کراچی : پیپلزپارٹی کے سینئر رہنما اور مشیرزراعت منظوروسان کا کہنا ہے کہ 29 اکتوبر سے 29 نومبر تک صورتحال خراب ہوگی۔

تفصیلات کے مطابق پیپلزپارٹی کے سینئر رہنما اور مشیرزراعت منظوروسان نے صحافیوں سے گفتگو کرتے ہوئے کہا کہ 29 اکتوبر سے 29 نومبر تک صورتحال خراب ہوگی۔

منظوروسان کا کہنا تھا کہ حالات بہت خراب ہوسکتے ہیں،اس میں سیاستدانوں کانقصان ہوگا، عمران خان کوسیاسی پارٹیوں سے مل بیٹھ کر بات چیت کرنی چاہئے۔

پیپلزپارٹی کے سینئر رہنما نے کہا کہ عمران خان نے راستہ نہ نکالا توحالات خراب ہوں گے ، اکتوبر کے پہلے ہفتے میں پتا چل جائے گا عمران خان کی اکثریت ہے یا نہیں۔

عام انتخابات کے حوالے سے مشیرزراعت کا کہنا تھا کہ سب29 اکتوبرتک انتظارکریں اس کے بعد بتاؤں گا کہ الیکشن کب ہوں گے۔

پی ٹی آئی لانگ مارچ سے متعلق انھوں نے کہا کہ عمران خان لانگ مارچ نہیں کرے گا، کہا جاسکتا ہےکہ اپنے شہروں میں احتجاج کریں، خواہش ہے کہ عمران خان نااہل نہ ہوں، سیاسی میدان میں آکرمقابلہ کریں۔

کراچی : پیپلز پارٹی کے رہنما منظوروسان نے ایک نئی پیش گوئی کرتے ہوئے کہا ہے کہ تین مہینے میں بہت کچھ ہونے والا ہے اور حکومت یا عمران خان سے متعلق 3ماہ میں ہی فیصلہ ہوگا۔

تفصیلات کے مطابق سیاسی پیشگوئیوں کے حوالے سے شہرت رکھنے والے پاکستان پیپلز پارٹی کے رہنما منظور وسان نے پیشگوئی کی ہے کہ پہلےبھی کہاتھا اگلے 3مہینےاہم ہیں، آئندہ 3ماہ میں بہت کچھ ہونے والا ہے۔

منظور وسان کا کہنا تھا کہ گڑ بڑکچھ زیادہ ہےحالات کچھ زیادہ خراب نظرآرہےہیں تاہم راستہ نکلے گا، اپوزیشن اور حکومت مل بیٹھیں گی اور مائنس ون کی بات ہوگی، مائنس ون بھی ہوسکتا ہےماضی میں ایسا ہوا ہے ، تین مہینوں میں فیصلہ کرنا ہے کہ مائنس ون ہوگا یا الیکشن ہوگا۔

پی پی رہنما نے کہا کہ اسی جماعت سے کوئی نیا وزیر اعظم ہوسکتا ہے ، ماضی میں ایساہواہےایک ہی مدت میں 2،2 وزیراعظم رہے ہیں۔

ان کا مزید کہنا تھا کہ فروری میں قلندر کی دھمال لگے گی اور ایسی لگے گی کہ کوئی نہیں بچے گا۔

یاد رہے گذشتہ سال دسمبر میں منظور وسان نے پیشگوئی کی تھی کہ آئندہ عام انتخابات میں عمران خان کو نااہل قرار دیا جاسکتا ہے، آئندہ 3 ماہ اہم ہیں،سال 2022 خطرناک ہے۔

منظوروسان کا کہنا تھا کہ ہوسکتا ہے ملک میں بلدیاتی انتخابات نہ ہوں، 2022 میں جنرل الیکشن ہوں، انتخابات میں عمران کی پارٹی سے کوئی سیاسی رہنما ٹکٹ لینے کو تیار نہیں ہوگا۔