کراچی: منوڑہ کے سمندر سے مزید ایک نوجوان کی لاش مل گئی، تعداد 3 ہو گئی ہے۔
تفصیلات کے مطابق کراچی میں منوڑہ کے سمندر سے مزید ایک نوجوان کی لاش ریسکیو ٹیم نے نکال لی، کل صبح سے اب تک سمندر سے ملنے والی لاشوں کی تعداد 3 ہو گئی ہے۔
ڈوبنے والے لڑکوں کی شناخت 15 سالہ انیس، 16 سالہ حسن اور 25 سالہ مبشر کے نام سے ہوئی ہے، ریسکیو ذرائع کا کہنا ہے کہ مزید ایک نوجوان کی تلاش کے لیے ریسکیو آپریشن جاری ہے۔
کراچی: شہر قائد کے جزیرے منوڑہ کے ساحل پر ایک بڑی مردہ وہیل پائی گئی ہے۔
اے آر وائی نیوز کے مطابق ماہی گیروں نے منوڑہ پر ایک 28 فٹ لمبی وہیل کو پایا، جو مردہ حالت میں ساحل پر لہروں میں بہہ کر آ گئی تھی۔
ماہی گیروں کا کہنا ہے کہ دھاری دار مردہ وہیل سات سے آٹھ فٹ چوڑی اور اٹھائیس فٹ سے زیادہ لمبی ہے، اور اسے وسر کہتے ہیں، منوڑہ سے اسے ماہی گیر ہی کھینچ کر فش ہاربر پر لے آئے ہیں۔
مردہ وہیل کے بارے میں کے پی ٹی اور محکمہ فشریز سمیت کسی متعلقہ ادارے کو تاحال خبر نہیں ہو سکی ہے، ماہی گیروں کا کہنا ہے کہ منوڑہ سے فش ہاربر تک 28 فٹ سے زائد لمبی مردہ وہیل کو کھینچ کر لایا گیا لیکن کسی ادارے نے نوٹس نہیں لیا۔
تمام ادارے بے خبر رہے اور ماہی گیر کسی ادارے کی مداخلت کے بغیر منوڑہ سے ایک عظیم الجثہ مچھلی کو کھینچ کر لے آئے۔
کراچی: منوڑہ بیچ پر ترقیاتی کام اور تزئین و آرائش مکمل ہو گیا، جلد عوام کے لیے کھولا جائے گا۔
تفصیلات کے مطابق منوڑہ بیچ پر ترقیاتی کام مکمل ہو گیا، ساحل کو خوب صورتی سے سجا دیا گیا ہے، ساحل پر اینٹوں کا ایک پلیٹ فارم بھی بنایا گیا ہے۔
منوڑہ بیچ پر بچوں کے لیے خوب صورت جھولے، دھوپ سے بچاؤ کی چھتریاں، کرسیاں، بینچز لگائی گئی ہیں، باتھ روم بھی بنائے گئے، ساحل پر رنگ برنگی خوب صورت لائٹس بھی نصب کر دی گئی ہیں، کھانے پینے کے اسٹالز بھی تعمیر ہو گئے۔
کے ڈی اے نے رواں سال منوڑہ ساحل کے ترقیاتی کاموں کا آغا کیا تھا، جو مکمل ہو گئے ہیں، وزیر اعلیٰ سندھ مراد علی شاہ ساحلی پروجیکٹ کا افتتاح ہفتے کی شام کو کریں گے۔
عوام کے منوڑہ بیچ پر پہنچنے کے لیے سندھ حکومت نے ماریپور سے سینڈزپٹ تک سڑک بھی تعمیر کر دی ہے، حکام کا کہنا ہے کہ منوڑہ بیچ کی جدید تعمیر سے سیاحت کو فروغ حاصل ہوگا۔
منوڑہ بیچ پر جدید منوڑہ بیچ ریزارٹ کی تعمیر کے لیے کنٹونمنٹ بورڈ نے نیلامی کا اشتہار بھی جاری کیا تھا، جدید بیچ ریزارٹ میں دو فلور پر مشتمل بلڈنگز بنائی جائیں گی اور گراؤنڈ فلور پر ٹک شاپس تعمیر کی جائیں گی۔
پانچ سالہ مدت کے لیے جدید بیچ ریزارٹ ایک نجی کمپنی بنا رہی ہے، انفرا اسٹرکچر کنٹونمنٹ بورڈ منوڑہ تعمیر کر کے نجی شعبے کے حوالے کر دے گی۔
کراچی میں منوڑہ جزیرہ کے قریب پکنک منانے والے 3 دوست ڈوب کر جاں بحق ہوگئے۔
تفصیلات کے مطابق واقعہ پی این ایس ہمالیہ کے قریب پیش آیا جہاں نہاتے ہوئے تین نوجوان بے رحم موجوں کی نذر ہوگئے۔
اطلاع ملنے پر رفاحی ادارے کے غوطہ خور پہنچ گئے اور رضاکاروں نے تینوں لاشوں کو سمندر سے نکال کرسول اسپتال منتقل کردیا۔
ڈوبنے والے نوجوانوں کی شناخت ملہار ، مہران خان اور فہد کے نام سے ہوئی ہے ،تینوں دوست ایک دوسرے کو بچاتے ہوئے ڈوبے۔
پولیس نے ضابطے کی کارروائی کے بعد لاشوں کو ورثاء کے حوالے کردیا ہے۔ متوفی فہد کے بھائی نے بتایا تینوں دوست مورو سے پکنک منانے آئے تھے اور ان کی لاشوں کو مورو منتقل کیا جارہاہے۔
کراچی: پاک بحریہ کی جانب سے تفریحی مقام منوڑہ کے ساحل پر صفائی اور شجر کاری مہم چلائی گئی، جس میں طلبہ اور اساتذہ نے بھی بھرپور شرکت کی۔
تفصیلات کے مطابق پاک بحریہ نے منوڑہ کے ساحل پر صفائی اور شجر کاری مہم چلائی، مہم کے دوران ساحل سے کچرا اٹھایا گیا اور شجر کاری کی گئی۔
پاک بحریہ کے ترجمان نے بتایا کہ صفائی مہم میں ڈاؤ میڈیکل یونی ورسٹی کے طلبہ اور اساتذہ نے بھی شرکت، مہم کا مقصد شجر کاری اور صفائی سے متعلق شعور اجاگر کرنا تھا۔
ترجمان پاک بحریہ کے مطابق مہم کے دوران ایک تقریب بھی منعقد کی گئی جس کے مہمان خصوصی کمانڈنٹ پاکستان نیول اکیڈمی کموڈور وقار محمد تھے۔
یہ بھی پڑھیں: ساحلی علاقوں میں پاک بحریہ کی شجر کاری مہم کا آغاز
کموڈور وقار نے تقریب سے خطاب کرتے ہوئے کہا کہ پاک بحریہ نے پوری ساحلی پٹی پر جنگلات کے احیا کا بیڑا اٹھایا ہے۔
ان کا کہنا تھا کہ ماحولیاتی تبدیلی سے نمٹنے میں جنگلات کا انتہائی اہم کردار ہے، آبی ماحول کے تحفظ میں بھی جنگلات اہم کردار ادا کرتے ہیں۔
خیال رہے کہ پاک بحریہ کے زیر اہتمام ساحلی علاقوں میں شجر کاری مہم 2019 کا آغاز کر دیا گیا ہے۔ پاک بحریہ کے سربراہ ایڈمرل ظفر محمود عباسی کا کہنا ہے کہ پاک بحریہ سندھ اور بلوچستان کے ساحلی علاقوں میں اب تک 4 ملین مینگرووز کے پودے اگا چکی ہے۔