اسلام آباد: وفاقی دار الحکومت کے ہائی کورٹ میں آج ریاستی اداروں کے خلاف ہرزہ سرائی اور اکسانے کے کیس کی سماعت ہوئی، عدالت نے پی ٹی ایم کے رہنماؤں کو نوٹسز جاری کر دیے۔

تفصیلات کے مطابق اسلام آباد ہائی کورٹ میں ریاستی اداروں کے خلاف ہرزہ سرائی کیس کی سماعت ہوئی، عدالت میں پشتون تحفظ موومنٹ (پی ٹی ایم) پر پابندی کے لیے درخواست دی گئی تھی۔

وکیل درخواست گزار نے عدالت سے کہا کہ پی ٹی ایم رہنماؤں کے سوشل میڈیا اکاؤنٹس بند کرنے کا حکم جاری کیا جائے۔

بیرسٹر شعیب نے عدالت کو بتایا کہ پی ٹی ایم رجسٹرڈ سیاسی جماعت نہیں ہے، اور استدعا کی کہ اس پر پابندی عائد کی جائے۔

یہ بھی پڑھیں:  چند لوگ فاٹا میں امن اور ترقی کا عمل سبوتاژ کرنا چاہتے ہیں، شوکت یوسفزئی

عدالت نے سیکرٹری داخلہ، دفاع، اور قانون و انصاف کو نوٹسز جاری کر دیے، عدالت کی جانب سے پیمرا اور پی ٹی اے کو بھی نوٹسز کے ذریعے جواب طلب کر لیا گیا۔

اسلام آباد ہائی کورٹ نے پی ٹی ایم کے رہنماؤں منظور پشتین، ایم این اے محسن داوڑ، اور ایم این اے علی وزیر کو بھی نوٹس جاری کر دیے اور ان سے تحریری جواب طلب کر لیا۔

اسلام آباد ہائی کورٹ نے کیس کی سماعت 2 ہفتے تک ملتوی کر دی۔

پشاور: پشتون تحفظ موومنٹ (پی ٹی ایم) کا ایک اور ڈھونگ بے نقاب ہوگیا ہے، پشاور میں منعقدہ سانحہ اے پی ایس کی تقریب میں پاکستان مخالف نعرے لگائے گئے،  شہید بچوں کے والدین نے دھکے دے کر نکال دیا۔

تفصیلات کے مطابق پی ٹی ایم کی ملک مخالف سرگرمیاں پھر سامنے آئی ہیں، پشاور میں منعقدہ سانحہ اے پی ایس کی تقریب میں ملک مخالف نعرے لگائے گئے، پی ٹی ایم کے نعروں پر شہید بچوں کے والدین کا سخت ردعمل سامنے آیا ہے۔

سانحہ اے پی ایس کی تقریب میں بچوں کے والدین نے پی ٹی ایم کے کارکنوں کو دھکےدے کر نکال دیا، والدین نے کہا کہ اے پی ایس کی تقریب کو پی ٹی ایم کا پلیٹ فارم نہیں بننے دیں گے۔

شہید بچوں کے والدین نے پاک فوج کے حق میں نعرے لگائے اور ملک مخالف نعرے لگانے والے پی ٹی ایم کے کارکنان کو سخت ردعمل دے کر وہاں سے نکال دیا۔

شہدا کی یادمیں ختم نبوت چوک پرریلی

دوسری جانب سانحہ اے پی ایس کے شہدا کے یاد میں ختم نبوت چوک پر ریلی نکالی گئی، ریلی میں سینکڑوں کی تعداد میں شہری، سول سوسائٹی کے نمائندے شریک ہوئے۔

ریلی کے شرکا نے 170 فٹ لمبا قومی پرچم بھی لہرایا ہے، ریلی میں شریک شرکا نے پاک فوج کے حق میں نعرے لگائے، ریلی کے اختتام پر سانحہ اے پی ایس کے شہدا کے لیے دعا بھی کی گئی۔

شرکا کا کہنا تھا کہ پاک فوج کے جوان سرحدوں کی حفاظت اور عوام سکون کی نیند سوتے ہیں، منظور پشتین جیسے عناصر کو وقت آنے پر کیے کی سزا ملے گی۔

صوابی: پی ٹی ایم کی پاکستان دشمن سرگرمیاں جاری ہیں، صوابی کے جلسے میں قومی پرچم لے کر آنے والوں کو جلسہ گاہ سے نکال دیا گیا۔

تفصیلات کے مطابق صوابی کے جلسے میں ملک دشمن حرکت میں آگئے، سبز ہلاہلی پرچم برداشت نہ ہوا، پی ٹی ایم کے جلسے میں لال ٹوپی پہنے ٹولہ پرچم والوں کو دھکے دیتا اور بدتمیزی کرتا رہا۔

پاکستان مخالف پروپیگنڈے کا پرچار کرنے والے منظور پشتین کا ایجنڈا پھر سے بے نقاب ہوا ہے، جلسے میں پاک فوج کے حق میں نعرے لگانے والوں سے بھی بدتمیزی کی گئی اور دھکے دئیے گئے۔

مزید پڑھیں: کرنل شیر خان کے بھائی نے منظور پشتین کو مزار میں داخلے سے روک دیا

واضح رہے کہ گزشتہ روز منظور پشتین کی کرنل شیر خان کے مزار میں داخلے کی کوشش ناکام رہی تھی، شہید کے بھائی نے منظور پشتین کو کھری کھری سنائی اور مزار میں داخلے سے روک دیا تھا۔

کرنل شیر خان کے بھائی کا کہنا تھا کہ منظور پشتین پہلے کبھی کیپٹن کرنل شیرخان شہید کے مزار پر نہیں آئے۔ انھوں نے پشتین کو جواب دیا کہ ’تمھاری سرگرمیاں مشکوک ہیں۔‘

کرنل شیر خان کے بھائی نے منظور پشتین کو مخاطب کر کے کہا ’میں آپ کے وزیرستان بھی گیا ہوں، کرنل شیر کا بھائی ہوں، میں وزیرستان کے پٹھانوں کے ساتھ بھی رہا ہوں، میں نے ریڈیو پر وزیر ستان کے پٹھانوں کے حق کے لیے خود آواز اٹھائی ہے۔‘

خیال رہے کہ منظور پشتین پاک فوج اور دیگر اداروں کے خلاف اپنے جلسوں میں تقریریں کرتا رہا ہے، انھوں نے اپنے جلسوں میں پاکستانی پرچم لہرانے سے بھی روکا۔