کراچی: پولیس کی حراست میں گاڑی چوری کا ملزم پراسرار طور پر ہلاک ہوگیا، حقائق کا پتا چلانے کیلئ لاش کا پوسٹ مارٹم کیا جائے گا۔
تفصیلات کے مطابق کراچی میں شاہ لطیف پولیس کی حراست میں ملزم کی پراسرار موت کے بعد مذکورہ شخص کی لاش کا پوسٹ مارٹم مجسٹریٹ کی نگرانی میں کیا جائے گا، پولیس کا مؤقف سامنے آیا ہے کہ ملزم نشے کا عادی تھا، گاڑی چوری کے الزام میں گرفتار کیا تھا۔
پولیس نے بتایا کہ ملزم کیخلاف گاڑی چوری کا مقدمہ تھانہ شاہ لطیف ٹاؤن میں درج ہے، ملزم نشے کا عادی تھا، دو روز قبل طبیعت بگڑنے پر جناح اسپتال منتقل کیا گیا تھا۔
اس سے قبل بھی پولیس کی حراست میں متعدد ملزمان کی موت واقع ہوچکی ہے، تاہم اکثر ان اموات کی اصل وجوہات منظر عام پر نہیں آتیں۔
https://urdu.arynews.tv/karachi-under-custody-death-probe/
