کراچی : ملیر میں فائرنگ سے ایک شخص جان کی بازی ہارگیا، شریف آباد میں ڈاکوؤں کی فائرنگ سے دو افراد زخمی ہوگئے ، دونوں ڈاکوؤں کو علاقہ مکینوں نے پکڑ کرپولیس کے حوالے کردیا۔
پولیس کے مطابق ملیر پندرہ میں نامعلوم افراد کی فائرنگ سے ایک شخص جان کی بازی ہارگیا، مقتول کی شناخت محمد شعیب کے نام سے ہوئی ہے۔
پولیس کے مطابق واقعہ ڈکیتی مزاحمت پر معلوم ہوتا ہے ۔ دوسری جانب شریف آباد میں ڈاکوؤں نے فائرنگ کرکے دو شہریوں کو زخمی کردیا۔
جس کے بعد وہاں موجود لوگوں نے دونوں ڈاکوؤں کوپکڑلیا اور تشدد کا نشانہ بنانے کے بعد پولیس کے حوالے کردیا، پولیس کے مطابق ڈاکوؤں کے قبضے سے اسلحہ اور لوٹی ہوئی رقم برآمد ہوئی ہے۔
بہادر آباد کے علاقے سے بھی ڈکیتی میں ملوث خاتون سمیت دو ملزمان کو گرفتار کرلیا گیا، ملزمان نے گھروں سے زیورات اور بھاری مالیت مین رقم کی چوری کی تھی ۔
