اسلام آباد : پاکستان کو مزید3 ارب ڈالر ڈیپازٹ ملنے کا امکان ہے،یہ رقم رواں مالی سال ادائیگیوں کاتوازن بہتربنانےکیلئےاستعمال کی جائےگی، معاہدہ رواں ماہ کے اختتام تک مکمل ہونے کا امکان ہے۔
تفصیلات کے مطابق پاکستان کے چین اور انٹرنیشنل اسلامک ٹریڈاینڈفنانس کارپوریشن کےساتھ مذاکرات جاری ہے، انٹرنیشنل اسلامک ٹریڈ اینڈ فنانس کارپوریشن سے 1 ارب ڈالرملیں گے ، یہ رقم رواں مالی سال ادائیگیوں کاتوازن بہتربنانےکیلئےاستعمال کی جائےگی۔
چین سے مزید 2 ارب ڈالر زرمبادلہ ذخائر کو بہتر بنانے کیلئے لئے جائیں گے، پاکستان کے چین سےمذاکرات آخری مراحل میں ہیں ، معاہدہ رواں ماہ کےاختتام تک مکمل ہونے کا امکان ہے۔
خیال رہے اس سے قبل بھی چین 2 ارب ڈالرپاکستان کےپاس ڈیپازٹ کراچکا ہے۔
مزید پڑھیں : یو اے ای سے مزید ایک ارب ڈالر کی قسط موصول، زر مبادلہ کے ذخائر میں اضافہ
یاد رہے 12 مارچ کو متحدہ عرب امارات کی جانب سے پاکستان کو مزید ایک ارب ڈالر موصول ہوئے تھے، جس کے بعد اسٹیٹ بینک کے ذخائر نو ارب ڈالر سے تجاوز کرگئے تھے، متحدہ عرب امارات کی جانب سے مجموعی 2ارب ڈالر پاکستان کومل چکےہیں اور مزید 1 ارب ڈالر رواں ماہ کے اختتام تک ملنے کا امکان ہے۔
پاکستان کا یو اے ای سے تین ارب ڈالر کا معاہد طے ہوا تھا جبکہ پاکستان کو سعودی عرب سے ملنے والے امدادی پیکج کے3 ارب ڈالر کی رقم موصول ہوچکی ہے۔
واضح رہے وزیر اعظم عمران خان نے مسند اقتدار سنبھالنے کے بعد نومبر میں پہلا دورہ چین کیا تھا جس میں دونوں ممالک کے درمیان دو طرفہ تعاون کے 15 معاہدوں اور یادداشتوں پر دستخط کیے گئے تھے۔
