Tag: ملزمہ آمنہ عروج

لاہور : ڈرامہ نگار خلیل الرّحمٰان قمر کو اغوا کرنے کے مقدمہ کی ملزمہ آمنہ عروج ک درخواست ضمانت مسترد کر دی گئی۔

تفصیلات کے مطابق لاہور کیانسداد دہشت گردی عدالت میں ڈرامہ نگار خلیل الرّحمٰان قمر کو اغوا کرنے کے مقدمہ کی ملزمہ آمنہ عروج کی درخواست ضمانت پر سماعت ہوئی۔

انسداد دہشت گردی عدالت کے جج ارشد جاوید نے درخواست پر فیصلہ سنایا، جس میں عدَالت نے ملزمہ کی درخواست ضمانت کو خارج کر دیا۔

آمنہ عروج نے رہائی کیلئے ضمانت کی درخواست دائر کی، جس میں کہا گیا کہ اغوا سے کوئی تعلق نہیں، عدالت ضمانت پر رہا کرنے کا حکم دے۔

خیال رہے آمنہ عروج اس وقت جوڈیشل ریمانڈ پر جیل میں ہیں اور اسی مقدمے کے دو مزکری ملزم جسمانی ریمانڈ پر پولیس کی تحویل میں ہیں۔

قبل ازیں تفتیشی افسر نے جوڈیشل ریمانڈ ختم ہونے پر آمنہ عروج کو اے ٹی سی کے سامنے پیش کیا۔ تفتیشی افسر نے اے ٹی سی جج سے مرکزی ملزم کے جوڈیشل ریمانڈ میں توسیع کی استدعا کی تھی۔

عدالت نے تفتیشی افسر کی درخواست کو منظور کرتے ہوئےملزمہ کے جوڈیشل ریمانڈ میں 14 دن کی توسیع کرتے ہوئے پولیس کو ہدایت کی کہ انہیں 17 ستمبر کو عدالت میں پیش کیا جائے۔

لاہور : ڈرامہ نگار خلیل الرحمان قمر کو جھانسہ دینے والی ملزمہ آمنہ عروج نے عدالت میں بیان میں کہا کہ حسن شاہ اورخلیل الرحمان بلیک میل کررہے تھے۔

تفصیلات کے مطابق انسداد دہشت گردی عدالت لاہور میں خلیل الرّحمٰان قمرہنی ٹریپ کیس کی سماعت ہوئی۔

عدالت نے ملزمہ آمنہ عروج نے بیان میں کہا کہ جج صاحب میری3چھوٹی بہنیں اورایک بھائی ہے،کوئی اورکمانےوالانہیں، تنخواہ سے گھر کا خرچہ پورانہیں ہورہاتھا،اس وجہ سےماڈلنگ شروع کی۔

ملزمہ کا کہنا تھا کہ حسن شاہ میرامنہ بولابھائی بناہواتھاوہ بھی اس میں ملوث ہے، جج صاحب مجھے بری طرح پھنسا یا گیا میں نے رقم نہیں لی۔

ملزمہ نے مزید کہا کہ حسن شاہ نے میری ویڈیو بھی وائرل کی ہے، میرےوالد بیمارہیں ،حسن شاہ اورخلیل الرحمان بلیک میل کررہےتھے۔

وکیل خلیل الرحمان قمر نے بتایا کہ جج صاحب میراموکل درویش آدمی ہے تو جج کا کہنا تھا کہ درویش آدمی توصبح 4بجےتہجد پڑھ رہا ہوتا ہے،یہ کیسادرویش ہے۔

عدالت نے ملزمہ کے جسمانی ریمانڈ میں 2 روز کی توسیع کردی۔