Tag: ممتاز زہرا بلوچ

اسلام آباد : ترجمان دفترخارجہ کا کہنا ہے کہ پاکستان کا کالعدم خوارج ٹی ٹی پی سے مذاکرات کا کوئی ارادہ نہیں، افغان حکومت ٹی ٹی پی سمیت پاکستانی عوام کی خونریزی میں ملوث گروہوں اور افراد کے خلاف کارروائی کرے۔

تفصیلات کے مطابق ترجمان دفترخارجہ ممتاز زہرا بلوچ نے میڈیا بریفنگ دیتے ہوئے کہا کہ بلوچستان میں دہشت گردی کی مذمت کرتے ہیں، پاکستانی حکومت اپنے شہریوں کے تحفظ کے حوالے سے پر عزم ہے ، افغان سرزمین کےپاکستان کیخلاف استعمال کا معاملہ اٹھایا
ہے۔

ممتاز زہرا بلوچ کا کہنا تھا کہ افغانستان میں دہشتگردگروہوں کی موجودگی عالمی اداروں سےثابت ہیں، پاکستان نے افغانستان کو دہشت گردی پر انٹیلی جنس معلومات فراہم کی ہیں، پاکستان اور افغانستان کے درمیان متعدد رابطوں کے چینلز موجود ہیں، دہشت گردی پر افغانستان کیساتھ شواہد کا تبادلہ کیا جاتا ہے۔

ترجمان نے بتایا کہ پاکستان کا کالعدم خوارج ٹی ٹی پی سے مذاکرات کا کوئی ارادہ نہیں، افغان حکومت ٹی ٹی پی سمیت پاکستانی عوام کی خونریزی میں ملوث گروہوں اور افراد کے خلاف کارروائی کرے۔

ممتاز زہرا بلوچ نے کہا کہ افغانستان کو دہشت گردی پر انٹیلی جنس معلومات فراہم کردی ہیں، افغان عبوری حکومت اپنی سرزمین پاکستان کے خلاف استعمال ہونے سے روکے۔

اسلام آباد : ترجمان دفترخارجہ ممتاز زہرا بلوچ کا کہنا ہے کہ پاکستان کالعدم ٹی ٹی پی کے ساتھ ڈائیلاگ میں دلچسپی نہیں رکھتا۔

تفصیلات کے مطابق ترجمان دفترخارجہ ممتاز زہرا بلوچ نے ہفتہ وار بریفنگ دیتے ہوئے کہا کہ کالعدم ٹی ٹی پی پاکستان میں دہشت گردی کے واقعات کا ذمہ دار ہے ، پاکستان کالعدم ٹی ٹی پی کے ساتھ ڈائیلاگ میں دلچسپی نہیں رکھتا۔

ترجمان کا کہنا تھا کہ پاکستان افغانستان کے ساتھ مسائل مذاکرات سے حل کرنا چاہتا ہے، افغان حکام کے سامنے ہمارے مطالبات وہی پرانے ہیں کہ افغان حکام کالعدم ٹی ٹی پی کیخلاف کارروائی کریں جودہشتگردی میں ملوث ہیں۔

مولانا فضل الرحمان کے دورہ افغانستان کے حوالے سے ممتاز زہرا بلوچ نے کہا کہ مولانا فضل الرحمان کا دورہ افغانستان حکومت پاکستان یادفتر خارجہ کی جانب سے نہیں، ان کو دورہ پر جانے سے پہلے دفتر خارجہ نےبریفنگ دی تھی، فضل الرحمان اپنے مرضی سے گئے ہیں حکومت پاکستان کی ترجمانی نہیں کررہے۔

ان کا مزید کہنا تھا کہ پاکستان سمجھتا ہے دہشتگردی خطےکے تمام ممالک کیلئے خطرہ ہے، ایران میں دہشت گردی حملوں میں جانی نقصان پر افسوس کا اظہار کیا، افغانستان میں بھی دھماکے پر پاکستان نے افسوس کا اظہار کیا۔

ملک میں دہشت گردی کے واقعات کے حوالے سے ترجمان نے کہا کہ پاراچنار فائرنگ اور مولانا مسعودعثمانی کے قتل کے واقعات کا وزارت داخلہ بہتر بتا سکتی ہے۔

ترجمان دفترخارجہ کا کہنا تھا کہ پاکستان اسرائیل کوعالمی عدالت انصاف میں لے جانے کو سراہتا ہے، غزہ میں فوری جنگ بندی اورفلسطینیوں کے قتل عام کورکوانے کا مطالبہ کرتا ہے۔

اسلام آباد : دفتر خارجہ کی ترجمان ممتاز زہرا بلوچ کا کہنا ہے کہ امریکا خود بھارت کو جدید اسلحہ کی ٹیکنالوجی منتقل کررہا ہے تو کیسے کسی ملک یا ادارے پر دوسرے ملک کو ٹیکنالوجی منتقلی پر پابندی لگا سکتا ہے۔

تفصیلات کے مطابق پاکستانی دفتر خارجہ کی ترجمان ممتاز زہرا بلوچ نے پریس بریفنگ دیتے ہوئے کہا کہ پاکستان اقوام متحدہ کےاصلاحات کوجمہوری انداز میں آگےبڑھاناچاہتاہے، غیر قانونی افغانوں یا تارکین وطن کے بارےمیں تاحال کوئی اعدادوشمار نہیں تاہم پاکستان افغانستان و دیگر ممالک کے ساتھ رابطے میں ہے۔

ترجمان دفتر خارجہ کا کہنا تھا کہ امریکاخود بھارت کو جدید اسلحہ کی ٹیکنالوجی منتقل کررہا ہے، امریکاکیسے کسی ملک یا ادارے پردوسرےملک کو ٹیکنالوجی منتقلی پر پابندی لگاسکتا ہے، بھارت کو ٹیکنالوجی ٹرانسفر خود امریکا کی اپنی پالیسی کے برخلاف ہے۔

یوکرائن کو اسلحہ فراہمی کے حوالے سے کہا کہ ممتاز زہرا بلوچ نے کہا کہ پاکستان اپنے اسلحے کی ایکسپورٹ پروٹوکول کے ذریعے کرتا ہے، یوکرائن کو پاکستان نےکوئی اسلحہ فراہم نہیں کیا، ہمارے علم میں نہیں کہ یوکرائن میں پاکستان کابنا کون سا اسلحہ استعمال ہوا ہے، بیرون ممالک کے لوگوں کو شکار کے لئے صوبے لائسنس فراہم کرتے ہیں۔

غزہ کی صورتحال پر ترجمان کا کہنا تھا کہ اسرائیل فلسطینیوں کی نسل کشی کررہا ہے، غزہ محاصرےمیں ہے ، مصر کے راستے فلسطینیوں کے لئے امداد بھجوا رہے ہیں، گزشتہ ہفتے 100 ٹن امدادی سامان فلسطینی جنگ زدہ متاثرین کیلئے بھجوایا ہے۔

انھوں نے کہا کہ یو این جنرل اسمبلی کا ہنگامی اجلاس آج ہوگا، امید ہے جنگ بندی پر پیش رفت ہوگی۔

اسلام آباد : ترجمان دفتر خارجہ نے بھارتی وزیر خارجہ امور کے بیان پر درعمل دیتے ہوئے کہا بھارتی قیادت پاکستان پر غیر ضروری بیانات کا سلسلہ ختم کرے۔

تفصیلات کے مطابق بھارتی وزیر خارجہ امور کے بیان پر ترجمان دفتر خارجہ ممتاز زہرا بلوچ نے ردعمل دیتے ہوئے کہا کہ بھارتی قیادت اپنے اندرونی سیاسی معاملات کے زیر اثر ہے، بھارتی قیادت بھارتی عوام کو درپیش چیلنجز پر توجہ مرکوزکرے۔

ترجمان کا کہنا تھا کہ بھارتی قیادت پاکستان پر غیر ضروری بیانات کا سلسلہ ختم کرے۔

کشمیر میں جاری جارحیت کے حوالے سے ممتاز زہرا بلوچ نے کہا کہ بھارت کے غیرقانونی زیر قبضہ جموں کشمیرمیں انسانی حقوق کی خلاف ورزیاں جاری ہیں، عالمی تنظیموں نےجی 20ممالک کی توجہ مقبوضہ کشمیرمیں انسانی حقوق خلاف ورزیوں پرمبذول کرائی ہے۔

انھوں نے بتایا کہ انسانی حقوق کی بین الاقوامی تنظیموں نے جی 20 ممالک کو خط لکھ کر آگاہ کیا ہے، خط میں بھارت کے غیرقانونی زیرقبضہ جموں کشمیر میں آزادی اظہار رائے پر پابندیوں سے بھی آگاہ کیا گیا ہے۔

ترجمان کا کہنا تھا کہ نگران وزیر خارجہ کے دورہ برطانیہ کےمعاملات کو حتمی شکل دے رہے ہیں، نگران وزیر خارجہ 12سے 15ستمبرلندن میں کامن ویلتھ یوتھ کانفرنس کی صدارت کریں گے اور کانفرنس میں شریک مختلف ممالک کے رہنماؤں سے بھی ملیں گے۔

اسلام آباد : ترجمان دفتر خارجہ کا کہنا ہے کہ آزاد جموں وکشمیر کبھی بھی بھارت کا حصہ نہ رہا ہے نہ ہو گا، گوا ایس سی او وزرائےخارجہ کانفرنس کےموقع پر بھارت نے بیانات دے کر پہل کی۔

تفصیلات کے مطابق ترجمان دفتر خارجہ ممتاز زہرا بلوچ نے ہفتہ وار بریفنگ دیتے ہوئے کہا کہ یوکرین وزیر خارجہ نے پاکستان کا دورہ کیا، یہ کسی بھی یوکرینی وزیر خارجہ کا پہلا پاکستان کا دورہ تھا، اس دوران تجارت،سرمایہ کاری سمیت دیگرشعبوں میں تعلقات کے فروغ پربات ہوئی۔

ترجمان کا کہنا تھا کہ وزیر خارجہ بلاول بھٹو نے بحراسودکےتنازع کےپر امن حل اور یوکرین روس تنازع کوبات چیت سےحل کرنے پر زوردیا۔

دفتر خارجہ نے بتایا کہ امریکی صدر کی معاون خصوصی اعلیٰ وفد کے ہمراہ پاکستان کے دورے پر ہیں، امریکی معاون خصوصی نے وزیر خارجہ بلاول بھٹو زرداری سے ملاقات کی۔

قرآن کی بے حرمتی پر ان کا کہنا تھا کہ پاکستان سویڈن میں اسلاموفوبیا ،توہین قرآن پاک کے بار بار واقعات کی پرزورمذمت کرتا ہے اور سویڈش حکام سے ایسے واقعات کو روکنے کیلئےاقدامات کرنے پر زور دیتا ہے۔

ترجمان نے کہا کہ دہشت گردی پاکستان کے لیے سنجیدہ مسئلہ ہے، دہشت گردی کو بار ہا افغانستان سےمتعددفورمز پر اٹھایا ہے جبکہ آصف درانی کے دورہ افغانستان پر باہمی تحفظات کے معاملات پر تبادلہ خیال کیا گیا۔

ممتاز زہرا بلوچ نے بتایا کہ سہ فریقی مذاکرات کی دستاویزمیں بھی افغانستان نےیقین دہانی کرارکھی ہے اور افغانستان نے اپنی زمین دہشت گردی کیلئ ےاستعمال نہ کرنے دینےکی یقین دہانی کرائی تھی تاہم افغان عبوری حکومت کے2ترجمانوں کے بیانات کے متن ،ملاقاتوں کےمتن کاانتظار کر رہے ہیں۔

سفائر کے حوالے سے انھوں نے کہا کہ امریکا سے متعلق سائفر ایک خفیہ دستاویز ہے، پاکستان کا آفیشل سیکرٹ ایکٹ مجھےاس حوالے سےکسی بھی قسم کے تبصرے سے روکتا ہے،

ترجمان نے بتایا کہ مسلح افواج کے دورہ ایران کا مقصدایرانی عسکری قیادت سےملاقاتیں تھا، ان کو دورے کی دعوت ایرانی قیادت نےدی تھی، ان ملاقاتوں میں ہمارے باہمی تعلقات کے تمام شعبوں پر بات چیت کی گئی۔

آزاد جموں وکشمیر کبھی بھی بھارت کا حصہ نہ رہا ہے نہ ہو گا، گوا ایس سی او وزرائےخارجہ کانفرنس کےموقع پر بھارت نے بیانات دے کرپہل کی، اسی طرح وزیرخارجہ بلاول بھٹو نے بھارتی صحافیوں،میڈیا کے سوالات کے جواب دیے ، بھارت کو ایس سی او میں سیاست کو نہیں لانا چاہیے۔