Tag: ممبئی

ممبئی: بالی ووڈ کےسلطان سپر اسٹار سلمان خان اورگلوکارارجیت سنگھ کے درمیان سرد جنگ کا خاتمہ ہوگیا جس کے بعد اب وہ سلمان خان کی فلم ’’ٹیوب لائٹ‘‘ میں آواز کا جادو جگائیں گے.

تفصیلات کےمطابق کروڑوں دلوں کی جان بالی ووڈ کےحقیقی سلطان سپراسٹار سلمان خان نے ارجیت سنگھ کی معافی کی درخواست قبول کرلی اور اب نامور گلوکار ارجیت سنگھ سلمان خان کی فلم ٹیوب لائٹ کے لیےگانا گائیں گے.

یاد رہے اس سے قبل بالی ووڈاسٹار سلمان خان کی فلم ’’سلطان‘‘سے ارجیت سنگھ کی آواز میں گایا ہوا گیت ’’جگ گھومیا‘‘ نکال دیا گیا تھا جس پر گلوکار نے سوشل میڈیا پر دبنگ خان سے معافی مانگتے ہوئے گیت کو فلم میں شامل کرنے کی درخواست کی تھی.

*بھارتی گلوکارارجیت سنگھ کو سلمان خان کی توہین مہنگی پڑ گئی

دوسری جانب سلمان خان نے گلوکار کو پہچاننے سے انکار کرتے ہوئے فلم سے گیت نکلوانے کی تردید کی تھی لیکن اب دونوں شخصیات میں جاری سرد جنگ ختم ہوگئی جس کے باعث ارجیت سنگھ کو سلمان خان کی فلم میں گانے کا موقع مل گیا.

رپورٹس کے مطابق گلوکار ارجیت سنگھ ہدایت کارکبیر خان کی فلم ’’ٹیوب لائٹ‘‘ کے لیے اپنی آواز کا جادو جگائیں گےاورگانے کو فلم میں مرکزی کردار ادا کرنے والے سپر اسٹار سلمان خان پر فلمایا جائے گا.

واضح رہےکہ گلوکار ارجیت سنگھ نے بھی سلمان خان کی فلم کے لیے گیت گانے کی خبر کی تصدیق کردی ہے.

ممبئی : یش راج فلمز کی فلم ’دھوم 4‘ میں سلمان خان کی جگہ شاہ رخ خان کو ولن کا کردار کرنے کے لیے کاسٹ کرلیا گیا.

تفصیلات کے مطابق بالی ووڈ میں رومانس کی بات ہو اور کنگ خان کا نام نہ آئے ایسا ممکن نہیں شاہ رخ خان جو رومانوی فلموں میں اداکاری کے لیے انڈسٹری میں جانے جاتے ہیں تاہم اداکار نے اپنے کیریئر میں کئی منفی کرداروں کی فلموں سے بھی کامیابی حاصل کی.

شاہ رخ خان کی ان فلموں میں بازی گر‘ اور ’ڈر‘ شامل ہیں اور اب رپورٹس ہیں کہ شاہ رخ خان کو یش راج فلمز کی کامیاب سیریز ’دھوم‘ کے نئے حصے میں ولن کا کردار کرنے کے لیے کاسٹ کرلیا گیا ہے.

یادرہے کہ اس سے قبل سلمان خان کی اس کردار میں نظر آنے کی خبریں تھیں اور کہا جارہا تھا کہ رنویر سنگھ بھی مرکزی کردار کرتے نظر آئیں گے تاہم اب کہانی کچھ اور ہے.

شاہ رخ خان کو اس فلم میں منفی کردار ادا کرنے کے لیے کاسٹ کرلیا گیا ہے اور رنویر سنگھ مثبت کردار میں نظر آئیں گے.

سلمان خان کا اس سے قبل ایک انٹرویو میں کہنا تھا کہ وہ کسی بھی فلم میں ولن کا کردار ادا نہیں کرنا چاہتے کیوں کہ وہ نہیں چاہتے کہ ان کے مداحوں کے سامنے ان کا کوئی منفی کردار سامنے آئے.

واضح رہے کہ دھوم کے گزشتہ حصوں میں ابھیشیک بچن بھی کام کرتے آرہے ہیں تاہم ’دھوم 4‘ میں وہ نظر نہیں آئیں گے.

ممبئی : بالی ووڈ مسٹر پرفیکشنسٹ عامر خان نے بالی ووڈ کے شہنشاہ امیتابھ بچن کے ساتھ کام کرنے کی خواہش کا اظہار کردیا.

تفصیلات کے مطابق رپورٹس ہیں کہ مسٹر پرفیکشنسٹ عامر خان اور امیتابھ بچن ایک ساتھ ہدایت کار ویجے کرشنہ اچاریا کی فلم ’ٹھگ‘ میں کام کریں گے.

بالی ووڈ اسٹار عامر خان سےجب اس حوالے سے پوچھا گیا تو انہوں نے کہا کہ ابھی اس فلم کےبارے میں کچھ بھی کہنا قبل ازوقت ہوگا.

انہوں نے کہا کہ میں میں امیتابھ بچن کا بہت بڑا مداح ہوں،ان کی فلمیں دیکھ کر بڑاہوا،میں نے ان سے بہت کچھ سیکھا اگر مجھے ان کے ساتھ کرنے کا موقع ملا تو یہ میرے لیےایک خواب پورا ہونے جیسا ہوگا.

یاد رہے کہ عامر خان اور امیتابھ بچن نے اس سے قبل ایک ساتھ کسی فلم میں کام نہیں کیا تاہم عامر خان ویجے کرشنہ اچاریا کے ساتھ ’دھوم 3‘ میں کام کرچکے ہیں جبکہ امیتابھ بچن نے ہدایت کار کے ساتھ اب تک کسی فلم میں کام نہیں کیا.

واضح رہے کہ عامر خان اس وقت اپنی فلم ’دنگل‘ میں مصروف ہیں جو پہلوان مہاویر سنگھ کی زندگی پر ہے.فلم رواں سال کرسمس پر سینما گھروں میں ریلیز کی جائے گی.

ممبئی: بالی ووڈ کے سلطان سلمان خان کا کہنا ہے کہ فلم انڈسٹری کے اگلے سلمان اداکار نواز الدین صدیقی ہیں.

تفصیلات کے مطابق بالی ووڈ کےسلطان کروڑوں دلوں کی جان سلمان خان ایک ایسی شخصیت کے مالک ہین جن کے چاہنے والوں کی کمی نہیں ہے.ان کے ڈائیلاگ ہوں یا ان کا اسٹائل سب ہی سپر ہٹ ہوتا ہے اور اس کا سحر سر چڑھ کر بولتا ہے.

سلمان خان کے مداحوں کے لیے حیران کن بات یہ ہے خود دبنگ خان کسی اور اداکار کے ڈائیلاگ اور اداکاری سے متاثر ہیں.

بالی ووڈ انڈسٹری کے باصلاحیت اداکار نوازالدین صدیقی جنہوں نے اپنی متاثر کن اداکاری سے بالی ووڈ کے سلطان سلمان خان کا دل جیت لیا ہے،جبھی تو وہ ان کے گن گارہے ہیں.

حالیہ ایک تقریب کے دوران سلمان خان نے بتایا کہ انڈسٹری کا اگلا سلمان خان نوازالدین صدیقی ہے.نہ صرف یہ بلکہ انہوں نے نوازالدین صدیقی کو فلم انڈسٹری کا سب سے شائستہ اور باصلاحیت اداکار کا خطاب بھی دے ڈالا.

یاد رہے کہ نوازالدین صدیقی نے سلمان خان کے ساتھ فلم کک اور بجرنگی بھائی جان میں کام کرچکے ہیں.

واضح رہے کہ اگلے ماہ نوازالدین صدیقی کی فلم فریکی مداحوں کے لیے ریلیز کی جائے گی.