Tag: منکی پاکس

اسلام آباد : وزیرِ اعظم کے کوآرڈینیٹر برائے صحت ڈاکٹر ملک مختار احمد نے منکی پاکس کے پھیلاو، علامات اور تشخیص کے حوالے سے بتادیا۔

تفصیلات کے مطابق وزیرِ اعظم کے کوآرڈینیٹر برائے صحت ڈاکٹر ملک مختار احمد نے پریس کانفرنس کرتے ہوئے بتایا منکی پاکس کی جنوبی افریقہ کے انسانوں میں تشخیص 1970میں ہوئی، وزیراعظم کی زیرصدارت ایم پاکس سے متعلق اجلاس ہوا۔

ملک مختاراحمد نے بتایا کہ کے پی حکومت نےٹیسٹ کیاتوایم پاکس پوزیٹونکلا، آج تک دنیامیں99ہزارلوگوں میں ایم پاکس پوزیٹو نکلا ہے۔

ان کا کہنا تھا کہ ایم پاکس کی تشخیص کرناتھوڑاسامشکل ہے، اس کی علامات میں بخار،جسم میں درد،غدودوں کا بڑھ جانا شامل ہیں۔

وزیرِ اعظم کے کوآرڈینیٹر نے کہا کہ اگرکسی میں علامات ظاہرہوں تو اسے آئیسولیٹ ہوناچاہیے، آپ کسی ایم پاکس مریض کےپاس دیرتک بیٹھےرہیں توآپ کوبھی ہوسکتاہے، ایم پاکس کی ٹریٹمنٹ ہےکہ مریض کوآئیسولیٹ کر دیا جائے۔

ان کا کہنا تھا کہ اگرکسی فیملی ممبرمیں علامات آتی ہیں توآئیسولیٹ ہوجاناچاہئے، پیراسٹامول بخارکی صورت میں کھائیں۔

ملک مختاراحمد نے بتایا کہ ٹیسٹنگ لیبارٹریز،کٹ اورادویات کےحوالےسےبریفنگ دی گئی، وزیراعظم کو ایئرپورٹس اور بارڈر پر انتظامات کےحوالے آگاہ کیاگیا۔

انھون نے کہا کہ ایئرپورٹس پرکہہ دیاگیاہےجوبھی باہرسےآرہےہیں انہیں چیک کیاجائے، جن کےپیارےٹریول کرکے باہر سے آرہےہیں ان پرنظررکھیں،ان میں علامات ہیں توآئیسولیٹ کردیں۔

کیسز کے حوالے سے ان کا کہنا تھا کہ پاکستان میں اب تک ایم پاکس کے11کیس رپورٹ ہوئے، ان میں سےایک کا انتقال ہوالیکن اسے ایچ آئی وی ایڈزتھا، جن لوگوں میں یہ علامات ہونگیں انہیں فوری رپورٹ کیاجائےگا اور اس مریض کا مکمل فالواپ رکھاجائےگااورٹریولنگ ہسٹری دیکھی جائےگی۔

انھوں نے مزید بتایا کہ پنجاب میں4کےپی میں3کیسزپازیٹوآئےہیں، اسلام آبادمیں2ایک بلوچستان اورایک سندھ کاکیس ہے، زیادہ تر جو پازیٹو آئے وہ گلف ممالک سےآئےتھے، ڈبلیوایچ اونے ابھی تک کووڈٹائپ کی کوئی ایمرجنسی نافذنہیں کی۔

وزیرِ اعظم کے کوآرڈینیٹر کا کہنا تھا کہ اس وقت پاکستان کےپاس ایک ہزارٹیسٹ کٹ موجودہیں، عام لیب سےایم پاکس کاٹیسٹ نہیں کرایا جاسکتا بائیو سیفٹی کاخیال رکھنا ہوتا ہے۔

انھوں نے بتایا کہ کوروناہواکےذریعےپھیل رہاتھاایم پاکس ہواسے نہیں پھیلتا، ایم پاکس مختلف وائرس ہے اس کا کورونا سےکوئی تعلق نہیں۔

پشاور : ڈائریکٹر پبلک ہیلتھ ڈاکٹر ارشاد روغانی کا کہنا ہے کہ منکی پاکس سے شرح اموات 3.6 سے 10.6 فیصد تک ہے۔

تفصیلات کے مطابق ڈائریکٹر پبلک ہیلتھ ڈاکٹر ارشاد روغانی نے اپنے بیان میں کہا کہ ڈبلیوایچ او کے مطابق منکی پاکس میں شرح اموات 3.6 سے 10.6 فیصد تک ہے۔

ڈاکٹرارشادروغانی کا کہنا تھا کہ اس وائرس  سے متاثرہ شخص خود کو آئسولیٹ کرے، متاثرہ شخص کو 21 روز تک دوسرے لوگوں سے نہیں ملنا چاہیے۔

انھوں نے بتایا کہ پولیس سروسز اسپتال کے آئسولیشن وارڈکو منکی پاکس کےمریضوں کیلئےمختص کردیا، ضرورت کےمطابق وارڈمیں بیڈزکی تعدادبڑھائی جائےگی.

خیال رہے خیبرپختونخوا میں رواں ہفتے اس وائرس  کےایک کیس کی تصدیق ہوئی، تاہم مردان سےتعلق رکھنےوالامریض غائب ہوگیا۔

ڈی ایچ او مردان ڈاکٹرجاویداقبال کا کہنا ہے میڈیکل ٹیم مریض کےگھرپہنچی تووہاں تالا لگا ہواتھا اور مریض کا آبائی علاقے دیرمیں بھی گھربند ہے، متاثرہ شخص خلیجی ملک سےآیا تھا۔

ڈائریکٹرپبلک ہیلتھ کے پی ارشاد روغانی نے کہا تھا کہ صوبےمیں اب تک اس وائرس کےتین کیسز کی تصدیق ہوچکی ہے، ایک کیس دوہزاربائیس اوردوسرا دوہزار تیئیس میں سامنے آیاتھا۔

کراچی : منکی پاکس کی وبا کو روکنے کیلئے حکومتی کوششیں جاری ہے، صورتحال کے پیش نظر ملک بھر کے ائیرپورٹس پر بیرون ملک سے آنے والے مسافروں کی اسکریننگ کا عمل شروع کردیا گیا۔

تفصیلات کے مطابق منکی پاکس وائرس کے پھیلاؤ کے معاملے پر پاکستان میں تمام انٹری پوائنٹس پر کڑی نگرانی اوراحتیاطی تدابیر کے لیے بارڈرہیلتھ سروسز پاکستان نے اقدامات تیزکردیےاور متعلقہ اداروں کو احکامات بھی جاری کردیے۔

منکی پاکس کی وبا روکنے کیلئے ہوائی اڈوں سمیت تمام انٹری پوائنٹس پراسکریننگ کے لیے انتظامات مکمل کر لیے گئے ہیں، بین الاقوامی پروازوں سے پاکستان آنے والے مسافروں کی اسکریننگ کا عمل شروع کردیا گیا ہے۔

تاہم منکی پاکس کو بین الاقوامی وباقراردینےکے باوجودبیرون سے آنے والے جہازوں میں ڈس انفیکشن اسپرے شروع نہیں کیا گیا۔

ائیرپورٹ مینیجر،ڈی جی ہیلتھ سندھ اورڈائریکٹرائیرپورٹ ہیلتھ سروسز نے جناح انٹرنیشنل کادورہ کیا اورانتظامات کاجائزہ لیا۔

مشتبہ زخموں یا اس سے منسلک علامات کے حامل مسافر کو آئسولیٹ کرنے اور رپورٹ کرنے کی ہدایات کی ہے۔

فوکل پرسن ایئرپورٹ ڈاکٹر سید ظفر مہدی نے بتایا کہ بیرون ملک سے آنیوالے مسافروں کی مکمل طبی جانچ پڑتال کی جارہی ہے اور :سیکریٹری ہیلتھ نےایئرپورٹ پر 2ایمبولینس فراہم کردیں، ایئرپورٹ پرڈاکٹر،پیرامیڈیکل اسٹاف 24گھنٹےموجودہے۔

ترجمان پی اے اے کا کہنا تھا کہ ائیرپورٹ انتظامیہ این سی اوسی کی ہدایات پرعمل درآمد کویقینی بنارہی ہے، مشتبہ مسافروں کے لئے بارڈر ہیلتھ سروسز کا ائیسولیشن روم قائم کیا گیا ہے۔