برازیلیا : برازیل نے کوکین کی لت کے خلاف ایک ویکسین تیار کرلی ہے۔ تیار کردہ ’کیلیکس کوکا ‘ نامی یہ ویکسین دماغ پر کوکین اور کریک کے اثرات کو روک دے گی۔
برازیلین سائنسدانوں کے مطابق اس دوائی سے لوگوں کو منشیات کے شیطانی دائرے سے باہر نکلنے میں مدد مل سکتی ہے۔اس پروجیکٹ نے پہلے ہی5 لاکھ یورو کا انوویشن ان ہیلتھ لاطینی امریکن پرائز جیت لیا ہے، جس کی مالی اعانت فارماسیوٹیکل کمپنی یوروفارما نے کی ہے۔
غیر ملکی خبر رساں ادارے کی رپورٹ کے مطابق فیڈرل یونیورسٹی آف میناس گیریس (یو ایف ایم جی ) میں پراجیکٹ کے کوآرڈینیٹر ماہر نفسیات فریڈریکو گارسیا نے کہا کہ کیلیکس کوکا ایک ویکسین ہے جو مریض کو اینٹی باڈیز پیدا کرنے میں مدد دیتی ہے جو دوا سے منسلک ہو سکتی ہیں اور اسے دماغ میں داخل ہونے سے روک سکتی ہیں۔
دوسرے الفاظ میں یہ دوائی کوکین کے ذریعے پیدا ہونے والی ان تسکین بخش احساس کو روک سکتی ہے جو اس کو لینے کے نتیجے میں دماغ کے ایک حصے میں پیدا ہوتے ہیں۔ اس ویکسین سے نشے کے عادی افراد کوکین یا کریک سے پرہیز کے قابل ہو اور نشے کی لت سے آزاد ہو جائیں گے۔
محققین کے مطابق تجربات کے دوران ’کیلیکس کوکا ‘نے چوہوں کے جنین کو کوکین سے محفوظ رکھا ہے، جس کے نتیجے میں، اگر اسے انسانوں میں نقل کیا جائے، تو یہ ایسی حاملہ خواتین کے علاج میں مدد کر سکتی ہے جو نشے میں مبتلا ہیں۔
کیلیکسکو کے لاطینی امریکہ میں کلینکل ٹرائلز یہ ظاہر کرتے ہیں کہ ویکسین کارآمد ہے اور اگر اسے نیشنل ہیلتھ سرویلنس ایجنسی (انویسا) کی رجسٹریشن مل جاتی ہے، تو یہ پہلی اینٹی کوکین ویکسین بن جائے گی۔ کرہ ارض پر کوکین اور اینٹی ڈرگ ویکسین کو بطور دوا استعمال کیا جائے گا۔
چونکہ اسے دیگر ویکسینوں میں حیاتیاتی مرکبات کے بر خلاف لیبارٹری میں ڈیزائن کیے گئے کیمیائی مرکبات سے بنایا گیا ہے اس لیے اینٹیجن پیدا کرنے میں بھی سب سے کم خرچ ہوگا۔ اسے نقل و حمل کے لیے ریفریجریشن چین کی بھی ضرورت نہیں پڑے گی۔
