ARYNews.tv | Urdu – Har Lamha Bakhabar

Tag: ممبئی

  • سنگین نتائج کی دھکیوں کی بعد بھارتی فلم پدماوتی کی ریلیزملتوی

    سنگین نتائج کی دھکیوں کی بعد بھارتی فلم پدماوتی کی ریلیزملتوی

    ممبئی : بھارت کے مختلف شہروں میں ہنگامے اور دھمکیوں کے بعد بالی ووڈ اداکارہ دپیکا پڈوکون کی فلم پدماوتی کی ریلیز روکنا پڑگئی، مشتعل مظاہرین نے اداکارہ کی ناک کاٹنے اور ہدایت کار کے سر کی قیمت مقرر کردی تھی۔

    تفصیلات کے مطابق مشتعل انتہاء پسند جیت گئے اور پدماوتی ہار گئی، بھارتی انتہا پسندوں کے آگے فلمسازوں کی ایک نہ چلی، ہنگامےاور دھمکیوں کے بعد بالی وڈ اداکارہ دپیکا پڈوکون کی فلم پدماوتی کی ریلیز روکنا پڑگئی۔

    بھارت میں تاریخی واقعے پر بننے والی فلم پر تاریخی فسادات ہوئے، مظاہرین کا کہنا ہے کہ فلم میں تاریخی حقائق کو توڑ مروڑ کر پیش کیا گیا ہے۔

    انتہا پسندوں کے پسند اوچھے ہتھکنڈوں اور دنگے فساد سے بچنے کے لیے فلم سازوں نے ہار مان لی۔

    فلم کے ہدایتکار سنجے لیلا بھنسالی کی پدماوتی کو گھٹنے ٹیکنا پڑے جس کے بعد فلم پدماوتی کی نمائش فی الحال مؤخر کردی گئی ہے، یکم دسمبرکو فلم کی نمائش پر بھارت میں ہڑتال کی کال دی گئی تھی۔

    یاد رہے کہ فلم پدماوتی شوٹنگ سے ہی تنازعات کا شکار رہی ہے، انتہا پسند تنظیم راجپوت کرنی سینا کی جانب سے فلم کی ہیروئن دیپیکا پڈوکون کی ناک کاٹنے اور سنجے لیلابھنسالی کے سر کی قیمت پانچ کروڑ لگائی تھی۔

    فلم کا ٹریلر

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • تاریخی فلم پدما وتی کیخلاف بھارت میں ہنگامے پھوٹ پڑے

    تاریخی فلم پدما وتی کیخلاف بھارت میں ہنگامے پھوٹ پڑے

    ممبئی : بھارت کی متنازع ترین فلم پدماوتی کو ریلیز سے قبل ہی مشکلات کا سامنا ہے، فلم کیخلاف کئی بھارتی شہروں میں ہندو انتہا پسندوں نے شدید احتجاج کیا۔

    تفصیلات کے مطابق بھارت میں انتہا پسندی کھل کر سامنے آگئی، مسلمانوں ،عیسائیوں سمیت مختلف مذاہب کے لوگوں پرستم ڈھانے کے بعد اب ہندو انتہا پسندی نے فن اور فنکاروں کو بھی اپنی لپیٹ میں لے لیا۔

    بالی ووڈ کی تاریخ پر مبنی فلم پدما وتی کیخلاف کئی بھارتی شہروں میں احتجاج پھوٹ پڑے، بھارت میں ہندو انتہاء پسندی کا عفریت فن اور فنکاروں کو بھی نگلنے کو تیار بیٹھا ہے۔

    بالی ووڈ فلم پدماوتی کے ریلیز ہونے سے پہلے ہی بھارت میں احتجاج شروع ہوگیا، فلم پر پابندی کا مطالبہ کرنے والے مشتعل مظاہرین کا کہنا ہے کہ فلم میں تاریخی حقائق کو مسخ کیا گیا ہے، فلم ساز سنجےلیلا بھنسالی نے حقائق اور تاریخ کے ساتھ چھیڑ چھاڑ کی ہے جسے ہم کسی صورت برداشت نہیں کرینگے۔

    اس سے قبل فلم پدما وتی کے ڈائریکٹر سنجےلیلا بھنسالی پر قاتلانہ حملہ بھی کیا گیا تھا، ریاست مہاراشٹرا کے شہر کولہا پور میں انتہا پسند ہندوؤں نے فلم کے سیٹ پر حملہ کرکےاسے آگ لگا دی تھی۔

    گجرات کے سابق وزیراعلیٰ شنکر سنگھ نے دھمکی دی ہے کہ اگر فلم کو نمائش کی اجازت دی گئی تو فسادات پھوٹ پڑینگے اور حالات انتظامیہ کے قابو سے باہر ہو جائیں گے۔

    مزید پڑھیں: فلم پدماوتی کی تاریخی کہانی پر ایک نظر

    فلم کا ٹریلر

     فلم پدماوتی میں شاہدکپور، رنویرسنگھ ، دپیکا پڈوکون شامل ہیں، فلم یکم دسمبر کو نمائش کے لئے پیش کی جائے گی۔

  • سموسے بیچنے کے لیے گوگل کی ملازمت چھوڑنے والا نوجوان

    سموسے بیچنے کے لیے گوگل کی ملازمت چھوڑنے والا نوجوان

    بھارت کے شہر ممبئی میں ایک شخص نے سموسے بیچنے کے لیے گوگل کی بہترین ملازمت کو خیر باد کہہ ڈالا۔

    ممبئی کے رہائشی مناف کپاڈیہ نے سنہ 2014 میں اپنی والدہ کے ساتھ ایک چھوٹے سے ریستوران سے آغاز کیا تھا۔ ابتدا میں ان کے یہاں کھانوں کی ورائٹی بھی کم تھی اور یہاں بہت کم لوگ آتے تھے۔

    آہستہ آہستہ یہ ریستوران بڑھنے لگا اور اس کے لیے مناف کو اپنی گوگل کی ملازمت ترک کرنی پڑی تاکہ وہ اپنی والدہ کا ہاتھ بٹا سکے۔

    مناف کا شمار اب بھارت کے بڑے گھریلو شیفس میں ہوتا ہے۔ دا بوہری کچن نامی اس کے ریستوران کی سالانہ آمدنی 75 ہزار ڈالر سالانہ ہے۔

    اپنے ریستوران سے ہوم ڈیلیوریز کی سہولت دینے والا مناف اپنے ریستوران کو دیگر شہروں تک وسعت دینے کا ارادہ بھی رکھتا ہے۔

    مناف کو فوربز نے 30 بااثر نوجوانوں کی فہرست میں بھی شامل کیا ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • پاپ گلوکارجسٹن بیبرکا کنسرٹ‘بالی ووڈ کی معروف شخصیات کی شرکت

    پاپ گلوکارجسٹن بیبرکا کنسرٹ‘بالی ووڈ کی معروف شخصیات کی شرکت

    ممبئی: پاپ گلوکار جسٹن بیبر نے ممبئی میں کنسرٹ کےدوران اپنے سپرہٹ گانے گاکر مداحوں کےجیت لیے۔

    تفصیلات کےمطابق میوزک کنسرٹ کے لیے بھارت آنے والےجسٹن بیبر نےممبئی کے ڈی وائی پاٹل اسٹیڈیم جب اپنی آواز کا جادو جگایا تو اسٹیڈیم جسٹن،جسٹن کی صداوں سے گونج اٹھا۔

    ممبئی کےکنسرٹ کےدوران بيبر نے’ساری‘، ’کولڈ‘، ’واٹر‘، ’آئی ول شو یو‘،’بوائے فریںڈ‘ اور’بےبی‘ جیسے عالمی پذیرائی حاصل کرنے والے اپنے گانوں سےمداحوں کو محظوظ کیا۔

    میڈیا رپورٹس کےمطابق 50 ہزار سے زیادہ لوگ جسٹس بیبر کے میوزک کنسرت کو دیکھنے پہنچے تھے اور اسٹیڈیم کھچا کھچ بھرا ہوا تھا۔

    پاپ گلوکار جسٹن بیبر کے دیوانے صرف نوجوان اور لڑکے لڑکیاں ہی نہیں بلکہ بالی ووڈ کی نامورشخصیات بھی ہیں جو انہیں سننے کے لیے پہنچے تھے۔

    بالی ووڈ فنکار جسٹن بیبر کے دیوانے

    بالی ووڈ اداکارہ عالیہ بھٹ، سری دیوی، جیکولین فرنینڈز، بپاشا باسو، روینا ٹنڈن، ملائیکہ ارورہ اور فلم ساز اور ہدایت کار ارباز خان جیسی شخصیات بھی کنسرٹ دیکھنی پہنچی تھیں۔

    جسٹن بیبرنے اپنے بھارت کےدورے کےدوران آگرہ کے تاج محل کو بھی دیکھنے کی خواہش ظاہر کی۔

    واضح رہےکہ پاپ گلوکار جسٹن بیبر کی سیکیورٹی کی ذمہ داری بالی ووڈ سپراسٹار سلمان خان کے انتہائی قابل اعتماد سیکیورٹی گارڈ شیرا کو دی گئی ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں

  • اپنی زندگی کےبارے میں نہیں لکھ سکتا‘ سلمان خان

    اپنی زندگی کےبارے میں نہیں لکھ سکتا‘ سلمان خان

    ممبئی: بالی ووڈ سپراسٹار سلمان خان کاکہناہےکہ وہ اپنی زندگی کےبارے میں ایک لفظ بھی نہیں لکھ سکتے۔

    بالی ووڈ کےسلطان کروڑوں کی دلوں کی جان سلمان خان جن کےبارے میں فلم انڈسٹری میں مشہور ہےکہ جوکوئی نہیں کرسکتا وہ دبنگ خان کرلیتے ہیں لیکن ایساکیا ہےجودبنگ خان نہیں کرسکتےاوراس کا انکشاف انہوں نےاپنےحالیہ بیان میں بھی کیاہے۔

    بالی ووڈ سپراسٹار سلمان خان کےکیریئرپرایک نظرڈالی جائےتوانہوں نے ثابت کیاہےکہ بات اگر اچھی اداکاری،رقص اور گلوکاری کی ہو تو انڈسٹری میں ان کا کوئی ثانی نہیں اوراس کا اعتراف نہ صرف ان کے دوست بلکہ ان کےناقد بھی کرتے ہیں۔

    میڈیا رپورٹس کےمطابق بالی ووڈ سپراسٹارسلمان خان نےحال ہی میں لیجنڈ اداکارہ آشا پاریکھ کی زندگی پر لکھی گئی کتاب کی تقریب رونمائی میں شرکت کی۔

    اس موقع پر سلمان خان سےسوال کیاگیاکہ کیا وہ خود بھی اپنی زندگی پرایک کتاب لکھیں گے؟جس پرانہوں نےکہاکہ وہ اپنی زندگی کےبارے میں نہیں لکھ سکتے۔

    والدین سےآج بھی ڈرتا ہوں‘ سلمان خان

    بالی ووڈ کےسلطان نےتقریب کےدوران لیجنڈ اداکارہ آشا پاریکھ کا شکریہ بھی ادا کیا اورکہا کہ وہ اس تقریب کا حصہ بننے کے اہل نہیں تھے لیکن وہ بہت خوش ہیں۔

    سلمان خان نے کہا کہ اداکارہ کی زندگی پرلکھی گئی یہ کتاب اقدار اوراصولوں کی کتاب ہوگی اور ہر کوئی یہ کتاب خریدےاورضرور پڑھے۔

    واضح رہےکہ اس موقع پر آشا پاریکھ کےساتھ متعدد فلموں میں کام کرنے والےسینئراداکار دھرمیندرا اور جیتندراسمیت دیگراداکار بھی موجود تھے۔

  • عامر خان نےاپنی فلم کی ہیروئن کےلیےکسےپرفیکٹ قراردےدیا

    عامر خان نےاپنی فلم کی ہیروئن کےلیےکسےپرفیکٹ قراردےدیا

    ممبئی: بالی ووڈ سپراسٹارعامرخان اپنی فلم ’ٹھگز آف ہندوستان‘ میں سارہ علی خان کو کاسٹ کرانے کےلیےمیدان میں آگئے۔

    تفصیلات کےمطابق بالی ووڈ کےمسٹر پرفیکشنسٹ عامرخان جن کےساتھ کام کرنے کی ہراداکارہ کی خواہش ہوتی ہےلیکن خود وہ کس کےساتھ کام کرنےکےلیے بےتاب ہیں انہوں نے بالاآخراس راز سے پردہ اٹھا ہی دیا۔

    یش راج فلمز کے بینرتلے بننے والی فلم ’ٹھگز آ ف ہندوستان‘ میں ہیروئن کےکردار کے لیے مختلف ادکاراؤں کا نام لیا جارہاہےلیکن اب عامرخان نےاپنے دوست کی بیٹی کے ساتھ کام کرنے کی خواہش کااظہارکیاہے۔

    میڈیا رپورٹس کےمطابق ’ٹھگز آف ہندوستان‘ میں مسٹرپرفیکشنسٹ نے اپنےدوست سیف علی خان کی بیٹی سارہ علی خان کو کاسٹ کرانے کے لیےفلم پروڈیوسرسے بات چیت بھی شروع کردی ہے۔

    امیتابھ بچن اور عامر خان پہلی بار ایک ساتھ فلم میں جلوہ گرہوں گے

    بالی ووڈ اسٹارعامرخان کےمطابق سارہ علی خان ہیروئن کے کردار کے لیے پرفیکٹ ہیں اور شاید یہی وجہ ہےاداکار نےان کےلیے پروڈیسر سے سفارش بھی کردی ہے۔

    خیال رہےکہ گزشتہ کچھ عرصے سے سارہ علی خان خبروں کی سرخیوں کی زینت بنی ہوئی ہیں اور اگرانہیں اس فلم کے لیے سائن کرلیاجاتا ہے تو یہ بالی ووڈ کی تاریخ میں بطور ڈیبو ادکارہ ان کی شاندار انٹری ثابت ہوگی۔

    واضح رہے کہ فلم’ٹھگز آف ہندوستان‘میں عامر خان اور امیتابھ بچن مرکزی کردار میں نظرآئیں گےاور فلم اگلےسال دیوالی پرریلیزکی جائے گی۔

  • اب یا کبھی نہیں‘ کپل شرماکوالٹی میٹم مل گیا

    اب یا کبھی نہیں‘ کپل شرماکوالٹی میٹم مل گیا

    ممبئی: معروف بھارتی کامیڈین اور’دی کپل شرما شو‘ کے میزبان کو پروگرام بچانے کےلیےایک ماہ کا الٹی میٹم مل گیا۔

    تفصیلات کےمطابق بھارتی ٹی وی شو’’دی کپل شرماشو‘ پہلی بار مقبولیت میں کمی کےساتھ ساتھ مالی مشکلات کا بھی شکارہوگیاہے۔

    میڈیا رپوٹس کےمطابق سنیل گروور، چندن پر بھارکر، علی اصغر اور سگندھا مشرا کے’دی کپل شرما شو‘ کو چھوڑنے کے بعد شوکی مقبولیت میں کمی اور بالی ووڈ ادکاروں کے بائیکاٹ پرٹی وی انتظامیہ نےکپل شرما کوایک ماہ کی مہلت دے دی۔

    چینل انتظامیہ نےمعروف بھارتی کامیڈین سےکہاکہ وہ ایک ماہ کےدوران شو کی مقبولیت کو دوبارہ اسی مقام پرپہنچائیں ورنہ شو بندکردیاجائےگا۔

    کپل شرماجو پہلے ہی اپنے ساتھی ادکاروں کے شو چھوڑنے کی وجہ سے پریشان تھےاوراب انتظامیہ کی جانب سے وارننگ کےبعد ان کی پریشانی میں مزید اضافہ ہوگیا ہے۔

    کپل شرماجانوروں کےساتھ انسانوں کی عزت کرنا بھی شروع کریں‘ سنیل گروور

    خیال رہےکہ حال ہی میں کپل شرما نےشو میں سنیل گروور کی جگہ راجو شری واستو کو کاسٹ کیاتھا لیکن اس کا کوئی فائدہ نہ ہوا۔

    یاد رہےکہ گزشتہ ماہ کپل شرما نے لڑائی کےبعد اپنی ٹویٹ میں سنیل گرور کو پاجی کہہ کر مخاطب کرتے ہوئے کہا کہ اگر میں نے غیر ارادی طور پر آپ کا دل دکھایا تو اس پر میں بہت اداس ہوں،اور آپ جانتے ہو کہ میں آپ سے کتنا پیار کرتا ہوں۔

    بعدازاں سنیل گروور نے بھی اپنی ٹوئٹ میں کپل شرما کو بھاجی مخاطب کرکے کہا تھاکہ آپ نے مجھے گہری چوٹ پہنچائی اور آپ کے ساتھ کام کرکے بہت کچھ سیکھنے کو ملا لیکن میرا ایک مشورہ ہے کہ جانوروں کے علاوہ انسانوں کی عزت کرنا بھی شروع کریں۔

    واضح رہےکہ گزشتہ ماہ کپل شرما نے آسٹریلیا سے بھارت واپس آتے ہوئے دوران پرواز نشے میں دھت ہوکر سنیل گروور کو جوتے سے ماراتھا۔

  • کپل شرماجانوروں کےساتھ انسانوں کی عزت کرنا بھی شروع کریں‘ سنیل گروور

    کپل شرماجانوروں کےساتھ انسانوں کی عزت کرنا بھی شروع کریں‘ سنیل گروور

    ممبئی: بھارتی اداکار سنیل گروور نےکپل شرماکو مشورہ دیتے ہوئےکہاہےکہ آپ اپنے شعبے میں بہت اچھے ہیں لیکن خود کو خدا نہ سمجھیں۔

    تفصیلات کےمطابق معروف بھارتی کامیڈین اور’دی کپل شرما شو‘ کے میزبان کپل شرما اور ان کے ساتھی اداکار سنیل گرور کے درمیان گزشتہ دنوں جہاز میں ہونے والی لڑائی ان دنوں خبروں کی سرخیوں میں ہے۔

    s1

    خیال رہےکہ گزشتہ روز کپل شرما نے اپنی فیس بک پوسٹ میں اس جھگڑے کو ذاتی معاملہ قرار دیاتھا تاہم اب سنیل گروور نے اپنی ٹوئٹ کے ذریعےکپل شرما کا شوچھوڑنے کاعندیہ دیاہے۔

    بھارتی معروف کامیڈین کپل شرما نےاپنی ٹویٹ میں سنیل گرور کو پاجی کہہ کر مخاطب کرتے ہوئے کہا کہ اگر میں نے غیر ارادی طور پر آپ کا دل دکھایا تو اس پر میں بہت اداس ہوں،اور آپ جانتے ہو کہ میں آپ سے کتنا پیار کرتا ہوں۔

    سنیل گروور نے بھی اپنی ٹوئٹ میں کپل شرما کو بھاجی مخاطب کرکے کہا کہ آپ نے مجھے گہری چوٹ پہنچائی اور آپ کے ساتھ کام کرکے بہت کچھ سیکھنے کو ملا لیکن میرا ایک مشورہ ہے کہ جانوروں کے علاوہ انسانوں کی عزت کرنا بھی شروع کریں۔

    Sunil Grover

    انہوں نےکہا کہ یہ بات درست ہے کہ ہم اتنے کامیاب نہیں جتنے آپ ہیں اور ہر کسی کے پاس آپ جیسی قابلیت نہیں ہوتی لیکن سب آپ جیسے قابل بن جائیں تو پھر آپ کی قدر کون کرے گا۔

    انہوں نے کہا کہ اگر کوئی آپ کی غلطی کو درست کررہا ہے تو اسے گالیاں نہیں دینی چاہیے جب کہ مجھے اس بات کا احساس دلانے کا شکریہ کہ ’دی کپل شرما شو‘ آپ کا ہے جس سے آپ کسی کو کسی بھی وقت نکال سکتے ہیں۔

    Sunil Grover

    سنیل گروورنے کہا کہ آپ اپنے شعبے میں بہت اچھے ہیں لیکن خود کو خدا نہ سمجھیں جبکہ میری دعا ہے کہ آپ کو مستقبل میں مزید کامیابیاں نصیب ہوں۔

    مزید پڑھیں:کیا میری اور سنیل کی لڑائی ملکی سلامتی کے لیے خطرہ ہے؟کپل شرما

    واضح رہےکہ گزشتہ روز معروف بھارتی کامیڈین اور ’دی کپل شرماشو‘ کے میزبان کپل کاکہناتھاکہ کیا میری اور سنیل کی لڑائی ملکی سلامتی کے لیےخطرہ ہے؟۔

  • کرن جوہرجڑواں بچوں کے باپ بن گئے

    کرن جوہرجڑواں بچوں کے باپ بن گئے

    ممبئی : بالی ووڈ کےنامور ڈائریکٹر کرن جوہرکاکہناہےکہ وہ جڑواں بچوں کے باپ بن گئے ہیں اور اب سے ان کے بچے ہی ان کی دنیا اور پہلی ترجیح ہیں۔

    تفصیلات کےمطابق بالی ووڈ کے مشہور ہدایت کار کرن جوہر نے جڑواں بچوں کے باپ بننے پر خوشی کااظہاکرتے ہوئےکہاکہ بیٹی کانام ماں کےنام ’ہیرو‘ کو ترتیب دے کر ’روہی‘ اور بیٹے کا نام ’یش‘ رکھا ہے۔

    کرن جوہر نےسماجی رابطےکی ویب سائٹ ٹویٹر پرمداحوں سے اپنی خوشی کوشیئرکرتے ہوئےکہاکہ کہ میں آپ سب کو بتاناچاہتاہوں کہ روہی اور یش میری زندگی میں بہت ہی خوبصورت اضافہ ہیں اور یہ دونوں میری زندگی ہیں۔

    بالی ووڈ ہدایت کار نےکہاکہ میں فخرمحسوس کرتا ہوں کہ طبی سائنس کےعجائبات کی مدد سے میرے دل کے ٹکرے روہی اور یش میری زندگی کاحصہ بنے۔44سالہ فلم ساز جوکہ پوری دنیا میں سفرکرتے رہتے ہیں جانتے ہیں کہ بچوں کا باپ ہونا ایک بڑی ذمہ داری ہے اور بچے ان کے کام سے بھی پہلے ہیں۔

    واضح رہےکہ ہدایت کارکرن جوہرجوکہ بالی ووڈ میں اپنی فلموں ’کچھ کچھ ہوتا ہے‘ ’کبھی خوشی کبھی غم‘ ’دل والے‘ سمیت دیگرشاندار فلموں کےحوالے سےجانے جاتے ہیں۔

  • لیجنڈ اداکارہ ’’مدھو بالا‘‘ کا آج 84 واں یوم پیدائش

    لیجنڈ اداکارہ ’’مدھو بالا‘‘ کا آج 84 واں یوم پیدائش

    ممبئی : ماضی کی انتہائی خوبصورت اور مشہور فلمی اداکارہ مدھو بالا کا آج چوراسی واں جنم دن ہے،خوب صورت مسکان والی ہیروئن مدھو بالا کا شمار ہندی فلموں کی سب سے بااثر شخصیات میں کیا جاتا ہے۔ وہ محض چھتیس سال کی عمر میں اس دار فانی سے کوچ کرگئیں تھیں۔

    انہوں نے چالیس اور پچاس کی دہائی میں اپنے فن اداکاری سے مداحوں کے دل میں گھر کرلیا تھا، چودہ فروری (ویلنٹائن ڈے) جو دنیا بھر میں محبت کرنے والوں کے لئے بہت خاص دن ہوتا ہے، دل چسپ اتفاق ہی ہے کہ بولی وڈ کی فلموں میں لازوال رومانوی کردار ادا کر کے امر ہوجانے والی مدھو بالا کا یوم پیدائش بھی 14 فروری 1933 ہے۔

    madhu-post-01

    مدھو بالا کا اصل نام ممتاز جہاں بیگم تھا، انہوں نے سال 1942 میں صرف نو سال کی فلم بسنت سے اپنے فلمی کیریئر کا آغازکیا تھا، اس وقت کی مشہور فلم ساز دیویکا رانی نے انہیں مدھو بالا کا فلمی نام دیا، سال 1947 میں مدھو بالا نے فلم نیل کمل میں راج کپور کے مقابلے میں مرکزی کردار ادا کیا تھا۔

    فلم محل سے شہرت اور ناموری کا جو سفر مدھو بالا نے شروع کیا، اس کا عروج تھا، شہرہ آفاق فلم مغل اعظم جس کے بعد مدھو بالا صرف اداکارہ نہیں رہیں بلکہ سینما کی تاریخ میں لیجنڈ کی حیثیت اختیار کر گئیں، اپنی مختصر زندگی میں مدھو بالا نے چوبیس فلموں میں کام کیا جن میں سے زیادہ تر سپر ہٹ رہیں لیکن دلیپ کمار کے ساتھ مدھو بالاکی جوڑی کو دیکھنے والوں نے بہت پسند کیا۔

    ان پر فلمایا گیا فلم ’’مغل اعظم‘‘ کا ایک بہت خوبصورت گیت قارئین کی نذر

    ان کی مشہور فلموں میں پرائی آگ، لال دوپٹہ، امرپریم، سنگار،نیکی اوربدی، دو استاد، چلتی کا نام گاڑی اور مسٹر اینڈ مسز 55 قابلِ ذکر ہیں۔ حسن و عشق کی دیوی مدھو بالا کا دلیپ کمار سے زبردست رومانس چلا وہ شادی بھی دلیپ کمار سے ہی کرنا چاہتی تھیں ﻣﮕﺮﺍﯾﺴﺎ ﻣﻤﮑﻦ ﻧﮧ ﮨﻮﺳﮑﺎ تاہم ان کی شادی اس وقت کے نامور گلوکار کشور کمار سے ہوئی۔

    madhu-post-02

    یہ ورسٹائل اداکارہ صرف 36 سال کی عمر میں 23 فروری 1969 کو عارضہ قلب میں مبتلا ہوکر اس دنیا سے رخصت ہوگئی لیکن اپنے کام سے ہمیشہ کے لئے امر ہو گئی۔