Tag: منکی پاکس کا خطرہ

اسلام آباد : منکی پاکس کے پھیلاو کے پیش نظر بیرون ملک سے پاکستان آنے والی پروازوں کے لئے نئی گائیڈ لائنز جاری کردی گئیں۔

تفصیلات کے مطابق منکی پاکس وائرس کی روک تھام کے سلسلے میں ائیرپورٹس کیلئے نئی گائیڈ لائنز جاری کردی گئیں۔

گائیڈ لائنز میں کہا گیا ہے کہ ائیرپورٹس پرمحکمہ بارڈر ہیلتھ سروسز مسافروں کی اسکریننگ، آئسولیشن اقدامات پر عمل درآمد کرائے گا جب کہ بیرون ملک سے پاکستان آنے والی پروازوں کے عملے کی بھی اسکریننگ لازمی قرار دی گئی ہے۔

گائیڈ لائنز میں کہنا ہے کہ اے ایس ایف ائیرپورٹس پر قائم آئسولیشن ایریاز پرسکیورٹی فراہم کرے گا جبکہ ایف آئی اے امیگریشن مسافروں کی تفصیل فراہم کرنے کا پابند ہوگا۔

گائیڈ لائنز کے مطابق ایف آئی اے ہیلتھ کلیئرنس کےبغیرغیرملکی کوآن آرئیول ویزا جاری نہیں کرے گا اور ایف آئی اے مسافروں کی معلومات ہیلتھ اتھارٹیز کو فراہم کرنے کا پابند ہوگا۔

مسافروں کے لگیج سے متعلق کسٹم کو ہیلتھ حکام سے کلیئرنس لازمی لینا ہوگی، تمام ائیرلائنز اپنے مسافروں کو ماسک فراہم کرنے کا پابند ہوگا۔

کراچی : منکی پاکس کے خطرے کے پیش نظر بیرون ملک سے آنے والی تمام ایئرلائنز کو نئی ہدایت جاری کردی گئی۔

تفصیلات کے مطابق منکی پاکس وائرس کی روک تھام کے لئے سول ایوی ایشن نے بیرون ملک سےآنے والی تمام ایئرلائنز کو نئی ہدایت جاری کردیں۔

جس میں کہا گیا ہے کہ ایئرلائنز تمام مسافروں کوفیس ماسک فراہم کریں جبکہ عالمی ایئرلائنز،گراؤنڈ ہینڈلنگ سروس دینےوالی کمپنیز عملہ فیس ماسک لازمی پہنیں۔

سی اے اے نے ایئرپورٹس عملے اور مسافروں کو ہینڈسینیٹائز استعمال کرنےکی ہدایت کرتے ہوئے کہا کہ بیرون ملک سے آنیوالے مسافروں کے سامان کو بھی ڈس انفیکٹ کیا جائے۔

منکی پاکس علامات والے مسافروں کوبارڈرہیلتھ سروسزکی ہدایت کےتحت آئیسولیٹ کیا جائے۔

دوسری جانب کراچی ایئرپورٹ پربیرون ملک سےآنیوالےمسافروں کی طبی جانچ جاری ہے ، 22 سے زائد پروازوں کے مسافروں کی اسکریننگ اور طبی جانچ کی گئی۔

فوکل پرسن محکمہ صحت ڈاکٹرظفر مہدی نے کہا کہ کسی مسافر میں وائرس  کی علامات سامنے نہیں آئیں، 20سے زائد ڈاکٹر ،پیرا میڈیکل عملہ فرائض انجام دے رہا ہے۔

ان کا کہنا تھا کہ ایئرپورٹ پرمشتبہ مسافرکی جانچ کیلئے علیحدہ روم بھی بنائے گئے ہیں، محکمہ صحت سندھ کی ٹیمیں 24گھنٹے فرائض انجام دے رہی ہیں۔

اسلام آباد : عالمی ادارہ صحت  نے منکی پاکس کی روک تھام سے متعلق پاکستانی ایئرپورٹس پر حفاظتی اقدامات پر اظہار اطمینان کیا۔

تفصیلات کے مطابق عالمی ادارہ صحت کی ٹیم نے اسلام آباد انٹرنیشنل ائیرپورٹ کا دورہ کیا اور ائیرپورٹ پرمنکی پاکس کی روک تھام کے اقدامات کا جائزہ لیا۔

ٹیم کی سربراہی ورلڈہیلتھ آرگنائزیشن کےکنٹری ہیڈڈاکٹرماہی پیلانےکی ، دورے کے دوران ڈبلیوایچ اوکی ٹیم نےمنکی پاکس کے پھیلاؤ کی روک تھام کیلئے اقدامات کا معائنہ کیا۔

ٹیم نے بیرون ملک سے آنے والوں کی طبی جا نچ پڑتال اور اسکریننگ عمل کا بھی مشاہدہ کیا

اس کے علاوہ ڈبلیوایچ او کی ٹیم نے اسلام آبادائیرپورٹ کےمختلف لاؤنجزکادورہ بھی کیا ،جہاں ائیرپورٹ میجرنےٹیم کوائیرپورٹ پرکئے گئے انتظامات سےمتعلق بریفنگ دی۔

ڈبلیوایچ اوٹیم نے منکی پاکس کی روک تھام سے متعلق حفاظتی اقدامات پر اظہار اطمینان کیا۔