اسلام آباد: انسدادِ دہشتگردی کی خصوصی عدالت نے ممبئی حملہ کیس کے مرکزی ملزم زکی الرحمان لکھوی کی درخواستِ ضمانت کا تفصیلی فیصلہ جاری کردیا ہے۔
اسلام آباد میں انسدادِ دہشتگردی کی خصوصی عدالت نے ممبئی حملہ کیس کے مرکزی ملزم زکی الرحمان لکھوی کیس کی سماعت ہوئی، سماعت کے دوران عدالت کا کہنا تھا کہ سی آئی ڈی افسران کے بیانات میں بھی تضاد ہے۔
عدالت نے اپنے فیصلے میں کہا کہ ذکی الرحمان لکھوی کی ٹیلی فونک آواز کو بھی شناخت نہیں کیا گیا، ملزم چھ سال سے جیل میں بند ہے، پراسیکویشن کی غلطی کی سزا ملزم کو نہیں دی جاسکتی۔
اس سے قبل راولپنڈی کی انسدادِ دہشتگردی کی خصوصی عدالت نے ملزم ذکی الرحمان لکھوی کی ضمانت منظور کرلی تھی تاہم بعد میں حکومت نے انہیں 16 ایم پی او کے تحت نظر بند کردیا۔
ذکی الرحمن لکھوی کی ضمانت کے معاملہ پر بھارت کا سخت ردِعمل سامنے آیا تھا،بھارتی وزیرِاعظم کا کہنا تھا کہ پشاور میں معصوم بچوں کے قتلِ عام پر ہندوستان کو بھی کافی صدمہ ہوا ہے جبکہ لکھوی کو ضمانت کا ملنا بھی صدمہ سے کم نہیں ہے۔