Tag: منڈی بہاؤالدین

پھالیہ: منڈی بہاؤالدین کے شہر پھالیہ میں 12 سال کے ایک بچے کے قتل کیس میں پولیس نے ملزم کو گرفتار کر لیا۔

تفصیلات کے مطابق پھالیہ میں بارہ سالہ بچے کو کچرا اٹھانے کے تنازع پر قتل کرنے والے ملزم امیر گل کو منڈی بہاؤالدین پولیس نے گرفتار کر لیا۔

پولیس کا کہنا ہے کہ مقتول صدر گل کچرا اٹھاتا تھا، ایک ہفتہ قبل اسے قتل کیا گیا، یہ اندھے قتل کا واقعہ تھا کیوں کہ قاتل کا کچھ اتا پتا نہیں تھا، قتل کا واقعہ موضع کیلو میں پیش آیا تھا۔

ڈسٹرکٹ پولیس آفیسر منڈی بہاؤالدین ناصر سیال کا کہنا ہے کہ پولیس نے قتل رپورٹ ہونے کے بعد تفتیش شروع کی آخر کار بچے کے قاتل کا سراغ مل گیا، معلوم ہوا کہ مقتول صدر گل کو کوڑا اٹھانے کے تنازع پر قتل کیا گیا۔

ڈی پی او کا کہنا ہے کہ کیلو کے بانس کے کھیت میں ملزم امیر گل نے صدر گل کو سر کچل کر مارا، یہ بھی معلوم ہوا کہ ملزم امیر گل مقتول کا رشتہ دار ہے، ملزم کا مقتول کے ساتھ کچرے کی تقسیم پر جھگڑا ہوا تھا۔

ڈی پی او ناصر سیال نے بتایا کہ اس اندھے قتل کیس میں ملزم کو سی آئی اے پولیس نے گرفتار کیا۔

ملتان: وزیر خارجہ شاہ محمود قریشی نے کہا ہے کہ مریم نواز کو منڈی بہاؤ الدین میں جلسے سے نہیں روکا گیا۔

تفصیلات کے مطابق ملتان میں وزیر خارجہ شاہ محمود قریشی نے میڈیا سے گفتگو کرتے ہوئے کہا کہ مریم نواز کو منڈی بہاؤ الدین میں جلسے سے نہیں روکا گیا، انھیں سیکورٹی وجوہ پر جلسے کی جگہ تبدیل کرنے کا کہا گیا۔

شاہ محمود قریشی کا کہنا تھا کہ جس ویڈیو کا ذکر ہو رہا ہے جج صاحب نے اس کی نفی کر دی ہے، تاہم ویڈیو کی فرانزک ہو جائے تو دودھ کا دودھ اور پانی کا پانی ہو جائے گا۔

یہ بھی پڑھیں:  سیکیورٹی خدشات کے باوجود مریم نواز منڈٰی بہاالدین میں جلسہ کرنے پر بضد

وزیر خارجہ نے کہا کہ ن لیگ کی مزید ویڈیوز کی بات مفروضوں پر مشتمل ہے، اس لیے اس پر بات نہیں کروں گا، جج کے بیان کے بعد ویڈیو کی کوئی حیثیت نہیں رہی۔

خیال رہے کہ گزشتہ روز منڈی بہاؤالدین انتظامیہ نے سیکورٹی خدشات پر ن لیگ کو قائد اعظم اسٹیڈیم جلسے کی اجازت دینے سے انکار کر دیا تھا جب کہ مریم نواز نے ہر صورت جلسہ منعقد کرنے کا اعلان کیا تھا۔

یہ بھی پڑھیں:  مریم نواز احتساب عدالت کے جج کی مبینہ ویڈیو سامنے لے آئیں

مریم نواز کی جانب سے جاری کردہ احتساب عدالت کے جج ارشد ملک کی مبینہ ویڈیو میں کہا گیا تھا کہ نواز شریف کے ساتھ زیادتی اور نا انصافی ہوئی۔ یہ مبینہ ویڈیو جج ارشد ملک اور ناصر بٹ نامی شخص کی ہے۔

منڈی بہاؤالدین: پاکستان تحریک انصاف آج منڈی بہاؤالدین میں عوامی طاقت کا مظاہرہ کرےگی۔ جلسے سے چیئرمین پی ٹی آئی عمران خان خطاب کریں گے۔

تفصیلات کے مطابق پاکستان تحریک انصاف کا جلسہ آج منڈی بہاؤالدین کے قائداعظم گراؤنڈ میں ہوگا۔ عمران خان سمیت پارٹی کے دیگر رہنما جلسے سے خطاب کریں گے۔

قائداعظم گراؤنڈ میں مرکزی اسٹیج بنا دیا گیا، کرسیا ں لگا دی گئی ہیں جبکہ گراؤنڈ کےاطراف عمارتوں پرعمران خان و دیگررہنماؤں کی تصاویرلگا دی گئیں۔

ڈپٹی کمشنر کا کہنا ہے کہ جلسہ گاہ میں واک تھروگیٹ نصب کر دیے گئے ہیں، جلسےکی سیکیورٹی پر400 پولیس افسران و اہلکارتعینات کیے گئے ہیں۔

جلسےکی سیکیورٹی کے لیے ڈی پی او آفس میں کنٹرول روم قائم کیا گیا ہے، سی سی ٹی وی کیمروں سے جلسہ گاہ کی مانیٹرنگ کی جائے گی۔

ایک بھائی مظلوم بنتا ہے، دوسرے نے پنجاب پولیس کو ڈاکیا بنادیا، عمران خان

یاد رہے کہ گزشتہ روز میانوالی میں تحریک انصاف کے چیئرمین عمران خان کا کہنا تھا کہ دونوں بھائیوں میں سے ایک مظلوم اورمعصوم بن جاتا ہے کہ مجھےکیوں نکالا، دوسرا بھائی ایسے ڈرامے کرتا ہے کہ لوگ حیران رہ جاتے ہیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

منڈی بہاؤالدین: پولیس نے مقامی پھولن دیوی کو گرفتار کر کے لوٹا ہوا سونا اور نقدی برآمد کر لی۔

سٹی تھانہ منڈی بہاؤالدین نے گھروں میں گھس کر چھری کی نوک پر وارداتیں کرنے والی انصر بی بی عرف پھولن دیوی کو گرفتار کر لیا، ملزمہ پانی پینے کے بہانے گھروں میں گھس کر وارداتیں کرتی تھی۔

ڈکیت خاتون کی گرفتاری کیلئے ڈی پی او نے خصوصی ٹیم تشکیل دی، جس نے کوٹ احمد شاہ کی رہائشی انصر بی بی کو گرفتار کر کے اس سے نقدی او ر لوٹا ہوا سونا برآمد کر لیا۔