موسم سرما میں نزلہ کھانسی گلے کی خراش کی شکایات عام ہوجاتی ہیں جس کے سبب بہت کے افراد بخار میں بھی مبتلا ہوجاتے ہیں۔
اس صورتحال سے گھبرانے کا پریشان ہونے کی ضرورت نہیں کیونکہ ایک جڑی بوٹی ایسی ہے جسے آپ گھر میں رکھیں اور بوقت ضرورت اس سے کھانسی اور گلے کی خراش کا گھر بیٹھے علاج کریں۔
ملیٹھی کسی بھی پنسار کی دکان سے باآسانی مل جاتی ہے، ملیٹھی کو انگریزی میں (لیکو رائس) کہتے ہیں یہ ذائقہ دار جڑی بوٹی تقریباً 349 کیلوریز فی 100 گرام پر مشتمل ہوتی ہے جو کہ بنیادی طور پر کاربو ہائی ڈریٹس سے حاصل ہوتی ہے۔
نیشنل لائبریری آف میڈیسن کے تحت شائع کردہ تحقیق میں یہ انکشاف کیا گیا ہے کہ لیکورائس کا عرق ہائپر پگمنٹیشن یعنی جلد کے کچھ حصوں کی گہری رنگت کو بہتر بنانے میں مدد گار ثابت ہوتا ہے۔
ملیٹھی میں چینی کی مقدار تقریباً 44.24 گرام ہوتی ہے، اس میں پروٹین تقریباً 3.47 گرام ہوتی ہے۔ ملیٹھی ضروری وٹامنز اور معدنیات سے بھرپور ہوتی ہےجیسے کہ وٹامن سی، وٹامن B6، پوٹاشیم، فاسفورس، میگنیشیم ، کیلشیم، اور آئرن۔
کھانسی کے مریض کے لئے ملٹھی کو چھیل کر موٹا کوٹ لیں اور چینی ملا کر پانی میں ابالیں اور پکائیں۔ یہ شربت مریض کو 2 چھوٹے چمچ دن میں 3 بار پلائیں۔ کھانسی جاتی رہے گی جبکہ چبا کر عرق پینے سے بھی گلے کی تکلیف کا خاتمہ ہوتا ہے۔
اگر گلا سوجا ہوا محسوس ہو تو ملیٹھی کو منہ میں رکھ کر دیر تک چبائیں اور اس کا رس نگل لیں، گلے کی خراش میں ملیٹھی کو پانی میں ابال کر اس پانی سے غرارے کریں۔ اس کے علاوہ متلی محسوس ہو تو ملیٹھی کی جڑ کو پودینے کی پتیوں کے ساتھ پانی میں ابالیں اور اس کا پانی پئیں۔
ایک چمچ چائے کی پتی، ایک ٹکڑا ادرک اور ایک ٹکڑا ملیٹھی لے کر پانی میں ابالیں اور کاڑھا بنا کر پئیں، یہ چائے خواتین کے ہارمونل عدم توازن سے لے کر سردی کے اثرات سے محفوظ رکھنے کے لئے بہترین نسخہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوٹ : مندرجہ بالا تحریر معالج کی عمومی رائے پر مبنی ہے، کسی بھی نسخے یا دوا کو ایک مستند معالج کے مشورے کا متبادل نہ سمجھا جائے۔
