Tag: منظوری

  • سندھ کابینہ نےآئی جی سندھ کی تبدیلی کی منظوری دے دی

    سندھ کابینہ نےآئی جی سندھ کی تبدیلی کی منظوری دے دی

    کراچی : سندھ کابینہ نے آئی جی سندھ پولیس اے ڈی خواجہ کو ہٹانے کی منظوری دے دی، کابینہ نے بائیس گریڈ کے سردارعبد المجید دستی کونیا آئی جی بنانے کی سفارش بھی کردی۔

    تفصیلات کے مطابق وزیراعلیٰ سندھ مراد علی شاہ کی زیر صدارت کابینہ کا اجلاس ہوا جس میں آئی جی سندھ پولیس اے ڈی خواجہ کی موجودگی میں سیکریٹری سروسزنے آئی جی کو تبدیل کرنے کی سفارش پیش کی۔

    سیکریٹری سروسزنے بریفنگ دیتے ہوئے کہا کہ اے ڈی خواجہ کو 2016 میں او پی ایس پر آئی جی لگایا گیا جبکہ سپریم کورٹ نے تمام او پی ایس کی پوسٹوں کوختم کردیا ہے۔

    اجلاس میں سیکریٹری سروسزنے سفارش کی کہ سندھ حکومت اے ڈی خواجہ کی خدمات وفاق کےحوالےکرے اور 22 گریڈ کے سردارعبدالمجید دستی کو آئی جی سندھ بنایا جائے۔

    اے ڈی خواجہ نے جواب دیا کہ میری تقرری کے وقت او پی ایس کےخلاف فیصلہ موجود تھا، صوبوں میں آئی جی گریڈ بی 21 کے بھی موجود ہیں۔ انہوں نے کہا کہ پنجاب کے موجودہ آئی جی کی گریڈ بی 22 میں ترقی ہوئی۔

    اس سے قبل اے ڈی خواجہ نے بریفنگ میں تجویز پیش کی کہ آئی جی کو پولیس افسرکے تبادلے کا اختیاردیا جائے جس کووزرا کمیٹی نے رد کردیا۔

    خیال رہے کہ رواں سال یکم اپریل کوسندھ حکومت نے آئی جی سندھ اے ڈی خواجہ کی خدمات وفاق کے حوالے کردی تھیں اور ان کی جگہ اے آئی جی سندھ عبدالمجید دستی کو عارضی طور پر نیا آئی جی سندھ مقررکیا تھا۔


    قائم مقام آئی جی سندھ کا نوٹی فیکیشن معطل


    بعدازاں سندھ ہائی کورٹ نے اے ڈی خواجہ کو عہدے سے ہٹانے کےفیصلے کو معطل کرکے انہیں مقررہ مدت تک ذمے داریاں نبھانے کا حکم دیا تھا۔


    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

  • کراچی گرین لائن منصوبے کی لاگت میں اضافہ منظور

    کراچی گرین لائن منصوبے کی لاگت میں اضافہ منظور

    اسلام آباد: قومی اقتصادی کونسل کی ایگزیکٹیو کمیٹی نے کراچی میں گرین لائن بس ٹرانزٹ سسٹم منصوبے کی لاگت میں اضافےکی منظوری دے دی۔

    تفصیلات کےمطابق وفاقی دارالحکومت اسلام آباد میں وزیرخزانہ اسحاق ڈارکی زیرصدارت ٹرانسپورٹ‘توانائی اوردوسرے سیکٹرکےلیےمتعدد ترقیاتی منصوبوں کی منظوری دے دی۔

    کراچی گرین لائن ٹرانزٹ سسٹم کا یہ منصوبہ کےایس سی پاور ہاؤس سےسینٹرل ڈسٹرک تک ہوگا۔اس منصوبےپر24ارب 60کروڑروپےکی لاگت آئےگی۔

    گرین لائن منصوبےمیں بسیں 27.45 کلو میٹرمخصوص سڑک پرسفر کریں گی جبکہ اسٹیشنزکی تعداد 22 سےبڑھا کر 35کر دی گئی۔ساری سڑک سگنل فری ہو گی۔اس منصوبےسےروزانہ4 لاکھ مسافر فائدہ اٹھائیں گے۔

    قومی اقتصادی کونسل کی ایگزیکٹیوکمیٹی نےپشاورموڑسےنئےاسلام آباد ایئرپورٹ تک میٹرو بس سروس شروع کرنےکےمنصوبےکومنظور کر لیا۔اس کےلیے 25.6 کلومیٹرطویل مخصوص سگنل فری سڑک بنےگی۔

    انڈس ہائی وے کوسرائے گمبیلا سےکوہاٹ تک کےحصےکودوہراکرنے کا منصوبہ بھی منظورکر لیا گیا۔اس پر 30ارب روپےلاگت آئے گی۔

    قومی اقتصادی کونسل کی ایگزیکٹیو کمیٹی نےوزارت پانی وبجلی کےچکوال سب اسٹیشن منصوبےکےقیام کامنصوبہ بھی منظور کر لیا۔اس پر 6 اب 7 کروڑ روپے لاگت آئے گی۔اس سے چوآسیدن شاہ‘گوجرخان‘تلہ گنگ میں بجلی کی سپلائی بہترہوگی۔

    صوبہ سندھ کےعلاقےتھرمیں 660 میگاواٹ کے2بجلی گھروں کے منصوبے بھی منظور کرلیےگئےہیں۔

    قومی اقتصادی کونسل کی ایگزیکٹیونےاین ٹی ڈی سی کےٹرانفارمیشن نظام کوبہتربنانےکےمنصوبےکی بھی منظوری دے دی۔اس پر 16ارب 52 کروڑروپےلاگت آئےگی۔


    کراچی میں گرین لائن ریپڈ بس سروس کا سنگ بنیاد


    یاد ریےکہ رواں سال 26فروری کووزیراعظم نواز شریف نےشہرِقائد میں پبلک ٹرانسپورٹ کےمسائل حل کرنےکےلیےگرین لائن بس ریپڈ ٹرانزٹ سسٹم کا سنگ بنیاد رکھ دیا تھا۔

    واضح رہےکہ کراچی میں ایٹمی بجلی گھر لگا کر 2200 میگاواٹ بجلی پیدا کرنےکے 2منصوبےکےٹواورکےتھری منظورکرلیےگئے۔ان پر 7 ارب 50 کروڑ روپے لاگت آئے گی۔

  • وفاقی کابینہ نےحج پالیسی 2017کی منظوری دے دی

    وفاقی کابینہ نےحج پالیسی 2017کی منظوری دے دی

    اسلام آباد: وزیراعظم پاکستان کی زیرصدارات ہونے والےاجلاس میں وفاقی کابینہ نےحج پالیسی 2017 کی منظوری دے دی۔

    تفصیلات کےمطابق وفاقی دارالحکومت اسلام آباد میں وزیراعظم نوازشریف کی زیرصدارت وفاقی کابینہ کااجلاس ہوا جس میں حج پالیسی 2017 کی منظوری دے دی گئی۔

    وفاقی کابینہ کےاجلاس سے خطاب کرتے ہوئےوزیراعظم میاں محمدنوازشریف نےوزارت مذہبی امور کو ہدایت کی کہ وہ حجاج کرام کی سہولت کےلیےبہترین اقدامات کرے۔

    اس موقع پروزیراعظم کاکہناتھاکہ وہ آئندہ وفاقی کابینہ کےاجلاس میں وزارت مذہبی امور سے حج کے اخراجات کے حوالے سے پوچھیں گے۔انہوں نےحج اخراجات میں اضافے کی سمری مسترد کرتے ہوئےکہاکہ گزشتہ سال کے حج اخراجات برقرار رکھے جائیں۔

    وفاقی وزیربرائے منصوبہ بندی احسن اقبال نے اجلاس کےدوران ہاؤسنگ کے شعبے پر وفاقی کابینہ کو بریفنگ دی۔

    وزیراعظم نوازشریف کاکہناتھاکہ حکومت غریب عوام کو رہائشی سہولت فراہم کرنا چاہتی ہے جبکہ ملک بھر میں رہائشی ضرورتوں کو پورا کرنا ہوگا۔

    وزیراعظم پاکستان کاکہناتھاکہ ترقیاتی سرگرمیوں کےباعث شہری آبادی میں تیزی سے اضافہ ہورہا ہے۔

    وفاقی کابینہ کے اجلاس میں وزیراعظم نوازشریف نےنئےگیس کنکشنزپرپابندی ہٹانےکے ساتھ موجودہ حکومت کےگیس فراہمی کےمنصوبوں پرعملدرآمدکی بھی منظوری دے دی۔


    ملکی بحری حدودکےتحفظ میں پاک بحریہ کاکرداراہم ہے‘ وزیراعظم نوازشریف


    واضح رہےکہ وفاقی کابینہ کےاجلاس سےقبل وزیراعظم پاکستان سے پاک بحریہ کےسربراہ ایڈمرل محمدذکا اللہ نے ملاقات کی تھی۔وزیراعظم کا کہناتھاکہ ملکی بحری حدود کےتحفظ میں پاک بحریہ کاکرداراہم ہے۔

  • اسرائیلی پارلیمنٹ نےیہودی بستیوں کی تعمیر کامتنازع قانون منظور کرلیا

    اسرائیلی پارلیمنٹ نےیہودی بستیوں کی تعمیر کامتنازع قانون منظور کرلیا

    یروشلم : اسرائیلی پارلمینٹ نے مقبوضہ مغربی کنارے پر یہودیوں بستیوں کے تعمیر کامتنازعہ بل منظور کرلیا،بل کی منظوری کےساتھ ہی اسرائیلی طیاروں نے غزہ کی پٹی پر بمباری کی جس سے تین فلسطینی زخمی ہوگئے۔

    تفصیلات کےمطابق اسرائیلی پارلیمنٹ نے غرب اردن میں نجی ملکیت کی حامل فلسطینی زمین پر یہودی آبادکاروں کے لیے چار ہزار مکانات کی تعمیر کامتنازعہ قانون منظور کر لیا ہے۔

    اسرائیلی پارلیمان میں اس قانون کے حق میں60جبکہ مخالفت میں 52 ووٹ ڈالے گئے۔اس قانون کی منظوری کے بعد اسرائیل کو فلسطین سمیت عالمی برادری کی جانب سے تنقید کا سامنا کرنا پڑ سکتا ہے۔

    دوسری جانب اسرائیلی اٹارنی جنرل اویچائے مینڈلبلٹ نے اس بل کو غیرآئینی قرار دیا ہےاور ان کا کہنا ہے کہ وہ سپریم کورٹ میں اس کا دفاع نہیں کریں گے۔

    مزید پڑھیں:اسرائیل کا مقبوضہ مغربی کنارے میں مزید300گھروں کی تعمیر کا اعلان

    حزب اختلاف کےرہنماؤں کاکہنا ہے کہ سلامتی کونسل یہودی بستیوں کی تعمیر کے خلاف قرارداد پاس کرچکی ہے۔اگرپارلیمنٹ کے فیصلے پرعملدرآمد ہواتو عالمی برادری اس کو بین الاقوامی عدالت انصاف میں چیلنج کرسکتی ہے۔

    یاد رہے کہ اسرائیل نے حال ہی میں اعلان کیا تھا کہ وہ مقبوضہ مغربی کنارے پر 2500 مکانات پر مشتمل مزید یہودی بستیاں تعمیر کرے گا۔

    اس سے قبل امریکی صدر ڈونلڈ ٹرمپ نےبھی اشارہ دیا تھا کہ وہ ان یہودی بستیوں کے لیے ہمدردی رکھتے ہیں۔انہوں نےاپنی انتخابی مہم میں یہ بھی کہا تھا کہ وہ یروشلم کو اسرائیل کا دارالحکومت تسلیم کریں گے۔

    واضح رہے کہ 1967 میں اسرائیل کی جانب سے مغربی کنارے اور مشرقی یروشلم پر قبضے کے بعد سے یہاں تعمیر ہونے والے 140 بستیوں میں پانچ لاکھ کے قریب غیر قانونی یہودی آباد ہیں۔

  • پاکستان اسٹیل کوتیس سال کیلئے لیزپردینے کی منظوری

    پاکستان اسٹیل کوتیس سال کیلئے لیزپردینے کی منظوری

    اسلام آباد : نجکاری کمیشن نے پاکستان اسٹیل کو تیس سال کیلئے لیز پر دینے کی منظوری دے دی۔ کئی ہزار ملازمین کو فارغ کرنے کیلئے وی آر ایف اسکیم لائی جائے گی۔ اُو جی ڈی سی ایل کے پانچ فیصد شئیرز اور ایس ایم ای بینک بھی فروخت کرنے کا فیصلہ ہوگیا۔

    تفصیلات کے مطابق اسلام آباد میں نجکاری بورڈ کے چیئرمین نجکاری کمیشن محمد زبیر کی زیرصدارت اجلاس منعقد ہوا، نجکاری بورڈ نے پاکستان اسٹیل ملز کو لیز پر دینے اور انشورنس کمپنی کی نجکاری کی منظوری دے دی ہے۔

    اجلاس کے فیصلوں کی حتمی منظوری کابینہ کی نجکاری کمیٹی آئندہ ہفتے دے گی۔ نجکاری کمیشن بورڈ نے پاکستان اسٹیل ملز کو 30 سال کیلئے لیز پر دینے کی منظوری دے دی ہے۔ اُو جی ڈی سی ایل کے5 فیصد شئیرز اسٹاک ایکسچینج کے ذریعے جبکہ اسمال اینڈ میڈیم انٹرپرائیزز بینک کو بھی فروخت کرنے کا فیصلہ کرلیا گیا ہے۔

    چئیرمین نجکاری کمیشن محمد زبیرکی زیرصدارت ہونے والےاجلاس کے فیصلوں کی حتمی منظوری کابینہ کی نجکاری کمیٹی آئندہ ہفتےدے گی۔

    ذرائع کےمطابق اسٹیل ملز کے اثاثوں پر حکومت کا اختیار برقرار رہیگا، نئی انتظامیہ اِن کو فروخت نہیں کرسکےگی۔ صرف مشینری ہینڈ اُوور کی جائیگی تاہم کئی ہزار ملازمین کو فارغ کرنےکیلئے وی آر ایف اسکیم لائی جائے گی۔

  • صدر کے اختیارات میں توسیع‘ترک پارلیمنٹ نے منظوری دے دی

    صدر کے اختیارات میں توسیع‘ترک پارلیمنٹ نے منظوری دے دی

    انقرہ : ترک پارلیمنٹ نےصدر کے اختیارات بڑھانے سے متعلق نئے قانون کی منظوری دے دی ہے۔

    تفصیلات کےمطابق ترکی کی پارلیمنٹ نے نئے قانون کی ابتدائی منظوری دے دی ہے جس کے تحت صدر کے اختیارات میں اضافی ہوجائےگا۔

    ترکی میں رواں ہفتے کے اختتام پر دوسرے مرحلے میں نئے قانون کے لیے ووٹنگ ہوگی اور منظوری کی صورت میں ریفرنڈم ہوگا۔

    ترک پارلمینٹ سے منظور ہونے والے نئے قانون کے متعلق ناقدین کا کہناہے کہ اس قانون کی مدد سے صدر اپنے اختیارات میں اضافہ کرنا چاہتے ہیں،جبکہ اردگان کا کہناہےکہ نیا قانون امریکہ اور فرانس کےمماثل ہوگا۔

    خیال رہےکہ نئے قانون کےمطابق ترک صدر کو وزرا کو ہٹانے اور منتخب کرنےسمیت یہ حق بھی حاصل ہوگا کہ وہ وزیراعظم کے عہدے کو ختم کردے اور نائب صدر کاعہدہ متعارف کرائیں۔

    یاد رہے کہ گزشتہ ہفتے ترک پارلیمنٹ میں سی ایچ پی اور حکمراں جماعت اے کے پی کے اراکین کے درمیان اس وقت ہاتھا پائی ہوئی جب اپوزیشن کے اراکین کی جانب سے سیشن کی ریکارڈنگ کی کوشش کی گئی تھی۔

    واضح رہےکہ گزشتہ روز رات گئے بل کی حتمی شقوں پر ابتدائی منظوری دی گئی،ریپبلکن پارٹی سی ایچ پی کی جانب سے نئے قانون کی شدید مخالفت کی تھی۔

  • وزیراعظم نے دیامر بھاشا ڈیم کے مالیاتی پلان کی منظوری دے دی

    وزیراعظم نے دیامر بھاشا ڈیم کے مالیاتی پلان کی منظوری دے دی

    اسلام آباد: وزیراعظم نوازشریف نے دیامر بھاشا ڈیم کے لیے فنڈز کی فراہمی کی منظوری دیتے ہوئے2017 کے آخر تک کام شروع کرنے کی ہدایت کر دی۔

    تفصیلات کےمطابق دیامربھاشاڈیم کامالیاتی پلان سیکرٹری پانی و بجلی نے وزیراعظم نواز شریف کو پیش کیا جس کی وزیراعظم نوازشریف نے منظوری دے دی۔

    سیکرٹری پانی و بجلی کی جانب سے وزیرعظم کو پیش کئے گئے پلان کے مطابق دیامر بھاشا ڈیم کی تعمیر کے لیے فنڈز سرکاری شعبے کے ترقیاتی پروگرام اور واپڈا کی آمدن سے فراہم کیے جائیں گے۔

    وزیر اعظم نےسیکریٹری خزانہ کوہدایات جارکرتے ہوئے کہا کہ مالیاتی تجاویز کو جلد حتمی شکل دی جائےاور آئندہ سال کےآخر تک ڈیم کی تعمیرشروع ہوجانی چاہیے۔

    وزیراعظم نوازشریف نے دیامر بھاشا ڈیم کے لیے اراضی حاصل کرنے پر وزارت اور گلگت بلتستان انتظامیہ کی کوششوں کو سراہا۔

    یاد رہے کہ اس سےقبل مشترکہ مفادات کونسل نے دیامر بھاشا ڈیم کی تعمیر کی منظوری 2009 میں دی تھی۔

    واضح رہے کہ دیامر بھاشا ڈیم میں 8.1 ملین ایکڑ فٹ پانی ذخیرہ کرنے کی گنجائش ہوگی جبکہ اس منصوبے سے4 ہزار 500میگا واٹ سستی بجلی بھی پیدا کی جاسکےگی۔

  • حکومت کی باکسر محمد وسیم کے لیے 3کروڑ کی گرانٹ

    حکومت کی باکسر محمد وسیم کے لیے 3کروڑ کی گرانٹ

    اسلام آباد: وفاقی حکومت نے ورلڈ سلور فلائی ویٹ چیمپیئن باکسر محمد وسیم کےلیے وزیراعظم کی منظوری کے بعد3کروڑ روپے کی گرانٹ مختص کر دی۔

    تفصیلات کےمطابق ڈی جی پاکستان اسپورٹس بورڈ اختر گنجیرا کا کہناہے کہ وفاقی حکومت کی جانب سے منظور کی گئی 3کروڑ کی گرانٹ محمد وسیم کی ٹریننگ، کوچ اور دوروں کے لیے ٹکٹ کی مدمیں استعمال ہوگی۔

    اختر نواز کا کہنا تھا کہ ہم وسیم کے ساتھ بیٹھ کر بات کریں گے اور اجلاس میں رقم کے استعمال کے طریقہ کار کو وضع کیا جائے گا جو وسیم کی خواہش پر ہوگا۔

    مزید پڑھیں:پاکستانی باکسر محمدوسیم نےفلپائنی باکسر کو شکست دے دی

    یاد رہے محمد وسیم نے گزشتہ ہفتے فلپائن کے گیمل میگرامو کو شکست دے کر ورلڈ باکسنگ کونسل سلور فلائی ویٹ کا کامیاب دفاع کیا تھا۔

    باکسر محمد وسیم نے سلور فلائی ویٹ کا دفاع کرنے کےبعد کہناتھاکہ اب آگے بہت بڑا مقابلہ ہوگا جس کے لیے انہیں مالی تعاون کی بہت ضرورت ہے جس کے لیے انہوں نے وفاقی اور صوبائی حکومت سے مدد کی درخواست کی تھی۔

    واضح رہے کہ ناقابل شکست رہنے والے محمد وسیم نے پروفیشنل کیرئیر میں اب تک پانچ مقابلوں میں حصہ لیا اور تمام مقابلوں میں چمپیئن رہے۔

  • اسپین میں امریکی فوجی اڈے کے قیام کی منظوری

    اسپین میں امریکی فوجی اڈے کے قیام کی منظوری

    سیول : اسپین کی حکومت نے افریقی بحران سے نمٹنے کے لئے اسپین کے شہر سیول میں ایک مستقل امریکی فوجی اڈے کے قیام کی منظوری دیدی ہے۔

    فوجی اڈے کے قیام کے حوالے سے ہونے والے معاہدے کے تحت امریکہ اسپین کے شہر سیول کے مورون ائیرپورٹ پر اپنے تین ہزار فوجی اور چالیس فوجی طیارے رکھ سکے گا۔

    امریکی وزیرِ خارجہ جان کیری پیر کو میڈرڈ پہنچ رہے ہیں، جہاں وہ اس تازہ ترین معاہدے پر دستخط کریں گے اور اسپین کے حکام سے ملاقاتیں کریں گے۔

    اسپین کے نائب وزیرِاعظم سوریا سنزسانتاماریہ کا کہنا ہے کہ اتنی بڑی فوج کا مقصد افریقہ، یورپ اور مشرق وسطی کے استحکام میں اپنا حصہ ادا کرنا ہے۔

  • حبیب بینک کےحکومتی حصص فروخت کرنےکی منظوری

    حبیب بینک کےحکومتی حصص فروخت کرنےکی منظوری

     کراچی : حبیب بینک کےحکومتی حصص صرف ایک سو اڑسٹھ روپےفی شئیر میں فروخت کرنےکی منظوری دیدی گئی ۔مارکیٹ میں حبیب بینک کے ایک شیئر کی قیمت اس سےکہیں زیادہ ہے۔

    تفصیلات کے مطابق تین روز تک کراچی اسٹاک مارکیٹس میں حبیب کےحصص کی فروخت کیلئےبک بلڈنگ کا عمل جاری رہا اورچیئرمین نجکاری کمیشن محمدزبیر نےہفتے کونیوز کانفرنس کرتےہوئےبتایاکہ حبیب بینک کے حصص کی فروخت کو ملکی و غیر ملکی سرمایہ کاروں کی بھرپور پزیرائی حاصل ہوئی۔ لیکن جس قیمت پر ایچ بی ایل کا شئیر بیچاگیا وہ توکچھ اور ہی کہانی سنا رہا ہے۔

    حکومت نےحبیب بینک میں اپنےبیالیس فیصد حصص بیچنے کا فیصلہ کیا۔۔جن کی تعداد 60 کروڑ 90 لاکھ شئیرز بنتی ہے۔ایچ بی ایل کا ایک شئیر 168روپےمیں فروخت کرنےکا فیصلہ کیاگیا۔

    وزیرخزانہ اسحاق ڈارکی زیرصدارت کابینہ کی نجکاری کمیٹی نے اس فیصلےکی منظوری دی۔۔168 روپےفی حصص کی یہ قیمت اسٹاک مارکیٹ میں حبیب بینک کی موجودہ قیمت سے 16روپےنیچے ہے۔

    جبکہ ملکی اسٹاک مارکیٹوں میں حبیب بینک کا شئیرگذشتہ دنوں 220 روپےتک بھی فروخت ہوتےدیکھاگیا۔اس کےعلاوہ اس ٹرانزیکشن سےقبل حکومت نے ایچ بی ایل کی فلور پرائس 166 روپےفی شیئر رکھی تھی۔

    جس سےصرف دو روپے اُوپر حبیب بینک کا شئیر فروخت کردیاگیا جو ڈیمانڈ سےزیادہ پیشکشیں ملنےکےحکومتی دعوی کےبرخلاف دکھائی دیتا ہے۔

    حبیب بینک کے60کروڑ90لاکھ شیئرز فروخت کئےجارہےہیں جس سےحکومت کو ایک ارب60کروڑڈالرکی رقم حاصل ہوگی۔یہ ملکی تاریخ کی سب سےبڑی نجکاری ٹرانزیکشن ہے۔