میرپور: آزاد کشمیر جوائنٹ عوامی ایکشن کمیٹی کی مرکزی قیادت نے مظاہروں میں پُرتشدد واقعات سے لا تعلقی کا اظہار کر دیا ہے۔
تفصیلات کے مطابق آزاد کشمیر کے عوام اپنے حقوق کے لیے سراپا احتجاج بن گئے ہیں، مظفر آباد میں آج سستی بجلی، اور آٹے پر سبسڈی کے لیے ہڑتال کا تیسرا روز ہے۔
اس دوران مظاہروں میں پرتشدد واقعات بھی رونما ہوئے، اسلام گڑھ کے مقام پر عوامی ایکشن کمیٹی اور پولیس میں تصادم کے دوران فائرنگ سے سب انسپکٹر عدنان قریشی کی جان چلی گئی، متعدد مظاہرین کے بھی پولیس تشدد سے زخمی ہونے کے اطلاعات ہیں۔
مظفر آباد میں آج سستی بجلی، اور آٹے پر سبسڈی کے لیے ہڑتال کا تیسرا روز، انٹرنیٹ سروس بند
عوامی ایکشن کمیٹی کی مرکزی قیادت نے ایک بیان میں کہا ہے کہ پرتشدد واقعات سے ان کا کوئی تعلق نہیں ہے، کمیٹی کی مرکزی قیادت نے بھارت کے منفی پراپیگنڈے کو بھی بے نقاب کر دیا۔
وزیر اعظم آزاد کشمیر نے عوامی ایکشن کمیٹی کو مذاکرات کی دعوت دے دی
بیان میں کہا گیا ہے کہ جوائنٹ عوامی ایکشن کمیٹی کے تمام ارکان نے اس بات کا اعادہ کیا ہے کہ ہماری تحریک پُرامن تھی اور رہے گی، سوشل میڈیا پر پاکستان کے خلاف پراپیگنڈا قابل قبول نہیں، ہم پاکستانی ہیں اور پاکستان ہمارا ہے۔
کمیٹی کے ارکان نے کہا کہ مکار دشمن بھارت کا میڈیا مقبوضہ کشمیر میں مظالم کو دبانے کے لیے الزامات لگا رہا ہے جس کا حقیقت سے کوئی تعلق نہیں ہے، ہمارا جینا مرنا پاکستان کے ساتھ ہے۔
