Tag: ملزمان گرفتار

کراچی: پولیس نے 2021 میں غیرت کے نام داماد اور بیوی کو قتل کرنے والے شوہر کو  سہولتکار سمیت گرفتار کرلیا۔

تفصیلات کے مطابق کراچی کے شیر شاہ تھانہ شعبہ تفتیش نے کارروائی کرتے ہوئے دہرے قتل میں ملوث 5 ملزمان کو گرفتار کرلیا، ایس ایس پی کا بتانا ہے کہ مرکزی ملزم نواز نے 2021 میں بیوی اور داماد کو غیرت کے نام پر قتل کیا تھا۔

ایس ایس پی انویسٹی گیشن کیماڑی کے مطابق ملزم نے قتل کے بعد داماد کی لاش زہریلے فضلے میں پھینکی تھی، اس واردات میں ملزم کا بھائی مجید، بیٹا کاشف بھی شامل تھا۔

شیر شاہ تھانہ کے ایس ایس پی کا کہنا ہے کہ اس قتل میں بھتیجے اکرام اور الٰہی بخش بھی شریک تھے، ملزم نے داماد کی جان لینے سے پہلے بدترین تشدد کیا تھا۔

پولیس کا کہنا ہے کہ ملزم نے داماد کے قتل کے 3 دن بعد اپنی بیوی کو بھی قتل کردیا تھا جس کی لاش سپرہائی وے کے قبرستان میں پھینکی تھی۔

ایس ایس پی نے مزید بتایا کہ پولیس رکشہ ڈرائیور و دیگر تکنیکی طریقوں سے ملزمان کی ریکی کرتی رہی جس کے بعد ملزمان کو مختلف علاقوں سے ایک ہی وقت میں گرفتار کیا گیا۔

کراچی: ترجمان رینجرز نے ڈکیتی، اسنیچنگ، موبائل فونز کی ٹمپرنگ میں ملوث 3 ملزمان کو گرفتار کرلیا۔

تفصیلات کے مطابق ترجمان کا بتانا ہے کہ اورنگی ٹاؤن میں رینجرز اور پولیس نے مشترکہ کارروائی کے دوران ڈکیتی اور موبائل فونز کی ٹمپرنگ میں ملوث 3 ملزمان کو گرفتار  کرلیا۔

ترجمان رینجرز کے مطابق ملزمان میں محمد ایاز، عبدا لصبور عرف صبورا، احتشام عرف احسن عرف شہزور شامل ہیں، ملزمان سے چھینے گئے موبائل فونز اور موٹر سائیکل بھی برآمد ہوئے ہے۔

ترجمان رینجرز  کا کہنا ہے کہ  25 جولائی 2023 کو ملزم ایاز نے ساتھی کے ہمراہ اورنگی ٹاؤن میں موبائل چھینا تھا، دونوں ملزمان نے ملزم عبدالصبور عرف صبورا کو موبائل فروخت کیا۔

ترجمان نے مزید بتایا کہ ملزمان ڈکیتی، اسنیچنگ کی 50 سے زائد وارداتوں کا اعتراف کیا، ملزم عبدالصبور عرف صبورا کا 100 سے زائد موبائل کی ٹمپرنگ کا اعتراف کیا۔

ترجمان رینجرز نے مزید بتایا کہ ملزمان کے دیگر ساتھیوں کی گرفتاری کیلئے چھاپے جاری ہیں۔

راولپنڈی: اینٹی نارکوٹکس فورس کی منشیات اسمگلنگ کیخلاف ملک بھر میں کارروائیاں جاری ہیں۔

اے آئی وائی نیوز کے مطابق اے این ایف کی جانب سے ملک کے مختلف شہروں میں منشیات اسمگلنگ کیخلاف کارروائیاں جاری ہیں۔ ان تمام کارروائیوں میں 54 کلو گرام سے زائد منشیات برآمد کی گئی ہیں جبکہ 5 ملزمان کی گرفتاری عمل میں آئی ہے۔

اینٹی نارکوٹکس فورس( اے این ایف) کے مطابق موٹروے اسلام آباد کے قریب کارروائی میں گاڑی سے 21 کلو 600 گرام افیون اور 25 کلو  200 گرام چرس برآمد ہوئی ہے ساتھ ہی ملزم کو گرفتار کرلیا گیا۔

ترجمان اے این ایف کا کہنا ہے کہ پاک افغان بارڈر سے 3 ملزمان کو پکڑا گیا ہے جس سے 4 کلو 800 گرام مشکوک مواد برآمد ہوا جبکہ خیبر کے علاقے غیر آباد سے 1 کلو 500 گرام آئس برآمد کی گئی۔

ترجمان  کا بتانا ہے کہ کمالپور انٹر چینج فیصل آباد کے قریب 2 ملزمان کو  گرفتار کیا گیا جس کی گاڑی سے 9 کلو 600 گرام افیون اور 6 کلو چرس برآمد ہوا۔

ترجمان نے مزید بتایا کہ سیالکوٹ کے علاقے مور کپورہ سے ملزم کو گرفتار کیا گیا جس سے 1 کلو ہیروئن برآمد ہوا جبکہ جی پی او لاہور میں برطانیہ بھیجے جانے والے پارسل سے 42 گرام افیون برآمد کی گئی ہے۔

اے این ایف حکام نے بتایا کہ تمام ملزمان کے خلاف انسداد منشیات ایکٹ کے تحت مقدمات درج کر کے مزید تحقیقات کا آغاز کر دیا گیا ہے۔

کراچی: یارو خان گوٹھ سے پولیس اہلکار کے قتل میں ملوث 3 ملزمان کو گرفتار کرلیا گیا۔

کراچی پولیس نے سرجانی ٹاؤن کے علاقے یارو خان گھوٹ میں پولیس اہلکار کے قتل میں ملوث ملزمان کے خلاف کارروائی کی اس دروان فائرنگ کا تبادلہ بھی ہوا۔

پولیس کا کہنا ہے کہ کارروائی میں پولیس اہلکار کے قتل میں ملوث 3 ملزمان کو گرفتار کرلیا گیا ہے، ملزمان کی گرفتار کیلئے یارو خان گوٹھ میں کارروائی کی گئی۔

پولیس کا کہنا ہے کہ ملزمان نے 6 مئی کو پولیس اہلکار عظیم اقبال کو فائرنگ کرکے قتل کیا تھا جس کا مقدمہ تھانی سرجانی ٹاؤن میں درج کیا گیا تھا۔

کراچی میں‌ شادی کی تقریب سے واپسی پر پولیس کانسٹیبل قتل

پولیس نے مزید بتایا کہ گرفتار ملزمان سے 2 پستول، موٹرسائیکل اور دیگر سامان برآمد کرلیا ہے۔

واضح رہے کہ 6 مئی کو 30 سالہ اہل کار عظیم شادی کی تقریب سے واپس آ رہا تھا، کہ سرجانی موڑ گرین بس اسٹاپ کے قریب اس کو فائرنگ کا نشانہ بنایا گیا، جس سے وہ موقع ہی پر جاں بحق ہو گیا تھا۔