مکہ مکرمہ : مناسک حج کا آغاز کل سے شروع ہوگا، آٹھ ذوالحج سے شروع ہونے والے مناسک حج بارہ ذوالحج تک جاری رہیں گے۔
تفصیلات کے مطابق حج اسلام کا پانچواں اور آخری رکن ہے دنیا بھر سے لاکھوں مسلمان یہ فریضہ انجام دینے اللہ کے گھر میں جمع ہیں۔ پانچ روز مناسک کا آغاز ہوگیا۔ جو بارہ ذوالحج تک جاری رہیں گے۔
منیٰ میں خیموں کا شہر آباد ہوگیا، آٹھ ذوالحج کو عازمین نماز فجر کی ادائیگی کے بعد بیت اللہ سے منیٰ کا رخ کریں گے جہاں قیام کے دوران ظہر، عصر، مغرب عشاء اور فجر کی نمازیں ادا کریں گے۔
نو ذوالحج کو عازمین نماز فجر کے بعد منیٰ سے میدان عرفات جائیں گے۔ خطبہ حج سنیں گے۔ نماز ظہر اور عصر ایک ساتھ ادا کرنے کے بعد حج کا رکن اعظم وقوف عرفہ ادا کریں گے، میدان عرفات میں سورج غروب ہونے تک قیام لازم ہے۔
حجاج کرام کی غروب آفتاب کے بعد مزدلفہ روانگی شروع ہوگی ۔جہاں وہ نماز مغرب اور عشاء ملاکر پڑھیں گے اور رات بھر کھلے آسمان تلے قیام کریں گے۔
دس ذوالحج کو طلوح آفتاب کے بعد حجاج کرام مزدلفہ سے کنکریاں اکٹھی کرکے جمرات جاکر شیطان کو ماریں گے اور قربانی کرنے کے بعد سر منڈھا کر احرام کھول دیں گے۔
رمی گیارہ اور بارہ ذوالحج کو بھی جاری رہے گی، اس دوران حجاج کا قیام منیٰ میں ہوگا۔
Hajj rituals underway, to be held from 8-12th… by arynews
