Tag: ملک بوستان

کراچی : چیئرمین پاکستان فاریکس ایکسچینج ایسوسی ایشن ملک بوستان نے ڈالر کی قیمت مزید گرنے کی پیش گوئی کرتے ہوئے کہا مستقبل میں ڈالر 260 سے 250 کے درمیان آسکتا ہے۔

تفصیلات کے مطابق چیئرمین پاکستان فاریکس ایکسچینج ایسوسی ایشن ملک بوستان کی جانب سے بیان میں کہا گیا ہے کہ آئی ایم ایف سےرقم جلد مل جائے گی جس کے بعد ڈالر مزید گرے گا اور مستقبل میں ڈالر 260 سے 250 کے درمیان آسکتا ہے۔

ملک بوستان کا کہنا تھا کہ ڈالرکی قدر کم ہورہی تھی تو بینکس اور مارکیٹ پلیئرز کو اچھا نہیں لگا تاہم یواےای سے اربوں ڈالرز کی سرمایہ کاری کی توقع ہے۔

فاریکس ایسوسی ایشن کے چیئرمین نے مزید کہا کہ ایس آئی ایف سی کے تحت کیے گئے اقدامات معیشت کیلئےمثبت ہیں۔

خیال رہے مارکیٹ میں روپے کی قدر میں بدتریج اضافہ ہونے لگا ، ایک ہفتے کےدوران انٹر بینک میں ڈالر 1 روپے9 پیسےسستا ہوا۔

ایک ہفتے میں ڈالر 284 روپے 96پیسے کم ہوکر 283 روپے 87 پیسے پربند ہوا جبکہ اوپن مارکیٹ میں ڈالر کی قدر میں 1 روپے25 پیسے کمی ریکارڈکی گئی اور 286 روپے سے کم ہوکر 284 روپے 75پیسےمیں فروخت ہوا۔

کراچی: فاریکس ڈیلرزایسوسی ایشن کے صدر ملک بوستان نے اوپن مارکیٹ میں ڈالر سستا ہونے کی وجہ بتاتے ہوئے کہا کہ ایکسچینج کمپنیز کے باہر سادہ لباس اہلکار تعینات کے بعد اوپن مارکیٹ میں ڈالر کے ریٹ میں نمایاں کمی آئی ہے۔

تفصیلات کے مطابق اوپن مارکیٹ میں انتظامیہ کے کریک ڈاؤن کی وجہ سے ڈالر کے ریٹ میں کمی ریکارڈ کی گئی ، ملک بھر میں ایکسچینج کمپنیز کے اندر قانون نافذ کرنیوالے اہلکارسادہ لباس میں تعینات کردیئے گئے۔

ملک بوستان کا کہنا تھا کہ انتظامیہ سے خود درخواست کی ایکسچینج کمپنیز کے باہر سادہ لباس اہلکارتعینات کریں، ممبرز نے شکایات کی تھی بلیک مافیا ایجنٹ لوگوں کو پریشان کرتے ہیں اور بلیک مافیا ایکسچینج کمپنیز میں ڈالر خرید و فروخت کرنےآنیوالوں کو باہر سے پکڑ لیتے ہیں۔

،فاریکس ڈیلرزایسوسی ایشن کےصدر نے بتایا کہ تعیناتی کے بعد اوپن مارکیٹ میں ڈالر کے ریٹ میں نمایاں کمی آئی ہے، آج مارکیٹ میں ڈالر وافر مقدار میں موجود ہے ، آج مارکیٹ میں ڈالر بیچنے والے زیادہ اور خریدنے والے کم ہیں، کریک ڈاؤن کی وجہ سے بلیک مافیا کے ایجنٹ روپوش ہوچکےہیں۔

ملک بوستان نے دعویٰ کیا کہ کریک ڈاؤن جاری رہا تواوپن مارکیٹ میں ریٹ تیزی سے نیچے آئے گا۔

ایکسچینج کمپنیزکے سیکریٹری جنرل ظفر پراچہ کاسادہ لباس اہلکاروں کی تعیناتی پر تحفظات کا اظہار کرتے ہوئے کہا کہ ہم نے اس حوالے اسٹیٹ بینک کو تحریری شکایت درج کردی ہے ، کسی قانون کے تحت اہلکار ایکسچینج کمپنیز کے اندر نہیں بیٹھ سکتے۔

اوپن مارکیٹ میں ڈالر ریٹ پر بھی ایسوی ایشن دو حصوں میں تقسیم ہوگئی ، آج اوپن مارکیٹ میں ڈالر 3 روپے کم ہوا ہے ،ظفر پراچہ

کراچی : پاکستان فاریکس ایکسچینج ایسوسی ایشن کے چیئرمین ملک بوستان نے ڈالر کی قیمت میں کمی کی بڑی وجہ بتاتے ہوئے کہا کمرشل بینک کافی عرصے سے اوپن مارکیٹ سے ڈالر خرید رہے تھے۔

تفصیلات کے مطابق پاکستان فاریکس ایکسچینج ایسوسی ایشن کے چیئرمین ملک بوستان نے اپنے بیان میں کہا ہے کہ اوپن مارکیٹ میں ڈالر کی قدر میں کمی بڑی کامیابی ہے۔

ڈالر گرنے کی بڑی وجہ اسحاق ڈار کے بینکوں کو دیئےگئے احکامات ہیں، کمرشل بینک کافی عرصے سے اوپن مارکیٹ سے ڈالر خرید رہے تھے۔

ملک بوستان نے بتایا کہ اوپن مارکیٹ میں ڈالر 315 کا ہوا تو اسحاق ڈار نے مجھ سے رابطہ کیا،اسحاق ڈار کو بتایا کہ کمرشل بینک کریڈٹ کارڈز کے لئے ڈالر خرید رہے ہیںِ، بروقت فیصلوں پر اسحاق ڈار اور گورنر اسٹیٹ بینک کو مبارکباد دیتا ہوں۔

ان کا کہنا تھا کہ جو لوگ ہولڈ یا سٹہ بازی کرنا چاہتے ہیں ان کو نہیں ملے گا، جب ہمارے فارن ایکسچینج بڑھ جائیں گے تو ساری پابندیاں ہٹادیں گے۔

چیئرمین پاکستان فاریکس ایکسچینج ایسوسی ایشن نے کہا کہ مشکل حالات ہیں اس وقت ہر آدمی کو ایک ایک ڈالر سوچ سمجھ کر خرچ کرنا ہے، میں پوری قوم سے اپیل کرتا ہوں اور ان کا تعاون ہمارے ساتھ رہا اورغیر ضروری ڈالر انھوں نے نہ خریدا تو انشاء اللہ انٹر بینک میں بھی ڈالر کا ریٹ گرے گا۔

ملک بوستان کا کہناتھا کہ انٹر بینک کا ریٹ اس وقت بہت زیادہ ہے، اس سے پہلے پاکستان ڈیفالٹ کی طرف جائے، غیر ضروری چیزیں نہیں خریدنی۔

انھوں نے کہا کہ سری لنکا کو جب ڈیفالٹ کیا تھا تو 325 سے کم ہوکر 295 آگیا اب انھوں نے سیکھ لیا ہے اپنے ملک کو بچانا ہے۔

چیئرمین کا مزید کہنا تھا کہ پاکستان کی سلامتی اور معیشت کا مسئلہ ہے ، سیاستدانوں سے بھی میں درخواست کروں گاوہ بیٹھ کر مذاکرات کریں ، پاکستان کی سیاست مستحکم ہوگئی تو معیشت بھی مستحکم ہوگی اور پاکستان بھی مستحکم ہوگا۔