Tag: ملکی وسائل

اسلام آباد: سپریم کورٹ نے ملک میں بڑھتی آبادی سے متعلق کیس کا فیصلہ سنا دیا، فیصلے میں کہا گیا ہے کہ مذہبی اسکالر، سول سوسائٹی، حکومت آبادی کم کرنے کے لیے اقدامات کریں۔

تفصیلات کے مطابق سپریم کورٹ ملک میں بڑھتی آبادی سے متعلق اپنے فیصلے میں کہا کہ بڑھتی آبادی ملکی وسائل پردباؤ ہے۔

عدالت عظمیٰ نے فیصلے میں کہا ہے کہ مذہبی اسکالر، سول سوسائٹی، حکومت آبادی کم کرنے کے کے لیے اقدامات کریں، یہ آئندہ نسلوں کے مستقبل کا سوال ہے۔

چیف جسٹس ثاقب نثار نے کہا کہ آبادی کی منصوبہ بندی کے لیے پوری قوم کوساتھ چلنا ہے، پوری قوم کو اس کے خلاف جنگ لڑنا ہوگی۔

یاد رہے کہ گزشتہ روز سپریم کورٹ میں بڑھتی ہوئی آبادی سے متعلق کیس کی سماعت کے دوران چیف جسٹس نے سیکریٹری صحت کو اس حوالے سے ہرتین ماہ بعد پیشرف رپورٹ دینے کی ہدایت کی تھی۔

سیکریٹری صحت نے سپریم کورٹ کو بتایا تھا کہ بڑھتی ہوئی آبادی پرقابو پانے کے لیے ایکشن پلان مرتب کرکے جمع کرا دیا ہے، 2025 تک آبادی میں اضافے کی شرح1.5 فیصد تک لانا ہے۔

آبادی روکنے کے لیے اقدامات نہ کیے تو یہ ملک کی تباہی ہوگی‘ چیف جسٹس

چیف جسٹس ثاقب نثار نے ریمارکس دیتے ہوئے کہا تھا کہ آبادی روکنے کے لیے اقدامات نہ کیے تو ملک کی تباہی ہوگی اور اس کے اثرات بہت برے ہوں گے۔