Tag: منشیات کی اسمگلنگ

حیدرآباد : پولیس نے ایمبولینس میں منشیات کی اسمگلنگ ناکام بناتے ہوئے مین پوری و دیگر منشیات برآمد کرلی۔

تفصیلات کے مطابق حیدرآباد میں ایمبولینس منشیات کی اسمگلنگ میں استعمال ہونے لگی، بلدیہ پولیس نے کارروائی کرتے ہوئے ایمبولینس سے مین پوری و دیگر منشیات برآمد کرلی۔

پولیس نے ملزم شاہد کو گرفتارکر کے مقدمہ درج کرلیا اور بتایا مین پوری، خام مال،چرس ودیگر سامان سے بھری بوریاں برآمد ہوئیں۔

پولیس کا کہنا ہے کہ تفتیش مکمل ہونے کے بعد ہی منشیات کی مقدارکا تعین ہوسکتا ہے۔

مزید پڑھیں : کراچی میں ایمبولینس کے ذریعے منشیات کی اسمگلنگ کا انکشاف

کراچی میں ایمبولینس کے ذریعے منشیات کی اسمگلنگ کا انکشاف سامنے آیا تھا، پولیس نے ایمبولینس کے خفیہ خانے میں چھپائی گئی منشیات کی اسمگلنگ ناکام بنا دی تھی۔

کراچی میں موچکو پولیس نے حب ریور روڈ لکی چورنگی کے قریب کارروائی کے دوران بلوچستان سے کراچی منشیات کی اسمگلنگ ناکام بنا کر لاکھوں روپے مالیت کی منشیات برآمد کی تھی۔

اسلام آباد : منشیات کی اسمگلنگ کی روک تھام کیلئے ائیر پورٹس پر چیکنگ مزید سخت کرنے کی ہدایت کرتے ہوئے کہا تعلیمی اداروں میں منشیات کیخلاف کارروائی کی جائے۔

تفصیلات کے مطابق وزیر داخلہ و نارکوٹکس کنٹرول محسن نقوی کی زیرصدارت اجلاس ہوا ، جس میں منشیات کی خرید و فروخت روکنے کیلئے اہم فیصلے کیے گئے۔

محسن نقوی نے کہا ایئرپورٹس پر چیکنگ مزید سخت کی جائے اور تعلیمی اداروں میں منشیات فروخت کرنے والوں کیخلاف کارروائی جاری رکھی جائے۔۔

وزیر داخلہ کا کہنا تھا جکہ سرحدی علاقوں میں منشیات کا کاروبار کرنے والے عناصر کے خلاف ایکشن اور منشیات کے بڑے ڈیلرز کو ہرصورت قانون کی گرفت میں لایا جائے۔

وزیر داخلہ نے مزید کہا کہ محدود وسائل کے باوجود اے این ایف کی کارکردگی لائق ستائش ہے۔

مزید پڑھیں : پاکستان سے جوتوں میں چھپا کر دبئی اور بحرین منشیات اسمگل کرنے کی کوشش ناکام

یاد رہے ایئرپورٹ سیکیورٹی فورس نے پشاور اور اسلام آباد ایئرپورٹ پر تین بڑی کارروائیوں میں دبئی اور بحرین جانےوالے مسافروں کی منشیات اسمگلنگ کی کوشش ناکام بنا دی۔

ترجمان اے ایس ایف نے بتایا تھا کہ پشاور سے دبئی جانے والے مسافر سے455 گرام چرس برآمد ہوئی، دوسری کارروائی میں اسلام آباد سے بحرین جانے والی خاتون کے جوتوں سے ڈیڑھ کلو سے زائد آئس برآمد ہوئی۔

تیسری کارروائی بھی اسلام آباد ائیرپورٹ کی گئی، جہاں بحرین جانے والے مسافر سے چھ کلو ہیروئن سے بھیگے کپڑے برآمد ہوئے تاہم ملزمان کو حراست میں لے کر تفتیش شروع کر دی گئی تھی۔

کراچی: جناح انٹرنیشنل ایئرپورٹ سے منشیات کی اسمگلنگ کی کوشش ناکام بنادی گئی اور مسافر کے بیگ کے خفیہ حصے سے کرسٹل آئس اور ہیروئن برآمد کرلی گئی۔

تفصیلات کے مطابق کسٹم حکام نے کراچی ایئرپورٹ پر کارروائی کرتے ہوئے منشیات کی اسمگلنگ کی کوشش ناکام بنادی۔

کسٹم حکام نے بتایا کہ جدہ جانے والے مسافر کے بیگ سے منشیات برآمد ہوئی، مسافر امتیاز علی سعودی ائیر کی پرواز ایس وی 700 کے ذریعے جدہ جارہا تھا۔

حکام کا کہنا تھا کہ کسٹم اہلکاروں کو سامان کی اسکیننگ پر منشیات کا شک ہوا، مسافر امتیاز کا تعلق خیرپور سے ہے، کراچی ایرپورٹ پر مسافر امتیاز علی کو جدہ جانے والی پرواز SV-700 پر سوار ہونے سے پہلے کسٹمز عملے نے روکا اور مسافر کے سامان کی ابتدائی تلاشی میں کوئی مشکوک شے برآمد نہ ہوئی تاہم کسٹمز عملہ مسافر کے سفر کے مقصد سے مطمئن نہ ہوا۔

کسٹم حکام نے کہا کہ مزید تفتیش کے دوران عملے نے مسافر کے ٹرالی بیگ کو پھاڑ کر جانچ کی مسافر کے بیگ کے خفیہ حصے سے 500 گرام گرام کرسٹل آئس اور 80 گرام ہیروئن برآمد کرلی گئی پکڑی گئی۔

منشیات کی بین الاقوامی مارکیٹ میں مالیت ایک کروڑ روپے ہے، مسافر کو فوری طور پر کسٹمز ایکٹ کی شق 171 کے تحت حراست میں لے لیا گیا ہے، ملزم کے خلاف مزید قانونی کارروائی اور تحقیقات جاری ہے۔

ملتان : ملازمت کی غرض سے عمرہ ویزہ پر سعودی عرب جانے والے ہوشیار ہوجائیں ، مذکورہ شہریوں کے سامان سے منشیات برآمد ہونے پر سعودیہ میں دونوں کو 25 سال قید کی سزا سنائی گئی۔

تفصیلات کے مطابق ایف آئی اے کمپوزٹ سرکل ملتان نے انسانی اسمگلنگ اور منشیات کی اسمگلنگ میں ملوث 2 خواتین ملزمان کو گرفتار کر لیا ۔

ترجمان  نے بتایا کہ ملزمان کی شناخت کنول مشتاق اور نرگس مشتاق کے نام سے ہوئی گرفتار خواتین ملزمان نے سونیا اور شکیل نامی شہریوں کو ملازمت کی غرض سے عمرہ ویزہ پر سعودی عرب بھیجا۔

ترجمان کاکہنا تھا کہ مذکورہ شہریوں کے سامان سے منشیات برآمد ہونے پر سعودی حکام کی جانب سے دونوں شہریوں کو 25 سال قید کی سزا سنائی گئی۔

ترجمان نے کہا  کہ سعودی عرب میں قید کے دوران خاتون ملزمہ کی سعودی عرب میں ہی موت واقع ہوئی۔

ترجمان کے مطابق گرفتار خواتین سمگلرز غیر قانونی سمگلنگ اور ٹریفکنگ کی سرگرمیوں کے حوالے سے عادی ملزمان ہیں ملزمان کو گرفتار کر کے تفتیش کا آغاز کر دیا گیا ہے۔

لاہور : پنجاب کی جیلوں میں سپرنٹنڈنٹس کی جانب سے منشیات کے قیدیوں سے ملاقاتوں کے دوران منشیات اور نشہ آور اشیا کی سپلائی کا انکشاف سامنے آیا۔

تفصیلات کے مطابق پنجاب کی جیلوں میں وی وی آئی پی ملاقاتیں منشیات سپلائی کا سبب بننےلگیں ، سپرنٹنڈنٹس کی جانب سے منشیات کے قیدیوں سے ڈیوڑھی میں ملاقاتیں ہوئیں۔

ان ملاقاتوں کے دوران منشیات اور نشہ آور اشیا کی سپلائی کا انکشاف ہوا، آئی جی جیل کے خط نے جیلوں میں منشیات کی اسمگلنگ کا بھانڈا پھوڑ دیا۔

جیلوں میں ایڈمن بلاک میں منشیات کے قیدیوں کی ملاقاتوں پر پابندی عائد کردی، مراسلے میں کہا کہ منشیات فروش جیلوں میں مختلف ذرائع سے منشیات اسمگلنگ میں سرگرم ہیں، منشیات کےمقدمات کےقیدیوں کی ایڈمن بلاک میں ملاقاتیں نہیں کرائی جائیں گی۔

آئی جی جیل کی ہدایت پرعملدرآمدنہ کرانے پر افسران کیخلاف پیڈا ایکٹ کے تحت کارروائی کا حکم دیا گیاہے۔

کراچی : ملکی تاریخ کی بیرون ملک اسمگل کی جانے والی میتھ آئس کی بڑی کھیپ پکڑگئی، میتھ ایمفیٹا مائن 5 کنٹینرز کی چھت اور دروازوں میں چھپائی گئی تھی۔

تفصیلات کے مطابق اے این ایف نے ملکی تاریخ کی بیرون ملک اسمگل کی جانے والی میتھ آئس کی سب سے بڑی کھیپ پکڑلی۔

ترجمان اے این ایف نے کہا 224 کلو آئس، افغانستان سے سوپ سٹونز کی ایکسپورٹ کی آڑ میں، بیلجیئم اسمگل کی جا رہی تھی، منشیات براستہ طورخم، افغانستان سے اپنی منتقی منزل بیلجئم سمگل کرنے کے لئے پہلے کراچی اسمگل کی گئی۔

ترجمان نے کہا کہ میتھ ایمفیٹامائن 5 کنٹینیرز کی چھت اور دروازوں میں انتہائی محارت سے چھپائی گئی تھی۔

اے این ایف نے کراچی پورٹ پر سمگلنگ میں استعمال ہونے والے تمام کنٹینرز کو تحویل میں لے لیا، کنٹینر بھجوانے والے 3 ملزمان جن میں سے 2 کا تعلق افغانستان سے ہے، کو گرفتار کرلیا گیا، گرفتار ملزمان طورخم بارڈر سے افغانستان فرار کی کوشش کررہے تھے۔

ترجمان کا کہنا تھا کہ اے این ایف منشیات کی اسمگلنگ کے انسداد اور دنیا کو منشیات کے مضر اثرات سے محفوظ رکھنے کیلئے پرعزم ہے۔