اسلام آباد : وزیراعظم شہبازشریف نے ملکی معیشت کی بحالی کے لیے ایپکس کمیٹی قائم کردی، کمیٹی سرمایہ کاری میں دلچسپی رکھنے والے ممالک کیلئے سہولت کاری کرے گی۔
تفصیلات کے مطابق ملکی معیشت کی بحالی کے مشن پر وزیراعظم شہبازشریف نے ایپکس کمیٹی قائم کردی ، ایپکس کمیٹی کی قیادت وزیر اعظم شہباز شریف کریں گے۔
ذرائع نے بتایا کہ عسکری حکام ،وفاقی وزرا بھی ایپکس کمیٹی میں شامل ہیں ، معاشی بحالی پرقائم ایپکس کمیٹی بیرونی سرمایہ کاری پرفریم ورک تیار کرے گی اور سرمایہ کاری میں دلچسپی رکھنے والے ممالک کیلئے سہولت کاری کرے گی۔
حکومتی ذرائع کا کہنا ہے کہ 5 بڑے ممالک نےبھاری سرمایہ کاری میں دلچسپی ظاہرکردی ہے ، سعودی عرب، یو اے ای، قطر ،بحرین پاکستان میں بھاری سرمایہ کاری کیلئے تیار ہے۔
ایپکس کمیٹی ان ممالک کی پاکستان سرمایہ کاری کے امور کی مانیٹرنگ کرے گی اور آئندہ 3 سال میں ان ممالک کی سرمایہ کاری کو یقینی بنائے گی۔
ذرائع کے مطابق ایپکس کمیٹی اسپیشل انویسٹمنٹ فسیلی ٹیشن کونسل کےفیصلوں پرعملدرآمد کرائے گی۔