Tag: منشیات اسمگلنگ

راولپنڈی : 4 ممالک کیلئے مٹھائی کے ٹنوں میں چھپائی گئی منشیات اسمگل کی کوشش ناکام بنادی گئی، منشیات یو کے، سری لنکا، ہانگ کانگ اور نیوزی لینڈ بھیجی جارہی تھی۔

تفصیلات کے مطابق اینٹی نارکوٹکس فورس ( اے این ایف ) نے کراچی میں انٹرنیشنل کنسائنمنٹ کے ذریعے منشیات اسمگلنگ کی کوشش ناکام بنادی۔

ترجمان اے این ایف نے بتایا کہ 4 ممالک کیلئے مٹھائی کےٹنوں میں چھپائی گئی منشیات برآمد کی گئی ، کراچی میں کوریئرآفس میں بھیجے جانیوالے مٹھائی کے ٹنوں میں چھپائی گئی منشیات قبضے میں لے لی ہے۔

ترجمان کا کہنا تھا کہ منشیات یو کے، سری لنکا، ہانگ کانگ اور نیوزی لینڈ بھیجی جارہی تھی، مجموعی طورپر9.55 ملین مالیت کی 3.5 کلو ہیروئن اور 7.2 کلو آئس قبضے میں لے لی گئی ہے۔

ترجمان کے مطابق کارروائی کے دوران ایک ملزم کو بھی گرفتار کیا گیا ہے ، ملزم نے دوران تفتیش منظم منشیات نیٹ ورک کا انکشاف کیا ہے۔

اینٹی نارکوٹکس فورس نے کہا کہ ملزم کیخلاف منشیات ایکٹ کے تحت مقدمہ درج کرکے مزید تفتیش کی جارہی ہے۔

کراچی : آلو کے اندر منشیات چھپا کر اسمگلنگ کی کوشش ناکام بنادی گئی، آلوؤں سے بھرا کنٹینر قطر بھیجا جا رہا تھا۔

تفصیلات کے مطابق اینٹی نارکوٹکس فورس نے کراچی گیٹ وے ٹرمینل پر کارروائی کرتے ہوئے کراچی میں آلوؤں کے اندر منشیات چھپا کر اسمگلنگ کی کوشش ناکام بنا دی۔

اے این ایف حکام کا کہنا تھا کہ راس الخور قطر جانے والے آلو پر مشتمل ایک کنٹینر کو خفیہ اطلاع پر روکاگیا، کارگو کی جانچ پڑتال میں بھاری مقدار میں میتھفٹامائن برآمد کی گئی۔

حکام نے بتایا کہ آلوؤں سے بھرا کنٹینر قطر بھیجا جا رہا تھا، اسمگلروں نے آلوؤں کے اندر مہارت سے نشہ اور دوائیں چھپا رکھی تھیں۔

اے این ایف حکام کے مطابق کارگو کنٹینر پنجاب کے گودام سے لوڈ کرایا گیا تھا۔

راولپنڈی: اے این ایف نے پسنی میں بیرون ملک اسمگلنگ کیلئے چھپائی گئی منشیات کی کھیپ پکڑلی۔

تفصیلات کے مطابقاینٹی نارکوٹکس فورس  نے منشیات اسمگلنگ کیخلاف انٹیلی جنس بیسڈ آپریشن میں پسنی میں بیرون ملک اسمگلنگ کیلئے چھپائی گئی منشیات کی کھیپ پکڑلی۔

ترجمان نے بتایا کہ آپریشن مکران کوسٹل لائن سےمتصل چوڑ بندر کے علاقے میں کیا گیا، آپریشن اسمگلنگ میں ملوث گروہ کی سرگرمیوں کو مدنظر رکھتے ہوئے عمل میں لایا گیا۔

ترجمان کا کہنا تھا کہ لیاقت اور واحد مذکورہ گروہ کےسرغنہ ہیں اور یہ گروہ کے ارکان سمندری راستے سے بیرون ممالک منشیات اسمگلنگ میں ملوث ہیں۔

انٹیلی جنس اطلاع پر اے این ایف ٹیم نے مذکورہ علاقے میں چھاپہ مارکارروائی کی، چھاپہ مار کارروائی کے دوران خفیہ مقام پر ذخیرہ کی گئی منشیات برآمد کرلی گئیں۔

آپریشن کے دوران ایک ٹن سے زائد منشیات اور51 ہزار نشہ آورکیپسول برآمد ہوئے ، برآمد شدہ منشیات میں 850 کلو، چرس 164 کلو آئس شامل ہے۔

اینٹی نارکوٹکس فورس کا کہنا ہے کہ پکڑی گئی منشیات سمندری راستے سے بین الاقوامی منڈیوں تک پہنچائی جانی تھی۔

ترجمان کے مطابق گروہ کے سرغنہ لیاقت اور واحد کی گرفتاری کیلئے چھاپے مارے جا رہے ہیں، اے این ایف منشیات سے پاک معاشرے کے قیام کیلئے سرگرم ہے۔

اسلام آباد : اینٹی نارکوٹکس فورس (اے این ایف) نے ایک ہفتے میں 6 منشیات اسمگلر خواتین کو گرفتار کرکے 26 کلوسے زائد منشیات برآمد کرلی۔

تفصیلات کے مطابق اینٹی نارکوٹکس فورس (اے این ایف) نے ملک گیر کارروائیاں کرتے ہوئے ایک ہفتے میں 6 منشیات اسمگلر خواتین کو گرفتار کرلیا۔

ترجمان نے بتایا کہ کارروائیوں میں گرفتار ملزمان سے 26 کلوسے زائد منشیات برآمد کی گئی، گرفتار خواتین بین الصوبائی اور بین الاقوامی سطح پر اسمگلنگ میں ملوث ہیں۔

اے این ایف کا کہنا تھا کہ علامہ اقبال ایئرپورٹ پر خاتون کے پیٹ سے 87 ہیروئن بھرے کیپسول برآمد ہوئے جبکہ ملتان انٹرنیشنل ائیرپورٹ پر خاتون سمیت 2 ملزمان کو گرفتار کیا گیا۔

ترجمان کے مطابق کراچی کے علاقے اورنگی ٹاؤن میں کارروائی کے دوران 2 خواتین کو گرفتار کیا گیا جبکہ اسلام آباد چورنگی 26 کے قریب سے بھی خاتون منشیات فروش کی گرفتاری عمل میں لائی گئی۔

راولپنڈی : اینٹی نارکوٹکس فورس ( اے این ایف) نے راولپنڈی ریلوے اسٹیشن پر کارروائی کرتے ہوئے منشیات اسمگلنگ کی کوشش ناکام بناتے ہوئے ٹرین کے انجن میں چھپائی گئی چرس اور آئس برآمد کرلی۔

تفصیلات کے مطابق ریلوے ملازمین منشیات کی اسمگلنگ میں ملوث نکلے ، اینٹی نارکوٹکس فورس (اے این ایف) نے راولپنڈی ریلوے اسٹیشن پر کارروائی کرتے ہوئے منشیات اسمگلنگ کی کوشش ناکام بنا دی۔

ترجمان اے این ایف نے بتایا کہ ٹرین کے انجن میں چھپائی گئی بارہ کلو چرس اور ایک کلو آئس برآمد کرلی گئی ہے۔

ترجمان کا کہنا تھا کہ دورانِ کارروائی منشیات اسمگل کرنے کے الزام میں ٹرین کے ڈرائیوراور اسسٹنٹ ڈرائیور کوموقع سےگرفتار کر لیا گیا۔

اے این ایف نے پشاور کے رہائشی ریلوے ملازم ملزمان منشیات ٹرین کے انجن روم میں چھپا کر اسمگل کر رہے تھے ، ملزمان کے خلاف انسدادِمنشیات ایکٹ کے تحت مقدمات درج کر کے مزید تحقیقات کا آغاز کر دیا گیا ہے۔