کراچی : مزارقائد پر ہم کراچی آگئے کی دھمکی آمیز ویڈیو بنانے والا ٹی ٹی پی الخوارج کا اہم کارکن کو کیسے ٹریس کرکے پکڑا گیا ، خصوصی مناظر پر مبنی فوٹیجز سامنے آگئیں۔
تفصیلات کے مطابق کالعدم ٹی ٹی پی الخوارج کے اہم کارکن کی گرفتاری کے بعد 34 مقامات کی فوٹیج سامنے آگئی ، ملزم نے ٹی ٹی پی کا ٹاسک پورا کرنے کیلئے سیکیورٹی گارڈبھرتی ہونے کا انکشاف کیا۔
فوٹیج میں ملزم خلیل الرحمان کو مختلف علاقوں میں پیدل گھومتے دیکھا جاسکتا ہے ، ملزم کھڈا مارکیٹ سے سعودی قونصلیٹ تک پیدل آیا اور نمائش جانےوالی بس پرچڑھا ، ملزم بس کے ذریعے ایمپریس مارکیٹ پہنچا اور وہاں سے مزار قائد پیدل گیا۔
ملزم 3:31 پر مزار میں داخل ہوا، 4 بجکر10 منٹ پر کالعدم ٹی ٹی پی کیلئے ویڈیو بنائی ، خلیل الرحمان 4 بجکر 40 منٹ پر مزار سے نکلا اورپیدل صدرپارکنگ پلازہ پہنچا، ملزم ساتھی کے ہمراہ صدرسےبس میں بیٹھااورواپس ڈیفنس گیا۔
اس حوالے سے ڈی ایس پی سی ٹی ڈی راجہ عمرخطاب نے بتایا کہ ملزم خلیل الرحمان کاتعلق نورولی اللہ گروپ سےہے، الخوارج کمانڈرمصباح کےحکم پرملزم نےمزارقائدپرویڈیوبنائی اوردھمکی دی۔
ان کا کہنا تھا کہ ملزم افغانستان میں دہشت گردی کی ٹریننگ بھی حاصل کرچکاہے، خلیل الرحمان افغانستان سے کراچی آکرمخلتف ہوٹلوں پرکام کرتارہا۔
ملزم نے نجی سیکیورٹی کمپنی میں ملازمت اختیار کی اور ڈیفنس میں ایک بنگلے پر سیکیورٹیز شگارڈ کی ڈیوٹی کرتا تھا جبکہ رات میں دیواروں پر کالعدم ٹی ٹی پی کی وال چاکنگ کرتا تھا، ملزم نے ویڈیوبناکر سوشل میڈیا پر وائرل کرائی تھی، تاہم مزید تفتیش جاری ہے۔
