ایک زمانہ تھا جب لوگ مچھر کو صرف اس لیے بُرا کہتے تھے کہ اس کی وجہ سے رات کی نیند خراب ہوجاتی تھی اور مچھر دانی کے بغیر مکمل اور پُرسکون نیند لینا مشکل تھا۔

آج اس معمولی جسامت والے کیڑے نے جیسے انسان کی نیندیں ہی اڑا کر رکھ دی ہیں. دنیا بھر کے انسان مچھر سے خوف زدہ ہیں اور کیوں کہ یہ ہمیں بیمار کرنے اور مہلک امراض میں مبتلا کرنے کا سبب بن رہا ہے۔

مچھر کو عالمی ادارہ صحت نے ’’خطرناک جان دار‘‘ قرار دیا ہے۔ اس اڑنے والے کیڑے کی وجہ سے دنیا بھر میں ملیریا، ڈینگی اور مختلف ممالک میں زیکا وائرس جیسے امراض پھیل رہے ہیں جو وبائی صورت اختیار کرجاتے ہیں۔ یہ بیماریاں ہر سال لگ بھگ 10 لاکھ افراد کو موت کے منہ میں دھکیل رہی ہیں۔

اس لیے گھروں، دفاتر یا کام کرنے کی دوسری جگہوں پر مچھروں سے بچنے کے لیے زیادہ کوشش کرنی ہوگی۔

اس کے لیے جہاں مختلف محلول اور ادویات استعمال ہوتی ہیں اور اسپرے وغیرہ کیا جاتا ہے، وہیں بعض آزمودہ نسخے اور مختلف سادہ طریقے بھی اپنائے جاتے ہیں جو مچھروں کو آپ سے دور رکھنے میں مدد دیتے ہیں۔

یہاں ہم صرف کالی مرچ کا ذکر کررہے ہیں جو عام استعمال ہوتی ہے اور ہر گھر میں موجود مسالا جات میں لازمی شامل ہوتی ہے۔

کالی مرچ کے کئی طبی فوائد آپ نے پڑھے اور سنے ہوں گے۔ انسانی صحت اور علاج معالجے کے حوالے سے اس کی اہمیت اور افادیت سے سبھی واقف ہیں۔ یہی کالی مرچ ہمیں مچھروں سے بھی محفوظ رکھ سکتی ہے۔

کہتے ہیں کہ گھر کے مختلف کونوں میں اگر کالی مرچ رکھی جائے تو مچھر بھاگ جاتے ہیں۔ اس کے علاوہ مخصوص طریقے سے کالی مرچ کا اسپرے کیا جائے تو مچھر گھر سے دور رہتے ہیں۔

کم پالا: یوگینڈا سے تعلق رکھنے والا شہری ملیریا کی جلد تشخیص کا آسان طریقہ دریافت کرنے کی کاوشوں میں مصروف ہے اور اُسے یقین ہے کہ جلد وہ کامیابی حاصل کرلے گا۔

تفصیلات کے مطابق ملیریا کے مرض کی وجہ سے ہر سال دنیا بھر میں چار لاکھ سے زیادہ افراد کی اموات ہوتی ہیں، اس بیماری سے سب سے زیادہ افریقی ملک متاثر ہیں۔

عام طور پر ملیریا کی تشخیص اور علاج کی سہولیات موجود ہیں مگر یوگینڈا میں طبی سہولت نہ ہونے کی وجہ سے لوگوں کو مشکلات کا سامنا ہے اسی باعث انہیں اپنی بیماری کا بروقت علم نہیں ہوتا۔

ملیریا کی تشخیص کے لیے خون کے نمونے حاصل کر کے ٹیسٹ کیے جاتے ہیں، اس کے لیے لیبارٹری یا اسپتال جانے کی ضرورت ہوتی ہے مگر اب سافٹ ویئر انجینئر آسان طریقہ تلاش کررہا ہے۔

مزید پڑھیں: عالمی ادارہ صحت کی ملیریا سے بچاؤ کی دنیا کی پہلی ویکسین کی آزمائش

برائن گیتا نامی نوجوان خود بھی ملیریا کی بیماری سے متاثر ہوچکا اور اسی دوران اُس نے مرض کی جلد تشخیص کرنے کے حوالے سے کوئی ایپ ایجاد کرنے کا ارادہ کیا تھا۔

برائن کا کہنا ہے کہ اب مریض کو خون ٹیسٹ کرانے یا ڈاکٹرز کو اسے مائیکرو اسکوپ وغیرہ میں دیکھنے کی ضرورت نہیں پڑے گی، ہر مریض اپنا علاج خود کرسکے گا اور اس کا نتیجہ موبائل فون پر دیکھ سکے گا۔

اُن کا کہنا تھا کہ جلد ایسی ڈیوائس متعارف کرادی جائے گی جو موبائل سے جڑی ہوگی اور یہ بلڈ سیلز سمیت ساری چیزوں کے حوالے سے آگاہی دے گی، اگر کسی شخص کو ملیریا ہوگا تو وہ اپنی آنکھوں سے خود بھی دیکھ سکے گا۔

یوگینڈا کے نیشنل ملیریا مینیجر ڈاکٹر جمی کا کہنا تھا کہ ’’گیتا نے جو باتیں کیں وہ آسان نہیں بلکہ ہمیں متعدد چلینجز کا سامنا ہے، نوجوان دل جمعی کے ساتھ کام کررہا ہے اور اُس نے ایک ایسی مشین (انگولا) تیار کی جو ففتھ ورژن ڈیوائس ہے، اسے ہم نے آزمائش کے لیے مختلف اسپتالوں میں رکھ دیا ہے تاکہ نتائج کو دیکھ سکیں‘‘۔

یہ بھی پڑھیں: ملیریا سے بچاؤ

اُن کا کہنا تھا کہ نوجوان پرامید ہے کہ آئندہ برس تک یہ مشین مارکیٹ میں متعارف کرادی جائے گی، مگر مجھے ایسی کوئی امید نہیں کیونکہ یہ بہت مشکل کام ہے، البتہ ڈیوائس پر کام جاری ہے۔