Tag: ملیالم فلم انڈسٹری

عالمی شہرت یافتہ پاکستانی گلوکار عاطف اسلم سالوں بعد بھارتی فلم انڈسٹی میں دوبارہ واپسی کے لیے تیار ہیں۔

میڈیا رپورٹس کے مطابق پاکستانی گلوکار عاطف اسلم اردو، ہندی اور پنجابی میں سُپر ہٹ گانا گانے کے بعد اب ملیالم گلوکاری میں ڈیبیو کرنے کے لیے تیار ہیں۔

 

View this post on Instagram

 

A post shared by Shane Nigam (@shanenigam786)

رپورٹ کے مطابق عاطف اسلم نے ملیالم فلم ’حال‘ کے لیے گلوکاری کی ہے، میلالم فلم ’حال‘ میں مرکزی کردار ادا کرنے والے ملیالم اداکار شین نگم نے انسٹاگرام پر عاطف اسلم کے ہمراہ لی گئی اپنی تصویر پوسٹ کی۔

شین نگم نے اپنی پوسٹ میں عاطف اسلم سے مخاطب ہوتے ہوئے کہا کہ ’عادت، وہ لمحے، تیرے بن، یہ آپ کے وہ گانے ہیں جو ہمیشہ میرے دل کے قریب رہتے ہیں، آپ کی آواز سُن کر سکون ملتا ہے۔

اداکار نے کیپشن میں مزید لکھا کہ ’ میں واقعی خوش قسمت ہوں کہ مجھے آپ سے ملنے کا موقع ملا اور آپ نے میری فلم ’حال‘ کے لیے گلوکاری کی، میں تو پہلے ہی آپ کے اس ڈیبیو ملیالم گانے کا دیوانہ ہوچکا ہوں، مجھے اُمید ہے کہ ہر کوئی اسے پسند کرے گا۔

میڈیارپورٹ کے مطابق بیرون ملک کے ایک اسٹوڈیو میں ریکارڈ کیے گئے اس گانے کو نندا گوپن وی نے کمپوز کیا ہے، جب کہ اس کے بول مرید المیر اور نیرج کمار نے لکھے ہیں۔

رپورٹ میں بتایا گیا ہے کہ ایک مقبول خاتون گلوکارہ نے عاطف اسلم کے ساتھ مل کر یہ گانا گایا ہے۔