Tag: منشیات سپلائی

کراچی : واٹس ایپ کے ذریعے منشیات سپلائی کرنے میں ملوث 4 ملزمان کو گرفتار کرلیا گیا، ملزمان میں دو   خواتین بھی شامل ہیں۔

تفصیلات کے مطابق کراچی کے علاقے شاہ لطیف ٹاؤن پولیس نے خفیہ اطلاع پر کارروائی کرتے ہوئے آن لائن منشیات سپلائی میں ملوث 4 ملزمان کو گرفتار کرلیا۔

ایس ایس پی ملیرکاشف عباسی نے بتایا کہ ملزمان میں2خواتین بھی شامل ہیں، جن سے ایک کروڑسےزائدمالیت کی منشیات برآمد کی گئی ہے۔

کاشف عباسی کا کہنا تھا کہ ملزمان کارمیں تربت سےکراچی منشیات چھپاکرلائےتھے، ملزمان سے15کلوچرس،2کلوافیون،10کلوآئس بھی برآمد ہوئی۔

انھوں نے کہا کہ منشیات کی عالمی مارکیٹ میں مالیت ایک کروڑسےزائدہے،ملزمان نےتفتیش کراچی میں منشیات خریدنےوالےافرادکےنام بھی بتائےہیں۔

ایس ایس پی ملیر کا کہنا تھا کہ کہ ملزمان کے خلاف مقدمہ درج کرکے مزید تفتیش کی جارہی ہے،۔

کراچی : پیزا ڈیلیوری کے زریعے منشیات سپلائی کرنے کا انکشاف سامنے آیا، سندھ کے وزیر شرجیل میمن نے بتایا کہ منشیات کی سپلائی کرنے والا گروہ کو پکڑ لیا ہے۔

تفصیلات کے مطابق سندھ کے سینیئر وزیر شرجیل میمن نے پریس کانفرنس کرتے ہوئے کہا کہ منشیات کے حوالے سے معاشرہ خطرناک صورتحال سے دوچار ہے ، پیزا کے ساتھ منشیات کی سپلائی کرنے والا گروہ پکڑا گیا ہے۔

سندھ کے وزیر کا کہنا تھا کہ ہم نے چار بینک اکاؤنٹس پکڑے ہیں جن میں منشیات کےپیسے آتے ہیں، ملزمان نےبتایاپیزا ڈیلیوری کیساتھ منشیات بھی بھیجی جاتی ہیں ، شاید ڈلیوری بوائے کو بھی پتہ نہ ہوکہ وہ منشیات بھی سپلائی کررہا ہے۔

انھوں نے بتایا کہ منشیات فروش قربان شاہ کے اکائونٹ میں منشیات کے پیسے بھیجے جاتے تھے، ملزم کے موبائل فون سے ٹھوس شواہد حاصل ہوئے ہیں، وہ شخص اسلام آباد میں ہے، گرفتاری کیلئے وزارت داخلہ سے رابطہ کریں گے۔

صوبائی وزیر نے کہا کہ ایک بینک کو 23 مئی کو خط لکھا گیا لیکن اس نے اب تک جواب نہیں دیا،ایک ملزم باسط خواجہ کوگرفتار کیا جو کراچی کےپوش علاقے میں منشیات فراہم کرتا تھا، پولیس نے 6 ماہ میں 7632 لوگوں کو گرفتار کر کے منشیات برآمد کی۔

ان کا کہنا تھا کہ پولیس ،ایکسائز سےمقابلوں میں 6 سے 7منشیات فروش مارے گئے، متعدد زخمی ہوئے،حب ریور روڈ پر چیک پوسٹ قائم کردی ہے، سپرہائی وے پر 10دن میں چوکی قائم ہوجائے گی۔

وزیر اطلاعات نے مزید کہا کہ اسکولوں میں بچوں کی سرپرائز چیکنگ کریں گے، سب کو اعتماد میں لیا جائے گا۔

لاہور : پنجاب کی جیلوں میں سپرنٹنڈنٹس کی جانب سے منشیات کے قیدیوں سے ملاقاتوں کے دوران منشیات اور نشہ آور اشیا کی سپلائی کا انکشاف سامنے آیا۔

تفصیلات کے مطابق پنجاب کی جیلوں میں وی وی آئی پی ملاقاتیں منشیات سپلائی کا سبب بننےلگیں ، سپرنٹنڈنٹس کی جانب سے منشیات کے قیدیوں سے ڈیوڑھی میں ملاقاتیں ہوئیں۔

ان ملاقاتوں کے دوران منشیات اور نشہ آور اشیا کی سپلائی کا انکشاف ہوا، آئی جی جیل کے خط نے جیلوں میں منشیات کی اسمگلنگ کا بھانڈا پھوڑ دیا۔

جیلوں میں ایڈمن بلاک میں منشیات کے قیدیوں کی ملاقاتوں پر پابندی عائد کردی، مراسلے میں کہا کہ منشیات فروش جیلوں میں مختلف ذرائع سے منشیات اسمگلنگ میں سرگرم ہیں، منشیات کےمقدمات کےقیدیوں کی ایڈمن بلاک میں ملاقاتیں نہیں کرائی جائیں گی۔

آئی جی جیل کی ہدایت پرعملدرآمدنہ کرانے پر افسران کیخلاف پیڈا ایکٹ کے تحت کارروائی کا حکم دیا گیاہے۔

لاہور : منشیات سپلائی کرنے والے سب سے بڑے جارڈن گینگ کو گرفتار کرلیا گیا، :ملزمان میکسیکو، کینیڈا و دیگرممالک سے منشیات بھیجتے تھے۔

تفصیلات کے مطابق صوبائی دارلحکومت لاہور میں منشیات سپلائی کرنے والے سب سے بڑے جارڈن گینگ کو گرفتار کرلیا گیا۔

پولیس نے بتایا کہ فیز 6 سے گینگ کے 5 رکن اور 9 گن مین گرفتار کیے گئے، گینگ کے محمد ایوب سے کروڑوں روپے کی منشیات برآمد ہوئی۔

حکام کے مطابق ملزمان میکسیکو، کینیڈا و دیگرممالک سے منشیات بھیجتےتھے، ملزمان کوریئر کے ذریعے چاکلیٹ اور ٹافی کی شکل میں منشیات بھیجتے تھے۔

پولیس کا کہنا تھا کہ ملزمان فیک آئی ڈی سے پاکستان میں موجود سپلائر سے رابطہ کرتے تھے۔