ممبئی: مسلم اداکار بالی ووڈ کا ہمشیہ سے ہم حصہ رہے ہیں،ان اداکاروں کی موجودگی سے ہم لطف اندوز ہوتے رہے ہیں،ان میں بالی ووڈ کے شہنشاہ دلیپ کمار، نصیرالدین شاہ وحیدہ رحمان، شاہ رخ خان، سلمان خان اور عامر خان شامل ہیں.
تفصیلات کے مطابق بالی ووڈ کی بات ہو اور ایسا ہو ہی نہیں سکتا مسلم اداکاروں کے نام ذہنوں میں نہ آئے، بالی ووڈ کے تین خان جن کے بارے میں یہ کہا جائے کہ وہ بالی ووڈ پر حکمرانی کررہے ہیں تو غلط نہ ہوگا.
بالی ووڈ میں محبت کی بات کی جائے اور امتیاز علی کا نام نہ آئے ایساممکن نہیں انہوں نے بالی ووڈ کو پیار کرنے کے منفرد انداز سے آشنا کروایا.
یہاں ہم مداحوں کے لیے ایسے یادگار کردار شیئر کررہے ہیں جنہیں مداحوں نے بالی ووڈ کی فلموں میں دیکھا، ان کرداروں نے فلموں کی کامیابی میں اہم کردار ادا کیا.
اقبال- قلی فلم (1983)۔
کولی فلم میں امیتابھ بچن نے اقبال کا کرادار نبھایا جو ایک ایماندار مسلمان ہوتا ہے اور دوسرے مذہب کے لوگوں کے ساتھ انتہائی محبت سے رہتا ہے، فلم میں اقبال کی ایک عیسائی گرل فرینڈ ہے،فلم میں مذہبی عدم برداشت کا بہت خوبصورت پیغام دیا گیا تھا.
سلیم- سرفروش (1999)۔
فلم کے یادگار ڈائیلاگ جو مداحوں کو آج بھی یاد ہے”پھر کسی سلیم سے مت کہنا یہ ملک اُس کا نہیں” فلم میں مکیش رشی نے انسپکٹر سلیم کا کردار ادا کیا تھا،جو ایک ایماندار مسلمان ہونے کے ساتھ ساتھ ایک سچا محب وطن بھی ہوتا ہے.
فضا- فضا(2000)۔
فضا کا کردار اداکارہ کرشما کپور کی جانب سے نبھایا گیا تھا، جس میں انہوں نے ایک محب وطن لڑکی کے ساتھ ایک بہن کا بھی کردار نبھایا تھا، اداکارہ نے اپنے کردار بہت خوبصورتی سے نبھایا تھا.
صفیہ پرویز- مشن کشمیر(2000)۔
پریٹی زنٹا نے فلم میں مسلم لڑکی کا کردار کیا جو الطاف سے محبت کرتی ہے، الطاف جو ایسے ماحول میں بڑا ہوتا ہے جس میں اسے تکلیف رنج غم کا سامنا کرنا پڑتا ہے، فلم میں سفیا الطاف کودہشت گردوں کی مدد کرنے سے روکتی ہے.
زبیدہ (2000)۔
کرشما کپور نے فلم میں زبیدہ کا کردار نبھایا جو فتح پور کے مہاراجہ سے محبت کرتی ہے، فلم کی کہانی زبیدہ بیگم کی زندگی پر بنائی گئی تھی جو جود پور کے ہنوت سنگھ سے شادی کرتی ہے.
ثامیہ صدیقی- ویرزارا (2003)۔
رانی مکھر جی نے فلم میں مسلمان وکیل سامیا کا کردار نبھایا جو ایک ہندوستانی پائلٹ کو جیل سے رہا کرواتی ہے جسے جھوٹے جاسوسی کے الزام میں گرفتار کر لیا جاتا ہے، سامیا کی وجہ سے ویر اپنی محبت زارا سے 22 سال بعد مل پاتا ہے.
کبیر خان- چک دے انڈیا (2007)۔
فلم میں دکھایا گیا ہے کہ بھارت اور پاکستان بننےکے بعد بھی ایک محب وطن کھلاڑی کو غددار کہا جاتا ہے، فلم میں کبیر خان انڈیا کی وویمن ہاکی کی ٹیم کی کوچنگ کرتا ہے اور ایک کمزور ٹیم کو چمپیئن بناتا ہے.
فرحان قریشی- تھڑی ایڈیٹ (2009)۔
فلم میں مہادون نے فرحان کا کردار نبھایا ہے جو نہ چاہتے ہوئے گھر اور معاشرے کے دباؤ کی وجہ سے انجیئرنگ پڑھتا ہے جو اسے بلکل سمجھ نہیں آتی وہ فوٹوگرافی کرنا چاہتاہے، فلم کے ذریعے پیغام دیا گیا کہ کسی پر زپردستی نہ کی جائے جو نوجوان کرنا چاہتے ہیں ان کو کرنے دیا جائے.
رضوان خان – مائی نیم از خان (2010)۔
شاہ رخ خان فلم میں رضوان خان کا کردار نبھایا جو مسلمانوں کی ترجمانی کرتا ہے اور بتاتا ہے کہ مسلمان دہشت گرد نہیں ہیں، فلم میں نائن الیون کےبعد کی صورت حال کو دکھایا گیا، جب پوری دنیا میں مسلمانو ں کو دہشت گرد کی نظر سے دیکھا جاتا ہے.
عریشہ- حیدر(2014)۔
فلم میں شردھا کپور نے مسلمان کشمیری کا کرداد نبھایا تھا جو حیدر سے محبت کرتی ہے، فلم میں کشمیر کی صورتحال کو دکھایا گیا تھا.
