بہار: بھارت میں اپوزیشن جماعتیں اور عوام مودی سرکار کے خلاف ہم آواز ہو گئے ہیں، ریاست مغربی بنگال کی وزیر اعلیٰ نے وزیر اعظم مودی کو اداکار قرار دے دیا۔
بھارتی میڈیا رپورٹس کے مطابق مغربی بنگال کی وزیر اعلیٰ ممتا بنرجی نے الزام لگایا کہ مودی فرقہ وارانہ تشدد پھیلا رہے ہیں، اور بھارتی عوام کو بھی اب مودی کی چال بازی سمجھ میں آنے لگی ہے۔
وزیر اعلیٰ ممتا بنرجی نے مرشد آباد کے تشدد زدہ علاقوں کا دورہ کیا اور بی جے پی کی زیر قیادت مرکزی حکومت پر ’’جان بوجھ کر فرقہ وارانہ کشیدگی کو ہوا دینے‘‘ کا الزام لگایا۔
واضح رہے کہ بھارت میں لوگوں نے سوال اٹھایا ہے کہ حملہ آور آئے کیسے اور فرار کیسے ہو گئے؟ مودی سرکار نے دراصل بہار الیکشن جیتنے کے لیے حملے کا ناٹک کیا ہے۔
بھارت کا بلوچستان میں بڑی دہشت گردی کا منصوبہ بےنقاب، ناقابل تردید ثبوت
مغربی بنگال کی وزیر اعلیٰ ممتا بنرجی نے بھی پہلگام حملے پر مرکزی حکومت کے ردعمل پر سخت تنقید کی، اور اس بات پر زور دیا ہے کہ مودی سرکار فرقہ وارانہ سیاست کی بجائے قومی سلامتی پر توجہ مرکوز کرے۔
