Tag: ممبئی

ممبئی : بالی ووڈ اداکارہ سوناکشی سنہا کی نئی فلم ’اکیرہ‘ کا پہلا ٹریلر جاری کردیا گیا ہے،جس میں اداکارہ منفرد انداز میں ایکشن سینزکیے ہیں.

تفصیلات کےمطابق سوناکشی سنہا کی نئی فلم ’اکیرہ‘ کے ٹریلر کا ریلیز کردیا گیا، جس میں اداکارہ ایکشن سینز کرتی ہوئی نظر آئیں،فلم کے ٹریلر کی تقریب میں جب ان سے سوال کیا گیا کہ ان کا پسندیدہ ایکشن دکھانے والا اداکار کون سا ہے جس پر اداکارہ کا کہنا تھا ’دبنگ سلمان خان، اور اکشے کمار ان کے پسندیدہ اداکار ہیں اور مار پیٹ بھی انہوں نے ان دونوں اداکاروں سے سیکھا.

سوناکشی کا مزید کہنا تھا کہ انہیں ایکشن فلمیں بے حد پسند ہیں اور وہ خوش ہیں کہ انہیں اپنی فلم میں ایکشن دکھانے کا موقع ملا.

فلم ’اکیرہ‘ میں سوناکشی کے ہمراہ انوراگ کشیپ اور کونکنا سین اہم کردار کرتے نظر آئیں گی.

سوناکشی سنہا کی فلم رواں سال 2 ستمبر کو سنیما گھروں میں نمائش کے لیے پیش کی جائے گی.

ممبئی: بالی ووڈ انڈسٹری کےمسٹر پرفیکشنسٹ عامر خان کا کہنا ہے کہ ان کے ساتھی اداکار شاہ رخ خان اور سلمان خان ان سے بڑے سپر اسٹارز ہیں.

تفصیلات کے مطابق بالی ووڈ کے تینوں خانز شارخ خان،سلمان خان اور عامر خان کا شمار اندسٹری کے صف اول کے اداکاروں میں ہوتا ہے.، تینوںاسٹارز نے اندسٹری کو کئی سپر ہٹ فلمیں دی ہیں.

بالی ووڈ کے تینوں خانر کی نہ صرف ہندوستان بلکہ پوری دنیامیں بہت بڑی فین فالوونگ ہے اور یہی وجہ ہے کہ انہیں اندسٹری کے صف اول کے اداکاروں میں شمار کیا جاتاہے.

گذشتہ روز بالی ووڈ کے مسٹر پرفیکشنسٹ عامر خان نے اپنی نئی آنے والی فلم دنگل کا پوسٹر ریلیز کیا،تقریب کے دوران عامر خان نے شارخ خان اور سلمان خان کو خود سے بڑا اسٹار کہا، مسٹر پرفیکشنسٹ کا کہنا تھا’جب سلمان اور شاہ رخ کمرے میں آتے ہیں تو ایسا لگتا ہے کوئی اسٹار آیا ہے،مجھ میں ایسی خصوصیات موجود نہیں‘.

یاد رہے کہ عامر خان اپنی فلم’دنگل‘میں مہاویر سنگھ پھوگٹ نامی ریسلر کا کردار ادا کر رہے ہیں،جنکہ ان کی فلم رواں سال 23 دسمبر کو سنیما گھروں میں مداحوں کے لیے ریلیز کی جائے گی.

ممبئی : بالی ووڈ اسٹار اکشے کمار کے مداحوں کا انتظار ختم فلم رستم کا ٹریلر جاری کردیا گیا.

تفصیلات کےمطابق بالی تینو سریش دیسائی کی ہدایت کاری میں بننے والی اس فلم میں اکشے کمار ایک نیوی آفیسر کا کردار نبھارہے ہیں جبکہ ان کے مدمقابل الیانہ دی کروز اور ایشا گپتا مرکزی کردار میں اپنی اداکاری کے جوہر دکھاتی نظر آئیں گی.

اس فلم کی کہانی 50کی دہائی میں ہونے والے ایک حادثے کے گرد گھومتی ہے جس میں ایک ایماندار نیول آفیسراپنی بیوی کو فائرنگ کرکے قتل کر دیتا ہے.

فلم رستم کی شوٹنگ بھارت اور برطانیہ میں کی گئی ہے جبکہ یہ فلم رواں سال 12اگست کومداحوں کےلیے ریلیز کی جائے گی.

ممبئی بالی ووڈ سُپر اسٹار سلمان خان نے زیادتی سے متاثرہ خواتین سے متعلق اپنے بیان پر معافی مانگنے سے انکار کردیا،انہوں نے کہا کہ میرے بیان کو غلط انداز میں لیا گیا.

تفصیلات کے مطابق بالی ووڈ کے دبنگ خان اور تنازعات کا آپس میں گہرا تعلق ہے اور یہی وجہ ہے کہ وہ آئے دن میڈیا میں موضوغ بحث بنے رہتے ہیں.

اس دفعہ بالی ووڈ اداکارسلمان خان زیادتی سے متاثرہ خواتین سے متعلق دیے گئے بیان پر مشکل میں پھنس گئے ہیں،اور سوشل میڈیا پربھی ان کے بیان پر سخت غم وغصے کا اظہار کیا جارہا ہے.

گذشتہ دنوں بھارت میں خواتین کے حقوق کے لیے کام کرنے والی تنظیم نیشنل کمیشن آف ویمن نے سلمان خان کو نوٹس جاری کرتے ہوئے سات روز میں معافی مانگنے کا مطالبہ کیا تھا.

دبنگ خان نے تین صفحات پر مشتمل نوٹس کے جواب میں اپنے بیان پر معافی مانگنے سے انکار کردیا،اداکار کا کہنا تھا کہ ان کے دل میں خواتین کے لیے بہت عزت اور احترام ہے اور میرے بیان کو غلط انداز میں لیاگیا.

سلمان خان کی جانب سے نوٹس کے جواب میں معافی نہ مانگنے پر ویمن کمیشن کی جانب سے ان کے خلاف قانونی چارہ جوئی کا امکان ہے.

*ہریانہ میں زیادتی سے متاثرہ لڑکی کا سلمان خان پر 10 کروڑ روپے کا ہرجانہ

یاد رہے گذشتہ دنوں بھارتی ریاست ہریانہ میں اجتماعی زیادتی سے متاثرہ لڑکی نے بالی ووڈ اسٹار سلمان خان پر 10 کروڑ کا ہرجانہ کا دعویٰ دائر کیا تھا.

اجتماعی زیادتی سے متاثرہ لڑکی کے وکیل نے مؤقف اختیار کیا کہ سلمان خان کے بیان سے میری موکلا کی دل آزاری ہوئی ہے لہٰذا سلمان خان سرعام معافی مانگیں بصورت دیگر 10 کروڑ ہرجانہ ادا کیا جائے.

واضح رہے کہ ایک انٹرویو میں جب سلمان خان سے پوچھا گیا کہ ’’سلطان‘‘ میں ان کا پہلوانوں کے ساتھ کام کرنے کا تجربہ کیسا رہا،تو ان کا کہنا تھا کہ میں جیسے ہی شوٹنگ مکمل کر کے رنگ سے باہر آتا تھا تو میں خود کو زیادتی کا شکار ایک لڑکی محسوس کرتا تھا،جو نہ صحیح طور سے سیدھا چل سکتی ہے اور نہ کھا سکتی ہے،جس پر بھارت میں طوفان بھرپا ہوگیا تھا.

ممبئی : بالی ووڈ سپراسٹار سلمان خان کا کہنا ہے کہ وہ شادی کرنے کے لیے بے تاب ہیں،ان خیالات کا اظہار انہوں نے سلطان فلم کی پروموشن کے دوران کیا.

تفصیلات کے مطابق لاکھوں دلوں پر راج کرنے والے دبنگ خان کی شادی کی افواہیں میڈیامیں گردش کرتی رہتی ہیں اور ہر کوئی جاننا چاہتا ہے کہ بالی ووڈ اسٹار کب شادی کریں گے.

سلمان خان نے حال ہی میں اپنی فلم ’سلطان‘ کی تشہیر کے لیے ایک ریئلٹی شو ’سا رے گا ما‘ میں شریک ہوئے،اس دوران ان کے ایک مداح نے ان سے شادی کے حوالے سے مشورہ مانگ لیا جس پر دبنگ خان کا کہنا تھا کہ ’آپ غلط انسان سے مشورہ لے رہے ہیں، میں ہمیشہ ہی شادی کے معاملے میں بدقسمت رہا ہوں۔‘

بالی ووڈ سُپر اسٹار کا مزید کہنا تھا کہ ’میں اصل میں شادی کرنے کے لیے مر رہا ہوں اور ہمیشہ انتظار کرتا ہوں کہ دوسری پارٹی بھی حامی بھرے، کیونکہ مرد کچھ نہیں کہہ سکتے، آخری فیصلہ خواتین کو لینا ہوتا ہے۔‘

واضح رہے کہ گذشتہ ماہ معروف بھارتی اخبار کی جانب سے بتایا گیا تھا کہ سلمان خان نے لولیا سے سال2016 میں شادی کرنے کا فیصلہ کیا ہے اور یہ فیصلہ دبنگ خان نے اپنی والدہ کی خوائش کا احترام کرتے ہوئے کیا ہے.