Tag: منشیات اسمگل

اسلام آباد : ایئرپورٹس سیکورٹی فورس نے دودھ کے ڈبوں میں چھپا کر منشیات دبئی اسمگل کرنے کی کوشش ناکام بنادی۔

تفصیلات کے مطابق ایئرپورٹس سیکورٹی فورس نے اسلام آباد ائیر پورٹ پر کارروائی کرتے اسلام آباد سے دبئی جانے والی پرواز پر ایک مسافر سے تین کلو گرام سے زائد کیٹامین اور 660 گرام آئس برآمد کرلی۔

اے ایس ایف کے عملے نے اسلام آباد سے دبئی کی پرواز پر سفر کررہے، ایک غیر ملکی مسافر کے سامان میں منشیات کی موجودگی کی نشاندہی کی۔

مسافر نے یہ آئس اپنے سامان میں موجود دودھ کے ڈبوں میں مہارت سے چھپا رکھی تھی تاہم اے ایس ایف کے پیشہ ورانہ مہارت کے حامل عملے نے مسافر کے سامان کی تلاشی پر تین کلو کلوگرام کیٹامین اور 660 گرام آئس برآمد کرکے منشیات اسمگلنگ کی کوشش ناکام بنادی۔

مزید پڑھیں : ابوظبی : مسافر کے پیٹ سے لاکھوں درہم کی منشیات برآمد

اے ایس ایف نے بتایا کہ ملزم کو ابتدائی تفتیش کے بعد مزید قانونی کارروائی کے لیے برآمد شدہ منشیات کے ساتھ اے این ایف حکام کے حوالے کردیا گیا ہے۔

یاد رہے رواں ماہ ہی زاید انٹرنیشنل ایئرپورٹ پر بروقت کارروائی کرتے ہوئے منشیات کی اسمگلنگ کی ایک بڑی کوشش ناکام بنادی گئی تھی۔

متعلقہ حکام نے ایک مسافر کے پیٹ سے کوکین کے 89 کیپسولز برآمد کیے گئے، جن میں تقریباً 1 ہزار 198 گرام کوکین موجود تھی، اس کوکین کی مارکیٹ ویلیو تقریباً 50 لاکھ درہم لگائی گئی ہے۔

راولپنڈی: اےاین ایف نے گوادر میں بین الاقوامی منشیات اسمگلنگ کی کوشش ناکام بناکر 2 افراد کو حراست میں لے لیا۔

تفصیلات کے مطابق راولپنڈی اے این ایف نے پنجگور سے گوادر اور پھر تنزانیہ اور یمن کی طرف منشیات اسمگنگ کے منصوبے کو ناکام بنا دیا، گوادر میں بڑی کارروائی کرتے ہوئے 720 کلو گرام چرس برآمد کر کے دو افراد کو گرفتار کرلیا۔

ترجمان اے این ایف ہیڈ کوارٹرکے مطابق کارروائی کے دوران منظم گروہ اور بین الاقوامی نیٹ ورک کے خلاف کارروائی کرتے ہوئے اے این ایف ٹیم نے انٹیلیجنس اطلاع موصول ہونے پر فوری کاروائی عمل میں لائی۔

ترجمان کا کہنا ہے کہ جیوانی کراس، گوادر کے قریب مشکوک ہینو ٹرک اور پراڈو گاڑی کو روکا، ٹیم نے ٹرک اور پراڈو گاڑی کی تلاشی لی۔

جس کے نتیجے میں گاڑیوں سے مجموعی طور پر 720 کلو گرام ایکسپورٹ کوالٹی چرس کی بڑی کھیپ برآمد ہوئی جبکہ دو ملزمان کو بھی موقع پر گرفتار کر لیا گیا، گرفتار ملزمان کے خلاف انسداد منشیات ایکٹ کے تحت مقدمہ درج کر کے تحقیقات کا آغاز کر دیا گیا۔

کراچی : اے این ایف پورٹ کنٹرول یونٹ نے افغانستان قندھار سے پاکستان کے ذریعے کینیڈا منشیات اسمگل کی بڑی کوشش ناکام بناتے ہوئے کروڑوں مالیت کی افیون برآمد کرلی۔

تفصیلات کے مطابق اے این ایف پورٹ کنٹرول یونٹ نے خفیہ اطلاع پر کراچی بندرگاہ پر کارروائی کرتے ہوئے افغانستان قندھار سے پاکستان کے ذریعے کینیڈا منشیات اسمگل کی بڑی کوشش ناکام بنادی۔

ترجمان نے بتایا کہ اے این ایف کی پورٹ کنٹرول یونٹ (PCU) نے پروفائلنگ اورخفیہ اطلاع پر افغان ریڈ اور بلیک ریزن کے کنسائمنٹ کو بدالدین یارڈ کراچی میں روک لیا، یہ سامان کابل سے قندھار میں افغان کسٹمز حکام نے کلیئر کیا، اور پھر چمن بارڈر کے ذریعے پاکستان سے کینیڈا بھیجا جانا تھا۔

ترجمان کا کہنا تھا کہ اپریل۹۱ ۵۲۰۲، کو اے این ایف پی سی یو ٹیم نے ساوتھ ایشیا پاکستان ٹرمینل (SAPT) پر سامان کی مکمل تلاشی لی، جس کے دوران 2600 کلوگرام افیون برآمد ہوئی، منشیات کو انتہائی مہارت سے کشمش میں اس طرح ملایا گیاتھا کہ ان کا رنگ اور شکل ایک جیسی تھی، جس سے شناخت کرنا تقریباً ناممکن تھی۔

مجموعی طور پر 1816 کارٹن میں سے 260 کارٹن میں سیافیون برآمد ہوئی۔ہر کارٹن میں تقریباً 10 کلوگرام افیون ،کشمش کے ساتھ انتہائی مہارت سے ملی ہوئی تھی۔

ترجمان نے مزید بتایا کہ ٹیم نے اعلیٰ پیشہ ورانہ صلاحیت اور انتہائی مہارت سے ان تمام کارٹن کی تلاشی لی، یہ شپمنٹ سلطان محمد سلطانی ولد نور محمد، سکنہ قندھار، افغانستان کی جانب سے محمد کمپنی امپورٹ ایکسپورٹ، کینیڈا کے لیے بک کروائی گئی تھی۔

ابتدائی تحقیقات کے مطابق سامان کا اصل مالک قندہار کا رہنے والا افغان شہری ہے، جس کی شناخت افغان حکومت کے ساتھ وزارت خارجہ (MoFA) کے ذریعے واضح کر دی گئی ہے تاکہ مجرم کی گرفتاری عمل میں لائی جا سکے۔ی

ترجمان کے مطابق یہ کامیاب کارروائی اے این ایف کی پیشہ ورانہ صلاحیت اور جدید اسمگلنگ کے حربوں کا موٴثر انداز میں سدباب کرنے کی بھرپور عکاسی کرتی ہے تاہم ملزمان کے خلاف مقدمہ درج کر کے مزید تحقیقات کا آغاز کر دیا گیا ہے۔

اسلام آباد : ایئرپورٹس سیکیورٹی فورس نے پشاور اور اسلام آباد ایئرپورٹ سے منشیات جوتوں میں چھپا کر بیرون ملک اسمگل کرنے کی تین کوششیں ناکام بنا دیں۔

تفصیلات کے مطابق ایئرپورٹ سیکیورٹی فورس نے پشاور اور اسلام آباد ایئرپورٹ پر تین بڑی کارروائیاں کیں، جس میں دبئی اور بحرین جانےوالے مسافروں کی منشیات اسمگلنگ کی کوشش ناکام بنا دی۔

ترجمان اے ایس ایف نے بتایا کہ پشاور سے دبئی جانے والے مسافر سے455  گرام چرس برآمد ہوئی۔

دوسری کارروائی میں اسلام آباد سے بحرین جانے والی خاتون کے جوتوں سے ڈیڑھ کلو سے زائد آئس برآمد ہوئی۔

تیسری کارروائی بھی اسلام آباد ائیرپورٹ کی گئی، جہاں بحرین جانے والے مسافر سے چھ کلو ہیروئن سے بھیگے کپڑے برآمد ہوئے تاہم ملزمان کو حراست میں لے کر تفتیش شروع کر دی گئی۔

راولپنڈی : کھیلوں کے سامان میں چھپا کر منشیات اسمگل کرنے کی کوشش ناکام بنادی گئی اور کیرم بورڈ میں چھپائی گئی 1 کلو 20 گرام آئس برآمد کرلی۔

تفصیلات کے مطابق اے این ایف نے اسلام آباد سے بیرون ملک منشیات اسمگلنگ کوشش ناکام بناتے پوئے اسلام آباد میں کوریئر آفس سے نیوزی لینڈ کیلئے بک پارسل قبضے میں لے لیا۔

ترجمان نے بتایا کہ منشیات کھیلوں کے سامان میں چھپاکر بیرون ملک بھیجی جارہی تھی ، کارروائی میں پارسل میں کیرم بورڈ میں چھپائی گئی 1 کلو 20 گرام آئس برآمد کی گئی۔

ترجمان کا کہنا تھا کہ پارسل آزاد کشمیرکےرہائشی کی جانب سےبک کروایاگیاتھا تاہم منشیات قبضےمیں لےکرمزیدتحقیقات کا آغاز کردیا گیا ہے۔

گذشتہ روز کراچی ایئرپورٹ پر یوگنڈا کی خاتون کی منشیات اسمگلنگ کی کوشش ناکام بنا دی گئی اور 144گرام 11 کوکین بھرے کیپسول برآمد کرلئے تھے،

تفصیلات کے مطابق اے این ایف نے کراچی ایئرپورٹ پرمنشیات اسمگلنگ کی کوشش ناکام بنادی، ترجمان نے بتایا کہ یوگنڈا سے تعلق رکھنے والی خاتون مسافربراستہ دبئی سےکراچی پہنچی تھی، دوران تفتیش میں خاتون نے منشیات بھرے کیسپولز کی موجودگی کا اعتراف کیا۔

ترجمان کا کہنا تھا کہ ملزمہ کواسپتال منتقل کرکے 144گرام 11کوکین بھرے کیپسول برآمد کرلئے گئے، تاہم دوران تفتیش خاتون نے لاہور میں منشیات اپنے نائجیرین ساتھی کے بارے میں انکشاف کیا۔

کراچی : کراچی ائیر پورٹ پر برتنوں میں چھپا کر منشیات اسمگل کرنے کی کوشش ناکام بناتے ہوئے مسافر سے 5.7 کلو گرام حشیش برآمد کر لی۔

تفصیلات کے مطابق ایئرپورٹس سیکورٹی فورس نے کراچی ائیر پورٹ پر کارروائی کرتے ہوئے دوحہ جانے والی پرواز پر ایک مسافر سے 5.7 کلو گرام حشیش برآمد کر لی۔

اے ایس ایف حکام کے مطابق دوحہ کی پرواز پر جانیوالے مسافر ارمان نے مذکورہ منشیات برتنوں میں مہارت سے چھپا رکھی تھی۔

تاہم اے ایس ایف کے عملے نے سامان کی تلاشی کے دوران منشیات برآمد کر کے اسمگلنگ کی کوششں ناکام بنا دی-

اے ایس ایف حکام نے کہا کہ ملزم کو ابتدائی تفتیش کے بعد برآمد شدہ حشیش کے ساتھ اے این ایف حکام کے حوالے کر دیا۔