لاہور: مسلم لیگ ن کی جانب سے ملک احمد خان کو اسپیکر پنجاب اسمبلی کا امیدوار نامزد کیے جانے کا امکان ہے، ملک احمد خان کا کہنا ہے لپ سیاسی استحکام کے بغیر معاشی استحکام نہیں آسکتا۔
تفصیلات کے مطابق پنجاب اسمبلی کے اجلاس سے قبل مریم نواز کی سربراہی میں (ن) لیگ کی پارلیمانی پارٹی کا اجلاس ہوا جس میں نو منتخب ارکان اسمبلی نے شرکت کی۔
ذرائع کا کہنا ہے کہ ن لیک کی جانب سے ملک احمد خان کو اسپیکر پنجاب اسمبلی نامزد کیے جانے کا امکان ہے۔
دوسری جانب اس موقع پر ملک احمد خان نے میڈیا سے گفتگو کرتے ہوئے کہا کہ سیاسی استحکام کے بغیر معاشی استحکام نہیں آسکتا، چیلنجز کا مقابلہ کریں گے۔
پی ٹی آئی پر تنقید کرتے ہوئے ن لیگی رہنما کا کہنا تھا کہ نو مئی ملک کی معیشت، سیاست، ریاست اور عدالت کے خلاف سازش تھی، بات چیت اس سے کی جاتی ہے، جو بات چیت کیلئے تیارہو، اس شخص یا گروہ سے کیا بات کریں جو صرف تباہی چاہتا ہو۔
ملک احمد خان نے مزید کہا کہ اسمبلی میں قانون سازی ہوتی ہے عوامی مسائل کےحل کی بات ہوتی ہے۔
خیال رہے پنجاب اسمبلی کا افتتاحی اجلاس آج ہورہا ہے ، جس میں مریم نواز سمیت نو منتخب ارکان حلف اٹھائیں گے ، اسپیکر سبطین ارکان سے حلف لیں گے۔
