے سے مجموعی طور پر 13 ہزار ڈالر،2گاڑیاں، موبائل فونز ،بےنامی اکاؤنٹس کے چیک برآمد کرلیے۔

تفصیلات کے مطابق ڈائریکٹر ایف آئی اے کراچی زون عبدالسلام شیخ کی ہدایت پر حوالہ ہنڈی میں ملوث عناصر کے خلاف کریک ڈاؤن جاری ہے۔

اس حوالے سے ایف آئی اے حکام کا کہنا ہے کہ گرفتار ملزمان حوالہ ہنڈی اور کرنسی کی غیر قانونی ایکسچینج میں ملوث تھے، پہلی کارروائی میں اسٹارگیٹ کے قریب منظم گروہ کے 5 ملزمان کوگرفتار کیا گیا۔

گرفتار ملزمان میں خرم، اسامہ، فرقان احمد، محمد افضل اور محمد علی شامل ہیں، ملزمان سے 8ہزارامریکی ڈالر اور کار برآمد کر لی گئی، ملزمان کے موبائل فون سے حوالہ ہنڈی سے متعلق پیغامات بھی ملے ہیں۔

ایف آئی اے حکام کے مطابق دوسری کارروائی میں مشرق سینٹر کے قریب منظم گروہ کا مرکزی ملزم گرفتار کیا گیا، ملزم عامر مجید سے 5ہزار امریکی ڈالر اور لگژری کار برآمد کی گئی ہے۔

ملزم عامر مجید سے بےنامی غیرملکی کرنسی اکاؤنٹ کے دستخط شدہ چیکس بھی برآمد ہوئے، مذکورہ اکاؤنٹ ملزم عامر مجید کے زیر استعمال تھا۔

ایف آئی اے حکام کا کہنا ہے کہ گرفتار ملزمان کے خلاف 2 مقدمات درج کر لیے گئے جبکہ ملزم عامر مجید کے دیگر ساتھیوں کی گرفتاری کیلئے چھاپے مارے جا رہے ہیں۔