ARYNews.tv | Urdu – Har Lamha Bakhabar

Tag: ملکی معیشت

  • ایک اور اچھی خبر ، ملکی معیشت بہتری کی جانب گامزن

    ایک اور اچھی خبر ، ملکی معیشت بہتری کی جانب گامزن

    اسلام آباد : وفاقی وزرا نے ملکی معیشت کے حوالے سے کہا کہ سرمایہ کاری ، کاروبار میں تیزی اور زرمبادلہ کے ذخائربڑھ رہے ہیں ، جولائی سے اکتوبر براہ راست غیر ملکی سرمایہ کاری سات سو تنتیس ملین ڈالرہوگئی۔

    تفصیلات کے مطابق وفاقی وزیر مواصلات مراد سعید نے سماجی رابطے کی ویب سائٹ ٹوئٹر پر اپنے پیغام میں کہا کہ ایک اور اچھی خبر، سرمایہ کاری ، کاروبارمیں تیزی اور زرمبادلہ کے ذخائربڑھ رہے ہیں جبکہ 17 سال بعد کرنٹ اکاونٹ خسارہ ختم ہوکر سرپلس میں آگیا۔

    دوسری جانب گورنرسندھ عمران اسماعیل اور وفاقی وزیر فواد چوہدری نے بھی سماجی رابطے کی ویب سائٹ ٹوئٹر پر اپنے بیان میں کہا کہ جولائی سےاکتوبربراہ راست غیرملکی سرمایہ کاری میں نواعشاریہ ایک فیصد اضافہ ہوا، جولائی سےاکتوبر براہ راست غیر ملکی سرمایہ کاری سات سو تنتیس ملین ڈالرہوگئی۔


    خیال رہے حکومتی پالیسیز اور بہتر معاشی اشاریے کے باعث پاکستان پر غیرملکی سرمایہ کاروں کا اعتماد بحال ہونے لگا ہے ، اسٹیٹ بینک آف پاکستان کے مطابق اکتوبر کے مہینے میں ملک میں براہ راست غیر ملکی سرمایہ کاری میں گزشتہ سال کے مقابلے ایک سو اکیاون فیصد کا ریکارڈ اضافہ ہوا۔

    جس کے بعد اکتوبر 2020 میں براہ راست غیر ملکی سرمایہ کاری کا حجم اکتیس کروڑ چوہتر لاکھ ڈالر تک پہنچ گیا جو گزشتہ سال اکتوبر میں بارہ کروڑ پینسٹھ لاکھ ڈالر تھا، اکتوبر میں چین کی جانب سے بائیس کروڑ ستاسی لاکھ ڈالر کی سب سے زیادہ براہ راست سرمایہ کاری کی گئی۔

    مرکزی بینک کے مطابق رواں مالی سال کے ابتدائی چار ماہ میں براہ راست غیرملکی سرمایہ کاری میں نو فیصد اضافہ ہوا، جولائی سے اکتوبر تک براہ راست غیر ملکی سرمایہ کاری تہتر کروڑ اکتیس لاکھ ڈالر تک پہنچ گئی۔

  • ‘پاکستان کیلئے معاشی حوالے سے اچھی خبریں’

    ‘پاکستان کیلئے معاشی حوالے سے اچھی خبریں’

    لاہور : معاون خصوصی ڈاکٹرشہبازگل کا کہنا ہے کہ حکومتی اقدامات کے نتیجے میں ملکی معیشت دوبارہ ٹریک پر آگئی، ملک کیلئے معاشی حوالے سے اچھی خبریں ہیں۔

    تفصیلات کے مطابق معاون خصوصی ڈاکٹرشہبازگل نے ملکی معیشت کی بہتری پر اظہار خیال کرتے ہوئے کہا ملک کیلئےمعاشی حوالے سے اچھی خبریں ہیں، حکومتی اقدامات کے نتیجے میں ملکی معیشت دوبارہ ٹریک پر ہے۔

    ڈاکٹرشہباز گل کا کہنا تھا کہ بلومبرگ نےوزیراعظم کی بہتر معاشی پالیسی کی تائید کی، بلومبرگ کے مطابق بڑے برانڈز سرمایہ کاری کیلئے پاکستان کا رخ کررہے ہیں۔

    معاون خصوصی نے کہا کہ متحدہ کرپٹ اپوزیشن نےمعیشت کی خرابی کا جعلی بیانیہ اپنایا، کرنٹ اکاؤنٹ بیلنس سرپلس17سال کی بلند ترین سطح پر آگیا جبکہ ستمبر کے دوران برآمدات 29 فیصد بڑھیں۔

    ان کا مزید کہنا تھا کہ ترسیلات میں اضافہ بیرون ملک پاکستانیوں کا عمران خان پر اعتماد ہے۔

  • توانائی کے شعبے میں اصلاحات ملکی معیشت کے استحکام کے لیے ضروری ہیں،وزیراعظم

    اسلام آباد: وزیراعظم عمران خان کا کہنا ہے کہ توانائی کے شعبے میں اصلاحات ملکی معیشت کے استحکام کے لیے ضروری ہیں۔

    تفصیلات کے مطابق وزیراعظم عمران خان کی زیر صدارت توانائی کے شعبے میں اصلاحات سے متعلق اجلاس ہوا جس میں عمر ایوب، اسد عمر، ندیم بابر اور شہزاد قاسم نے شرکت کی۔

    اجلاس میں وزیراعظم کو توانائی کے شعبے میں جاری اصلاحاتی عمل پر بریفنگ اور ملکی ضروریات کے مطابق بجلی کی پیداوار،ترسیل اور تقسیم کے نظام سے بھی آگاہ کیاگیا۔

    وزیراعظم کی زیر صدارت اجلاس میں گیس کے شعبے میں اصلاحات اور توانائی کے شعبے کے دیرینہ مسائل کے حل پر غور کیا گیا۔

    اس موقع پر وزیراعظم عمران خان کا کہنا تھا کہ توانائی کے شعبے میں اصلاحات ملکی معیشت کے استحکام کے لیے ضروری ہیں، بدانتظامی، چوری، کرپشن کا بوجھ عوام کو برداشت کرنا پڑتا ہے۔

    عمران خان کا کہنا تھا کہ اصلاحاتی لائحہ عمل پر مقررہ وقت میں ایکشن پلان مرتب کیا جائے،صارفین کے لیے مسائل پیدا کرنے والے عناصر کے خلاف سخت کارروائی یقینی بنائی جائے۔

  • ملکی معیشت کو اپنے پاؤں پرکھڑا کردیا، گردشی قرضوں میں کمی آئی، فردوس عاشق اعوان

    ملکی معیشت کو اپنے پاؤں پرکھڑا کردیا، گردشی قرضوں میں کمی آئی، فردوس عاشق اعوان

    اسلام آباد : معاون خصوصی برائے اطلاعات فردوس عاشق اعوان نے کہا ہے کہ ملک کی معیشت اب بہتر سمت میں جارہی ہے، حکومت نے دیوالیہ معیشت کو اپنے پاؤں پرکھڑا کیا، گردشی قرضوں میں30فیصدکمی آئی ہے۔

    ان خیالات کا اظہار انہوں نے اسلام آباد میں پریس کانفرنس سے خطاب کرتے ہوئے کیا، انہوں نے کہا کہ شجرکاری مہم میں پھل دار درخت لگائے جائیں گے، پھل دار درختوں کی کاشت بڑھانے کیلئے نوجوانوں کو شامل کیا جائے گا۔

    سیاحتی علاقوں میں سیاحوں کیلئےمزید سہولتیں فراہم کی جائیں گی، پہاڑی علاقوں میں شمسی توانائی کےمنصوبے لگائےجائیں گے، گیس اور بجلی کی چوری روکنے کیلئے ای میٹرنگ کی طرف جارہے ہیں، ای میٹرنگ سےگیس اوربجلی کی چوری روکنےمیں مددملےگی۔

    فردوس عاشق اعوان کا مزید کہنا تھا کہ وزیراعظم عمران خان نے تمام وزرا کو عوامی فلاح وبہبود کیلئے کام کی ہدایت کی تھی، وزیراعظم سٹیزن پورٹل اور شکایت سیل ایک دوسرے سے ڈیٹا شیئر کرینگے، وزیراعظم ہدایت کرچکے ہیں کہ قابل اعتماد تجاویز پیش کی جائیں۔

    انہوں نے کہا کہ ملک کی معیشت اب بہتر سمت میں جارہی ہے، حکومت نے دیوالیہ معیشت کو اپنے پاؤں پرکھڑا کیا، وزارت توانائی نے120ارب روپےکی بچت کی، گردشی قرضوں میں30فیصدکمی آئی ہے، مہنگائی اور بےروزگاری حکومت کیلئے بہت بڑا چیلنج ہے۔

    صنعتیں بڑھنے سے ہی بےروزگاری میں کمی آئے گی، سی پیک خطے کیلئےگیم چینجر ہے، وزیراعظم نے بیرونی سرمائے میں اضافے کیلئے ون ونڈو آپریشن کی ہدایت کی، پچھلاسال استحکام اور یہ سال تعمیر پاکستان کا ہے۔

    ایک سوال کے جواب میں انہوں نے کہا کہ پاکستان نے ترکی کے ساتھ اکنامک فریم ورک بنایا ہے، اس فریم ورک کےتحت 9ورکنگ گروپس بنائے جائیں گے، دونوں ملکوں کےدرمیان مشترکہ منصوبے بھی کرنے کی تجویزدی گئی۔

    کم آمدنی والے افراد کیلئے5ارب روپے کی منظوری دی گئی، گھریلو تشدد سے تحفظ کیلئے کابینہ نے بل کی منظوری دی ہے، سرمایہ کاروں کے اعتماد میں اضافہ کیا جائے گا، پاکستان کا بزنس فری ماحول بنائیں گے تاکہ سرمایہ کار آئیں۔

  • وزیراعظم اداروں میں ٹھوس اصلاحات کررہے ہیں، فردوس عاشق اعوان

    وزیراعظم اداروں میں ٹھوس اصلاحات کررہے ہیں، فردوس عاشق اعوان

    اسلام آباد: معاون خصوصی برائے اطلاعات فردوس عاشق اعوان کا کہنا ہے کہ مضبوط ادارے ملکی استحکام اورترقی کے لیے ناگزیرہیں۔

    تفصیلات کے مطابق سماجی رابطے کی ویب سائٹ ٹویٹرپر فردوس عاشق اعوان نے کہا کہ وزیراعظم عمران خان اداروں میں ٹھوس اصلاحات کر رہے ہیں۔

    معاون خصوصی برائے اطلاعات نے کہا کہ وزیراعظم اداروں کوپاؤں پرکھڑا کرنے کے لیے پرعزم ہیں، مضبوط ادارے ملکی استحکام اور ترقی کے لیے ناگزیرہیں۔

    عمران خان کے خلاف میڈیا مہم کی ادائیگی بھی ہماری حکومت نے کی، فردوس عاشق اعوان

    یاد رہے کہ گزشتہ ہفتے معاونِ خصوصی برائے اطلاعات کا کہنا تھا کہ عمران خان ملک کے غریبوں کے لیے جدوجہد کررہےہیں، دنیا ہمارے ساتھ اقتصادی شراکت داری کی خواہش مند ہے، ملک میں سرمایہ کاری اور سیاحت کے لیے اقدامات کررہے ہیں۔

    فردوس عاشق اعوان کا کہنا تھا کہ اسٹیٹس کو چیلنج کرتے ہیں تو مسائل کا سامنا ہوتا ہے، ملک کا قرضہ اور اتنا بڑا خسارہ حکومت کو ورثے میں ملا، حکومت کا سربراہ 22 کروڑ عوام کا مقدمہ لڑتا ہے۔

    معاونِ خصوصی برائے اطلاعات کا کہنا تھا کہ عوام کے حقوق پر حکومت کوئی سمجھوتہ نہیں کرےگی، ہم چاہتے ہیں یہ لوٹی ہوئی دولت واپس کردیں تاکہ حکومت عوام کو ریلیف فراہم کرسکے۔

  • ملکی معیشت کی بحالی کے لیے تمام سیاسی جماعتوں کو مل کر بیٹھنا چاہیے، اسد قیصر

    ملکی معیشت کی بحالی کے لیے تمام سیاسی جماعتوں کو مل کر بیٹھنا چاہیے، اسد قیصر

    اسلام آباد: اسپیکر قومی اسمبلی اسد قیصر کا کہنا ہے کہ پُرامن احتجاج سیاسی جماعت کا حق ہے لیکن یہ حق قانون اور آئین کی حدود میں رہتے ہوئے استعمال کرنا چاہیے۔

    تفصیلات کے مطابق اسپیکر قومی اسمبلی اسد قیصر نے کہا کہ حزب اختلاف کو قائل کرنے کے لیے ضروری کردار ادا کریں گے تاکہ میثاق معیشت پر اتفاق رائے کی راہ ہموار ہوسکے، مقصد ملک کو اقتصادی بحران سے نجات دلانا ہے۔

    اسد قیصر نے اقتصادی بحران کو ایک قومی مسئلہ قرار دیتے ہوئے کہا کہ ہرسیاسی جماعت کو اس معاملے پر سیاست سے گریز کرتے ہوئے قومی معیشت کی بحالی میں اپنا کردار ادا کرنا چاہیے۔

    اسپیکر قومی اسمبلی نے کہا کہ پُرامن احتجاج سیاسی جماعت کا حق ہے لیکن یہ حق قانون اور آئین کی حدود میں رہتے ہوئے استعمال کرنا چاہیے۔

    اسد قیصر نے کہا کہ میں سمجھتا ہوں کہ شہبازشریف نے اچھی پیشکش دی ہے۔ انہوں نے کہا کہ میں لیڈر شپ سے مل کر کوشش کروں گا تاکہ میثاق معیشت پر ایک کمیٹی بنائی جائے۔

    اسپیکر قومی اسمبلی نے کہا کہ کوشش کروں گا کہ اس اسپیشل کمیٹی میں تمام پارلیمانی جماعتوں کی نمائندگی ہو۔

  • ملکی معیشت کو سٹہ بازوں نے ہائی جیک کیا ہوا ہے، ڈاکٹر مرتضیٰ مغل

    ملکی معیشت کو سٹہ بازوں نے ہائی جیک کیا ہوا ہے، ڈاکٹر مرتضیٰ مغل

    اسلام آباد : پاکستان اکانومی واچ کے صدر ڈاکٹر مرتضیٰ مغل نے کہا ہے کہ ملکی معیشت کو سٹہ بازوں، منافع خوروں اور اقتصادی دھاندلی کے ماہر بزنس مینوں نے ہائی جیک کیا ہوا ہے، سٹے بازی سب سے زیادہ منافع بخش جبکہ صنعت لگانا مصیبت بن گیا ہے۔

    اپنے ایک بیان میں انہوں نے کہا کہ اس رجحان کی وجہ سے صنعتکار بھی سٹے بازی اور ٹریڈنگ کی طرف مائل ہو رہے ہیں،معیشت میں سٹے بازی کا رول کم کر کے مینوفیکچرنگ کو اولین ترجیح نہ دی گئی تو ملک قیامت تک ترقی نہیں کر سکے گا۔

    سٹے بازی کو پروان چڑھانے کے بجائے پر اتنا ہی ٹیکس عائد کیا جائے جتنا کہ پڑوسی ممالک میں عائد ہے اور عوام و معیشت کو ان جونکوں سے بچانے کے لئے قانون سازی کی جائے۔

    ڈاکٹر مرتضیٰ مغل نے مزید کہا کہ سٹاک ایکسچینج، پراپرٹی اور کرنسی میں سٹے بازی سے چند افراد کو فائدہ پہنچتا ہے جبکہ صنعت لگانے والا سرمایہ کاری لاتا ہے ، جس کے نتیجہ میں پیداوار اور برامدات کے علاوہ حکومت کو ٹیکس اور عوام کو روزگار ملتا ہے۔

    انھوں نے کہا کہ سٹے بازی کی حوصلہ شکنی اور مینوفیکچرنگ کی حوصلہ افرائی کے لئے پالیسیاں بنائی جائیں تاکہ سرمائے کا رخ بار آور شعبہ کی جانب موڑا جا سکے ۔

    صنعتی شعبہ میں موجود کالی بھیڑوں کو بھی پہچاننے کی ضرورت ہے جو کچھ کرنے کے بجائے حکومت کو سبز باغ دکھا کر مختلف پیکیج لیتے رہتے ہیں جس کا ملک و قوم کو کوئی فائدہ نہیں پہنچتا مگر ان کی تجوریاں بھر جاتی ہیں۔

  • سعودی سرمایہ کاری ملکی معیشت میں تازہ ہوا کا جھونکا ثابت ہوگی، معاشی ماہرین

    سعودی سرمایہ کاری ملکی معیشت میں تازہ ہوا کا جھونکا ثابت ہوگی، معاشی ماہرین

    کراچی : معاشیات کے ماہرین کا کہنا ہے کہ سعودی عرب پاکستان میں پندرہ سے بیس ارب کی سرمایہ کاری کررہا ہے یہ سرمایہ کاری ملکی معیشت میں تازہ ہوا کا جھونکا ثابت ہوگی۔

    پاکستانی اسٹیٹ بینک میں تین ارب ڈالر رکھوانے اور تین ارب ڈالر کے ادھار تیل کے بعد سعودی عرب پاکستان کے لیے پھر مددگار ہے سعودی ولی عہد کےدورے سے سرمایہ کاری کا نیا دروازہ کھل جائے گا۔

    اس حوالے سے معاشی ماہرین کا کہنا ہے کہ سعودی عرب قلیل اور طویل دونوں مدتوں کی سرمایہ کاری کے ساتھ پاکستان آرہا ہے، اس سے دنیا کو پیغام ملے گا کہ پاکستان سرمایہ کاری کے لیے محفوظ ملک ہے۔

    شہزادہ محمد بن سلمان کے دورے میں پندرہ سے بیس ارب ڈالر کی سرمایہ کاری کے معاہدے ہوں گے، گوادر میں آئل ریفائنری کے علاوہ بھی سعودی عرب کئی شعبوں میں دلچسپی رکھتا ہے۔

    سعودی سرمایہ کار قلیل اور طویل مدت کے لیے آئے ہیں۔ اربوں روپے کی سرمایہ کاری پاکستان پر سعودی اعتماد کی دلیل ہے، موجودہ حکومت نہ صرف بڑی سرمایہ کاری لانے میں کامیاب ہورہی ہے بلکہ پاکستان خلیج کے معاملات میں پھر اہم ہوگیا ہے۔

  • آنے والے دنوں میں ملکی معاشی صورتحال کیا ہوگی؟ اسٹیٹ بینک کی رپورٹ جاری

    آنے والے دنوں میں ملکی معاشی صورتحال کیا ہوگی؟ اسٹیٹ بینک کی رپورٹ جاری

    اسلام آباد : اسٹیٹ بینک آف پاکستان نے پیش گوئی کی ہے کہ معاشی شرح نمو کا مقررہ ہدف کا حصول ممکن نہیں ہے، مہنگائی آئندہ چند ماہ میں دگنی ہوجائے گی، رواں مالی سال جاری کھاتوں کا توازن مزید بگڑ سکتا ہے۔

    تفصیلات کے مطابق اسٹیٹ بینک نے شرح نمو میں کمی ،مالیاتی خسارے اور جاری کھاتوں میں اضافے کی پیش گوئی کردی، اسٹیٹ بینک کی ملکی معیشت پر جاری کی جانے والی رپورٹ میں کہا گیا ہے کہ رواں مالی سال اقتصادی ترقی کی رفتار سست پڑ جائے گی اور مہنگائی بھی بے لگام ہوجائے گی۔

    بجلی اور گیس کی قیمتوں میں اضافے اور خام تیل مہنگا ہونے کے باعث مہنگائی میں نمایاں اضافہ ہوگا، مہنگائی میں اضافے کی شرح ساڑھے سات فیصد سے تجاوز کرجائے گی۔

    اسٹیٹ بینک کا ،مزید کہنا ہے کہ روپے کی قدر میں کمی سے ملک پر قرضوں کے بوجھ میں گیارہ سو ارب روپے کا اضافہ ہوا ہے، قرضے جی ڈی پی کا باہتر اعشاریہ پانچ فیصد ہو گئے ہیں جو کہ آئین کی خلاف ورزی ہے۔

    اسٹیٹ بینک نے پیش گوئی کی ہے کہ درآمدات کا حجم ساٹھ ارب ڈالر جبکہ برآمدات اٹھائیس ارب ڈالر تک بڑھ سکتی ہیں۔
    غیر ملکی سرمایہ کاری سے متعلق اسٹیٹ بینک کی رپورٹ میں بتایا گیا کہ رواں مالی سال کے پہلے 3 ماہ میں غیر ملکی سرمایہ کاری 60 فیصد گھٹ گئی۔

    جولائی2018 تا ستمبر2018 میں غیر ملکی سرمایہ کاری25 کروڑ43 لاکھ ڈالر رہی جبکہ گذشتہ مالی سال اسی مدت میں ملکی سرمایہ کاری68کروڑ70 لاکھ ڈالر تھی اسٹیٹ بینک کے مطابق رواں مالی سال 3 ماہ براہ راست غیرملکی سرمایہ کاری میں 43 فیصد کمی ہوئی ہے۔

    جولائی تا ستمبر2018 میں براہ راست غیرملکی سرمایہ کاری 44 کروڑ ڈالر رہی، رواں مالی سال 3 ماہ میں اسٹاک مارکیٹ سے18کروڑ پچاس لاکھ ڈالر کا انخلا ہوا، گذشتہ مالی سال اسی مدت میں7کروڑ 80 لاکھ ڈالر کا انخلا ہوا تھا۔

  • معیشت میں بہتری کےلیےاہم اورمشکل فیصلےکرنا چاہتے ہیں‘ وزیراعظم

    معیشت میں بہتری کےلیےاہم اورمشکل فیصلےکرنا چاہتے ہیں‘ وزیراعظم

    اسلام آباد : وزیراعظم عمران خان کا کہنا ہے کہ ملک کی معیشت میں استحکام لانا بڑا چیلنج ہے، معیشت میں بہتری کے لیے اہم اورمشکل فیصلے کرنا چاہتے ہیں۔

    تفصیلات کے مطابق وزیراعظم عمران خان سے کونسل آف بزنس لیڈرزکے وفد نے ملاقات کی جس میں اسدعمر، عبدالرزاق داؤد، چئیر مین بی اوآئی اور گورنر اسٹیٹ بینک سمیت اعلی حکام نے شرکت کی۔

    وزیراعظم سے ملاقات میں معیشت کو درپیش حالیہ چیلنجز، معیشت میں بہتری کے لیے ممکنہ اقدامات صنعت، زراعت اور آئی ٹی سیکٹر کی ترقی کے لیے بھی تجاویز پرتبادلہ خیال کیا گیا۔

    اس موقع پروزیراعظم عمران خان نے کہا کہ ملک کی معیشت میں استحکام لانا بڑا چیلنج ہے، معیشت میں بہتری کے لیے اہم اور مشکل فیصلے کرنا چاہتے ہیں۔

    وزیراعظم پاکستان کا کہنا تھا کہ چاہتے ہیں معیشت سے متعلق فیصلوں پراسٹیک ہولڈرزکواعتماد میں لیا جائے۔

    معیشت سے متعلق فیصلوں پر کاروباری برادری سے مشاورت کریں گے‘ وزیرِ اعظم

    یاد رہے کہ گزشتہ روز وزیرِ اعظم عمران خان نے چیمبر آف کامرس اینڈ انڈسٹری کے وفد سے ملاقات میں کہا تھا کہ حکومت معیشت سے متعلق ہر فیصلے پر کاروباری برادری کی مشاورت کو یقینی بنائے گی۔

    وزیرِ اعظم نے بزنس کمیونٹی کو یقین دہانی کرائی کہ تاجر برادری اور صنعت کاروں کو سہولت فراہم کرنا حکومت کی ترجیح ہے۔