Tag: ممبئی

ممبئی: ممبئی پولیس کا کہنا ہے کہ مضافاتی علاقے سے عورت کا ڈھر ملنے کے 5 دن بعد ریلوے ٹریک کے قریب سے ایک کٹا ہوا سر برآمد ہوا ہے۔

تفصیلات کے مطابق ممبئی کے مضافاتی علاقے سے عورت کی سرکٹی لاش برآمد ہونے کے 5 دن بعد ریلوے ٹریک سے ایک کٹا ہوا سر ملا ہے، پولیس کو شبہ ہے کہ کٹا ہوا سر عورت کا ہوسکتا ہے۔

پولیس حکام کے مطابق ریلوے ٹریک سے ملنے والے سر کو راجوادی اسپتال میں تفتیش کے لیے بھیج دیا گیا ہے، ڈی این اے ٹیسٹ کے بعد معلوم ہوسکے گا کہ یہ سر اسی خاتون کا ہے کہ نہیں۔

پولیس حکام کا کہنا تھا کہ اس سے قبل ایک مرد اور ایک لڑکی کی لاش بھی پولیس کو ملی تھی۔ پولیس نے ان دونوں واقعات میں ملوث ملزمان کو گرفتار کر لیا تھا۔

یاد رہے کہ گزشتہ سال جون میں بھارت کی ریاست اڑیسہ میں ٹرین کے ٹویلٹ سے ایک خاتون کی سرکٹی لاش ملی تھی، خاتون کے شدید زخمی سر کو بھی کچھ فاصلے سے برآمد کیا گیا تھا۔

پولیس حکام کا کہنا تھا کہ خاتون کو بہیمانہ تشدد کے بعد قتل کیا گیا تھا، 40 سالہ خاتون کو زیادتی کا نشانہ بنانے کا خدشہ بھی ظاہر کیا گیا تھا۔

ممبئی: بھارتی شہر ممبئی میں لفٹ میں پھنس کر 52 سالہ الیکٹریشن رامانند کرشنا پٹکر جان کی بازی ہار گیا۔

تفصیلات کے مطابق پولیس حکام کہنا ہے کہ جمعرات کے روز لفٹ اچانک بند ہوگئی تھی، نجی لفٹ کمپنی کے الیکٹریشن نے اسے ٹھیک کیا لیکن جمعے کے روز لفٹ دوبارہ خراب ہوگئی۔

پولیس نے بتایا کہ جمعے کے روز 52 سالہ الیکٹریشن رامانند کرشنا پٹکر لفٹ ٹھیک کر رہے تھے کہ اچانک لفٹ کے دروازے بند ہوگئے، ان کی ٹانگیں دروازے میں پھنس گئیں اور چوتھی منزل سے لفٹ نیچے آگری۔

پولیس کے مطابق الیکٹریشن رامانند کو شدید زخمی حالت میں اسپتال منتقل کیا گیا لیکن وہ جان کی بازی ہار گئے۔ پولیس نے بتایا کہ الیکٹریشن کی ٹانگیں ٹوٹنے اور سر پر شدید چوٹیں آنے کے باعث موت واقع ہوئی۔

پولیس حکام نے بتایا کہ حادثے میں مرنے والے رامانند نے سوگواران میں بیوی، بیٹا اور بیٹی چھوڑی ہے۔

یاد رہے کہ رواں سال ستمبر میں ممبئی میں ایس اے گراؤنڈ ٹاور کی لفٹ گرنے سے بلڈنگ کے رہائشی خوفزدہ ہوگئے تھے، جائے وقوعہ پر زبیر نامی شخص لفٹ میں پھنس گیا تھا جسے فائر بریگیڈ اور پولیس کی مدد سے باہر نکالا گیا تھا۔